জুবিন গাৰ্গ

অসমীয়া ৱিকিপিডিয়াৰ পৰা
জুবিন গাৰ্গ
প্ৰাথমিক তথ্য
জন্মৰ নাম জুবিন বৰঠাকুৰ[1]
আন নাম গ'ল্ডি[2]
জন্ম ১৮ নবেম্বৰ, ১৯৭২
তুৰা, মেঘালয়, ভাৰত
সংগীতৰ প্ৰকাৰ নেপথ্য গায়ক, বিহু
পেচা নেপথ্য গায়ক, সংগীত পৰিচালক[3], গীতিকাৰ, সংগীত ব্যৱস্হাপক, চলচ্চিত্ৰ অভিনেতা, পৰিচালক, বাদ্যযন্ত্ৰী, কবি৷
বাদ্যযন্ত্ৰ কী-বৰ্ড, গিটাৰ, তবলা, মেণ্ডোলিন, দগৰ, প্যাৰকাচন আদি৷
সক্ৰিয় হৈ থকা সময় ১৯৯২ - বৰ্তমানলৈ
ৰেকৰ্ড লেবেল বিভিন্ন

জুবিন গাৰ্গ (ইংৰাজী:  Zubeen Garg) অসমৰ এগৰাকী প্ৰসিদ্ধ কণ্ঠশিল্পী। ইয়াৰ উপৰিও তেওঁ এগৰাকী সংগীত পৰিচালক, গীতিকাৰ আৰু চলচ্চিত্ৰ অভিনেতা।[3] অসমীয়া,বড়ো,বাংলা, হিন্দী, তামিল, তেলেগু, কন্নড়, মালায়ম, মাৰাঠী, উৰিয়া আৰু ইংৰাজী আদি বিভিন্ন ভাষাত তেখেতে কণ্ঠদান কৰিছে।[4]

১৯৯২ চনত জুবিনৰ প্ৰথমটো এলবাম অনামিকা মুক্তি পায়।[5]ইয়াৰ লগে লগেই জুবিন পেছাদাৰী সংগীত জগতখনত জড়িত হৈ পৰে।[4] জুবিনে ঢোল, দোতাৰা, মেণ্ডলিনৰ দৰে বাদ্যযন্ত্ৰ বজোৱাৰ উপৰিও এজন কৃতী কীবৰ্ড প্লেয়াৰ।[4]

বাংলা চিনেমা শুধু তুমিৰ কাৰণে জুবিনে ২০০৫ চনত তেওঁ শ্ৰেষ্ঠ সংগীত বঁটা লাভ কৰিছিল।[4] হিন্দীৰ য়া আলি গীতটোৰ বাবে জুবিনে ২০০৭ চনত গ্ল’বেল ইণ্ডিয়ান ফিল্ম এৱাৰ্ড আৰু ষ্টাৰডাষ্ট এৱাৰ্ডত শ্ৰেষ্ঠ নেপথ্য সংগীত শিল্পীৰ বঁটা (পুৰুষ) লাভ কৰিছে। ইয়াৰ উপৰি Echoes of Silence (ইংৰাজী-খাচী)ৰ বাবে শ্ৰেষ্ঠ সংগীত পৰিচালক হিচাপে ৰাষ্ট্ৰীয় বঁটা (ৰজত কমল) বঁটা লাভ কৰে।[6]

বংশ আৰু পৰিয়াল[সম্পাদনা কৰক]

১৯৭২চনৰ ১৮ নৱেম্বৰত মেঘালয়ৰ তুৰাত জুবিন গাৰ্গৰ জন্ম হয়।[4][2] জুবিনৰ পিতৃৰ নাম হৈছে মোহিনী. এম. বৰঠাকুৰ আৰু মাতৃৰ নাম আছিল স্বৰ্গীয়া ইলি বৰঠাকুৰ।[7] প্ৰথমতে জুবিনৰ নাম আছিল জুবিন বৰঠাকুৰ[উদ্ধৃতিৰ প্ৰয়োজন]। প্ৰসিদ্ধ গীতিকাৰ জুবিন মেহতাৰ নামত জুবিনৰ নাম ৰখা হৈছিল আৰু গোত্ৰৰ নামটো উপাধি হিচাপে ব্যৱহাৰ কৰে।[1][4][1]

