ৰমেন বৰুৱা

অসমীয়া ৱিকিপিডিয়াৰ পৰা
ৰমেন বৰুৱা
জন্ম ১৯৪০
গুৱাহাটী, অসম
ৰাষ্ট্ৰীয়তা ভাৰত ভাৰতীয়
পেচা সঙ্গীত পৰিচালক,কণ্ঠশিল্পী
প্ৰভাৱিত কৰিছে ব্ৰজেন বৰুৱা, নিপ বৰুৱা
দাম্পত্যসঙ্গী কাকলি মহন্ত

ৰমেন বৰুৱা অসমীয়া চলচ্চিত্ৰৰ এগৰাকী সঙ্গীত পৰিচালক আৰু কণ্ঠশিল্পী। ১৯৪০ চনত তেখেতৰ জন্ম হয়। মাত্ৰ ঊনৈশ বছৰ বয়সত তেখেতে জেষ্ঠ্য ভাতৃ ব্ৰজেন বৰুৱাৰ সৈতে যুটীয়া ভাবে ১৯৫৯ত মুক্তি পোৱা নিপ বৰুৱা পৰিচালিত ছবি আমাৰ ঘৰত সংগীত পৰিচালনা কৰে। ১৯৬৯ত মুক্তিপ্ৰাপ্ত ব্ৰজেন বৰুৱাৰ ডক্তৰ বেজবৰুৱাত তেখেতে প্ৰথম স্বতন্ত্ৰৰূপত সংগীত পৰিচালনা কৰে। ডক্তৰ বেজবৰুৱাৰ সুৰীয়া গীতসমূহ ছবিখন চুপাৰ হিট হোৱাৰ অন্যতম কাৰণ আছিল। তেখেতে মুঠতে ২৭ খন ছবিত স্বতন্ত্ৰৰূপত সংগীত পৰিচালনা কৰিছে। ইয়াৰ দুখন বাংলা ছবি। এই ছবিদুখন আছিল অসমীয়া ছবি সোণমা আৰু ককাদেউতা নাতি আৰু হাতীৰ বাংলা ৰূপান্তৰ। ৰমেন বৰুৱাই ৫খন অসমীয়া ছবিত কণ্ঠদানো কৰিছে। তেখেতে প্ৰথম কণ্ঠদান কৰা প্ৰথম ছবিখন আছিল ১৯৫৫ চনত মুক্তিপ্ৰাপ্ত নিপ বৰুৱা পৰিচালিত স্মৃতিৰ পৰশ। তেখেত গুৱাহাটী অনাতাঁৰ কেন্দ্ৰৰ নিৰ্বাচিত কণ্ঠশিল্পী আছিল। পিছলৈ তেখেত আকাশবাণীৰ মিউজিক কম্পোজাৰ হয়। কেশৱ মহন্ত, অজিৎ বৰুৱা, নৱকান্ত বৰুৱা, সতীশ দাস, ভূপেন ডেকা আদি বহুতো নবীন-প্ৰবীন গীতিকাৰৰ গীতত তেখেতে সুৰ দিছে। তেখেতে পিছলৈ সুপ্ৰতিষ্ঠিত হোৱা অণিমা চৌধুৰী, পাহাৰী দাস, যুথিকা চৌধুৰী, নীলিমা খাতুন, কবিতা বৰঠাকুৰ, ৰুণজুণ ফুকন আদি কণ্ঠশিল্পীক ছবিৰ নেপথ্য গায়িকা হোৱাৰ প্ৰথম সুযোগ দিছিল। তেখেতে কৈশোৰ অৱস্থাতে ভাৰতীয় গণনাট্য সংঘৰ সৈতে জড়িত হৈ পৰিছিল।[1][2][3]

জন্ম আৰু পৰিয়াল[সম্পাদনা কৰক]

শিক্ষা আৰু কৰ্মজীৱন[সম্পাদনা কৰক]

চলচ্চিত্ৰপঞ্জী[2][সম্পাদনা কৰক]

সংগীত পৰিচালনা[সম্পাদনা কৰক]

