পাৰৱীন বাবী

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
পাৰৱীন বাবী
জন্ম ৪ এপ্ৰিল, ১৯৪৯[1][2][3]
জুনাগড়, সৌৰাষ্ট্ৰ, ভাৰত
মৃত্যু ২০ জানুৱাৰী, ২০০৫ (৫৫ বছৰ)
মুম্বাই, মহাৰাষ্ট্ৰ, ভাৰত
সমাধিস্থল ছাণ্টাক্ৰুজ মুছলিম শ্মশানগৃহ, মুম্বাই, মহাৰাষ্ট্ৰ, ভাৰত
পেচা
  • অভিনেত্ৰী
  • মডেল
সক্ৰিয় হৈ থকা সময় ১৯৭২-১৯৯১

পাৰৱীন বাবী (ইংৰাজী: Parveen Babi, ৪ এপ্ৰিল ১৯৪৯-২০ জানুৱাৰি ২০০৫) আছিল এগৰাকী ভাৰতীয় চলচ্চিত্ৰৰ অভিনেত্ৰী আৰু মডেল৷ কুৰি শতিকাৰ আশী আৰু নবৈৰ দশকত পাৰৱীন বাবী হিন্দী ছবিৰ এখন চিনাকি মুখ হিচাপে পৰিচিত হৈছিল৷[4] সূদীৰ্ঘ কেৰিয়াৰত বাবীয়ে এগৰাকী গ্লেমাৰসম্পন্ন ফেশ্যন আইকন হিচাপে খ্যাতি লভিছিল আৰু সৰ্বাধিক উপাৰ্জনকাৰী অভিনেত্ৰীৰ তালিকাভুক্ত হৈছিল৷[5]

১৯৭৩ চনত মুক্তি লাভ কৰা চৰিত্ৰৰ যোগেদি বাবীয়ে নিজৰ অভিনয় জীৱনৰ পাতনি মেলে৷ তাৰ ঠিক পিছৰ বছৰটোতে অৰ্থাৎ ১৯৭৪ চনত বাবীয়ে মজবুৰ নামৰ ছবিখনত 'নীলা' চৰিত্ৰটোত অৱতীৰ্ণ হয় আৰু দৰ্শক তথা সমালোচক উভয়ৰে পৰা সমাদৰ লাভ কৰে৷ ১৯৭৫ চনত বাবীয়ে অভিনয় কৰে অপৰাধমূলক ড্ৰামা ছবি দীৱাৰত৷ এইখন ছবিয়েও বাবীৰ জনপ্ৰিয়তা বঢ়োৱাত সহায় কৰে৷ ইয়াৰ পিছত বাবীয়ে ১৯৭৭ চনৰ ছবি অমৰ আকবৰ এন্থনীত 'জেনি'ৰ চৰিত্ৰত, ১৯৭৯ চনৰ ছবি সুহাগ আৰু কালা পত্থৰত যথাক্ৰমে 'অনু' আৰু 'অনিতা' চৰিত্ৰত, ১৯৮০ চনৰ ছবি দ্য বাৰ্ণিং ট্ৰেইনত 'শীতল' চৰিত্ৰত, ১৯৮২ চনৰ ছবি নমক হালালত নীশা চৰিত্ৰত অভিনয় কৰে৷ ১৯৭৬ চনত বাবী হৈ পৰে বিখ্যাত টাইম আলোচনীৰ বেটুপাত শুৱনি কৰা প্ৰথমগৰাকী বলিউড তাৰকা৷[6][7] নবৈৰ দশকৰ মাজভাগৰ পৰা বাবীৰ কেৰিয়াৰ থৰক-বৰক হ'বলৈ আৰম্ভ কৰে আৰু ১৯৯১ চনত বাবীয়ে ছবি জগতৰ পৰা অৱসৰ লোৱাৰ সিদ্ধান্ত লয়৷

বাবীৰ জীৱনটোক মিডিয়াই খুব পৰিপাটিকৈ প্ৰকাশ কৰিছিল৷ বাবীয়ে কবীৰ বেদী, ডেনি ডেনজোংপা আৰু মহেশ ভাটৰ দৰে ব্যক্তিৰ লগত সম্পৰ্ক গঢ়ি তুলিছিল যদিও তেখেত আজীৱন অবিবাহিতা হৈ আছিল৷ জীৱনৰ শেষৰফালে তেখেতে পেৰানয়ড স্ক্ৰিজোফেনিয়াত আক্ৰান্ত হয়৷ ডায়েবেটিছত আক্ৰান্ত বাবীৰ মানসিক স্বাস্থ্যও ক্ৰমাগতভাৱে অৱনতি হ'বলৈ ধৰে৷ ২০০৫ চনৰ ১০ জানুৱাৰীত একাধিক অংগ বিকল হৈ বাবীয়ে মৃত্যুক সাবটি লয়৷[8][9]

প্ৰাৰম্ভিক জীৱন[সম্পাদনা কৰক]

