অজেয়

অসমীয়া ৱিকিপিডিয়াৰ পৰা
Jump to navigation Jump to search
অজেয়
(Invincible)
Ajeyo Theatrical poster.jpg
বোলছবিখনৰ প'ষ্টাৰ
পৰিচালক জাহ্নু বৰুৱা
প্ৰযোজক Shiven Arts, শংকৰ লাল গোৱেংকা
লেখক অৰুণ শৰ্মা
অভিনয়ত বিষ্ণু খাৰঘৰীয়া
ৰূপম চেতিয়া
কপিল বৰা
জুপিতৰা ভূঞা
ৰিম্পী দাস
মুনমী কলিতা
সৌৰভ হাজৰিকা
সংগীত পৰিচালক ধ্ৰৱজ্যোতি ফুকন
সম্পাদনা হিউৱেন বৰুৱা
মুক্তি ৩ জানুৱাৰী, ২০১৪
দৈৰ্ঘ্য ১১৬ মিনিট
দেশ  ভাৰত
ভাষা অসমীয়া ভাষা


অজেয় (ইংৰাজী: Invincible) জাহ্নু বৰুৱাৰ দ্বাৰা পৰিচালিত এখন অসমীয়া চলচ্চিত্ৰ। ২০১৪ চনৰ ৩ জানুৱাৰীত এই ছবিখনে মুক্তি পায়।[1] শিৱেন আৰ্টছৰ বেনাৰত নিৰ্মিত এই ছবিখনৰ প্ৰযোজক শংকৰ লাল গোৱেংকা। এই কথাছবিখনৰ কাহিনী অৰুণ শৰ্মাৰ ১৯৯৭ চনৰ সাহিত্য অকাদেমি বঁটা বিজয়ী আশীৰ্বাদৰ ৰং নামৰ উপন্যাসখনৰ পৰা লোৱা হৈছে।[2]

কাহিনী[সম্পাদনা কৰক]

অৰুণ শৰ্মাৰ ১৯৯৭ চনৰ সাহিত্য অকাদেমি বঁটা বিজয়ী উপন্যাস আশীৰ্বাদৰ ৰং -অৰ ভিত্তিত এই চলচ্চিত্ৰৰ কাহিনীভাগ ৰচনা কৰা হৈছে।[2][3] অজেয়ৰ কাহিনী বৰ্তমানৰ ভাৰত-বাংলাদেশ সীমান্তৰ এখন ভিতৰুৱা গাঁৱৰ প্ৰাক-স্বাধীনতাৰ পৰিস্থিতিৰ ওপৰত কেন্দ্ৰীভূত। সেই গাঁৱৰ হিন্দু আৰু মুছলমান ধৰ্মৰ লোকসকলে নিজৰ মাজতে ভিন্ন জীৱন নিৰ্বাহ কৰে। ছবিখনৰ মূল চৰিত্ৰ গজেন কেওট (ৰূপম ৰিয়ান ডেকা) এজন খঙাল যুৱক। পঢ়া-শুনা আধাতে সাং কৰিছিল যদিও তেওঁ মুছলমান সম্প্ৰদায়ৰ এগৰাকী ছোৱালী হচীনা (জুপিতৰা ভূঞা)ক পঢ়াইছিল।[4] তেওঁ মহাত্মা গান্ধীক সমৰ্থন দিয়াৰ লগতে সমাজৰ বৰ্ণ বৈষম্য আৰু বাল্য বিবাহৰ বিৰুদ্ধে আছিল। তেওঁ বিশ্বাস কৰিছিল যে ভাৰত এসময়ত স্বাধীন হোৱাৰ পাছত এই সামাজিক ব্যাধিসমূহ দূৰ হ’ব।[2]

চিত্ৰগ্ৰহণ[সম্পাদনা কৰক]

অজেয় চলচ্চিত্ৰখনৰ চিত্ৰগ্ৰহণ উজনি অসমৰ ঢলা আৰু তিনিচুকীয়া জিলাত হৈছিল।[1]

