এলভিছ আলী হাজৰিকা

অসমীয়া ৱিকিপিডিয়াৰ পৰা
Jump to navigation Jump to search
এলভিছ আলী হাজৰিকা
ব্যক্তিগত তথ্যাৱলী
জন্ম নাম এলভিছ আলী হাজৰিকা
ৰাষ্ট্ৰীয়তা ভাৰত ভাৰতীয়
জন্ম ২১ ডিচেম্বৰ, ১৯৮১
ক্ৰীড়া
দেশ ভাৰত
ক্ৰীড়া সাঁতোৰ

এলভিছ আলী হাজৰিকা (ইংৰাজী: Elvis Ali Hazarika) ভাৰতৰ এগৰাকী প্ৰাক্তন ৰাষ্ট্ৰীয় পৰ্যায়ৰ অসমীয়া সাঁতোৰবিদ। আঢ়ৈ বছৰ বয়সতে সাঁতুৰিবলৈ আৰম্ভ কৰা হাজৰিকাই ৪ বছৰ বয়সত গুৱাহাটীদীঘলীপুখুৰী সাঁতুৰি পাৰ হৈছিল।[1] মাত্ৰ ৯ বছৰ বয়সতে তেওঁ এছিয়া পেচিফিক চেম্পিয়নশ্বিপত অংশগ্ৰহণ কৰিছিল আৰু ছাফ গেমছত ভাৰতক প্ৰতিনিধিত্ব কৰি পদক অৰ্জন কৰাৰ লগতে ৰাষ্ট্ৰীয় পৰ্যায়ৰ সাঁতোৰ প্ৰতিযোগিতাত অসমলৈ গৌৰৱ কঢ়িয়াবলৈ সক্ষম হৈছিল।[2] এলভিছ আলী হাজৰিকা হৈছে আমেৰিকা যুক্তৰাষ্ট্ৰৰ কেটেলিনা চেনেল সাঁতুৰি পাৰ হোৱা সমগ্ৰ উত্তৰ-পূব ভাৰতৰ প্ৰথমজন ব্যক্তি।[3] ২০১৮ চনত তেওঁ ইংলিছ চেনেলৰ ৩৪ কিঃমিঃ দৈৰ্ঘ্যৰ একাংশৰ ২৯ কিঃমিঃ সাঁতুৰি অতিক্ৰম কৰিছিল আৰু এই কাম কৰা তেওঁ প্ৰথমজন অসমীয়া।[1]

কেৰিয়াৰ[সম্পাদনা কৰক]

এলভিছ আলী হাজৰিকাই ৰাষ্ট্ৰীয় পৰ্যায়ত ৬৮টা আৰু আন্তঃৰাষ্ট্ৰীয় পৰ্যায়ত ৬টা সোণৰ পদক অৰ্জন কৰিছে।[4][5]

  • ১৯৯১ চনত এছিয়া পেচিফিক চেম্পিয়নশ্বিপত ভাৰতক প্ৰতিনিধিত্ব।
  • ১৯৯৫ চনত ভাৰতত অনুষ্ঠিত সপ্তম ছাফ (ছাউথ এছিয়া পেচিফিক) গেমছত অংশগ্ৰহণ।
  • ১৯৯৯ চনত নেপালকাঠমাণ্ডুত অনুষ্ঠিত অষ্টম ছাফ গেমছত ৫০ মিঃ আৰু ১০০ মিঃ ফ্ৰিষ্টাইল শাখাত ৰূপৰ পদক অৰ্জন।
  • ২০০৯ চনত ৱৰ্ল্ড পুলিচ গেমছত অংশগ্ৰহণ।

ইয়াৰোপৰি এলভিছ আলি হাজৰিকাই ৰাষ্ট্ৰীয় পৰ্যায়ৰ বিভিন্ন সাঁতোৰ প্ৰতিযোগিতাত অসমক প্ৰতিনিধিত্ব কৰিছে।

অন্যান্য সফলতা[সম্পাদনা কৰক]

২০১৮ চনৰ জুন মাহত এলভিছ আলী হাজৰিকাই ইংলেণ্ড আৰু ফ্ৰান্স সংযোগী ইংলিছ চেনেল সাঁতুৰি পাৰ হোৱাৰ এক প্ৰচেষ্টাত চেনেলটোৰ ২৯ কিঃমিঃ অতিক্ৰম কৰে। এতিয়ালৈকে চেনেলটোত এই দূৰত্ব সাঁতুৰি অতিক্ৰম কৰা তেওঁ একমাত্ৰ অসমীয়া ব্যক্তি।[1]

