কথানদী

অসমীয়া ৱিকিপিডিয়াৰ পৰা
Jump to navigation Jump to search
কথানদী (The River of Fables)
Poster of kothanodi.jpg
পৰিচালক ভাস্কৰ হাজৰিকা
প্ৰযোজক অনুৰূপা হাজৰিকা, ক্ৰাউডফাণ্ডিং
লেখক
ভিত্তি অসমীয়া লোক-কাহিনী
অভিনয়ত সীমা বিশ্বাস
আদিল হুছেইন
জেৰিফা ৱাহিদ
উৰ্মিলা মহন্ত
কপিল বৰা
আশা বৰদলৈ
সংগীত পৰিচালক অমৰনাথ হাজৰিকা
চিত্ৰগ্ৰহণকাৰী বিজয় কুট্টী
সম্পাদনা সুৰেষ পাই
পৰিবেশক মেটানৰ্মেল ম'শ্যন পিকছাৰ্ছ
মুক্তি ১০ অক্টোবৰ ২০১৫(বুছান আন্তৰাষ্ট্ৰীয় ছবি মহোৎসৱ)
১৬ ছেপ্টেম্বৰ ২০১৬(অসম)
দৈৰ্ঘ্য ১১৫ মিনিট
দেশ ভাৰত
ভাষা অসমীয়া


কথানদী (ইংৰাজী: The River of Fables) ২০১৬ চনত মুক্তি লাভ কৰা ভাস্কৰ হাজৰিকা পৰিচালিত এখন অসমীয়া চলচ্চিত্ৰ। ইয়াত সীমা বিশ্বাস, আদিল হুছেইন, জেৰিফা ৱাহিদ, উৰ্মিলা মহন্ত, কপিল বৰা, আশা বৰদলৈ আদিয়ে অভিনয় কৰিছিল। এই চলচ্চিত্ৰখনৰ কাহিনীৰ ভিত্তি অসমৰ কিছুমান লোকসাধু।[1]

কথানদীয়ে ২০১৫ চনত এছিয়ান চিনেমা ফাণ্ডৰ প'ষ্ট প্ৰডাক্‌চন বঁটা লাভ কৰে।[2] ২০১৫ চনৰ ১ ৰ পৰা ১০ অক্টোবৰলৈকে অনুষ্ঠিত বিংশতিতম বুছান আন্তঃৰাষ্ট্ৰীয় চলচ্চিত্ৰ মহোৎসৱত এই চলচ্চিত্ৰ প্ৰথমবাৰ প্ৰদৰ্শিত হয়।[3] ২০১৬ চনৰ এপ্ৰিলত ৬৩ তম ৰাষ্ট্ৰীয় চলচ্চিত্ৰ বঁটাত ই শ্ৰেষ্ঠ অসমীয়া চলচ্চিত্ৰৰ বঁটা লাভ কৰে।[4]

কাহিনী[সম্পাদনা কৰক]

কথানদীৰ ছবিখনৰ কাহিনীটো লক্ষ্মীনাথ বেজবৰুৱাবুঢ়ী আইৰ সাধুৰ কেইটিমান জনপ্ৰিয় সাধু আৰু চৰিত্ৰক কেন্দ্ৰ কৰি গঢ়ি উঠিছে ৷ বুঢ়ী আইৰ সাধুত সন্নিৱিষ্ট "তেজীমলা", "চম্পাৱতী", "ঔ-কুঁৱৰী" আৰু "তাৱৈৰ সাধু" নামৰ চাৰিটা বিশেষ সাধুৰ সংমিশ্ৰণ কৰি কথানদীৰ মূল কাহিনীটো সৃষ্টি কৰা হৈছে ৷ [5]

কলা-কুশলী[সম্পাদনা কৰক]