জুবিনৰ পৰিয়াল মূলতে শিৱসাগৰ জিলাৰ জাঁজীৰ। জুবিনৰ দেউতাক কৰ্মসূত্ৰে মেজিষ্ট্ৰেট আছিল[1] আৰু চাকৰি জীৱনৰ প্ৰথমছোৱাত সঘনাই ইঠাই-সিঠাইলৈ বদলি হ'বলগীয়া হৈছিল।[7] স়েয়েহে কণমানি জুবিনৰ ল'ৰালিকালছোৱা বহু ঠাইৰ অভিজ্ঞতাৰে ভৰা। জুবিনৰ পিতৃয়েও কপিল ঠাকুৰৰ ছদ্মনামত কবিতা আৰু গল্প লিখে।[1][8] জুবিনৰ মাতৃ স্বৰ্গীয়া ইলি বৰঠাকুৰ এগৰাকী দক্ষ নৃত্যশিল্পী, অভিনেত্ৰী আৰু সুগায়িকা আছিল। তথাপি তেওঁ নিজৰ প্ৰতিভাক পেছা হিচাপে লোৱা নাছিল। ইয়াৰ পৰিৱৰ্তে তেখেতে কণমানি জুবিনক ঘৰতেই তেখেতৰ সকলো কলা শিকোৱাৰ সিদ্ধান্ত লৈছিল। জুবিনে জীৱনৰ প্ৰথম গুৰু বুলি নিজৰ মাতৃকেই বিবেচনা কৰে। জুবিনৰ ভগ্নী দুগৰাকী: জংকি বৰঠাকুৰ আৰু পাল্মী বৰঠাকুৰ। জংকি এগৰাকী গায়িকা আৰু অভিনেত্ৰী আছিল৷[2] দূৰ্ভাগ্যজনকভাৱে ২০০২ চনত তেজপুৰত ঘটা এটা শোকাবহ মটৰ দুৰ্ঘটনাত জংকিৰ মৃত্যু হয়।[1][9] ইয়াৰ পিছতে জুবিনে জংকিৰ স্মৃতিত শিশু নামৰ এটা এলবাম মুক্তি দিয়ে। আনগৰাকী ভগ্নী পাল্মী ভাৰত নাট্যম নৃত্যশিল্পী।[1] ২০০২ চনৰ ৪ ফেব্ৰুৱাৰীত জুবিন গাৰ্গে ফেশ্বন ডিজাইনাৰ গৰিমা শইকীয়াৰ লগত বিবাহ পাশত আবদ্ধ হয়।

শিক্ষা[সম্পাদনা কৰক]

জুবিনে জীৱনৰ প্ৰথম গুৰু বুলি নিজৰ মাতৃকেই বিবেচনা কৰে।[8] গুৰু ৰবীন বেনাৰ্জীৰ পৰা জুবিনে তবলা শিক্ষাৰে সংগীত শিক্ষা আৰম্ভ কৰিছিল।[1] তাৰ পিছত গুৰু ৰমণী ৰায়ৰ ওচৰত অসমীয়া লোক সংগীত শিকি এই শিক্ষা অব্যাহত ৰাখিছিল৷[8] তেওঁলোকৰ পৰিয়ালে গুৱাহাটীলৈ স্থায়ীভাৱে থাকিবলৈ গুচি অহাৰ কাৰণে জুবিনেও যোৰহাটজগন্নাথ বৰুৱা মহাবিদ্যালয়ৰপ ৰা পৰা বি.বৰুৱা কলেজলৈ বিদ্যায়তনিক ঠিকনা সলনি কৰিব লগা হৈছিল য'ত তেওঁ বিজ্ঞানৰ স্নাতক ডিগ্ৰীৰ শিক্ষা গ্ৰহণ কৰিছিল।[8] কিন্তু সংগীতৰ ক্ষেত্ৰখনৰ লগত সম্পূৰ্ণৰূপে নিজকে নিয়োজিত কৰিব লগা হোৱাত তেওঁ কলেজীয়া শিক্ষা সমাপ্ত কৰিব নোৱাৰিলে, তেওঁৰ স্নাতক শিক্ষা আধৰুৱা হৈ থাকিল।

