কপৌ ফুল

অসমীয়া ৱিকিপিডিয়াৰ পৰা
(কপৌফুলৰ পৰা পুনঃনিৰ্দেশিত)
Jump to navigation Jump to search
কপৌ ফুল
জীৱবৈজ্ঞানিক শ্ৰেণীবিভাজন
জগৎ/ৰাজ্য: Plantae
বৰ্গ: Asparagales
পৰিয়াল: Orchidaceae
উপপৰিয়াল: Epidendroideae
গোত্ৰ: Vandeae
Subtribe: Aeridinae
গণ: Rhynchostylis
প্ৰজাতি: R. retusa
বৈজ্ঞানিক নাম
Rhynchostylis retusa

কপৌ ফুল' (ইংৰাজী: Foxtail Orchid, বৈজ্ঞানিক নাম: Rhynchostylis retusa) এবিধ ভান্দা গোটৰ আকৰ্ষক অৰ্কিড প্ৰজাতি। এই অৰ্কিডৰ ফুল বিলাক প্ৰায় এশতকৈয়ো অধিক বগা ৰঙৰ ওপৰত গুলপীয়া ফুট ফুট থকা ফুলৰ এক সমষ্টিৰ ৰূপত পোৱা যায়।

স্থানীয় নাম সমূহ[সম্পাদনা কৰক]

  • ব্লান্ট ৰাইনক'ষ্টাইলিচ (Blunt Rhynchostylis)
  • ছিনটাৰানামু (Chintaranamu)
  • ফক্সটেইল অৰ্কিড (Foxtail orchid)
  • কপৌ ফুল (kapau phool)
  • যুৱান হুই লান (Zuan Hui Lan)
  • আই য়া ৰেচ (Ai Ya Res (Thai))

বিস্তৃতি[সম্পাদনা কৰক]

কপৌ ফুল, ওচৰৰ পৰা

এই অৰ্কিড অৰ্ধ পৰ্ণপাতী আৰু নিম্ন উচ্চতাৰ শুকান পৰ্ণপাতী অৰণ্য সমুহত ভূ-ভাগৰ উচ্চতা সাগৰপৃষ্ঠৰ পৰা আৰম্ভ কৰি প্ৰায় ১৩০০ মিটাৰ লৈকে পোৱা যায়। ইহঁতৰ ভৌগলিক বিস্তৃতি বাংলাদেশ, বেনিন, বাৰ্মা, কম্বোডিয়া, চীন, ভাৰত, ইন্দোনেচিয়া, লাওচ, মালয়েছিয়া, নেপাল, ফিলিপাইন, চিংগাপ'ৰ, শ্ৰীলংকা, থাইলেণ্ড আৰু ভিয়েটনামলৈকে বিয়পি আছে।[1][2]

ভাৰতত এই উদ্ভিদ ঘাইকৈ উত্তৰ পূৰ্বাঞ্চল, উৰিষ্যা আৰু অন্ধ্ৰ প্ৰদেশত পোৱা যায়। বায়'-পাইৰেছীৰ কবলত পৰি এই উদ্ভিদ এতিয়া ভাৰতত লুপ্ত হোৱাৰ পথত। কপৌ ফুলক অসম আৰু অৰুণাচল প্ৰদেশৰ ৰাজ্যিক ফুল হিচাপে মান্যতা দিয়া হৈছে।

যত্ন[সম্পাদনা কৰক]

এই উদ্ভিদৰ বাবে সম পৰিমাণত জলযোগান আৰু গোটেই বছৰত সম পৰিমাণত সাৰৰ প্ৰয়োগৰ প্ৰয়োজন।[1] যদিহে পাত বোৰ বেছিকৈ তিতি থাকে তেতিয়াহলে মৰি যোৱাৰ সম্ভাৱনা থাকে। ইহঁতে পৰোক্ষ পোহৰ পছন্দ কৰে। ফুল সাধাৰণতে বসন্তৰ শেষৰ ফালে ফুলে।[3]

ব্যৱহাৰ[সম্পাদনা কৰক]

অসমত পোৱা কপৌ ফুলৰ এজোপা গছ, ফুলৰ সৈতে

ঔষধিয় গুণৰ বাবে এই উদ্ভিদ কটা-ছিঙা, ঘা আদিৰ চিকিৎসাত ব্যৱহাৰ কৰা হয়।

অসমত এই অৰ্কিড খুব জনপ্ৰিয় আৰু অসমীয়া ব'হাগ বিহুৰ লগত ওতঃপ্ৰোত সমন্ধ আছে। বিহু নাচিবৰ বাবে বিহুৱতীৰ মূৰৰ খোপাত কপৌ ফুল ব্যৱহাৰ হয়। ডেকা- গাভৰু সকলে ইয়াক প্ৰেমৰ প্ৰতীক হিচাপে গণ্য কৰে। লগতে এই অৰ্কিডক উৰ্বৰতা আৰু সুখ সমৃদ্ধিৰ চিহ্ন হিচাপেও প্ৰক্ষেপ কৰা যায়। স্থানীয় লোকৰ বিবাহ অনুস্থানতো এই অৰ্কিডৰ ফুল ব্যৱহাৰ হয়। জনজীৱনৰ লগত ইয়াৰ ওতঃপ্ৰোত সমন্ধ আৰু গুৰুত্বৰ বাবে ইয়াক প্ৰায়ভাগ অসমীয়া পৰিয়ালৰ চৌহদত ৰোপন কৰা দেখা যায় আৰু লগতে ই অসমৰ ৰাজ্যিক ফুল হিচাপেও মান্যতা প্ৰাপ্ত।

তথ্য সংগ্ৰহ[সম্পাদনা কৰক]

  1. 1.0 1.1 "Rhynchostylis Retusa". Orchid Blooming. Retrieved on 2013-03-18.
  2. "Distribution - Rhynchostylis retusa". Tropicos.org. Retrieved on 2013-03-18.
  3. (1998-01-20). "Rhynchostylis page". Orchid Species.com. Retrieved on 2013-03-18.