অখিল গগৈ

অসমীয়া ৱিকিপিডিয়াৰ পৰা
Jump to navigation Jump to search
অখিল গগৈ
জন্ম অখিল গগৈ
অক্টোবৰ ০২ , ১৯৭৬
লুখুৰাসন, চেলেঙহাট, যোৰহাট, অসম
ৰাষ্ট্ৰীয়তা ভাৰতীয়
জনা যায় Indian anti-corruption movement - 2012,
Indian anti-corruption movement - 2011,
Right to Information
ৰাজনৈতিক আন্দোলন ২০১১ চনৰ ইণ্ডিয়া এগেইনষ্ট ক'ৰাপছন-ৰ দূৰ্নীতিবিৰোধী সংগ্ৰাম
ধৰ্ম মানৱ ধৰ্ম
দাম্পত্যসঙ্গী গীতাশ্ৰী তামূলী
সন্তান নচিকেতা

অখিল গগৈ (ইংৰাজী: Akhil Gogoi) অসমৰ এগৰাকী কৃষক নেতা আৰু আৰ টি আই কৰ্মী (RTI activist)৷ বিগত কেইবাটাও বছৰত তেওঁ ৰাজ্যখনত দুৰ্নীতি বিৰোধী আন্দোলনৰ নেতৃত্ব বহন কৰি আহিছে৷ দুৰ্নীতিৰ বিৰুদ্ধে আৰু চৰকাৰৰ কাৰ্য্যপ্ৰণালীত স্বচ্ছতা অনাৰ বাবে কৰি অহা সংগ্ৰামৰ বাবে তেওঁক প্ৰদান কৰা ২০০৮ বৰ্ষৰ 'Shanmugam Manjunath Integrity Award' ৰ পিছৰে পৰা তেওঁ ৰাষ্ট্ৰীয় পৰ্য্যায়ত স্বীকৃতি লাভ কৰে৷[1]'সম্পূৰ্ণ গ্ৰাম ৰোজগাৰ আঁচনি (Sampoorna Gram Rozgar Yojna (SGRY))ৰ ১.২৫ কোটি টকীয়া কেলেংকাৰী আৰু ইন্দিৰা আবাস যোজনা (Indira Awas Yojana (IAY))ৰ ৬০ লাখ টকীয়া কেলেংকাৰী তথ্য জনাৰ অধিকাৰ আইনৰ সুপ্ৰয়োগেৰে ধৰা পেলোৱাৰ বাবে ২০১০ বৰ্ষত 'Public Cause Research Foundation (PCRF)' য়ে তেওঁক 'National Right to Information (RTI)' বটাঁ প্ৰদান কৰে৷[2] এই বটাঁৰ সম্পূৰ্ণ মূল্য ২১ লাখ টকা তেওঁ 'কৃষক মুক্তি সংগ্ৰাম' লৈ দান দিয়ে৷[3]

প্ৰাৰম্ভিক জীৱন[সম্পাদনা কৰক]

অখিল গগৈৰ জন্ম হৈছিল ১৯৭৬ চনৰ ১ মাৰ্চ তাৰিখে যোৰহাট জিলাৰ চেলেঙহাটৰ লুখুৰাসন গাঁৱত। ১৯৯৩ চনৰ পৰা ১৯৯৬ চনৰ সময়ছোৱাত তেওঁ গুৱাহাটীকটন মহাবিদ্যালয়ত অসমীয়া সাহিত্যৰ ছাত্ৰ আছিল। তেওঁ মহাবিদ্যালয়খনৰ ছাত্ৰ একতা সভাৰ সাধাৰণ সম্পাদক হিচাপে একেৰাহে দুবাৰ নিৰ্বাচিত হৈছিল। ইয়াৰ পিছতেই গগৈয়ে নক্সালবাদী নেতা সন্তোষ ৰাণা নেতৃত্বাধীন চিপিআই-এমএল-পিচিচি(CPI-ML-PCC)-ৰ গণ-সংগঠন(mass organisation) ইউনাইটেড ৰিভ'লুছ'নেৰী মুভমেন্ট কাউন্সিল অৱ আসাম(United Revolutionary Movement Council of Assam)-ত যোগ দিছিল। অৱশ্যে, নব্বৈ দশকৰ শেষলৈ তেওঁ ৰাণাৰ পৰা আতঁৰি আহে আৰু নতুন পদাতিক নামৰ আলোচনীখনৰ সম্পাদক হিচাপে আত্মনিয়োগ কৰে। ড° হীৰেন গোহাঁইৰ তত্বাৱধানত প্ৰকাশিত নতুন পদাতিক অসমীয়া ভাষাৰ স্বাধীন মাৰ্ক্সবাদী ধ্যান-ধাৰণাৰ আলোচনী। অখিল গগৈ সম্প্ৰতি গুৱাহাটী নিবাসী আৰু তেওঁ পত্নী আৰু এগৰাকী পুত্ৰ আছে।