কণ্ঠশিল্পীৰূপে পৰিচয়[সম্পাদনা কৰক]

১৯৯২ চনত অনুষ্ঠিত যুৱ মহোৎসৱত পাশ্চাত্য একক পৰিৱেশনত স্বৰ্ণ পদক অৰ্জন কৰাটোৱেই আছিল জুবিনৰ জীৱনৰ টাৰ্ণিং পইণ্ট।[8] ইয়াতেই জুবিনে কন্ঠশিল্পীৰূপে জীৱনত প্ৰথমবাৰৰ বাবে সফলতা আৰু বিশ্বাসৰ সোৱাদ পায়। ঢোল, দোতাৰা, মেণ্ডলিনৰ দৰে বাদ্যযন্ত্ৰ বজোৱাৰ ওপৰিও জুবিন এজন কৃতী কী-বৰ্ড প্লেয়াৰ।[7] ১৯৯২ চনত প্ৰথম এলবাম অনামিকা মুক্তি হোৱাৰ লগে লগে তেওঁ পেছাদাৰী সংগীত জগতখনত সোমাই পৰে।[8][7][10] এই অগতানুগতিক এলবামটোয়ে অতি কম সময়তেই সমগ্ৰ উত্তৰ-পূব ভাৰতত ই‌ন্‌ষ্টেণ্ট হিটৰূপে জনপ্ৰিয়তাৰ শীৰ্ষতা অতিক্ৰম কৰিছিল[7] আৰু আহি থকা একৈশ শতিকাৰ অসমীয়া সংগীতৰ দৃশ্যপটৰে নতুন সংজ্ঞা দাঙি ধৰিছিল। তাৰ পিছত, জুবিনে পিছলৈ আৰু ঘূৰি চাব লগা হোৱা নাই। নিজৰ নামতে প্ৰায় চল্লিশটাকৈ এলবামৰ উপৰিও ভালেকেইখন হিন্দীৰ লগতে বাংলা আৰু ২৪ খনতকৈ অধিক অসমীয়া চলচিত্ৰৰ সংগীত পৰিচালনাৰে জুবিনে সংগীত কেৰিয়াৰ অব্যাহত ৰাখিছে। তেওঁৰ শেহতীয়া বাংলা চিনেমা 'শুধু তুমি'ৰ কাৰণে ২০০৫ চনত তেওঁ শ্ৰেষ্ঠ সংগীত বঁটা লাভ কৰিছে।[8] যদিও জুবিনে নিজকে এজন সংগীতজ্ঞ বুলিহে গণ্য কৰে, তথাপিও এতিয়ালৈকে হিন্দী, তামিল, তেলেগু, পাঞ্জাবী, উৰিয়া, মাৰাঠী, নেপালী আদিকে ধৰি বিভিন্ন ভাষাত তেওঁ ৯,০০০-তকৈ অধিক গীত গাইছে।[1] ফিজা, কাঁটে, মুড্ডা, ব্ৰাইডছ ৱাণ্টেড, গেংষ্টাৰ, প্যাৰ কে ছাইড ইফেক্ট ইত্যাদিৰ দৰে চলচিত্ৰত হিন্দীত জুবিনৰ সংগীত আৰু কণ্ঠৰ কৰ্মৰাজিৰ নিৰ্দশন পোৱা যায়।[11] ২০০০ চনত জুবিনে তেওঁৰ নিজা অসমীয়া চলচিত্ৰ তুমি মোৰ মাথো মোৰ-ৰ কাহিনী লিখিছিল, পৰিচালনা আৰু অভিনয় কৰিছিল৷ ২০০৫ চনত ৰাষ্ট্ৰীয় বঁটা পোৱা আন এখন অসমীয়া চলচিত্ৰ দীনবন্ধুত জুবিনে অভিনয় কৰাৰ ওপৰিও সহ-প্ৰযোজনা কৰিছিল আৰু সংগীতেৰে সজাইছিল৷[6] তেওঁ সঞ্জয় ঝাৰ দ্বাৰা পৰিচালিত হিন্দী চিনেমা ষ্ট্ৰীংছৰ সংগীত পৰিচালনা কৰিছিল। তেওঁ কণ্ঠদান কৰা অন্যান্য ছবিসমূহ হ'ল- গেংষ্টাৰ, গুড বয় বেড বয়, প্যাৰ কে চাইড এফেক্টছ, বিগ ব্ৰাদাৰ, হামাৰি অধুৰি কাহানি আদি।

