শকুন্তলা (চলচ্চিত্ৰ)

অসমীয়া ৱিকিপিডিয়াৰ পৰা
Jump to navigation Jump to search
শকুন্তলা
Sakuntala
Poster of 1961 Assamese film.Sakuntala.png
শকুন্তলা বোলছবিৰ এখন ৰঙীন পোষ্টাৰ
পৰিচালক ভূপেন হাজৰিকা
প্ৰযোজক কাশী প্ৰসাদ বিহানী
ভিত্তি কালিদাসঅভিজ্ঞানম শকুন্তলম
অভিনয়ত পবিত্ৰ বৰকটকী
ইভা আচাও
সংগীত পৰিচালক ভূপেন হাজৰিকা
ষ্টুডিঅ’ ইন্দ্ৰপুৰী, কলিকতা
মুক্তি ১১ নবেম্বৰ ১৯৬১
দেশ ভাৰত ভাৰত
ভাষা অসমীয়া

শকুন্তলা (ইংৰাজী: Sakuntala) ভূপেন হাজৰিকা পৰিচালিত কালিদাসঅভিজ্ঞানম শকুন্তলম নাটৰ ওপৰত আধাৰিত এখন পৌৰাণিক বিষয়ক অসমীয়া কথাছবি। সঙ্গীত ভূপেন হাজৰিকাৰ। ছবিখনে মুক্তি পাইছিল ১৯৬১ৰ ১১ নবেম্বৰৰ দিনা। প্ৰয়োজক আছিল কলকাতাৰ কামৰুপ চিত্ৰ। ছবিখনে ৯ম ৰাষ্ট্ৰীয় চলচ্চিত্ৰ বঁটাৰ অসমীয়া ভাষাৰ শ্ৰেষ্ঠ ছবি শিতানত ৰাষ্ট্ৰপতিৰ ৰূপৰ পদক পাইছিল। দুষ্মন্ত আৰু শকুন্তলাৰ ভূমিকাত অভিনয় কৰিছিল পবিত্ৰ বৰকটকী আৰু অনিমা গুহই। ছয়বছৰীয়া বিদ্যা ৰাৱেও শিশু আশ্ৰম কন্যাৰ ভূমিকাত অভিনয় কৰিছে।[1][2]

মূল ছবিখন ক’লা-বগা আছিল যদিও “প্ৰথম প্ৰহৰ ৰাত্ৰি” শীৰ্ষক গীতটো ৰঙীন ফিল্মত চিত্ৰগ্ৰহণ কৰা হৈছিল। এইখন প্ৰথম অসমীয়া আংশিক ৰঙীন ছবি।[3][2][4]

কাহিনী[সম্পাদনা কৰক]

শকুন্তলাৰ ভূমিকাত অনিমা গুহ[2]

]

কালিদাস ৰচিত অভিজ্ঞানম শকুন্তলমৰ প্ৰখ্যাত দুষ্মন্ত-শকুন্তলাৰ প্ৰেমকথাৰ আধাৰত ছবিখনৰ কাহিনী নিৰ্মাণ কৰা হৈছে।[2][5]

হস্তিনাপুৰৰ ৰজা দুষ্মন্ত মৃগয়া কৰিবলৈ গৈ বাট হেৰুৱাই মহৰ্ষি কণ্বৰ আশ্ৰম ওলালগৈ। তাতে গৈ মহৰ্ষি কণ্বৰ তোলনীয়া জীয়ৰী শকুন্তলাক (ইভা আচাও) দেখা-সাক্ষাৎ হ’ল। দুয়োৰো মাজত অনুৰাগৰ জন্ম হ’ল আৰু দুয়ো গান্ধৰ্ব্য বিবাহ কৰি পেলালে। ইফালে ৰজা দুষ্মন্তৰো ৰাজধানীলৈ উভতিবৰ সময় হ’ল। তেওঁ আঙুঠি এটা শকুন্তলাক পিন্ধাই দিলে আৰু অচিৰেই ৰাজধানীলৈ লৈ যোৱাৰ প্ৰতিশ্ৰুতি দি উভতি গ’ল। এদিন কণ্ব ঋষিৰ আশ্ৰমলৈ ভিক্ষা মাগিবলৈ আহক খঙাল বুলি প্ৰসিদ্ধি থকা ঋষি দুৰ্বাসা। দুষ্মন্তৰ কথা ভাবি তন্ময় হৈ থকা শকুন্তলাই দুৰ্বাসাৰ মাত নুশুনিলে। খঙতে ঋষিয়ে অভিশাপ দিলে যে যাৰ কথা ভাবি থাকি ঋষিক অৱজ্ঞা কৰিলে, সেইজনেই শকুন্তলাক পাহৰি যাব। শেষত মন কুমলাত দুৰ্বাসা ঋষিয়ে উপায় এটা দিলে যে দুষ্মন্তই প্ৰথমে শকুন্তলাক চিনি নাপাব, কিন্তু কিবা এটা স্মৃতিচিহ্ন দেখুৱাবা পাৰিলে তেওঁৰ পূৰ্বৰ কথা মনত পৰিব।[5]

