হৰেকৃষ্ণ ডেকা

হৰেকৃষ্ণ ডেকা
জন্ম	১৯৪৩
পেচা	আৰক্ষী বিষয়া, সাহিত্যিক
বঁটা, সন্মান, পুৰস্কাৰ আদি	সাহিত্য অকাডেমি বঁটা (১৯৮৭) অসম উপত্যকা সাহিত্য বঁটা (২০১০)

হৰেকৃষ্ণ ডেকা (১৯৪৩ -) এগৰাকী কবি, চুটি গল্প লেখক আৰু কবিতাৰ সমালোচক। ছাত্ৰাৱস্থাৰ পৰাই কবিতা আৰু গল্প লিখাত মনোনিবেশ কৰা ডেকাই ৰামধেনু যুগতে নিজৰ সাহিত্যিক প্ৰতিভাৰ পৰিচয় দিছিল। ভাৰতীয় আৰক্ষী সেৱাৰ বিষয়া হৰেকৃষ্ণ ডেকাই অসম আৰক্ষীৰ মহাপ্ৰধান (DGP) হিচাপে অৱসৰ গ্ৰহণ কৰিছিল। সাহিত্য বিষয়ক আলোচনী 'গৰীয়সী' আৰু ইংৰাজী দৈনিক কাকত 'দ্যা ছেণ্টিনেল'ৰ সম্পাদকৰ দায়িত্বও বহন কৰিছিল। বৰ্তমানেও সাহিত্য জগতৰ লগত জড়িত হৈ আছে।

প্ৰাৰম্ভিক জীৱন

হৰেকৃষ্ণ ডেকাৰ জন্ম হৈছিল ১৯৪৩ চনত। পৈতৃক ঘৰ আছিল বৰ্তমানৰ নলবাৰী জিলাৰ সৰ্থেবাৰী অঞ্চলত। কিন্তু তেখেতৰ শৈশৱ অতিবাহিত হৈছিল তিনিচুকীয়াত। তাতেই তেখেতে স্কুলীয়া শিক্ষা গ্ৰহণ কৰে। ১৯৫৯ চনত প্ৰৱেশিকা পৰীক্ষাত উত্তীৰ্ণ হয়। উচ্চ শিক্ষাৰ বাবে প্ৰথমে কটন কলেজ আৰু পাছলৈ গুৱাহাটী বিশ্ববিদ্যালয়ত শিক্ষা লয়। ১৯৬৫ চনত ইংৰাজী বিষয়ত স্নাতকোত্তৰ উপাধি লাভ কৰে।

কৰ্মজীৱন

১৯৬৫ চনৰ মাজভাগৰপৰা ১৯৬৮ চনলৈ গুৱাহাটীৰ গুৱাহাটী বাণিজ্য মহাবিদ্যালয়ত প্ৰবক্তা হিচাপে কাৰ্যনিৰ্বাহ কৰে। ১৯৬৮ চনত 'ভাৰতীয় আৰক্ষী সেৱা'ৰ অসম-মেঘালয় কেডাৰত যোগ দিয়ে। আৰক্ষী সেৱাৰ পৰা অসম আৰক্ষীৰ মহাপ্ৰধান হিচাপে ২০০৫ চনত অৱসৰ গ্ৰহণ কৰে। ২০০৮ চনৰ ডিচেম্বৰ মাহৰপৰা ২০১০ চনৰ নৱেম্বৰ মাহলৈ ৰাষ্ট্ৰীয় সুৰক্ষা উপদেষ্টা সমিতিৰ (National Security Advisory Board) সদস্য ৰূপে কাৰ্য নিৰ্বাহ কৰে॥ চাকৰিৰ পৰা অৱসৰৰ পাছত ডেকাই 'The Sentinel' কাকতৰ সম্পাদক ৰূপে কম সময়ৰ বাবে যোগ দি পাছলৈ সাহিত্য আলোচনী 'গৰীয়সী'ৰ সম্পাদকৰ দায়িত্বভাৰ গ্ৰহণ কৰে।