কথানদী ছবিখনত বহুতো নবীন-প্ৰবীন শিল্পীয়ে অভিনয় কৰে ৷ ধনেশ্বৰীৰ চৰিত্ৰত সীমা বিশ্বাস, দেৱীনাথৰ চৰিত্ৰত আদিল হুছেইন, চেনেহীৰ চৰিত্ৰত জেৰিফা ৱাহিদ, কেতেকীৰ চৰিত্ৰত উৰ্মিলা মহন্ত, পোনাইৰ চৰিত্ৰত কপিল বৰা, মালতীৰ চৰিত্ৰত আশা বৰদলৈ, তেজীমলাৰ চৰিত্ৰত কাছভী শৰ্মা, বনলতিকাৰ চৰিত্ৰত মনিষা ভূঞা আৰু জগন্নাথৰ চৰিত্ৰত ডাঃ জয়ন্ত দাসে অভিনয় কৰে ৷ ছবিখনৰ কলা-নিৰ্দেশক আছিল গোলোক সাহা ৷ সাজ-সজ্জাৰ দায়িত্বত আছিল ৰাণী দত্ত বৰুৱা ৷ ভিজুৱেল ইফেক্টছৰ দায়িত্বত আছিল শচীন বোলে, দীপ্তাংশু ঘোষ, জয়েশ শীৰ্কে আৰু চন্দ্ৰশেখৰ টানভি ৷ [6]

মুক্তি[সম্পাদনা কৰক]

২০১৫ চনৰ ১-১০ অক্টোবৰলৈকে চলা বিংশতম বুছান আন্তঃৰাষ্ট্ৰীয় ছবি মহোৎসৱত কথানদীৰ ৱৰ্ল্ড প্ৰিমিয়াৰ হৈছিল ৷[3] ইয়াৰ পিছত অনুষ্ঠিত হোৱা বহুতো ছবি মহোৎসৱত কথানদীৰ প্ৰদৰ্শনী হৈছিল ৷ তাৰ ভিতৰত ৫৯ সংখ্যক বিএফআই লণ্ডন ছবি মহোৎসৱ ,[7] সপ্তদশ মুম্বাই ছবি মহোৎসৱ আৰু ৪ৰ্থ ধৰ্মশালা আন্তঃৰাষ্ট্ৰীয় ছবি মহোৎসৱ লেখত ল'বলগীয়া ৷ ২০১৬ চনৰ জানুৱাৰীত ৩৯সংখ্যক গোটেবাৰ্গ আন্তঃৰাষ্ট্ৰীয় ছবি মহোৎসৱত ছবিখনৰ প্ৰিমিয়াৰ হৈছিল ৷ উল্লেখ্য যে, এই মহোৎসৱৰ প্ৰদৰ্শনীলৈ কেৱল দুখন ভাৰতীয় ছবিহে নিৰ্বাচিত হৈছিল৷ কথানদী আৰু চৌৰাংগ ৷ [8] ২০১৬ চনৰ এপ্ৰিলত লছ এঞ্জেলছত অনুষ্ঠিত হোৱা চতুৰ্দশ ভাৰতীয় ছবি মহোৎসৱতো ছবি-প্ৰদৰ্শনীৰ বাবে কথানদী নিৰ্বাচিত হৈছিল ৷ [9] ইয়াৰ বাহিৰেও ছবিখনে কালগেৰি, আষ্টিন টিএক্স, নিউ ইয়ৰ্ক চিটী, ষ্টাটগাৰ্ট, নতুন দিল্লী, পেৰিছ, দ্য হ'গ আৰু মেলবৰ্ণত প্ৰদৰ্শনী হৈছিল ৷

২০১৬ চনৰ ১৬ ছেপ্টেম্বৰত ছবিখনে অসমৰ ছবিগৃহত মুক্তি লাভ কৰে ৷ নদীদ্বীপ মাজুলীত ছবিখনৰ প্ৰিমিয়াৰ অনুষ্ঠিত হৈছিল ৷ মাজুলীতেই ছবিখনৰ অধিকাংশ দৃশ্যগ্ৰহণ সম্পন্ন হয় ৷[10]উল্লেখনীয় যে, নদীদ্বীপ মাজুলীত প্ৰিমিয়াৰ অনুষ্ঠিত হোৱা কথানদীয়েই প্ৰথমখন বোলছবি ৷ ইয়াৰ পাছতেই ছবিখনক অসমৰ আন-আন ছবিগৃহতো মুক্তি দিয়া হয় আৰু ছবিখন চাৰিসপ্তাহলৈকে সফলতাৰে চলে ৷ অন্যহাতে ষ্ট্ৰিমিং চাৰ্ভিছ নেটফ্লিক্স-এ গোলকীয় প্ৰদৰ্শনীৰ বাবে নিৰ্বাচন কৰা এইখনেই হৈছে প্ৰথমখন অসমীয়া কথাছবি ৷ ছবিখন দুটা বছৰৰ বাবে নেটফ্লিক্সত উপলব্ধ হৈ থাকে ৷ [11] [12]