ইফালে দুষ্মন্তই নিবলৈ নহাত গৰ্ভৱতী শকুন্তলা নিজে হস্তিনাপুৰলৈ ওলাল। যাওঁতে দুষ্মন্তই দিয়া আঙুঠিটো নৈত পৰি হেৰাই থাকিল। ৰজাই তেওঁক চিনি নাপালে আৰু অপমান কৰি ঘূৰাই পঠিয়ালে। শকুন্তলাই ভগ্ন হৃদয়ে তেওঁ উভতি আহিল আৰু এটা পুত্ৰসন্তান জন্মদিলে। ঘটনাক্ৰমে আঙুঠিটো এজন মাছমৰীয়াই এটা মাছৰ পেটত পালে। ৰাজকীয় চিহ্নযুক্ত আঙুঠিটো মাছমৰীয়াজনে চুৰ কৰা বুলি তাক ৰাজসভালৈ ধৰি লৈ আহিল। আঙুঠিটো দেখি ৰজা দুষ্মন্তৰ সকলো কথা মনত পৰিল।[5]

পুত্ৰসন্তান সহ শকুন্তলাক দুষ্মন্তই হস্তিনাপুৰলৈ লৈ আহিল।[5]

শিল্পী আৰু কলা-কুশলী[সম্পাদনা কৰক]

  • প্ৰযোজক- কাশী প্ৰসাদ বিহানী
  • বেনাৰ- কামৰূপ চিত্ৰ, কলিকতা
  • পৰিচালক, সঙ্গীত পৰিচালক, গীতিকাৰ- ভূপেন হাজৰিকা
  • কেমেৰা- ৰাধা ফিল্মচ্, কলিকতা
  • ষ্টুডিঅ'- ইন্দ্ৰপুৰী ষ্টুডিঅ', কলিকতা
  • শব্দ- অৱণী চেতাৰ্জী
  • মেকআপ- অনন্ত দাস
  • অভিনয়
  1. পবিত্ৰ বৰকটকী (দুষ্মন্ত)
  2. অনিমা গুহ (শকুন্তলা)
  3. খগেন মহন্ত
  4. ইভা আচাও (শকুন্তলাৰ বান্ধৱী অনুসূয়া)
  5. ফণী শৰ্মা (ঋষি দুৰ্বাষা)
  6. বিদ্যা ৰাও (শিশুশিল্পী)[2]

গীত[সম্পাদনা কৰক]

ছবিখনত মুঠ ৬টা গীত আছিল। গীতৰ সুৰ আৰু কথা আছিল ভূপেন হাজৰিকাৰ।[3]

ক্ৰমিক নং গীতৰ শীৰ্ষক গীতিকাৰ কণ্ঠ
অলৌগুটি তলৌগুটি কোন ক’ত লটিঘটি কচুপাতৰ লাই, যিহাতে আঙুঠি নাই সেই হাতে কেনেকৈ পায় ভূপেন হাজৰিকা ভূপেন হাজৰিকা, ইলা বোস
প্ৰথম প্ৰহৰ ৰাত্ৰি ফুলি আছিল চম্পা, শুনা সখী শকুন্তলা তুলি বান্ধা খোপা কবিতা হাজৰিকা,ইলা বোস
বিৰাজে কি সাজে প্ৰকৃতিৰে জীয়ৰী, জোনক দেখি হাঁসে সখী নিজকে পাহৰি ভূপেন হাজৰিকা
নৱ মল্লিকাৰ হেঁপাহ জানো পলাব মালিনী নৈতে ৰূপ চাই চাই, শকুন্তলা আইৰ জানো দেহাটি শীতলিব পদুমৰে পৰশন পাই ইলা বোস, অনামিকা দেৱী
পিতৃ গৃহ ত্যাগি আই মোৰ পতি গৃহে যায়, দুই পাৱ চলে যদি এক পিছুৱাই ভূপেন হাজৰিকা
বনৰে পখিটি, তোমাৰ লগৰীয়া আমাৰে জোনটি পদুমৰে কলিটি ইলা বোস

বঁটা আৰু সন্মান[সম্পাদনা কৰক]

১৯৬১ৰ নৱম ৰাষ্ট্ৰীয় চলচ্চিত্ৰ বঁটা অনুষ্ঠানত শকুন্তলাই অসমীয়া ভাষাৰ শ্ৰেষ্ঠ ছবিৰ শিতানত ৰূপৰ পদক লাভ কৰে।[5]

তথ্য উংস[সম্পাদনা কৰক]

  1. "Shakuntala (1961) – Assamese Film". https://www.assams.info/movies/shakuntala-1961। আহৰণ কৰা হৈছে: 13-10-2019. 
  2. 2.0 2.1 2.2 2.3 2.4 "DR. BHUPEN HAZARIKA AS FILM AND MUSIC DIRECTOR". https://shodhganga.inflibnet.ac.in/bitstream/10603/116486/12/12_chapter%204.pdf। আহৰণ কৰা হৈছে: 13-10-2019. 
  3. 3.0 3.1 অসমীয়া বোলছবিৰ গীতৰ সংকলন. 1985. 
  4. "Shakuntala". https://indiancine.ma/KCN/info। আহৰণ কৰা হৈছে: 13-10-2019. 
  5. 5.0 5.1 5.2 5.3 5.4 "State Awards for films". https://www.dff.nic.in/images/Documents/105_9thNfacatalogue.pdf। আহৰণ কৰা হৈছে: 13-10-2019. "State Awards for films". https://www.dff.nic.in/images/Documents/105_9thNfacatalogue.pdf। আহৰণ কৰা হৈছে: 13-10-2019.