ধ্ৰুৱজ্যোতি ফুকন

ধ্ৰুৱজ্যোতি ফুকন
২০১১ চনত ভাৰতৰ উপৰাষ্ট্ৰপতি হামিদ আনছাৰিৰ পৰা শ্ৰেষ্ঠ সংগীত পৰিচালকৰ ৰাষ্ট্ৰীয় চলচ্চিত্ৰ বঁটা গ্ৰহণ কৰি থকা অৱস্থাত ধ্ৰুৱজ্যোতি ফুকন
জন্ম	১৭ জুন, ১৯৬৪ (৬২ বছৰ) ডিব্ৰুগড়, অসম
ৰাষ্ট্ৰীয়তা	ভাৰতীয়
অন্য নাম	ডিজে ফুকন
শিক্ষা	যান্ত্ৰিক অভিযন্তা
শিক্ষানুষ্ঠান	অসম অভিযান্ত্ৰিক মহাবিদ্যালয়
পেচা	সংগীত পৰিচালক, সংগীত প্ৰযোজক, সংগীত ব্যৱস্থাপক, সংগীত পৰিদৰ্শক, আৱহ সংগীত পৰিচালক আৰু সংগীত প্ৰগ্ৰেমাৰ
সক্ৰিয় হৈ থকা সময়	১৯৮৯–বৰ্তমানলৈকে
দাম্পত্যসঙ্গী	শাশ্বতী ফুকন
পিতৃ-মাতৃ	অতুলানন্দ ফুকন অমিয়া ফুকন
সন্তান	শ্ৰেয়া ফুকন আয়ুসজ্যোতি ফুকন

ধ্ৰুৱজ্যোতি ফুকন এগৰাকী ভাৰতীয় সংগীত পৰিচালক, সংগীত প্ৰযোজক, সংগীত ব্যৱস্থাপক, সংগীত পৰিদৰ্শক, আৱহ সংগীত পৰিচালক আৰু সংগীত প্ৰগ্ৰেমাৰ। তেওঁ ঘাইকৈ হিন্দী আৰু অসমীয়া চলচ্চিত্ৰ জগতৰ লগত জড়িত। তেওঁক ডিজে ফুকন হিচাপে জনাজাত ধ্ৰুৱজ্যোতি ফুকনে বহুতো বঁটা আৰু সন্মান লাভ কৰিছে। হিন্দী চুটিছবি পনচক্কীৰ সংগীত পৰিচালনাৰ বাবে তেওঁ ২০১১ চনৰ অদৰ্শিত ছবিৰ শ্ৰেষ্ঠ সংগীত পৰিচালকৰ ৰাষ্ট্ৰীয় চলচ্চিত্ৰ বঁটা লাভ কৰিছিল।

প্ৰাৰম্ভিক জীৱন

১৯৬৪ চনৰ ১৭ জুন তাৰিখে অসমৰ ডিব্ৰুগড়ত ধ্ৰুৱজ্যোতি ফুকনৰ জন্ম হৈছিল। তেওঁৰ পিতৃ অতুলানন্দ ফুকন আৰু মাতৃ অমিয়া ফুকন। তেওঁ গুৱাহাটী বিশ্ববিদ্যালয়ৰ অন্তৰ্ভুক্ত অসম অভিযান্ত্ৰিক মহাবিদ্যালয়ৰ পৰা যান্ত্ৰিক অভিযান্ত্ৰিকীৰ স্নাতক ডিগ্ৰী লাভ কৰিছিল।

সংগীত পৰিচালক হিচাপে

২০০৩ চনত তেওঁ ৰবীনা টেণ্ডন প্ৰডাক্টচনৰ ছবি ষ্টাম্পডৰ জৰিয়তে প্ৰথমবাৰৰ বাবে সংগীত পৰিচালক হিচাপে আত্মপ্ৰকাশ কৰিছিল। হিন্দী চুটিছবি পনচক্কীৰ সংগীত পৰিচালনাৰ বাবে তেওঁ ২০১১ চনৰ অদৰ্শিত ছবিৰ শ্ৰেষ্ঠ সংগীত পৰিচালকৰ ৰাষ্ট্ৰীয় চলচ্চিত্ৰ বঁটা লাভ কৰিছিল। ২০১২ চনত ভাৰতৰ উপৰাষ্ট্ৰপতিৰ পৰা তেওঁ এই বঁটা গ্ৰহণ কৰিছিল। তেওঁ জাহ্নু বৰুৱাৰ বান্ধোন আৰু অজেয় চলচ্চিত্ৰৰ সংগীত পৰিচালনা কৰিছিল। দুয়োখন ছবিয়ে শ্ৰেষ্ঠ অসমীয়া ছবি'ৰ ৰাষ্ট্ৰীয় চলচ্চিত্ৰ বঁটা লাভ কৰিছিল।

