দ্ৰৌপদী মূৰ্মু

অসমীয়া ৱিকিপিডিয়াৰ পৰা
Jump to navigation Jump to search
দ্ৰৌপদী মূৰ্মু
Governor of Jharkhand Draupadi Murmu in December 2016.jpg
ঝাৰখণ্ডৰ অষ্টম ৰাজ্যপাল
পদাধিকাৰ
কাৰ্যভাৰ গ্ৰহণ
১৮ মে' ২০১৫
পূৰ্বসূৰী চৈয়দ আহমেদ
Assembly Member
for ৰায়ৰংপুৰ বিধানসভা সমষ্টি
কাৰ্যকাল
২০০৯ – ১৮ মে' ২০১৫
ওড়িশা বিধানসভাৰ সদস্য
কাৰ্যকাল
২০০০ – ২০০৯
পূৰ্বসূৰী লক্ষ্মণ মাঝি
উত্তৰসূৰী শ্যাম চৰণ হান্সদাহ
ব্যক্তিগত তথ্য
জন্ম ২০ জুন, ১৯৫৮
ময়ূৰভঞ্জ, ওড়িশা, ভাৰত
ৰাজনৈতিক দল ভাৰতীয় জনতা পাৰ্টি
দাম্পত্যসঙ্গী শ্যাম চৰণ মূৰ্মু[1]
সন্তান
শিক্ষানুষ্ঠান ৰামা দেৱী মহিলা মহাবিদ্যালয়, ভুৱনেশ্বৰ
জীৱিকা ৰাজনীতিবিদ

দ্ৰৌপদী মূৰ্মু (ইংৰাজী: Draupadi Murmu; জন্ম: ২০ জুন ১৯৫৮) এগৰাকী ভাৰতীয় ৰাজনীতিবিদ। তেওঁ বৰ্তমান ঝাৰখণ্ডৰ ৰাজ্যপাল। ২০১৫ চনত ভাৰতৰ ৰাষ্ট্ৰপতিয়ে তেওঁক ঝাৰখণ্ডৰ ৰাজ্যপাল হিচাপে নিযুক্তি দিয়ে। ৰাজ্যপাল পদত নিযুক্তি লাভ কৰা তেওঁ প্ৰথম গৰাকী জনজাতীয় মহিলা। ইয়াৰ লগতে ঝাৰখণ্ডৰ প্ৰথম গৰাকী মহিলা ৰাজ্যপাল। ইয়াৰ আগতে তেওঁ ৰায়ৰংপুৰ বিধানসভা সমষ্টি ওড়িশা বিধানসভাৰ সদস্য আছিল। ভাৰতীয় জনতা পাৰ্টি আৰু বিজু জনতা দলৰ সংমিলিত চৰকাৰত তেওঁ বাণিজ্য আৰু পৰিবহন বিভাগৰ স্বতন্ত্ৰ ৰাজ্য মন্ত্ৰী আৰু মীন আৰু পশুধন উন্নয়ন বিভাগৰ মন্ত্ৰী পদটো অধিষ্ঠিত আছিল।

প্ৰাৰম্ভিক জীৱন[সম্পাদনা কৰক]

১৯৫৮ চনৰ ২০ জুন তাৰিখে ওড়িশাৰ ময়ূৰভঞ্জ জিলাৰ বৈদাপচি গাঁৱত দ্ৰৌপদী মূৰ্মুৰ জন্ম হৈছিল। তেওঁৰ পিতৃৰ নাম বিৰাঞ্চি নাৰায়ণ তুদু।[2] তেওঁলোক চাওঁতাল জনজাতিৰ অন্তৰ্ভুক্ত।[3] তেওঁ ভুৱনেশ্বৰৰ ৰামা দেৱী মহিলা মহাবিদ্যালয়ৰ পৰা কলা শাখাৰ স্নাতক উপাধি গ্ৰহণ কৰিছিল। তেওঁ ৰায়ৰংপুৰত অৱস্থিত শ্ৰীঅৰবিন্দ অখণ্ড শিক্ষা আৰু গৱেষণাৰ সন্মানীয় সহকাৰী অধ্যাপিকা হিচাপে কাম কৰিছিল। তাৰপিছত তেওঁ ওড়িশাৰ জলসিঞ্চন বিভাগত কণিষ্ঠ সহকাৰী হিচাপে কৰ্মৰত আছিল। ১৯৯৭ চনত তেওঁ ভাৰতীয় জনতা পাৰ্টিত যোগদান কৰে।

ৰাজনৈতিক জীৱন[সম্পাদনা কৰক]

ৰাজ্যিক ৰাজনীতি[সম্পাদনা কৰক]

