আধুনিক অসমীয়া সাহিত্যৰ ইতিহাস
| আধুনিক অসমীয়া সাহিত্যৰ ইতিহাস | |
|---|---|
| লেখক | শৈলেন ভৰালী |
| দেশ | ভাৰত |
| ভাষা | অসমীয়া |
| বিষয় | অসমীয়া সাহিত্যৰ ঐতিহাসিক বিশ্লেষণ |
| প্ৰকাৰ | ইতিহাস |
| প্ৰকাশক | চন্দ্ৰ প্ৰকাশন |
| প্ৰকাশ | ১৯৯২ (দ্বিতীয় প্ৰকাশ) |
| মিডিয়া প্ৰকাৰ | মুদ্ৰণ |
| পৃষ্ঠা সংখ্যা | ১৮০ |
আধুনিক অসমীয়া সাহিত্যৰ ইতিহাস এখন অসমীয়া গ্ৰন্থ। গ্ৰন্থখন আধুনিক অসমীয়া সাহিত্যৰ ইতিহাস অধ্যয়নৰ ক্ষেত্ৰত এখন গুৰুত্বপূৰ্ণ অসমীয়া গ্ৰন্থ। গ্ৰন্থখনৰ লেখক গুৱাহাটী বিশ্ববিদ্যালয়ৰ অসমীয়া বিভাগৰ অৱসৰপ্ৰাপ্ত প্ৰাধ্যাপক ড° শৈলেন ভৰালী। গ্ৰন্থখনত আধুনিক অসমীয়া সাহিত্যৰ ইতিহাসক দুটা ভাগত বিভক্ত কৰি আলোচনা কৰিছে- জোনাকী যুগৰ সাহিত্য আৰু যুদ্ধোত্তৰ যুগৰ সাহিত্য। গ্ৰন্থখনৰ পৃষ্ঠাৰ সংখ্যা ১৮০।[1]
গ্ৰন্থকাৰৰ চমু পৰিচয়[সম্পাদনা কৰক]
শৈলেন ভৰালী একবিংশ শতাব্দীৰ অসমৰ এগৰাকী লেখক, সমালোচক আৰু অধ্যাপক।[2] উপন্যাস আৰু নাট্য সমালোচক ৰূপে তেওঁৰ বিশেষ পৰিচিতি আছে। অসমৰ অংকীয়া নাটকে ধৰি বিভিন্ন দেশী-বিদেশী নাটক সম্পৰ্কে তেওঁ ঐতিহাসিক সমালোচনা আগবঢ়াইছে। ‘গডোৰ প্ৰতীক্ষাত’ নাম দি ছেমুৱেল বেকেটৰ বিখ্যাত নাটক ৱেইটিং ফৰ গ’ড’ ৰ তেওঁ অসমীয়া ভাঙনি কৰিছে। ৰাষ্ট্ৰীয় আৰু আন্তঃৰাষ্ট্ৰীয় বহুকেইখন সন্মিলনত ভৰালীয়ে অসমৰ হৈ যোগাদান কৰিছে।
মুখবন্ধ[সম্পাদনা কৰক]
গ্ৰন্থখনৰ দ্বিতীয় প্ৰকাশ হয় জানুৱাৰী ১৯৯২ ত। প্ৰকাশক আছিল চন্দ্ৰ প্ৰকাশ। গ্ৰন্থখনৰ প্ৰকাশ সম্পৰ্কত মুখবন্ধত গ্ৰন্থকাৰে এনেদৰে লিখিছে:[1]
"গ্ৰন্থখন পোনতে প্ৰকাশ কৰা হৈছিল আধুনিক অসমীয়া সাহিত্যঃ দুটি তৰংগ এই নামেৰে। ১৮৮৯ ৰ পৰা ১৯৭৩ লৈকে অসমীয়া সাহিত্যৰ আলোচনাই তাত ঠাই পাইিছল। আৰ্হিকাকত নিজেই চাব নোৱাৰাৰ বাবে অমাৰ্জনীয় ভুল-ভ্ৰান্তিৰে পুথিখন ওলাই আহিছিল। সেইবোৰ ইয়াত আঁতৰাবলৈ চেষ্টা কৰা হৈছে।"
জোনাকী যুগৰ সাহিত্য[সম্পাদনা কৰক]
প্ৰসংগক্ৰমে এই অধ্যায়ত আধুনিক অসমীয়া সাহিত্যৰ পটভূমি সম্পৰ্কে আলোচনা কৰিছে। তদুপৰি জোনাকী যুগৰ সাহিত্য সম্পৰ্কে আলোচনা কৰোঁতে জোনাকী যুগৰ সাহিত্যক তলত উল্লেখ কৰা ধৰণে ভাগ কৰিছে-[1]
- কবিতা
- নাটক
- উপন্যাস
- চুটিগল্প
- প্ৰবন্ধ আৰু সমালোচনা
- জীৱনী সাহিত্য
যুদ্ধোত্তৰ যুগৰ সাহিত্য[সম্পাদনা কৰক]
এই ভাগটিত দ্বিতীয় বিশ্বযুদ্ধৰ পিছৰ পৰা বিংশ শতিকাৰ প্ৰায় নব্বৈ দশকলৈকে ৰচিত অসমীয়া সাহিত্যৰ বিষয়ে আলোচনা কৰিছে। গ্ৰন্থকাৰে এই সময়ছোৱাৰ সাহিত্যক আলোচনা কৰিবৰ বাবে তলত উল্লেখ কৰা ধৰণে ভাগ কৰিছে-[1]
- কবিতা
- নাটক
- উপন্যাস
- চুটিগল্প
- সমালোচনা আৰু প্ৰবন্ধ
- জীৱনী আৰু ভ্ৰমণ সাহিত্য