প্ৰডাকশ্যন[সম্পাদনা কৰক]

অজেয় কথাছবিখন প্ৰযোজনা কৰিছে শংকৰ লাল গোৱেংকাই। তেখেতৰ নতুনকৈ গঠিত ফিল্ম প্ৰডাকশ্যন হাউচ শিৱেন আৰ্টছৰ বেনাৰত এই কথাছবিখন নিৰ্মাণ কৰা হৈছে। মাইনা গোৱেংকা, পূজা গোৱেংকা আৰু সিদ্ধাৰ্থ গোৱেংকা হৈছে কথাছবিখনৰ সহ-প্ৰযোজক। ২০১২ চনৰ ৩০ নৱেম্বৰৰ দিনা প্ৰযোজকৰ নিজা কেলভিন চিনেমা কম্পাউণ্ড (Kelvin Cinema Compound)ত ছবিখনৰ মহুৰত অনুষ্ঠিত হৈছিল।[1]

অভিনয়ত[সম্পাদনা কৰক]

ক্ৰম অভিনেতা / অভিনেত্ৰীৰ নাম চৰিত্ৰ
বিষ্ণু খাৰঘৰীয়া বয়সীয়াল গজেন
ৰূপম চেতিয়া গজেন কেওঁট
কপিল বৰা মদন
জুপিতৰা ভূঞা হাচিনা
ৰিম্পী দাস
মুনমী কলিতা জবা

ইয়াৰ উপৰিও অজেয়ত সৌৰভ হাজৰিকা, ৰুবী মহন্ত, ৰূপম চেতিয়া, লক্ষ্মী বৰঠাকুৰ, সঞ্জীৱ খাৰঘৰীয়া, প্ৰতিভা চৌধুৰী, মহেশ বৰা, প্ৰধান দেউৰী আদি ন-পুৰণি অসমীয়া অভিনেতাই অভিনয় কৰিছে। কপিল বৰাই মুক্তিযুদ্ধা মদন শৰ্মাৰ চৰিত্ৰত অভিনয় কৰিছে।[1]

কলা-কুশলী[সম্পাদনা কৰক]

অজেয় কথাছবিখনৰ চিত্ৰগ্ৰহণ কৰিছে সুমন দুৱৰাই। সংগীত সংযোজন কৰিছে ধ্ৰুৱজ্যোতি ফুকনে। ছবিখন সম্পাদনা কৰিছে হিউ এন বৰুৱাই।[1]

  • চাউণ্ড ডিজাইন : যতীন শৰ্মা
  • প্ৰডাকশ্যন ডিজাইনাৰ: ফতিক বৰুৱা
  • মেক-আপ : অচিতাভ বৰুৱা
  • সাজ-সজ্জা (costume) : গীতাৰাণী গোস্বামী।

প্ৰদৰ্শন[সম্পাদনা কৰক]

২০১৩ চনৰ ১৭-২৪ অক্টোবৰলৈ অনুষ্ঠিত পঞ্চদশ মুম্বাই চলচ্চিত্ৰ মহোৎসৱত অজেয় প্ৰদৰ্শিত হয়।[5][6] ২০১৩ চনৰ ২৬ ডিচেম্বৰৰ পৰা ২০১৪ চনৰ ২ জানুৱাৰীলৈ অনুষ্ঠিত বেংগালুৰু আন্তঃৰাষ্ট্ৰীয় চলচ্চিত্ৰ মহোৎসৱতো ছবিখন প্ৰদৰ্শিত হৈছিল। [7]

বঁটা-সন্মান[সম্পাদনা কৰক]

৬১-তম ৰাষ্ট্ৰীয় চলচ্চিত্ৰ বঁটাত অজেয়-লৈ আঞ্চলিক ভাষাৰ শ্ৰেষ্ঠ ছবিৰ ৰজতকমল বঁটা আগবঢ়োৱা হয়। [8] [9] [10] [11] [12]

