কুটুম চৰাই

অসমীয়া ৱিকিপিডিয়াৰ পৰা
Jump to navigation Jump to search
কুটুম চৰাই (Watercock)
গুৰহাঁও, হাৰিয়ানাৰ ওচৰৰ বাচাই জলাহ অঞ্চলত এটা মতা কুটুম চৰাই
সংৰক্ষণ স্থিতি
জীৱবৈজ্ঞানিক শ্ৰেণীবিভাজন
জগৎ/ৰাজ্য: Animalia
পৰ্ব: Chordata
শ্ৰেণী: Aves
বৰ্গ: Gruiformes
পৰিয়াল: Rallidae
গণ: Gallicrex
Blyth, 1852
প্ৰজাতি: G. cinerea
বৈজ্ঞানিক নাম
Gallicrex cinerea
(Gmelin, 1789)

কুটুম চৰাই (ইংৰাজী: Watercock, বৈজ্ঞানিক নাম-Gallicrex cinerea) 'Rallidae' পৰিয়ালৰ অন্তৰ্ভুক্ত এবিধ জলচৰ চৰাইৰ প্ৰজাতি৷ ই সমগ্ৰ দক্ষিণ-পূব এছিয়াতে বহুল ভাৱে বিস্তৃত হৈ আছে৷

বিৱৰণ[সম্পাদনা কৰক]

পূৰ্ণবয়স্ক মতা কুটুম চৰাইৰ দেহৰ দৈৰ্ঘ্য প্ৰায় ৪৩ ছে:মি: আৰু ওজন প্ৰায় ৪৭৬-৬৫০ গ্ৰাম হোৱা দেখা যায়৷ ইয়াৰ দেহৰ বৰণ ক'লা-মটিয়া আৰু ঠেং দুখন ৰঙা, ঠোঁট ক'লাবৰণীয়া৷ পোৱালি কুটুম চৰাইৰ ৰং বগা-চানেকীয়া আৰু ঠোঁট হালধীয়া তথা ঠেং দুখন সেউজীয়া৷ মাইকী কুটুম চৰাইৰ আকাৰ মতাটোতকৈ সৰু৷ ইয়াৰ দেহ প্ৰায় ৩৬ ছে:মি: দীঘল আৰু ২৯৮-৪৩৪ গ্ৰাম ওজনৰ হোৱা দেখা যায়৷

অন্ধ্ৰপ্ৰদেশত এটা পোৱালি কুটুম চৰাই

বিতৰণ[সম্পাদনা কৰক]

কুটুম চৰায়ে সাধাৰণতে দক্ষিণ এছিয়াভাৰত, পাকিস্তান, শ্ৰীলংকা, চীন, জাপান,ফিলিপাইনছ আৰু ইণ্ডোনেছিয়াত প্ৰজনন কৰে বুলি জনা যায়৷ ই এই অঞ্চলসমূহৰ স্থানীয় চৰাই আৰু সমগ্ৰ বছৰ তাতে অতিবাহিত কৰে৷

আচৰণ[সম্পাদনা কৰক]

কুটুম চৰাই সাধাৰণতে মানুহৰ সমাগমৰ পৰা আঁতৰি থাকে, ইহঁতক কাচিৎহে মুকলি অঞ্চলত দেখা পোৱা যায়৷ ৰাতিপুৱা আৰু গধূলি সময়ত ইহঁতে ডাঙৰকৈ মতা শুনা যায়৷

খাদ্য[সম্পাদনা কৰক]

কুটুম চৰায়ে পোক-পতংগ, সৰু মাছ, গুটি আদি খাই জীয়াই থাকে৷ ই ঠোঁটেৰে অগভীৰ পানী বা বোকাময় অঞ্চলত খাদ্য বিচাৰি ফুৰে৷

প্ৰজনন[সম্পাদনা কৰক]

ই সাধাৰণতে বিল বা কোনো জলাশয়ৰ পাৰৰ শুকান ঠাইত বাহ সাজে৷ এবাৰত কুটুম চৰায়ে ৩-৬ টাকৈ কণী পাৰে৷

তথ্যসূত্ৰ[সম্পাদনা কৰক]

  1. BirdLife International (2012). "Gallicrex cinerea". IUCN Red List of Threatened Species. Version 2012.1. International Union for Conservation of Nature. http://www.iucnredlist.org/apps/redlist/details/106002926। আহৰণ কৰা হৈছে: 16 July 2012.