ৰেলৰ আলিৰ দুবৰি বন

অসমীয়া ৱিকিপিডিয়াৰ পৰা
Jump to navigation Jump to search
ৰেলৰ আলিৰ দুবৰি বন
Relar Alir Dubori Bon
200px
পৰিচালক পুলক গগৈ
প্ৰযোজক পুলক গগৈ
লেখক পুলক গগৈ
চিত্ৰনাট্য পুলক গগৈ
সূত্ৰধাৰ অমিতাভ গগৈ
দীপিকা শৰ্মা
সংগীত পৰিচালক দশৰথ দাস
চিত্ৰগ্ৰহণকাৰী অজান বৰুৱা
মুক্তি ১৯৯৩
দৈৰ্ঘ্য ৯৯ মিনিট
দেশ ভাৰত ভাৰত
ভাষা অসমীয়া

ৰেলৰ আলিৰ দুবৰি বন (ইংৰাজী: Relar Alir Dubori Bon) ১৯৯৩ত মুক্তি পোৱা এখন অসমীয়া ছবি। ছবিৰ পৰিচালক আৰু প্ৰযোজক আছিল পুলক গগৈ। সঙ্গীত দশৰথ দাসৰ। বলিউদৰ কণ্ঠশিল্পী কুমাৰ চানু আৰু কবিতা কৃষ্ণমূৰ্তিয়ে ছবিখনে ৪০তম ৰাষ্ট্ৰীয় চলচ্চিত্ৰ মহোৎসৱত শ্ৰেষ্ঠ অসমীয়া চলচ্চিত্ৰৰ 'ৰজতকমল' বঁটা লাভ কৰিছিল।[1]

কাহিনী[সম্পাদনা কৰক]

কাৰ্তিক এজন মটৰ মেকানিক। ৰেখাৰ সৈতে তেওঁৰ প্ৰেমৰ সম্বন্ধ গঢ়ি উঠে। ৰেখাৰ মাক ফুকনৰ গৃহকৰ্ত্ৰী। কাৰ্তিকে ৰেখাক এবাৰ ফুকনৰ যৌন আতিসহ্যৰ পৰা বচাইছিল।[1]

কাৰ্তিকে এদিন তাৰ লগৰ এজনৰ লগত আগন্তুক নিৰ্বাচন সম্পৰ্কে কথা পাতি আছিল; যিটো নিৰ্বাচনত ফুকনেও প্ৰতিদ্বন্দিতা কৰিছিল। সি ফুকনৰ বিৰুদ্ধে মত আগবঢ়াইছিল। এই কথাটো গৈ ফুকনৰ সমৰ্থক মেকানিক এজনে ফুকনক লগালে। ফুকনে কাৰ্তিকৰ ওপৰত আক্ৰমণ চলালে আৰু চেতনাহীন হৈ পৰা তাৰ দেহটো ৰাষ্টাত পেলাই দিবলৈ ড্ৰাইভাৰক আদেশ দিলে। ৰেখাই মনেমনে ড্ৰাইভাৰজনৰ লগ লাগি তাক সুৰক্ষিত ঠাইলৈ লৈ গ'ল।[1]

কাৰ্তিক ৰেখাহঁতে কৰা সহায়ৰ প্ৰতি কৃতজ্ঞ। কিন্তু সি অনুভৱ কৰিলে যে তাৰ নিচিনা তুচ্চ মানুহ এটা পৃথিৱীত জীয়াই থকাৰ কোনো অৰ্থ নাই। আত্মহত্যা কৰাৰ মানসেৰে সি ৰেল লাইনৰ ওপৰত শুই পৰিল।[1]

অভিনয় শিল্পী[সম্পাদনা কৰক]

মূল চৰিত্ৰ কাৰ্তিক আৰু ৰেখাৰ ভুমিকাত অমিতাভ গগৈ আৰু দীপিকা শৰ্মাই অভিনয় কৰিছিল। খলনায়ক ফুকনৰ ভাওত আছিল উপকুল বৰদলৈ।[1]

বঁটা আৰু সন্মান[সম্পাদনা কৰক]

'ৰেলৰ আলিৰ দুবৰি বন আছিল দুখীয়াৰ ওপৰত চলা শোষণ, তেওঁলোকৰ যন্ত্ৰণা আৰু অসহায় অৱস্থাটোৰ অভিনৱ শৈলীৰে কৰা এক কৰুণ চিত্ৰায়ণ!' সেইবাবেই ছবিখনক ৪০তম চলচ্চিত্ৰ মহোৎসৱত (১৯৯৩) শ্ৰেষ্ঠ অসমীয়া চলচ্চিত্ৰৰ বঁটাৰে সন্মানিত কৰা হৈছিল। পুলক গগৈলৈ ৰজতকমলৰ উপৰিও প্ৰযোজক ৰুপে নগদ ২০,০০০ টকা আৰু পৰিচালক ৰূপে নগদ ১০,০০০ টকা আগবঢ়োৱা হৈছিল।[1]

তথ্য উৎস[সম্পাদনা কৰক]