বৰ্তমান[সম্পাদনা কৰক]

জুবিন গাৰ্গ শেহতী‍‍য়াকৈ মিছন চাইনা নামৰ অসমীয়া ছবি খনৰ কামত ব্যস্ত৷ ছবিখনৰ সংগীত, চিত্ৰনাট্য, পৰিচালনা, পৰিকল্পনা জুবিন গাৰ্গৰ৷ ইয়াৰ উপৰিও তেওঁ বিভিন্ন সামাজিক কামৰ লগত জড়িত হোৱাৰ লগতে Kalaguru Artist Foundation-ৰ জৰিয়তে বিভিন্ন জনৰ লগতে বানপীড়িত ৰাইজক বিশেষ অনুদান আগবঢ়াই আহিছে৷

বিতৰ্ক[সম্পাদনা কৰক]

জুবিন গাৰ্গ কেইবাবাৰো বিতৰ্কৰ মাজত সোমাই পৰিছে। গান গাই থকা অৱস্থাত জখলা বগোৱাকে ধৰি মঞ্চত কৰা কেতবোৰ কাণ্ডৰ বাবে বাবে তেওঁক কেইবাবাৰো সমালোচনা কৰা হৈছে।[12][13] ২০১১ চনৰ ছেপ্টেম্বৰত তেওঁ "অসম বন্ধ"ৰ বিৰুদ্ধে আৰক্ষী থানাত এজাহাৰ দাখিল কৰিছিল কিন্তু পিছলৈ সেয়া উঠাই লয়।[14]

ভূপেন হাজৰিকাৰ অন্ত্যেষ্টিক্ৰিয়া

২০১১ চনৰ ৯ নৱেম্বৰত গুৱাহাটীৰ জালুকবাৰীত অৱস্থিত গুৱাহাটী বিশ্ববিদ্যালয়ৰ চৌহদত ড° ভূপেন হাজৰিকালৈ অন্তিম শ্ৰদ্ধাঞ্জলি নিবেদন কৰা হৈছিল।[15] সেই অনুষ্ঠানটোত এটা হালধীয়া বৰণৰ গেঞ্জী, মুৰত এখন কাপোৰ ইত্যাদি ৰূপেৰে জুবিনক দেখা দিছিল। জুবিনৰ সেই পোচাকযোৰক লৈ সমগ্ৰ অসমজুৰি বিতৰ্কৰ সৃষ্টি হৈছিল। এই কাৰ্যৰ বাবে সমগ্ৰ অসমতে তীব্ৰ তৰ্কাতৰ্কি আৰম্ভ হ'ল। অৱশেষত জুবিন গাৰ্গে ক্ষমা প্ৰাৰ্থনা বিচাৰি বিতৰ্কৰ শেষ কৰিছিল।[15]

বিহু মঞ্চত হিন্দী গান

২০১৩ চনত নিষিদ্ধ ঘোষিত সংগঠন আলফাই অসমৰ গায়কসকলক বিহু মঞ্চত হিন্দী গান নাগাবলৈ আদেশ কৰে। কিন্তু এই আদেশ অমান্য কৰি জুবিন গাৰ্গে লতাশিল বিহু মঞ্চত তেওঁৰ জনপ্ৰিয় হিন্দী গান "য়া আলী" পৰিবেশন কৰে। ইয়াৰ প্ৰতিক্ৰিয়াত আলফাৰ সৰ্বাধিনায়ক পৰেশ বৰুৱাই জুবিন গাৰ্গক "ভাৰতীয় সাংস্কৃতিক আগ্ৰাসনৰ এজেণ্ট" বুলি অভিহিত কৰি তেওঁক সংঘাতৰ বাবে সাৱধান কৰি দিয়ে।[16] এই ঘটনাত অসমৰ মুখ্যমন্ত্ৰী তৰুণ গগৈয়ে জুবিনক সমৰ্থন কৰি তেওঁক নিৰাপত্তা প্ৰদান কৰে।[17] অৱশ্যে দুদিনমান পিছত এই বিবাদৰ মীমাংসা হয়।