ব্যক্তিগত জীৱন

১৯৯১ চনত ধ্ৰুৱজ্যোতি ফুকনে গায়িকা শাশ্বতী ফুকনৰ লগত বিবাহপাশত আবদ্ধ হয়। তেওঁলোকৰ কন্যা শ্ৰেয়া ফুকন আৰু পুত্ৰ আয়ুসজ্যোতি ফুকন।

বঁটা আৰু সন্মান

ধ্ৰুৱজ্যোতি ফুকনে বহুতো বঁটা আৰু সন্মান লাভ কৰিছে। উল্লেখযোগ্য সমূহ হ'ল:

সন্মান

চন	সন্মান
২০১০	নাট্যপ্ৰবৰ সাৰদাকান্ত বৰদলৈ আৰু শিল্পপ্ৰাণ চন্দ্ৰ ফুকন বঁটা সমিতিৰ শিল্পপ্ৰাণ চন্দ্ৰ ফুকন বঁটা
২০১০	অসম তথা ভাৰতৰ সংগীত ক্ষেত্ৰলৈ আগবঢ়োৱা অৱদানৰ বাবে অসমৰ মুখ্যমন্ত্ৰী তৰুণ গগৈ ডাঙৰীয়ায়ে তেওঁক শ্ৰীমন্ত শংকৰদেৱ কলাক্ষেত্ৰত সন্মানিত কৰে

বঁটা

চন	বঁটা	শ্ৰেণী	কাম	ফলাফল	উৎস
২০১০	মিৰ্ছি সংগীত বঁটা	শ্ৰেষ্ঠ প্ৰগ্ৰেমাৰ আৰু বৰ্ষশ্ৰেষ্ঠ সংগীত ব্যৱস্থাপক	ক্ৰুক ছবিৰ "মেৰে বিনা"	মনোনীত
২০১১	ৰাষ্ট্ৰীয় চলচ্চিত্ৰ বঁটা	অনা-কাহিনী ছবিৰ শ্ৰেষ্ঠ সংগীত পৰিচালক	পনচক্কী	বিজয়ী
২০১২	মিৰ্ছি সংগীত বঁটা	শ্ৰেষ্ঠ প্ৰগ্ৰেমাৰ আৰু বৰ্ষশ্ৰেষ্ঠ সংগীত ব্যৱস্থাপক	এজেণ্ট বিনোদ ছবিৰ "দিল মেৰা মুফ্ট কা"	বিজয়ী
২০১৩			য়ে জাৱানী হে দিৱানী ছবিৰ "বদটমিজ দিল"	বিজয়ী
২০১৫	গ্লোৱেল ইণ্ডিয়ান মিউজিক একাডেমী বঁটা	শ্ৰেষ্ঠ প্ৰগ্ৰেমাৰ আৰু সংগীত ব্যৱস্থাপক	এক ভিলেইন ছবিৰ "আৱাৰি"	মনোনীত
২০১৪	গ্লোৱেল ইণ্ডিয়ান মিউজিক একাডেমী বঁটা	শ্ৰেষ্ঠ প্ৰগ্ৰেমাৰ আৰু সংগীত ব্যৱস্থাপক	য়ে জাৱানী হে দিৱানী ছবিৰ "বদটমিজ দিল"	বিজয়ী
২০১৪	ৰেডিঅ' মিৰ্ছি সংগীত বঁটা	শ্ৰেষ্ঠ প্ৰগ্ৰেমাৰ আৰু সংগীত ব্যৱস্থাপক	ধুম-৩ ছবিৰ "কামলি"	মনোনীত
২০১৫	মিৰ্ছি সংগীত বঁটা	rowspan=5 | শ্ৰেষ্ঠ সংগীত প্ৰযোজক (প্ৰগ্ৰামিং আৰু এৰেঞ্জিং)	বজৰংগী ভাইজন ছবিৰ "চেল্ফি লে লে ৰে"	মনোনীত
২০১৬		ডংগল ছবিৰ "ঢাকৰ"
২০১৭		জব হেৰী মেট চেজল ছবিৰ "ঘৰ"
		জাগ্গা জাচুছ ছবিৰ "উল্লু কা পাত্থা"
		টিউবলাইট ছবিৰ "ৰেডিঅ'"