সাহিত্য কৰ্ম

কবিতা পুথি

• সয়ম্বৰ (The Voices), ১৯৭২
• ৰাতিৰ শোভাযাত্ৰা (The Procession by Night), ১৯৭৮
• আন এজন (Another One), ১৯৮৬ (বঙালী আৰু উড়িয়া ভাষালৈ অনূদিত)
• কবিতা ১৯৬০-১৯৮০ (Poems 1960-1980), ২০০২
• ভালপোৱাৰ বাবে এষাৰ (A Word for Love), ২০০৩
• সানমিহলি বৰ্ণমালা (The Mixed Alphabets), ২০১০
• Sea-Scare (ইংৰাজীলৈ অনূদিত কবিতা), 2001

চুটি-গল্প সংগ্ৰহ

• প্ৰাকৃতিক আৰু অন্যান্য (The Natural and Other Stories), ১৯৮৫
• মধূসূদনৰ দলং (Madhusudan's Bridge), ১৯৯২
• বন্দীয়াৰ (The Captive), ১৯৯৬ (উড়িয়া ভাষালৈ অনূদিত)
• পোষ্টমডাৰ্ণ অথবা গল্প (The Post-modern or Short Story), ২০০১
• মৃত্যুদণ্ড (The Death Sentence), ২০০৬
• গল্প আৰু কল্প (Story and Fiction), ২০০৯

সাহিত্য সমালোচনা

• আধুনিকতাবাদ আৰু অন্যান্য প্ৰবন্ধ (Adhunikatabad and Other essays), ১৯৯৮
• বীক্ষণ আৰু সন্ধান (Insight and Investigation), ২০০০
• দৃষ্টি আৰু সৃষ্টি (The Look and the Creation), ২০০৬
• নীলমনি ফুকনঃ কবি আৰু কবিতা (Nilamani Phukan:the post and his poems), ২০১০

উপন্যাস

• আগন্তুক (The Strangers), 2008

সম্পাদিত কিতাপ

• তৰুণ প্ৰজন্মৰ কবিতা (The Poetry of the Young Generation), 2005

অনুবাদঃ

• প্ৰতিসৰিত ৰশ্মি (The Reflected Lght), ১৯৯২ (ছেইণ্টজন পাৰ্ছি, য়ানিছ ৰিছট'ছ, ভাস্ক' পোপা আৰু জেৰোস্লাভ ছিফাৰ্টৰ কবিতাৰ অনুবাদ)

সামাজিক বিশ্লেষণ

• প্ৰব্ৰজন আৰু অণুপ্ৰবেশ (Immigration and Infiltration), ২০১০
• সাৰ্বভৌমত্ব, সন্ত্ৰাসবাদ আৰু নাগৰিক সমাজ (Sovereignty, Terrorism and Civil Society), 2010

স্বীকৃতি আৰু সন্মান

• ১৯৮৭: সাহিত্য অকাডেমি বঁটা, (আন এজন কবিতা পুথিৰ বাবে)
• ১৯৯৬: কথা পুৰস্কাৰ, বন্দীয়াৰ গল্প সংকলনৰ বাবে
• ২০১০: অসম উপত্যকা সাহিত্য বঁটা

বাহ্যিক সংযোগ

• Indian Review: Harekrishna Deka Wins the Assam Valley Literary Award, 2010
• An Interview with the Poet: Harekrishna Deka
• An Introduction to Harekrisha Deka’s Poetry by Prabhat Bora
• Harekrishna Deka: In discussion with Uddipana Goswami
• INTERVIEW WITH HAREKRISHNA DEKA, POET AND RETIRED POLICE OFFICER, BY UDDIPANA GOSWAMI ON 20TH MARCH, 2006.
• Harekrishna Deka's Poems in Kavitayan
• The Prisoner - short story
• The Dawn (An Assamese Poem of Harekrishna Deka in Translation