কাৰেংঘৰ

অসমীয়া ৱিকিপিডিয়াৰ পৰা
(গড়গাঁৱৰ কাৰেংঘৰৰ পৰা পুনঃনিৰ্দেশিত)
Jump to navigation Jump to search

স্থানাংক: 26°55′25″N 75°49′36″E / 26.923611°N 75.826667°E / 26.923611; 75.826667

কাৰেংঘৰ

শিৱসাগৰ জিলাৰ কাৰেং ঘৰৰ সন্মূখৰ অংশ
সাধাৰণ তথ্য
স্থাপত্য শৈলী আহোম সাম্ৰাজ্যকালীন স্থাপত্য
অৱস্থিতি শিৱসাগৰ, অসম, ভাৰত
স্থানাংক 26°55′25″N 75°49′36″E / 26.923611°N 75.826667°E / 26.923611; 75.826667
নিৰ্মাণ আৰম্ভ ১৭৫১
প্ৰযুক্তিৰ বিৱৰণ
গঠন পদ্ধতি ইটা আৰু থলুৱা ভাবে বনোৱা বিলাতী মাটি
নক্সা আৰু নিৰ্মাণ
গ্ৰাহক স্বৰ্গদেউ চুক্লেংমুং, ৰাজেশ্বৰ সিংহ

কাৰেংঘৰ বা কা-ৰৌণ (ইংৰাজী: Kareng Ghar or Ka-Rwan) আহোম চাওফাসকলৰ দ্বাৰা নিৰ্মিত এটা পিৰামিড আকৃতিৰ ৰাজমহল। অসমশিৱসাগৰ চহৰৰ পৰা ১৫ কিলোমিটাৰ পূবৰ গড়গাঁৱত অৱস্থিত।[1] ১৫৪০ চনত স্বৰ্গদেউ চুক্লেংমুঙে এই ঘৰটোৰ নিৰ্মাণ আৰম্ভ কৰিছিল।[2] তাৰ পাছত প্ৰমত্ত সিংহই ইয়াক ইটাৰে নিৰ্মাণ কৰে। ১৭৫২ চনত কাৰেংঘৰটো বেয়াকৈ ক্ষতি হয়। সেয়ে আহোম স্বৰ্গদেউ ৰাজেশ্বৰ সিংহই ইয়াক পুনৰ নিৰ্মাণ কৰায়।[1][3]

নামকৰণ[সম্পাদনা কৰক]

অসমীয়াত কাৰেং শব্দটোৱে যিকোনো ৰাজপ্ৰসাদকে বুজায়। আনহাতে গড়গাঁৱত থকা এই ৰাজকাৰেংটোৰ নাম কাৰেং ঘৰ। ইয়াত ঘৰ শব্দটো অপ্ৰয়োজনীয় যদিও এইক্ষেত্ৰত 'ঘৰ' শব্দটো এটা বিশেষ ৰাজকাৰেংৰ নাম হিচাপে ব্যৱহাৰ কৰা হৈছে।[4]

স্থাপত্যবিদ[সম্পাদনা কৰক]