ছবিৰ নাম ভাষা পৰিচালক বৰ্ষ টোকা
আমাৰ ঘৰ অসমীয়া নিপ বৰুৱা ১৯৫৯ ব্ৰজেন বৰুৱাৰ সৈতে যুটীয়া পৰিচালনা
ডক্তৰ বেজবৰুৱা অসমীয়া ব্ৰজেন বৰুৱা ১৯৬৯
বৰুৱাৰ সংসাৰ অসমীয়া নিপ বৰুৱা ১৯৭০
মুকুতা অসমীয়া ব্ৰজেন বৰুৱা ১৯৭০
যোগ বিয়োগ অসমীয়া দ্বিবন বৰুৱা ১৯৭১
ললিতা অসমীয়া ব্ৰজেন বৰুৱা ১৯৭২
ওপজা সোণৰ মাটি অসমীয়া ব্ৰজেন বৰুৱা ১৯৭২
হৃদয়ৰ প্ৰয়োজন অসমীয়া গৌৰী বৰ্মণ ১৯৭২
উত্তৰণ অসমীয়া মনোৰঞ্জন শুৰী ১৯৭৩
সোণতৰা অসমীয়া নিপ বৰুৱা ১৯৭৩
পৰিনাম অসমীয়া প্ৰবীন বৰা ১৯৭৪
তৰামাই অসমীয়া দ্বিবন বৰুৱা ১৯৭৬
সোণমা অসমীয়া নিপ বৰুৱা ১৯৭৭
মৰমী অসমীয়া দীজেন্দ্ৰ নাৰায়ন দেৱ ১৯৭৮
মৰম অসমীয়া দ্বিবন বৰুৱা ১৯৭৮
আশ্ৰয় অসমীয়া দুলাল ৰয় ১৯৭৯
আজলী নবৌ অসমীয়া নিপ বৰুৱা ১৯৮০
ৰজা হৰিশ্চন্দ্ৰ অসমীয়া দ্বিবন বৰুৱা ১৯৮০
মানসী অসমীয়া বলাই সেন ১৯৮১
উত্তৰ শূন্য অসমীয়া দ্বিবন বৰুৱা ১৯৮১
ৰাজা অসমীয়া সমৰেন্দ্ৰ নাৰায়ন দেৱ ১৯৮২
ককাদেউতা নাতি আৰু হাতী অসমীয়া নিপ বৰুৱা ১৯৮০
শকুন্তলা আৰু শংকৰ যোচেফ আলী অসমীয়া নিপ বৰুৱা ১৯৮৩
এণ্টনী মোৰ নাম অসমীয়া নিপ বৰুৱা ১৯৮৬
দীপজ্যোতি অসমীয়া প্ৰদ্যুৎ বসু ১৯৮৬
অজলা ককাই অসমীয়া দ্বিবন বৰুৱা ১৯৮৯
মনিমা বাংলা নিপ বৰুৱা 'সোণমা'ৰ বাংলা ৰূপান্তৰ
দাদু, নাতি-হাতী বাংলা নিপ বৰুৱা 'ককাদেউতা, নাতি আৰু হাতী'ৰ
বাংলা ৰূপান্তৰ

কণ্ঠশিল্পী[সম্পাদনা কৰক]

ছবিৰ নাম পৰিচালক সংগীত পৰিচালক বৰ্ষ টোকা
স্মৃতিৰ পৰশ নিপ বৰুৱা ব্ৰজেন বৰুৱা ১৯৫৯
মাক আৰু মৰম নিপ বৰুৱা ব্ৰজেন বৰুৱা ১৯৫৭
আমাৰ ঘৰ নিপ বৰুৱা ব্ৰজেন বৰুৱা আৰু ৰমেন বৰুৱাৰ যুটীয়া পৰিচালনা ১৯৫৯
ওপজা সোণৰ মাটি ব্ৰজেন বৰুৱা ৰমেন বৰুৱা ১৯৭২
অজলা ককাই দ্বিবন বৰুৱা ৰমেন বৰুৱা ১৯৮৯

বঁটা আৰু সন্মান[সম্পাদনা কৰক]

লগতে চাওক[সম্পাদনা কৰক]

তথ্য সংগ্ৰহ[সম্পাদনা কৰক]

  1. অৰূপ চক্ৰৱৰ্তী (জুন ২০০৬). "ৰমেন বৰুৱা আৰু নিউ আৰ্ট প্লেয়াৰ্চ". অসমীয়া সা ৰে গা মা. 
  2. 2.0 2.1 পবিত্ৰ কুমাৰ ডেকা (জুন ২০০৬). "অসমীয়া চলচ্চিত্ৰ আৰু বৰুৱা পৰিয়াল". অসমীয়া সা ৰে গা মা. 
  3. তফজ্জুল আলী (জুন ২০০৬). "সংগীতকাৰ ব্ৰজেন বৰুৱা আৰু ৰমেন বৰুৱা". অসমীয়া সা ৰে গা মা.