সংগীতৰ কেৰিয়াৰ[সম্পাদনা কৰক]

অসমীয়া এলবাম[সম্পাদনা কৰক]

  • মায়া (১৯৯৪)
  • চিনাকী মন(২০০৩)
  • আকৌ হিয়া মন(২০০২)
  • নিৰিবিলি গধুলি
  • লাজুকী মন(২০০৪)
  • যন্ত্ৰ(২০০৪)
  • ৰং (১৯৯৬)
  • ৰাংঢালী(১৯৯৯)
  • মোৰ প্ৰিয় গীত(২০০৮)
  • চিনাকী সুৰ
  • ৰংমন
  • মুখা(২০০৬)
  • ৰুমাল(২০০৮)
  • অবুজন মন(২০১০)
  • বাঁহী (২০১০)
  • জোনাকী মন(২০০৮)
  • উৰণীয়া মন(২০০৫)
  • উন্মনা মন(২০০৬)
  • ৰিঙা ৰিঙা মন[10](২০০৫)
  • গান(২০১১)
  • মনে মনে
  • সোণালী মন(২০১১)
  • ৰুণজুন(২০১২)
  • আলসুৱা মন
  • পকা ধানে ৰিঙিয়াই(২০০৩)
  • মেঘৰ বৰণ
  • আশা (১৯৯৫)
  • দিলৰুবা
  • ভৰ দুপৰীয়া[2]
  • বৰষুণ
  • ৰ'ক (Rock) (২০১২)
  • কিং (King) (২০১৫)
  • পথ (২০১৪)
  • কোন তুমি

হিন্দী আৰু বাংলা এলবাম[সম্পাদনা কৰক]

  • চান্দিনী ৰাত
  • য়ুঁহী কভী
  • স্পৰ্শ
  • শ্ৰদ্ধাঞ্জলী (খণ্ড ১,২,৩)
  • নুপূৰ
  • চন্দা
  • জিন্দেগী[2](2007)
  • পাকীজা (2012)

সংগীত পৰিচালনা[সম্পাদনা কৰক]

অসমীয়া ছবি
বৰ্ষ কথাছবি পৰিচালক অন্যান্য তথ্য
২০১৭ প্ৰিয়াৰ প্ৰিয় মুনিন বৰুৱা
২০১৭ মিছন চাইনা জুবিন গাৰ্গ
২০১৫ গানে কি আনে ৰাজেশ যশপাল
২০১৪ ৰ'দৰ চিঠি বাহাৰুল ইছলাম
২০১২ এখন নেদেখা নদীৰ সিপাৰে বিদ্যুৎ কটকী
২০০৮ মন যায় এম মনিৰাম
২০০৬ অামি অসমীয়া ৰাজীৱ ভট্টাচাৰ্য্য
২০০৬ অধিনায়ক যতীন বৰা
২০০৪ দীনবন্ধু মুনিন বৰুৱা
২০০৪ ৰং মুনিন বৰুৱা
২০০৩ অগ্নিসাক্ষী যদুমণি দত্ত
২০০৩ বিধাতা মুনিন বৰুৱা
২০০৩ বাৰুদ মুনিন বৰুৱা
২০০৩ প্ৰিয়া মিলন মুন্না আহমেদ
২০০৩ জুমন সুমন মহিবুল হক
২০০২ প্ৰেম আৰু প্ৰেম শম্ভু গুপ্তা
২০০২ জীৱন নদীৰ দুটি পাৰ মুন্না আহমেদ
২০০২ কন্যাদান মুনিন বৰুৱা
২০০১ দাগ মুনিন বৰুৱা
২০০১ নায়ক[4] মুনিন বৰুৱা
২০০০ তুমি মোৰ মাথোঁ মোৰ জুবিন গাৰ্গ
২০০০ হিয়া দিয়া নিয়া[4] মুনিন বৰুৱা
অন্য ভাষা
বৰ্ষ কথাছবি ভাষা অন্যান্য তথ্য
২০১৬ দিল তো দীৱানা হে হিন্দী মুক্তিপ্ৰাপ্ত
২০১২ As The River Flows হিন্দী মুক্তিপ্ৰাপ্ত
২০০৬ Strings- Bound By Faith হিন্দী মুক্তিপ্ৰাপ্ত
২০০৫ শুধু তুমি বাংলা মুক্তিপ্ৰাপ্ত