কাৰেং ঘৰটোত প্ৰৱেশ কৰিবৰ বাবে চাৰিখন দুৱাৰ আছে। দুৱাৰ কেইখনক সিংহ দুৱাৰ বুলি কোৱা হয়।[5] ঘৰটোৰ তলত দুমহলা আৰু ওপৰত পাঁচ মহলা আছে। তলৰ মহলাৰ পৰা ৰংপুৰৰ (বৰ্তমানৰ শিৱসাগৰ) তলাতল ঘৰলৈ আহিব পৰা প্ৰায় ১৬ কিলোমিটাৰ দীঘল এটা সুৰংগ আছিল। এই সুৰংগ বৰ্তমান বন্ধ হৈ আছে। কাৰেং ঘৰটোৰ চৌদিশে এটা বহল আলি আৰু তাৰ কাষে কাষে তাঁতীৰ গড় আছে। গড়ৰ কিছু দূৰত্বত কাষে কাষে মাউতে-হাতীয়ে তল যোৱা এটা দ খাৱৈ আছে। আগেয়ে এই গড়খাৱৈটোত বাৰমাহে পানী আছিল। কাৰেং ঘৰটো দীঘলে ১২০ হাত আৰু বহলে ৩০ হাত।[4] মিৰজুমলাঅসম আক্ৰমণ কৰিবলৈ আহোঁতে তেওঁৰ লগত অহা ৱাকনবিচজনে (বৰকাকতী) লিখিছিল, "গড়গাঁৱৰ ৰাজকাৰেংৰ নিচিনা কটকটীয়া, ধুনীয়া আৰু নানান কাৰুকাৰ্যৰে সূশোভিত ঘৰ গোটেই পৃথিৱীত বিৰল"। ১২,০০০ অসমীয়া বাঢ়ৈয়ে সম্পূৰ্ণ এবছৰত এই কাৰেং ঘৰটো সাজি উলিয়াইছিল। আৰম্ভণিতে ইয়াত কাঠ-বাঁহৰ প্ৰকাণ্ড চাংঘৰহে আছিল। ইয়াক হোলোং বুলি কোৱা হৈছিল। মিৰজুমলাৰ লগত অসমলৈ অহা চিহাবুদ্দিন তালিচৰ মতে কাৰেং ঘৰৰ বৰ্ণনা হ'ল, "ৰজাৰ চোলং (হোলং) ঘৰটো দীঘে ১২০ হাত, পথালিয়ে ৩০ হাত; এই ঘৰত ৬৬ টা স্তম্ভ। প্ৰত্যেকটো বিতোপন স্তম্ভৰ বেৰ বা পৰিধি ৪ হাতকৈ। ঘৰটোৰ চালবোৰ আচৰিত কৌশল খটূৱাই কাঠৰ কাৰুকাৰ্যৰে সুশোভিত কৰা। সেই অৱস্থাৰ পৰা স্বৰ্গদেউ ৰাজেশ্বৰ সিংহৰ হাতত আটকধুনীয়া ৰাজপ্ৰাসাদলৈ পৰিণত হ'ল গড়গাঁৱৰ কাৰেং ঘৰ।"[1]



গেলেৰী[সম্পাদনা কৰক]

লগতে চাওক[সম্পাদনা কৰক]

তথ্য সংগ্ৰহ[সম্পাদনা কৰক]

  1. 1.0 1.1 1.2 "Kareng Ghar - onlinesivasagar.com". Abhijit Borah. onlinesivasagar.com. http://onlinesivasagar.com/tourism/kareng-ghar.html। আহৰণ কৰা হৈছে: 29 জুলাই 2013. 
  2. "Assam Monuments and Museums - Gargaon Palace". mapsofindia.com. http://www.mapsofindia.com/assam/tourism/monuments-and-museum.html। আহৰণ কৰা হৈছে: 29 জুলাই 2013. 
  3. "Kareng Ghar, Gargaon". Assam Online Portal. ২০১৩. http://www.assamportal.com/2012/09/kareng-ghar-gargaon.html। আহৰণ কৰা হৈছে: 29 জুলাই 2013. 
  4. 4.0 4.1 শান্তনু কৌশিক বৰুৱা. বিশ্ব ঐতিহ্য. 
  5. "About Kareng Ghar, Gargaon in Assam Portal". Assam Portal. http://www.assamportal.com/2012/09/kareng-ghar-gargaon.html। আহৰণ কৰা হৈছে: November 05, 2012. 

বাহ্যিক সংযোগ[সম্পাদনা কৰক]

  • Kareng Ghar, Gargaon সম্পৰ্কে assamportal.com ত বিস্তাৰিত তথ্য চাওক
  • Kareng Ghar সম্পৰ্কে indiamapped.com ত তথ্য আৰু ভিডিঅ’
  • কাৰেং ঘৰ সম্পৰ্কে meghalayatimes.org ত তথ্য আৰু চিত্ৰ আছে।
  • Kareng Ghar & Talatal Ghar সম্পৰ্কে mapsofindia.com ৱেবছাইটত