নদীবান্ধ বিৰোধী সংগ্ৰাম[সম্পাদনা কৰক]

২০০৯ চনৰ মাজভাগৰে পৰা অখিল গগৈয়ে অসম আৰু অৰুণাচল প্ৰদেশৰ পৰিস্থিতিতান্ত্ৰিক(ecologically) আৰু পাৰিপাৰ্শ্বিক ভাৱে সংবেদনশীল বিভিন্ন স্থানত নিৰ্মীয়মান আৰু প্ৰস্তাৱিত বৃহৎ নদীবান্ধসমুহৰ বিৰুদ্ধে ৰাজ্যজোৰা জনজাগৰণ আৰু আন্দোলনৰ নেতৃত্ব বহন কৰি আহিছে। বিশেষকৈ, তেওঁৰ নেতৃত্বৰ সংগঠন কৃষক মুক্তি সংগ্ৰাম সমিতি(KMSS)-য়ে নিৰ্মীয়মান নামণি সোৱনশিৰ প্ৰকল্পৰ নিৰ্মানকাৰ্য বন্ধ কৰিবৰ বাবে দাবী জনাই আহিছে। সোৱণশিৰি নদীৰ নামণি অংশত ২০০০ মেগাৱাট ক্ষমতাৰ এই বৃহৎ জলবিদ্যুৎ প্ৰকল্পটো ৰাষ্ট্ৰীয় জল শক্তি নিগম(NHPC) দ্বাৰা নিৰ্মীয়মান অৱস্থাত আছে।[4]

দুৰ্নীতিৰ বিৰুদ্ধে সংগ্ৰাম[সম্পাদনা কৰক]

কিছু সময়ৰ বাবে অখিল গগৈ আন্না হাজাৰেৰ নেতৃত্বত দেশব্যাপী চলা দূৰ্নীতিবিৰোধী আন্দোলন ইণ্ডিয়া এগেইনষ্ট ক'ৰাপছন(India against Corruption, IAC)-ৰ সৈতেও জড়িত আছিল। কিন্তু, IAC-ৰ কেইজনমান সদস্যই ৰাজনৈতিক দল আৰম্ভ কৰিবৰ বাবে প্ৰচেষ্টা আৰম্ভ কৰাৰ পিছত গগৈ IAC-ৰ পৰা আতঁৰি আহে। IAC-ৰ পৰা আতঁৰি অহাৰ কাৰণ সম্পৰ্কে গগৈয়ে এইদৰে কয় যে, জনসাধাৰণে IAC-লৈ আগবঢ়োৱা বিপুল সমৰ্থন এটা শক্তিশালী গণ-আন্দোলন আগবঢ়াই নিবৰ বাবেহে আছিল, নিৰ্বাচন কেন্দ্ৰিক এটা ৰাজনৈতিক দল গঠনৰ বাবে নাছিল। [5]

বিতৰ্ক[সম্পাদনা কৰক]

