দেবেন্দ্ৰ নাথ আচাৰ্য

অসমীয়া ৱিকিপিডিয়াৰ পৰা
জন্ম ৩ মাৰ্চ, ১৯৩৭ চন
গৰখীয়া দ'ল, যোৰহাট, অসম
মৃত্যু ২৯ ছেপ্টেম্বৰ, ১৯৮১ চন


দেৱেন্দ্ৰনাথ আচাৰ্য,(১৯৩৭- ১৯৮১ চন) এগৰাকী অসমীয়া ঔপন্যাসিক, গল্পকাৰ, কবি আৰু শিশু সাহিত্যিক।[1]ঘাইকৈ অসম বুৰঞ্জী ভিত্তিক উপন্যাসৰ ৰচয়িতা। তেখেতৰ দ্বাৰা ৰচিত উপন্যাস জংগম-এ সাহিত্য অকাডেমি বঁটা লাভ কৰিছিল।[2]

বাল্যকাল, শিক্ষা আৰু কৰ্ম জীৱন[সম্পাদনা কৰক]

দেৱেন্দ্ৰনাথ আচাৰ্যৰ জন্ম হৈছিল যোৰহাটৰ ওচৰৰ গৰখীয়া দ'লত। পিতৃৰ নাম আছিল নগেন্দ্ৰনাথ আচাৰ্য, আৰু মাতৃৰ নাম জয়ন্তীপ্ৰিয়া দেৱী।[1] তেখেতৰ শিক্ষা জীৱন আৰম্ভ হয় গৰখীয়া দ'ল বালক প্ৰাথমিক বিদ্যালয়ত। ১৯৫৩ চনত যোৰহাট চৰকাৰী বালক বিদ্যালয়ৰ পৰা শিক্ষান্ত পৰীক্ষাত উত্তীৰ্ণ হোৱাৰ পাছত, ১৯৫৫ চনত গুৱাহাটীৰকটন কলেজৰ পৰা আই এছ ই উত্তীৰ্ণ হয়। খড়গপুৰভাৰতীয় প্ৰযুক্তিবিদ্যা প্ৰতিষ্ঠানৰপৰা বি.টেক. ডিগ্ৰী লৈ আচাৰ্যদেৱে ইম্পেৰিয়েল কলেজ অৱ চাইন্স এণ্ড টেকন'ল'জী ডি আই চি আৰু তাৰ পাছত লণ্ডন বিশ্ববিদ্যালয়ৰ পৰা আভিযান্ত্ৰিক বিষয়ৰ স্নাতকোত্তৰ উপাধি লয়। তাৰ পাছত অসমলৈ ঘূৰি আহে আৰু ১৯৫১ চনত অসম অভিযান্ত্ৰিক মহাবিদ্যালয়ত অধ্যাপকৰ পদত নিযুক্ত হয়।[2]। ১৯৬৩-৬৪ চনত লণ্ডনত চিনিয়ৰ ৰিচাৰ্চ ইঞ্জিনিয়াৰ হিচাপে কাম কৰাৰ পাছত ১৯৬৫ চনত যোৰহাট অভিযান্ত্ৰিক মহাবিদ্যালয়ত সহঃ অধ্যাপক হিচাপে নিযুক্ত হয়। ১৯৬৮ চনত তেঁও অসম কাৰিকৰী শিক্ষা সঞ্চালকালয়ত উপ-সঞ্চালক হিচাপে কাৰ্যনিৰ্বাহ কৰে।

মৃত্যুৰ সময়ত অসম গেছ কোম্পানীৰ 'জেনেৰেল মেনেজাৰ' পদত নিযুক্ত হৈ আছিল।[2]

সাহিত্য কৰ্ম[সম্পাদনা কৰক]

অসম বুৰঞ্জীৰ ওপৰত ভিত্তি কৰি দেৱেন্দ্ৰনাথ আচাৰ্যই কেবাখনো উপন্যাস ৰচনা কৰিছিল। [2]

  • অন্য যুগ অন্য পুৰুষ (১৯৭১)
  • কালপুৰুষ (১৯৭৬)
  • জংগম (১৯৮৩)
  • ৰক্তৰাগ ( ১৯৭২)
  • বেকাৰ নিকেতন(১৯৭২)
  • ৰামধেনু কাৰ ধেনু(১৯৭২)
  • পল্লৱী
  • কবিতা কবিতা
  • এক তাৰিখ (নাটক)

স্বীকৃতি আৰু সন্মান[সম্পাদনা কৰক]

মৃত্যু[সম্পাদনা কৰক]

২৯ ছেপ্টেম্বৰ, ১৯৮১ তাৰিখত দেৱেন্দ্ৰনাথ আচাৰ্যৰ মৃত্যু হয়।[2]

তথ্য সংগ্ৰহ[সম্পাদনা কৰক]

  1. 1.0 1.1 1.2 উদ্ধৃতি ত্ৰুটি: Invalid <ref> tag; name "dnanb" defined multiple times with different content
  2. 2.0 2.1 2.2 2.3 2.4 2.5 শিৱনাথ বৰ্মন, অসমীয়া জীৱনী অভিধান, চ'ফিয়া প্ৰেছ এণ্ড পাব্লিচাৰ্ছ প্ৰা: লি:, ১৯৯২, পৃ: ২২৭
  3. "সাহিত্য অকাডেমি বঁটা বিজয়ী অসমীয়াসকলৰ তথ্য". সাহিত্য অকাডেমি. http://sahitya-akademi.gov.in/sahitya-akademi/showSearchAwardsResult.jsp?year=&author=&awards=AA&language=ASSAMESE। আহৰণ কৰা হৈছে: নৱেম্বৰ ১৬, ২০১২.