ঊষা উথুপ
| ঊষা উথুপ | |
|---|---|
 ২০১২ চনত ওড়িশাৰ ভুৱনেশ্বৰত অনুষ্ঠিত তশালী ৰাষ্ট্ৰীয় শিল্প মেলাত ঊষা উথুপ | |
| প্ৰাথমিক তথ্য | |
| জন্মৰ নাম | ঊষা বিদ্যানাথ সোমেশ্বৰ চামি |
| আন নাম | দিদি |
| জন্ম | ৭ নৱেম্বৰ, ১৯৪৭ (৭৭ বছৰ) বোম্বে, বোম্বে ষ্টেট, ভাৰত (বৰ্তমান মুম্বাই, মহাৰাষ্ট্ৰ) |
| সংগীতৰ প্ৰকাৰ | ভাৰতীয় পপ, ফিল্মী, জেজ, ভাৰতীয় শাস্ত্ৰীয় সংগীত, পাশ্চাত্য সংগীত |
| পেচা |
|
| কাৰ্যকাল | ১৯৬৬ – বৰ্তমান |
| ৱেবছাইট | ushauthup |
ঊষা উথুপ (ইংৰাজী: Usha Uthup, জন্ম: ৭ নৱেম্বৰ ১৯৪৭)[1] এগৰাকী ভাৰতীয় কণ্ঠশিল্পী আৰু অভিনেত্ৰী। তেওঁ ভাৰতীয় পপ, ফিল্মী, জেজ আৰু নেপথ্য কণ্ঠশিল্পী হিচাপে বিখ্যাত। তেওঁ ১৯৬০ৰ শেষৰ ফালে, ১৯৭০ আৰু ১৯৮০ দশকৰ কিছুমান জনপ্ৰিয় হিট গানৰ বাবে বিখ্যাত।[2][3] তেওঁ ৰেখা ভৰদ্বাজৰ সৈতে '৭ খুন মাফ' ছবিখনৰ 'ডাৰ্লিং' গীতৰ বাবে ২০১২ চনত শ্ৰেষ্ঠ মহিলা নেপথ্য গায়কৰ ফিল্মফেয়াৰ বঁটা লাভ কৰিছিল। তেওঁ 'সাৰাভাই বনাম সাৰাভাই' টেলিভিছন শৃংখলাৰ প্ৰথম সংস্কৰণৰ বাবে শীৰ্ষক গীত গাইছিল।
প্ৰাৰম্ভিক জীৱন
[সম্পাদনা কৰক]১৯৪৭ চনৰ ৭ নৱেম্বৰ তাৰিখে মুম্বাইৰ এক তামিল পৰিয়ালত ঊষায়ে জন্ম গ্ৰহণ কৰিছিল।[4] তেওঁৰ দেউতাক বিদ্যানাথ সোমেশ্বৰ চামি মূলত তামিলনাডুৰ চেন্নাইৰ বাসিন্দা আছিল।[5][6]
তেওঁ বাইকুলাৰ ছেণ্ট এগ্নেছ হাইস্কুলত অধ্যয়ন কৰিছিল। তেওঁ স্কুলত থাকোঁতে এবাৰ সংগীত শ্ৰেণীৰ পৰা তেওঁৰ মাতৰ বাবে বাহিৰ কৰা হৈছিল। কিন্তু তেওঁৰ সংগীত শিক্ষকে চিনাক্ত কৰিছিল যে তেওঁৰ ভিতৰত কিছু সাংগীতিক প্ৰতিভা আছে আৰু সেইবাবে তেওঁক ট্ৰাইএংগেল বজাবলৈ আৰু হাত চাপৰি মাৰিবলৈ দিয়া হৈছিল। আনুষ্ঠানিকভাৱে সংগীতৰ প্ৰশিক্ষণ লাভ নকৰা সত্ত্বেও তেওঁ এক সংগীতৰ পৰিৱেশত ডাঙৰ হৈছিল। তেওঁৰ মাক-দেউতাকে পশ্চিমীয়া শাস্ত্ৰীয়ৰ পৰা হিন্দুস্তানী আৰু কৰ্ণাটিক সংগীৰ প্ৰশংসক আছিল। তেওঁলোকে কিশোৰী আমিনকাৰ আৰু বড়ে গোলাম আলী খানকে ধৰি ৰেডিঅ'ত এক বিস্তৃত পৰিসৰ সংগীত শুনিছিল আৰু তেওঁ তেওঁলোকৰ সৈতে যোগদান কৰিছিল।[7] ঊষায়ে ৰেডিঅ' চিলন উপভোগ কৰিছিল।