লগতে চাওক[সম্পাদনা কৰক]

তথ্যসূত্ৰ[সম্পাদনা কৰক]

  1. 1.0 1.1 1.2 1.3 1.4 "ছেন্টিনেলত অজেয়". http://www.sentinelassam.com/saturday/saturday1.php?sec=16&subsec=0&ppr=3&dtP=2013-12-30। আহৰণ কৰা হৈছে: জানুৱাৰী 9, 2014. 
  2. 2.0 2.1 2.2 PRANJAL BORAH (MONDAY, 23 DECEMBER 2013). "Ajeyo (Invincible), A New Fim by Jahnu Barua". Assam Online Portal. http://www.assamportal.com/2013/12/ajeyo-invincible-assamese-film-cast-directed-by-jahnu-barua.html। আহৰণ কৰা হৈছে: 22 জানুৱাৰী 2014. 
  3. "মিড-ডে'.কমত অজেয়". http://www.mid-day.com/lifestyle/2013/oct/151013-reel-meets-reality-in-the-northeast.htm। আহৰণ কৰা হৈছে: জানুৱাৰী 9, 2014. 
  4. "অজেয়ৰ সমালোচনা- হলিউড ৰিপটাৰ্ছত". http://www.hollywoodreporter.com/review/invincible-ajeyo-mumbai-review-650405। আহৰণ কৰা হৈছে: জানুৱাৰী 9, 2014. 
  5. "মুম্বাই চলচ্চিত্ৰ মহোৎসৱৰ ৱেবছাইটত মহোৎসৱৰ কাৰ্যসূচী". http://www.mumbaifilmfest.org/app/downloads/screening_schedule.pdf। আহৰণ কৰা হৈছে: জানুৱাৰী 9, 2014. 
  6. "মুম্বাই চলচ্চিত্ৰ মহোৎসৱৰ অফিচিয়েল ব্লগ". http://blog.mumbaifilmfest.org/2013/mmf-2013-screening-ajeyo-invincible/। আহৰণ কৰা হৈছে: জানুৱাৰী 9, 2014. 
  7. "বেংগালুৰু আন্তঃৰাষ্ট্ৰীয় চলচ্চিত্ৰ মহোৎসৱৰ কাৰ্যসূচী". http://www.biffes.in/pdf/schedule_v1.pdf। আহৰণ কৰা হৈছে: জানুৱাৰী 9, 2014. 
  8. "অজেয়লৈ ৰজত কমল, আমাৰ অসম-১". http://www.amarasom.glpublications.in/Details.aspx?id=17420&boxid=12271246। আহৰণ কৰা হৈছে: এপ্ৰিল 17, 2014. 
  9. "অজেয়লৈ ৰজত কমল, আমাৰ অসম-২". http://www.amarasom.glpublications.in/Details.aspx?id=17429&boxid=124443625। আহৰণ কৰা হৈছে: এপ্ৰিল 17, 2014. 
  10. "অজেয়লৈ ৰজত কমল, দ্য আসাম ট্ৰিবিউন". http://www.assamtribune.com/epaper/apr1714/at02.html। আহৰণ কৰা হৈছে: এপ্ৰিল 17, 2014. 
  11. "অজেয়লৈ ৰজত কমল, দৈনিক অসম-১". http://www.assamtribune.com/scripts/displaypage.asp?id=apr1714,1,69,357,1356,1806। আহৰণ কৰা হৈছে: এপ্ৰিল 17, 2014. 
  12. "অজেয়লৈ ৰজত কমল, দৈনিক অসম-২". http://www.assamtribune.com/scripts/displaypage.asp?id=apr1714,6,81,114,1344,2043। আহৰণ কৰা হৈছে: এপ্ৰিল 17, 2014. 

বাহ্যিক সংযোগ[সম্পাদনা কৰক]