বঁটা[সম্পাদনা কৰক]

৬৩সংখ্যক ৰাষ্ট্ৰীয় বোলছবি বঁটা প্ৰদান অনুষ্ঠানত কথানদীয়ে অসমীয়া ভাষাত নিৰ্মিত শ্ৰেষ্ঠ ছবিৰ বাবে বঁটা অৰ্জন কৰে ৷[4][13] ইয়াৰ বাহিৰেও ছবিখনে উত্তৰ-পূৰ্বাঞ্চলিক প্ৰাগ চিনে বঁটা ২০১৬ত দহটাকৈ শিতানত মনোনয়ন লাভ কৰে ৷ আৰু চাৰিটা শিতানত নিজৰ শ্ৰেষ্ঠত্ব প্ৰদৰ্শন কৰিবলৈ সক্ষম হয় ৷ সেইকেইটা হ'ল- শ্ৰেষ্ঠ চিত্ৰনাট্যৰ বাবে ভাস্কৰ হাজৰিকা, শ্ৰেষ্ঠ সহ অভিনেত্ৰীৰ বাবে কাছভী শৰ্মা, শ্ৰেষ্ঠ কলা-নিৰ্দেশনাৰ বাবে গোলোক সাহা, শ্ৰেষ্ঠ সাজ-সজ্জাৰ বাবে ৰাণী দত্ত বৰুৱা ৷ ২০১৬ চনৰ অক্টোবৰত, পেৰিছৰ "Festival du Film d’Asie du Sud" অনুষ্ঠানত ছবিখনে ‘Prix du Jury étudiant’ (ছাত্ৰ বিচাৰকৰ বঁটা) অৰ্জন কৰে৷ [14]

বাহ্যিক সংযোগ[সম্পাদনা কৰক]

তথ্যসূত্ৰ[সম্পাদনা কৰক]

  1. Das, Gaurav (3 December 2013). "Four iconic fables to feature in film". Times of India (Guwahati). http://timesofindia.indiatimes.com/city/guwahati/Four-iconic-fables-to-feature-in-film/articleshow/26761372.cms. 
  2. "Asian Cinema Fund (ACF) 2015 Selection Announced". http://acf.biff.kr/artyboard/board.asp?act=bbs&subAct=view&bid=9636_02&list_style=list&seq=150072. 
  3. 3.0 3.1 "Kothanodi receives rare international honour". http://www.assamtribune.com/scripts/showpage.asp?id=jul1115,12,87,1416,663,738. 
  4. 4.0 4.1 "National Awards 2016: Here is the complete List of Winners". The Indian Express (New Delhi). 29 March 2016. http://indianexpress.com/article/entertainment/bollywood/63rd-national-film-awards-complete-list-of-winners/। আহৰণ কৰা হৈছে: 11 June 2016. 
  5. https://www.thehindu.com/features/and-the-river-flows-to-tell-the-tales-kothanodi/article8645138.ece
  6. http://www.imdb.com/title/tt4577388/fullcredits
  7. "Kothanodi at the 59th BFI LFF Programme Guide". https://whatson.bfi.org.uk/lff/Online/default.asp?BOparam%3A%3AWScontent%3A%3AloadArticle%3A%3Apermalink=kothanodi. 
  8. "Nya Röster - The River of Fables". https://festival.giff.se/events/the-river-of-fables. 
  9. "Kothanodi at Cinema Indien". http://www.cinemaindien.se/work/kothanodi/. 
  10. "Breaking Convention, Kothanodi to Premiere in Majuli". http://www.northeasttoday.in/breaking-convention-kothanodi-to-premier-at-majuli/. 
  11. https://thenewsmill.com/historic-premiere-assamese-film-kothanodi-majuli/
  12. https://usa.newonnetflix.info/info/80105360
  13. "63rd National Film Awards". Directorate of Film Festivals. 28 March 2016. http://www.dff.nic.in/writereaddata/Winners_of_63rd_NFA_2015.pdf। আহৰণ কৰা হৈছে: 28 March 2016. 
  14. "Official Twitter Announcement". https://twitter.com/FestivalFFAST/status/791086395771224064.