গুজৰাটৰ জুনাগড়ত, ১৯৪৯ চনৰ ৪ এপ্ৰিল তাৰিখে পাৰৱীন বাবীৰ জন্ম হয়৷ তেখেত আছিল পৰিয়ালৰ একমাত্ৰ সন্তান৷[10] পিতৃ-মাতৃৰ বিবাহোত্তৰ জীৱনে চৌধ্যটা বছৰ অতিক্ৰম কৰাৰ পাছত পাৰৱীন বাবীৰ জন্ম হয়৷ তেখেতৰ পিতৃ ৱালী মহম্মদ খান বাবী জুনাগড়ৰ নবাবৰ এগৰাকী ছিষ্টেম এডমিনিছট্ৰেটৰ৷ আনহাতে মাতৃ আছিল জমল বাখতে বাবী৷ ২০০১ চনত মাতৃৰ দেহাৱসান ঘটে৷[11][12] ১৯৫৯ চনত পিতৃক হেৰুওৱা সময়ত বাবীৰ বয়স আছিল মাত্ৰ পাঁচ বছৰ৷ আহমেদাবাদস্থিত মাউণ্ট কাৰ্মেল হাইস্কুলৰ পৰা বাবীয়ে প্ৰাৰম্ভিক শিক্ষা সমাপ্ত কৰে৷ ইয়াৰ পিছত বাবীয়ে আহমেদাবাদৰে ছেইণ্ট জেভিয়াৰ্ছ কলেজত নামভৰ্তি কৰে৷ এইখন শিক্ষানুষ্ঠানৰ পৰা বাবীয়ে ইংৰাজী সাহিত্যত স্নাতক ডিগ্ৰী অৰ্জন কৰে৷[13]

১৯৭২ চনত বাবীয়ে মডেলিং কেৰিয়াৰ আৰম্ভ কৰে৷ তাৰ ঠিক এবছৰৰ ভিতৰতেই তেখেতলৈ অভিনয়ৰ সুযোগটো আহে৷ ১৯৭৩ চনত মুক্তিলাভ কৰা সেই ছবিখন আছিল চৰিত্ৰ৷ বাবীৰ বিপৰীতে অভিনয় কৰিছিল ক্ৰিকেটাৰ ছালীম ডুৰানীয়ে৷[14] ছবিখন ফ্লপ আছিল যদিও, বাবীয়ে নিজৰ প্ৰতিভাৰ জৰিয়তে পৰৱৰ্তী বহুকেইখন ছবিত অভিনয় কৰাৰ সুযোগ লাভ কৰে৷

আশী আৰু নবৈৰ দশকত পাৰৱীন বাবীয়ে এগৰাকী জনপ্ৰিয় অভিনেত্ৰীৰ মৰ্যাদা লাভ কৰে৷ তেখেতে হেমা মালিনী, ৰেখা, শ্বাবানা আজমী, স্মিতা পাটিল, জিনাত আমান, ৰীণা ৰয় আৰু ৰাখীৰ সমানেই পৰিচিতি লাভ কৰিছিল৷ বলিউদৰ খ্যাতিশীৰ্ষ অভিনেতা অমিতাভ বচ্চনৰ লগত বাবীয়ে আঠখন ছবিত অভিনয় কৰিছে৷[15]

তথ্যসূত্ৰ[সম্পাদনা কৰক]

  1. Elizabeth Sleeman (2001). The International Who's Who of Women 2002. Psychology Press. পৃষ্ঠা. 35–. ISBN 978-1-85743-122-3. https://books.google.com/books?id=6J8xDWDqOkEC&pg=PA35. 
  2. Mishra, Nivedita (12 September 2020). "'Parveen Babi survived on a diet of milk, eggs towards the end of her life': Karishma Upadhyay" (en ভাষাত). https://www.hindustantimes.com/bollywood/parveen-babi-survived-on-a-diet-of-milk-eggs-towards-the-end-of-her-life-karishma-upadhyay/story-ZYumG04DYdw9iKdAu7UtRI.html. 
  3. "Parveen Babi: Jeeti thi shaan se". daily.bhaskar.com. http://daily.bhaskar.com/article/ENT-parveen-babi-jeete-thi-shaan-se-3059105.html. 
  4. "Parveen wanted to be left alone", The Times of India, 30 January 2005 Archived 5 December 2008 at the Wayback Machine
  5. "Manish Malhotra picks his five favourite super stylish heroines of the seventies". প্ৰকাশক Calcutta, India: Telegraph India. 23 November 2010. http://www.telegraphindia.com/1101123/jsp/entertainment/story_13209188.jsp. 
  6. "Time magazine features starlet Parveen Babi on its cover, sets Bombay on fire" (en ভাষাত). June 11, 2014. https://www.indiatoday.in/magazine/indiascope/story/19760731-time-magazine-features-starlet-parveen-babi-on-its-cover-sets-bombay-on-fire-824041-2014-06-11. 
  7. "Remembering Parveen Babi: The Tragic Life and Death of One of Bollywood's Most Beautiful Actress". 20 February 2020. https://www.masala.com/remembering-parveen-babi-the-tragic-life-and-death-of-one-of-bollywoods-most-beautiful-actress. 
  8. "Parveen Babi dies, alone in death as in life", The Times of India, 22 January 2005.
  9. "Parveen wanted to be left alone", The Times of India, 30 January 2005 Archived 5 December 2008 at the Wayback Machine
  10. "Obituaries - Parveen Babi" (en ভাষাত). 25 January 2005. https://www.independent.co.uk/news/obituaries/parveen-babi-488143.html. 
  11. "The Illustrious Babi Daynasty :: JunaGadh State". junagadhstate.org.
  12. "'Adopted son' claims Parveen Babi's crores". Sify.com. 31 January 2005. http://www.sify.com/movies/adopted-son-claims-parveen-babi-s-crores-news-bollywood-kkfv9zbeghi.html. 
  13. "St. Xavier's College – Ahmedabad – INDIA". stxavierscollege.net.
  14. "Bollywood star Parveen Babi dies" BBC News, 22 January 2005
  15. "Ashanti". brns.com.