২০১০ চনৰ এপ্ৰিল মাহত, অসম চৰকাৰৰ এটা গোপন প্ৰতিবেদনত এইবুলি অভিযোগ প্ৰকাশ হৈছিল যে, অখিল গগৈৰ চিপিআই-মাওবাদী(CPI-Maoist)-ৰ সৈতে ওচৰ সম্পৰ্ক আছে।[6] গগৈয়ে এই প্ৰতিবেদনক প্ৰত্যাহ্বান জনাই অসম চৰকাৰক এই অভিযোগ প্ৰতিপন্ন কৰিবলৈ কৈছিল।[7] মেগছেছে বঁটা বিজয়ী সন্দীপ পাণ্ডে আৰু মেধা পাটকাৰকে ধৰি দেশৰ বিভিন্ন প্ৰান্তৰ বুদ্ধিজীৱীয়ে গগৈয়ে মিছায়ে অভিযুক্ত সজাবলৈ চৰকাৰে চলোৱা প্ৰচেষ্টাক গৰিহণা দিয়ে। [8] এন ডি টি ভি-ৰ সৈতে এটা সাক্ষাৎকাৰত গগৈয়ে এইদৰে কৈছিল, "I am a Marxist and I do believe in social transformation. But I am not a Maoist. They don't believe in mass activities. We at KMSS are trying to organise the masses for radical change.But the attempt of the government to implicate me as a Maoists shows their frustration because they have been unable to contain the growing popularity of KMSS"।[9][10] এই বিষয়টোৱে অসম চৰকাৰৰ বাবে এটা লজ্জাজনক পৰিস্থিতিৰ উদ্ভৱ কৰিলে আৰু ইয়াৰ পিছত চৰকাৰে বিষয়টো এৰা দিবলৈ বাধ্য হয়।

শেহতীয়া কাৰ্য্যকলাপ[সম্পাদনা কৰক]

শেহতীয়াকৈ অখিল গগৈ আৰু তেওঁৰ সহকৰ্মী(কমৰে'ড) সকলে গুৱাহাটী মহানগৰীৰ বিভিন্ন স্থানত কেইবাখনো অস্থায়ী খুচুৰা বিক্ৰী কেন্দ্ৰ মুকলি কৰে। ইয়াৰ মুখ্য উদ্দেশ্য আছিল গ্ৰাম্য কৃষকৰ ফচল মধ্যভোগীৰ হাতত নপৰাকৈ নগৰীয়া বজাৰলৈ উলিয়াই অনা। এই ব্যৱস্থাক খুচুৰা বিক্ৰী ক্ষেত্ৰত প্ৰত্যক্ষ বিদেশী বিনিয়োগ আৰু মাফিয়াৰ দ্বাৰা চালিত ছিণ্ডিকেটৰ এটা বিকল্প ব্যৱস্থা হিচাপে দাবী কৰি অখিল গগৈ আৰু তেওঁৰ সংগঠনে গুৱাহাটীৰ বিভিন্ন স্থানত আৰু অধিক বিক্ৰী কেন্দ্ৰ স্থায়ী ৰূপত খোলাৰ পৰিকল্পনাৰ বিষয়ে অৱগত কৰে। মধ্যভোগী আতঁৰাই এই কেন্দ্ৰসমূহ কৃষকসকলে নিজেই পৰিচালিত কৰিব আৰু ফলস্বৰূপে বিক্ৰেয় কৃষি সামগ্ৰীসমূহ অতি কম মূল্যত গ্ৰাহকে ক্ৰয় কৰিব পাৰিব। এই কেন্দ্ৰসমূহ মুকলি কৰাৰ প্ৰথম দিনটোতেই মাত্ৰ কেইঘন্টামানৰ ভিতৰতে এশ কুইন্টলতকৈ অধিক পৰিমাণৰ শাক-পাচলি গ্ৰাহকে ক্ৰয় কৰিছিল। [11]

