অৰুণিমা সিনহা

অসমীয়া ৱিকিপিডিয়াৰ পৰা
Jump to navigation Jump to search
অৰুণিমা সিনহা

২০১৪ চনত অৰুণিমা সিনহা
জন্ম ছনু
২০ জুলাই, ১৯৮৮
আম্বেদকাৰ নগৰ, উত্তৰ প্ৰদেশ, ভাৰত
ৰাষ্ট্ৰীয়তা ভাৰতীয়
পেচা অৰুণিমা ফাউণ্ডেছনৰ জৰিয়তে দাতব্য কাম-কাজ
ৰাষ্ট্ৰীয় পৰ্য্যায়ৰ শ্ৰেষ্ঠ অনুপ্ৰেৰণাদায়ী বক্তা
ভলীবল খেলুৱৈ
পৰ্বতাৰোহী
জনা যায় হাত/ভৰি অবিহনে মাউন্ট এভাৰেষ্ট আৰোহণ কৰা বিশ্বৰ প্ৰথম মহিলা
দাম্পত্যসঙ্গী গৌৰৱ সিং
বঁটা, সন্মান, পুৰস্কাৰ আদি পদ্মশ্ৰী আৰু টেনজিং নৰ্গে নেশ্বনেল এডভেনশ্বাৰ এৱাৰ্ড (২০১৫) (২০১৬) ফাৰ্ষ্ট লেডী এৱাৰ্ড (২০১৮) University of #Strathclyde #Glasgow, #United #Kingdom. Honoring Award Doctorate Degree on 06Nov 2018 12:30 PM (Glasgow Time).

অৰুণিমা সিনহা (জন্ম ২০ জুলাই, ১৯৮৮) হাত/ভৰি অবিহনে মাউন্ট এভাৰেষ্ট আৰু মাউন্ট ভিনছন বগোৱা বিশ্বৰ প্ৰথমগৰাকী মহিলা আৰোহী।[1][2][3][4] অৰুণিমা সিনহা এগৰাকী ৰাষ্ট্ৰীয় পৰ্য্যায়ৰ ভলীবল খেলুৱৈ আছিল। ২০১১ চনত এটা ডকাইতৰ দলক বাধা দিবলৈ লওতে দলটোৱে অৰুণিমাক চলন্ত ৰে'লৰ পৰা পেলাই দিয়ে। সেই ঘটনাটোত সৌভাগ্যক্ৰমে অৰুণিমা ৰক্ষা পৰে যদিও এখন ভৰি আঠুৰ তলৰ পৰা কাটিব লগা হয়।[5]

অৰুণিমাৰ লক্ষ্য আছিল প্ৰতিখন মহাদেশৰ সৰ্বোচ্চ শৃংগ আৰোহণ কৰা আৰু তাত ভাৰতৰ জাতীয় পতাকা উত্তোলন কৰা। ২০১৪ চন পৰ্য্যন্ত অৰুণিমাই ইতিমধ্যে ছয়টাকৈ শৃংগ আৰোহণ কৰিছে: এছিয়া মহাদেশৰ মাউন্ট এভাৰেষ্ট, আফ্ৰিকাকিলিমাঞ্জাৰ', ইউৰোপৰ এলব্ৰাছ, অষ্ট্ৰেলিয়াৰ কছিয়াজক', আৰ্জেন্টিনাৰ একনকাগুৱা আৰু ইণ্ডোনেছিয়াৰ কাৰ্ছ্টেনজ্ পিৰামিড (পানকাক জায়া)।[6] যোৱা ২০১৯ বৰ্ষৰ ৪ জানুৱাৰীত তেওঁ এন্টাৰ্কটিকাস্থিত মাউন্ট ভিনছন শৃংগ আৰোহণ সফলতাৰে সম্পূৰ্ণ কৰে।[4][7]

প্ৰাৰম্ভিক জীৱন আৰু কেৰিয়াৰ[সম্পাদনা কৰক]

সিনহাৰ জন্ম হয় ভাৰতৰ উত্তৰ প্ৰদেশ ৰাজ্যৰ আম্বেদকাৰ নগৰত।[8]

ৰে'ল দুৰ্ঘটনা[সম্পাদনা কৰক]

প্ৰাক্তন ৰাষ্ট্ৰীয় ভলীবল আৰু ফুটবল খেলুৱৈ অৰুণিমাই[9] চি. আই. এছ. এফ.ৰ এটা পৰীক্ষাত অৱতীৰ্ণ হ'বলৈ ২০১১ চনৰ ১২ এপ্ৰিলত লক্ষ্ণৌৰ পৰা দিল্লী অভিমুখী পদ্মাৱতী এক্সপ্ৰেছ ট্ৰেইনত উঠিছিল। সেই যাত্ৰাপথতে এটা ডকাইতৰ দলে অৰুণিমাৰ বেগ আৰু সোণৰ চেইন কাঢ়ি নিবলৈ অৰুণিমাক দবাৰ বাহিৰলৈ গতিয়াই দিয়ে। সেই ঘটনাটো সুঁৱৰি অৰুণিমাই কৈছিল:

অৰুণিমাই ৰে'লপথত পৰি যোৱাৰ পিছ মুহূৰ্ততে সমান্তৰাল পথেৰে আহি থকা আন এখন ৰে'লগাড়ীয়ে তেওঁৰ আঠুৰ তলৰ অংশৰে পাৰ হৈ যায়। আঠু আৰু কঁকালৰ গাঁথিত গুৰুতৰভাৱে আঘাত পোৱা অৰুণিমাক ততাতৈয়াকৈ চিকিৎসালয়লৈ লৈ যোৱা হৈছিল। কিন্তু চিকিৎসকে তেওঁৰ জীৱন বচাবলৈ এখন ভৰিৰ আঠুৰ তলৰ অংশটো কাটি পেলাবলৈ বাধ্য হয়।[11]