অভিনয় জীৱন[সম্পাদনা কৰক]

অভিনীত ছবি[সম্পাদনা কৰক]

ক্ৰম কথাছবি পৰিচালক তথ্য
তুমি মোৰ মাথোঁ মোৰ[7] জুবিন গাৰ্গ
প্ৰেম আৰু প্ৰেম শম্ভু গুপ্তা বিশেষ এভুমুকি
দীনবন্ধু[4] মুনিন বৰুৱা
মন যায় এম মনিৰাম
ৰ'দৰ চিঠি বাহাৰুল ইছলাম
গানে কি আনে ৰাজেশ যশপাল
মিছন চাইনা জুবিন গাৰ্গ
প্ৰিয়াৰ প্ৰিয় মুনিন বৰুৱা

বঁটা আৰু সন্মান[সম্পাদনা কৰক]

বৰ্ষ শ্ৰেণী কথাছবি / গীত বঁটা ফলাফল
২০১৪ ৰেনেছাঁ অসম বঁটা[18] বিজয়ী
২০০৭ শ্ৰেষ্ঠ সংগীত পৰিচালক Echoes of Silence (Short film)
ইংৰাজী-খাচী ভাষা
ৰাষ্ট্ৰীয় বঁটা (ৰজত কমল) বিজয়ী
২০০৬ শ্ৰেষ্ঠ নেপথ্য সংগীত শিল্পীৰ বঁটা (পুৰুষ) গেংগষ্টাৰ (য়া আলি) গ্ল’বেল ইণ্ডিয়ান ফিল্ম এৱাৰ্ড (GIFA)[19] বিজয়ী
২০০৬ নিউ মিউজিকেল চেন্সেচন বঁটা (পুৰুষ) গেংগষ্টাৰ (য়া আলি) মেক্স ষ্টাৰডাষ্ট এৱাৰ্ড[6] বিজয়ী
২০০৬ শ্ৰেষ্ঠ নেপথ্য সংগীত শিল্পীৰ বঁটা (পুৰুষ) গেংষ্টাৰ (য়া আলি) ফিল্ম ফেয়াৰ এৱাৰ্ড মনোনীত
২০০৫ শ্ৰেষ্ঠ সংগীত পৰিচালক শুধু তুমি BFJA বিজয়ী