অখিল গগৈয়ে পৃথানীয়াৰ দৰে মাটি মাফিয়াৰ বিৰূদ্ধে সংগ্ৰাম আৰম্ভ কৰিছে। পৃথানীয়াই গ্ৰাম্য কামৰূপ জিলাৰ অন্তৰ্গত বহুহাজাৰ বিঘা কৃষি ভূমি নিম্ন মূল্যতে ক্ৰয় কৰে। সম্প্ৰতি চৰকাৰে অখিল গগৈৰ দ্বাৰা পৰিচালিত কৃষক মুক্তি সংগ্ৰাম সমিতৰ অভিযোগৰ ভিত্তিত এই বিষয়টো সম্পৰ্কে তদন্ত চলাই আছে।

লগতে চাওক[সম্পাদনা কৰক]

অখিল গগৈ আৰু কৃষক মুক্তি সংগ্ৰাম সমিতিৰ নেতৃত্বত চলা গণ-আন্দোলনসমূহৰ বিষয়ে অধিক তথ্যৰ বাবে অৰূপজ্যোতি শইকীয়াৰ "Forest Land and Peasant Struggles in Assam 2002-2007" শীৰ্ষক গ্ৰন্থখন চাব পাৰে। [12]

তথ্যসুত্ৰ[সম্পাদনা কৰক]

  1. "Akhil Gogoi receives award from Kiron Bedi". Assam Times. http://www.assamtimes.org/hot-news/1272.html। আহৰণ কৰা হৈছে: 2012-08-06. 
  2. TI Trade (2009-11-29). "The Assam Tribune Online". Assamtribune.com. http://www.assamtribune.com/scripts/details.asp?id=nov2909/at09। আহৰণ কৰা হৈছে: 2012-08-06. 
  3. http://www.rtiawards.org/news/2009/12/08/rti-awards-winner-donates-prize-money
  4. "Who is Akhil Gogoi? : North, News - India Today". Indiatoday.intoday.in. 2012-07-07. http://indiatoday.intoday.in/story/rti-activist-akhil-gogoi-kmss-team-anna-menber/1/204170.html। আহৰণ কৰা হৈছে: 2012-12-31. 
  5. Sushanta Talukdar (2012-08-05). "News / National : Akhil Gogoi opposes Team Anna’s decision". The Hindu. http://www.thehindu.com/news/national/akhil-gogoi-opposes-team-annas-decision/article3728321.ece। আহৰণ কৰা হৈছে: 2012-12-31. 
  6. "Anti-corruption activist a ‘Maoist’ in Assam report". Indian Express. http://www.indianexpress.com/news/anticorruptionactivistamaoistinassamreport/590798/0। আহৰণ কৰা হৈছে: 2012-08-06. 
  7. "Assam govt brands RTI activist as Maoist - India News - IBNLive". Ibnlive.in.com. 2010-04-06. http://ibnlive.in.com/news/assam-govt-brands-rti-activist-as-maoist/112754-3.html। আহৰণ কৰা হৈছে: 2012-08-06. 
  8. "India's Independent Weekly News Magazine". Tehelka. http://www.tehelka.com/story_main44.asp?filename=Ne100410shooting_the.asp। আহৰণ কৰা হৈছে: 2012-08-06. 
  9. "News » Videos". NDTV. http://www.ndtv.com/news/videos/video_player.php?id=1209296। আহৰণ কৰা হৈছে: 2012-08-06. 
  10. ndtv (2011-03-31). "Akhil Gogoi under scanner". YouTube. http://www.youtube.com/watch?v=TAni3rMWF9I। আহৰণ কৰা হৈছে: 2012-08-06. 
  11. "Akhil gives ray of hope to Assam farmers". Assam News. http://www.assamtimes.org/node/7980। আহৰণ কৰা হৈছে: 2012-02-26. 
  12. Saikia, Arupjyoti (2008). "Forest land and peasant struggles in Assam, 2002-2007". Journal of Peasant Studies খণ্ড 35 (1): 39–59. doi:10.1080/03066150801983402. http://www.informaworld.com/openurl?genre=article&issn=0306-6150&volume=35&issue=1&spage=39. 

বাহ্যিক সংযোগ[সম্পাদনা কৰক]