ভাৰতীয় খেল মন্ত্ৰালয়ে অৰুণিমাক ক্ষতিপূৰণ হিচাপে ২৫,০০০ টকা দিছিল। সংবাদটোৱে দেশজুৰি ব্যাপক চৰ্চা লাভ কৰাত যুৱ পৰিক্ৰমা আৰু খেল বিভাগৰ তদানীন্তন মন্ত্ৰী অজয় মাকেনে চিকিৎসাৰ খৰছৰ বাবে অতিৰিক্ত ২,০০,০০০ টকা ঘোষণা কৰিছিল। লগতে চি. আই. এছ. এফ.ত এটা চাকৰি প্ৰদানৰো ব্যৱস্থাও কৰিছিল। ভাৰতীয় ৰে'ল বিভাগেও তেওঁক এটা চাকৰিৰ পদ যাঁচিছিল।[12]

২০১১ চনৰ ১৮ এপ্ৰিলত উন্নত চিকিৎসাৰ বাবে অৰুণিমাক সৰ্বভাৰতীয় চিকিৎসা বিজ্ঞান প্ৰতিষ্ঠান (এইমছ্) লৈ যোৱা হৈছিল।[13] তাত তেওঁ চাৰি মাহ কটায়। দিল্লীস্থিত ব্যক্তিগত খণ্ডৰ ভাৰতীয় প্ৰতিষ্ঠান এটাই তেওঁৰ বাবে বিনামূলীয়াকৈ এখন কৃত্ৰিম ভৰিৰ ব্যৱস্থা কৰি দিছিল।[14]

তথ্যসূত্ৰ[সম্পাদনা কৰক]

  1. "Arunima Sinha, Indian Woman, Is First Female Amputee To Climb Everest in the world". http://www.coolthoughts.in/अरुणिमा-सिन्हा-के-बारे-मे.. 
  2. http://www.indoscopy.com/2013/05/first-indian-amputee-climb-everest.html | Arunima Sinha first Indian amputee to climb Mt Everest
  3. "Arunima becomes first Indian amputee to scale Everest". http://www.thehindu.com/news/national/arunima-becomes-first-indian-amputee-to-scale-everest/article4736281.ece. She is also the first female amputee to climb Mount Everest.
  4. 4.0 4.1 "Another peak scaled: India's Arunima Sinha becomes first female amputee to climb the highest peak of Antarctica - Mt Vinson - Times of India". https://timesofindia.indiatimes.com/sports/more-sports/others/another-peak-scaled-indias-arunima-sinha-becomes-first-female-amputee-to-climb-mount-vinson/articleshow/67380549.cms. 
  5. "This inspiring story of the first female amputee to climb Mount Everest will make you proud". http://indiatoday.intoday.in/story/arunima-sinha-inspiring-story-first-indian-female-amputee-mount-everest-proud-mountain-climb-lifest/1/692252.html। আহৰণ কৰা হৈছে: 29 June 2017. 
  6. "Arunima Sinha Conquers Indonesia's Highest Peak". https://www.ndtv.com/india-news/arunima-sinha-conquers-indonesias-highest-peak-1431681. 
  7. "PM Modi Congratulates First Woman Amputee For Scaling Mount Vinson". https://www.ndtv.com/india-news/pm-modi-congratulates-first-woman-amputee-mountaineer-arunima-sinha-for-scaling-mount-vinson-1972614. 
  8. "Amputee Everest climber Arunima Sinha to be an officer in CISF". The Times of India. 23 May 2013. http://articles.timesofindia.indiatimes.com/2013-05-23/india/39474986_1_everest-climber-arunima-sinha-cisf। আহৰণ কৰা হৈছে: 24 May 2013. 
  9. "National player thrown off train in UP, loses leg". India Today. 13 April 2011. http://indiatoday.intoday.in/story/national-player-thrown-off-train-in-uttar-pradesh-loses-leg/1/135153.html। আহৰণ কৰা হৈছে: 21 May 2013. 
  10. http://indiatoday.intoday.in/story/arunima-sinha-inspiring-story-first-indian-female-amputee-mount-everest-proud-mountain-climb-lifest/1/692252.html
  11. "Arunima Sinha becomes first Indian amputee to scale Mt Everest". The Indian Express. 21 May 2013. http://www.indianexpress.com/news/arunima-sinha-becomes-first-indian-amputee-to-scale-mt-everest/1118709/। আহৰণ কৰা হৈছে: 21 May 2013. 
  12. "Railways job to volleyball player who lost her leg". India Today. 14 April 2011. http://indiatoday.intoday.in/story/rly-board-offers-help-to-volleyball-player-who-lost-leg/1/135242.html। আহৰণ কৰা হৈছে: 21 May 2013. 
  13. "AIIMS calls cops to guard Arunima against infection". The Times of India. 24 April 2011. http://articles.timesofindia.indiatimes.com/2011-04-24/delhi/29468454_1_leg-m-c-misra-aiims-trauma-centre। আহৰণ কৰা হৈছে: 21 May 2013. 
  14. "Brave Arunima is back on her feet". The Times of India. 20 June 2011. http://articles.timesofindia.indiatimes.com/2011-06-20/delhi/29679585_1_low-intensity-suction-pipes-prosthetic-leg-aiims-doctors। আহৰণ কৰা হৈছে: 26 May 2013.