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 1.4 1.5 1.6 1.7 1.8 "ZUBEEN GARG Biography". entertainment.oneindia.in. http://entertainment.oneindia.in/celebs/zubeen-garg/biography.html। আহৰণ কৰা হৈছে: January 19, 2013. 
  2. 2.0 2.1 2.2 2.3 2.4 "ZUBEEN GARG Biography at hindilyrics.net". hindilyrics.net. http://www.hindilyrics.net/profiles/zubeen-garg.html। আহৰণ কৰা হৈছে: January 19, 2013. 
  3. 3.0 3.1 "জুবিন গাৰ্গ". xobdo.org. http://www.xobdo.org/asm/%E0%A6%9C%E0%A7%81%E0%A6%AC%E0%A6%BF%E0%A6%A8%20%E0%A6%97%E0%A6%BE%E0%A7%B0%E0%A7%8D%E0%A6%97। আহৰণ কৰা হৈছে: January 19, 2013. 
  4. 4.0 4.1 4.2 4.3 4.4 4.5 4.6 4.7 4.8 "About Zubeen Garg in Onlinesivasagar.com". Abhijit Borah. onlinesivasagar.com. http://onlinesivasagar.com/music/zubeen-garg.html। আহৰণ কৰা হৈছে: January 19, 2013. 
  5. "About Zubeen's debut album Anamika at futuresounds.com". futuresounds.com. http://www.futuresounds.in/store/anamika/। আহৰণ কৰা হৈছে: 4 September 2015. 
  6. 6.0 6.1 6.2 "awards won by zubeen garg at gomolo.com". gomolo.com. http://www.gomolo.com/awards-won-by-zubeen-garg/6236। আহৰণ কৰা হৈছে: 4 September 2015. 
  7. 7.0 7.1 7.2 7.3 7.4 7.5 Runa Borah (28-Feb-2010). "Profile of Zubeen Garg - Singer, Music composer of Assam". SpiderWorks Technologies Pvt Ltd., Kochi, India. http://www.assamspider.com/resources/2469-Profile-Zubin-Garg-Singer-Music-composer.aspx। আহৰণ কৰা হৈছে: January 19, 2013. 
  8. 8.0 8.1 8.2 8.3 8.4 8.5 8.6 "ZUBEEN GARG Biography at koffii.com". koffii.com. http://www.koffii.com/celebritydetails.aspx?CelebrityId=175। আহৰণ কৰা হৈছে: January 19, 2013. 
  9. "Jonkey Barthakur dies in car mishap". North East News Agency (NENA). NENA. February 7 - 21, 2002. http://www.nenanews.com/NEE%20Feb.7-21,%2002/oh11.htm। আহৰণ কৰা হৈছে: January 19, 2013. 
  10. 10.0 10.1 Runa Borah (01-Mar-2010). "Songs of Zubeen Garg -How to listen online". SpiderWorks Technologies Pvt Ltd., Kochi, India. http://www.assamspider.com/resources/2470-Assamese-song-Albums-Zubin-Garg.aspx। আহৰণ কৰা হৈছে: January 19, 2013. 
  11. "Songs of Zubeen Garg". gomolo.com. http://www.gomolo.com/zubeen-garg-movies-list-filmography/6236। আহৰণ কৰা হৈছে: 4 September 2015. 
  12. "Controversy does not seem to get away from Zubeen Garg". Dy365. 3009-02-12. http://www.dy365.in/coockery/news.php?aID=88। আহৰণ কৰা হৈছে: 2013-04-27. 
  13. "Zubeen Garg into controversy again". Times of Assam. 2010-08-26. http://www.timesofassam.com/headlines/zubin-garg-into-controversy-again/। আহৰণ কৰা হৈছে: 2013-04-27. 
  14. "Zubeen on 'stop-bandh' mission". The Times of India. 2011-09-05. http://articles.timesofindia.indiatimes.com/2011-09-05/guwahati/30115068_1_assam-bandh-bandh-culture-fir। আহৰণ কৰা হৈছে: 2013-04-27. 
  15. 15.0 15.1 "গায়ক জুবিনঃ আপদ জুবিন". Pallav Pran Goswami.. barnamala. NOVEMBER 11, 2011. http://barnamaala.blogspot.com/2011/11/blog-post_11.html। আহৰণ কৰা হৈছে: January 20, 2013. 
  16. Ratnadip Choudhury (2013-04-19). "Zubeen hits the wrong notes for ULFA". Tehelka.com. http://tehelka.com/zubeen-hits-the-wrong-notes-for-ulfa/। আহৰণ কৰা হৈছে: 2013-04-27. 
  17. "'Ya Ali' singer Zubeen Garg provided security after ULFA threat". The Indian Express. 2013-04-22. http://www.indianexpress.com/news/ya-ali-singer-zubeen-garg-provided-security-after-ulfa-threat/1105979/। আহৰণ কৰা হৈছে: 2013-04-27. 
  18. "জুবিন গাৰ্গলৈ ৰেনেছাঁ অসম বঁটা". আমাৰ অসম. ১৩ মাৰ্চ ২০১৫. 
  19. "Zubeen wins GIFA award". zubeengarg.blogspot.in. http://zubeengarg.blogspot.in/2007/07/zubeen-wins-gifa-award.html। আহৰণ কৰা হৈছে: 4 September 2015. 

বাহ্যিক সংযোগ[সম্পাদনা কৰক]