২০১৯ চনৰ ২৭ আগষ্টত তেওঁ ঘোষণা কৰে যে তেওঁ পৰৱৰ্তী কাৰ্ৰযসূচী অৰ্থাৎ ছাণ্টা কেটেলিনা দ্বীপ আৰু দক্ষিণ কেলিফ’ৰ্নিয়া সংযোগীত আমেৰিকা যুক্তৰাষ্ট্ৰৰ কেটেলিনা চেনেল পাৰ হোৱাৰ প্ৰচেষ্টা কাৰ্বি আংলংত দুৰ্বৃত্তৰ হাতত নিহত দুই অসমীয়া যুৱক অভিজিৎ আৰু নীলোৎপলৰ প্ৰতি উৎসৰ্গা কৰিব।[3] ১৫ আগষ্টত ভাৰতীয় সাঁতোৰবিদজনে কেটেলিনা চেনেলটো সাঁতুৰি পাৰ কৰাৰ লগে লগে এই কাৰ্য কৰা উত্তৰ-পূব ভাৰতৰ প্ৰথমজন ব্যক্তি হিচাপে পৰিগণিত হয়। সতীৰ্থ পশ্চিমবংগৰ ৰিম’ সাহাৰ সৈতে হাজৰিকাই ১০ ঘণ্টা ৫৯ মিনিটত চেনেলটো সাঁতুৰি অতিক্ৰম কৰে।[3]

ভৱিষ্যত পৰিকল্পনা[সম্পাদনা কৰক]

২০১৯ চনৰ ছেপ্টেম্বৰত গুৱাহাটীৰ এখন সংবাদ মেলত হাজৰিকাই জনাই যে তেওঁ ২০২০ চনৰ ২৮ জুলাইত আয়াৰলেণ্ড আৰু স্কটলেণ্ড সংযোগী আইৰিছ চেনেল (পূৰ্বৰ নৰ্থ চেনেল) সাঁতুৰি পাৰ হোৱাৰ পৰিকল্পনা কৰিছে।[6]

তথ্য সংগ্ৰহ[সম্পাদনা কৰক]

  1. 1.0 1.1 1.2 "Assam’s Elvis Ali Hazarika becomes first from state to swim 29 km of English Channel". North East Now News. 5 June, 2018. https://nenow.in/north-east-news/assam/assams-elvis-ali-hazarika-becomes-first-from-state-to-swim-29-km-of-english-channel.html। আহৰণ কৰা হৈছে: 16 April 2020. 
  2. "Former International Swimmer Elvis Ali Hazarika Sets Himself to Cross the English Channel". Swim India. https://swimindia.in/former-international-swimmer-elvis-ali-hazarika-sets-himself-to-cross-the-english-channel। আহৰণ কৰা হৈছে: 16 April 2020. 
  3. 3.0 3.1 3.2 "Swimmer Elvis Ali Hazarika becomes first from Northeast to cross Catalina Channel". Indian Express. 16th August 2019. https://www.newindianexpress.com/sport/other/2019/aug/16/swimmer-elvis-ali-hazarika-becomes-first-from-northeast-to-cross-catalina-channel-2019761.html। আহৰণ কৰা হৈছে: 16 April 2020. 
  4. "Meet Elvis Ali Hazarika from Assam, the first Northeastern to cross Catalina Channel". The North East Today. 2019. https://thenortheasttoday.com/meet-elvis-ali-hazarika-from-assam-the-first-northeastern-to-cross-catalina-channel/। আহৰণ কৰা হৈছে: 16 April 2020. 
  5. Sinha, Pranati (22 August, 2019). "Elvis Ali Hazarika Becomes First Swimmer From Assam To Successfully Cross Catalina Channel". Time8. https://www.time8.in/elvis-ali-hazarika-becomes-first-swimmer-from-assam-to-successfully-cross-catalina-channel/। আহৰণ কৰা হৈছে: 16 April 2020. 
  6. Sultana, Mehzabin (22 September, 2019). "Assam swimmer Elvis Ali Hazarika eyes Irish Channel in July 2020". Eastmojo. https://www.eastmojo.com/assam/2019/09/22/assam-swimmer-elvis-ali-hazarika-eyes-irish-channel-in-july-2020। আহৰণ কৰা হৈছে: 16 April 2020.