দ্ৰৌপদী মূৰ্মুয়ে ১৯৯৭ চনত ৰায়ৰংপুৰ নটিফাইড এৰিয়া কাউন্সিলৰ কাউন্সিলৰ হিচাপে নিৰ্বাচিত হৈছিল। পিছলৈ তেওঁ ৰায়ৰংপুৰ নটিফাইড এৰিয়া কাউন্সিলৰ উপসভাপতি পদৱী লাভ কৰিছিল। তেওঁ ৰায়ৰংপুৰ বিধানসভা সমষ্টিৰ পৰা ২০০০ চনৰ পৰা ২০০৪ চনলৈ ওড়িশা বিধানসভাৰ বিধায়ক আছিল।[4] তেওঁ ভাৰতীয় জনতা পাৰ্টি আৰু বিজু জনতা দলৰ সংমিলিত ওড়িশা চৰকাৰত তেওঁ ২০০০ চনৰ ৬ মাৰ্চৰ পৰা ২০০২ চনৰ ৬ আগষ্টলৈকে বাণিজ্য আৰু পৰিবহন বিভাগৰ স্বতন্ত্ৰ ৰাজ্য মন্ত্ৰীৰ পদ লাভ কৰিছিল। ২০০২ চনৰ ৬ আগষ্টৰ পৰা ২০০৪ চনৰ ১৬ মে'লৈকে তেওঁ ওড়িশা চৰকাৰৰ মীন আৰু পশুধন উন্নয়ন বিভাগৰ মন্ত্ৰী আছিল।[5] তেওঁ ২০০২ চনৰ পৰা ২০১৫ চনলৈ ময়ূৰভঞ্জ জিলা বিজেপিৰ অধ্যক্ষ আছিল। ২০০৪ চনত তেওঁ পুনৰাই ৰায়ৰংপুৰ বিধানসভা সমষ্টিৰ পৰা বিধায়ক হিচাপে নিৰ্বাচিত হয়। তেওঁ ২০০৬ চনৰ পৰা ২০০৯ চনলৈ ওড়িশাৰ ৰাজ্যিক বিজেপিৰ জনজাতীয় মৰ্চাৰ অধ্যক্ষ আছিল।

ৰাজ্যপাল[সম্পাদনা কৰক]

২০১৫ চনত ভাৰতৰ ৰাষ্ট্ৰপতিয়ে তেওঁক ঝাৰখণ্ডৰ ৰাজ্যপাল নিযুক্ত কৰে। তেওঁ ঝাৰখণ্ডৰ প্ৰথম মহিলা ৰাজ্যপাল।[6][7] ৰাজ্যপাল হিচাপে নিযুক্তি লাভ কৰা তেওঁ প্ৰথম গৰাকী জনজাতীয় মহিলা। ইয়াৰ লগতে ৰাজ্যপাল হিচাপে নিযুক্তি লাভ কৰা দ্ৰৌপদী মূৰ্মু ওড়িশাৰ প্ৰথম মহিলা।[8][9]

বঁটা আৰু সন্মান[সম্পাদনা কৰক]

দ্ৰৌপদী মূৰ্মুয়ে ওড়িশা বিধানসভাৰ শ্ৰেষ্ঠ বিধায়ক বঁটা লাভ কৰিছিল। ২০০৭ চনত তেওঁ নীলকণ্ঠ বঁটা লাভ কৰিছিল।

ব্যক্তিগত জীৱন[সম্পাদনা কৰক]

দ্ৰৌপদী মূৰ্মুয়ে শ্যাম চৰণ মূৰ্মুৰ সৈতে বিবাহপাশত আবদ্ধ হৈছিল। তেওঁলোকৰ দুজন পুত্ৰ আৰু এগৰাকী কন্যা সন্তান আছিল। দ্ৰৌপদীৰ ব্যক্তিগত জীৱন সুখৰ নাছিল। তেওঁৰ স্বামী আৰু দুজন পুত্ৰক তেওঁ হেৰুৱাইছে।[10]

তথ্য উৎস[সম্পাদনা কৰক]

  1. https://indianexpress.com/article/india/who-is-draupdi-murmu-next-president-narendra-modi-pranab-mukherjee-4701597/
  2. "Smt. Droupadi Murmu". http://www.odishahelpline.com/Profile-of-Smt-Droupadi-Murmu-of-RAIRANGPUR-constituency-4.html। আহৰণ কৰা হৈছে: 27 July 2015. 
  3. "Draupadi Murmu may soon be the President of India: Know all about her". https://www.indiatoday.in/education-today/gk-current-affairs/story/draupadi-murmu-president-of-india-982961-2017-06-15. 
  4. "Narendra Modi government appoints four Governors". http://ibnlive.in.com/news/narendra-modi-government-appoints-four-governors/545256-37.html। আহৰণ কৰা হৈছে: 2015-05-12. 
  5. "Draupadi Murmu Jharkhand Guv". http://www.newindianexpress.com/states/odisha/Draupadi-Murmu-Jharkhand-Guv/2015/05/13/article2811852.ece। আহৰণ কৰা হৈছে: 2015-05-13. 
  6. "Draupadi Murmu sworn in as first woman Governor of Jharkhand-I News – IBNLive Mobile". 18 May 2015. http://m.ibnlive.com/news/india/draupadi-murmu-sworn-in-as-first-woman-governor-of-jharkhand-993328.html। আহৰণ কৰা হৈছে: 18 May 2015. 
  7. "Modi government names new governors for Jharkhand, five NE states". http://timesofindia.indiatimes.com/india/Modi-government-names-new-governors-for-Jharkhand-five-NE-states/articleshow/47253194.cms?। আহৰণ কৰা হৈছে: 2015-05-12. 
  8. "Ex Odisha minister Draupadi Murmu new Jharkhand Guv". http://odishasuntimes.com/127361/odisha-bjp-leader-droupadi-murmu-appointed-as-jharkhand-guv/। আহৰণ কৰা হৈছে: 2015-05-12. 
  9. "Smt. Droupadi Murmu". http://www.odishahelpline.com/Profile-of-Smt-Droupadi-Murmu-of-RAIRANGPUR-constituency-4.html। আহৰণ কৰা হৈছে: 27 July 2015. 
  10. http://indianexpress.com/article/india/who-is-draupdi-murmu-next-president-narendra-modi-pranab-mukherjee-4701597/>