এম. এ. পাঠান নামৰ এগৰাকী আৰক্ষীৰ উপায়ুক্ত ঊষাহতঁৰ চুবুৰীয়া আছিল। তেওঁৰ ছোৱালী জামিলায়ে ঊষাক হিন্দী আৰু ভাৰতীয় শাস্ত্ৰীয় সংগীত শিকিবলৈ কৰিবলৈ প্ৰভাৱিত কৰিছিল। এই ফিউচন পদ্ধতিৰ ফলত ১৯৭০ৰ দশকত তেওঁ নিজকে অনন্য ভাৰতীয় পপ সংগীতৰ প্ৰতীক হিচাপে প্ৰতিষ্ঠিত কৰাত সহায় কৰিছিল। তেওঁ কোট্টায়ামৰ মানৰকাউদ পেনুমকাল পৰিয়ালৰ জানি চাকো উথুপৰ সৈতে বিবাহ পাশত আৱদ্ধ হৈছিল। তেওঁলোকৰ এগৰাকী কন্যা অঞ্জলি আৰু এজন পুত্ৰ চানী।[8] তেওঁ বৰ্তমান পশ্চিম বংগৰ কলকাতাৰ বাসিন্দা।
কৰ্মজীৱন
[সম্পাদনা কৰক]মাত্ৰ ৯ বছৰ বয়সত তেওঁ প্ৰথম ৰাজহুৱা মঞ্চত গীত পৰিবেশন কৰিছিল। ইতিমধ্যে সংগীতত কেৰিয়াৰ সন্ধান কৰি থকা তেওঁৰ ভনীসকলে তেওঁক সেইময়ত ভাৰতৰ আটাইতকৈ জনপ্ৰিয় ৰেডিঅ' ঘোষণাকাৰী আমিন চয়ানীৰ সৈতে পৰিচয় কৰাই দিছিল। আমিন চয়ানীয়ে তেওঁক ৰেডিঅ' চিলনৰ ওভালটাইন মিউজিক আৱাৰত গান গোৱাৰ সুযোগ দিছিল। তেওঁ "মকিংগবাৰ্ড হিল" নামৰ এটা গীত গাইছিল। তাৰ পিছত তেওঁ কেইবাটাও গীত গোৱাৰ সুযোগ পায়।
সাংগীতিক জীৱন
[সম্পাদনা কৰক]১৯৬৯ চনত চেন্নাইত মাউণ্ট ৰোডৰ আগৰ চাফায়াৰ থিয়েটাৰ কমপ্লেক্সৰ বেচমেণ্টত নাইন জেমছ নামৰ এটা সৰু নাইটক্লাৱ নাইট জেমত গান গাই তেওঁ পেশাদাৰী সাংগীতিক জীৱন আৰম্ভ কৰিছিল।[9][10] শাৰী আৰু লেগ কেলিপাৰ পিন্ধি তেওঁ কৰা প্ৰদৰ্শন ইমান ব্যাপক সঁহাৰি লাভ কৰিছিল যে নাইটক্লাৱৰ মালিকে তেওঁক তাত এসপ্তাহ ধৰি থাকিবলৈ কৈছিল।[11] তেওঁৰ প্ৰথম নাইট ক্লাৱ গিগৰ পিছত তেওঁ "ট্ৰিনাকাচ"ৰ দৰে নাইট ক্লাৱত কলিকতাত গান গাবলৈ আৰম্ভ কৰিছিল। ট্ৰিনাকাচত তেওঁ ভৱিষ্যতৰ স্বামী উথুপক লগ পাইছিল। প্ৰায় একে সময়তে তেওঁ "টক অফ দি টাউন"ত গান গাইছিল, যাক এতিয়া বোম্বাই (বৰ্তমান মুম্বাই)ত "নট জাষ্ট জেজ বাই দা ৱে" বুলি জনা যায়।[8] ট্ৰিনকাচৰ পিছত তেওঁৰ পৰৱৰ্তী ব্যস্ততাই দিল্লীলৈ লৈ গৈছিল য'ত তেওঁ ওবেৰয় হোটেলত গান গাইছিল। সেইময়তে নৱকেতন ইউনিট আৰু দেৱ আনন্দৰ এজন চলচ্চিত্ৰ কৰ্মীয়ে নাইটক্লাৱৰ পৰিদৰ্শন কৰিছিল আৰু তেওঁলোকে ঊষাক চিনেমাৰ নেপথ্য গায়িকা হোৱাৰ সুযোগ আগবঢ়াইছিল। ফলস্বৰূপে তেওঁ আইভৰি-মাৰ্চেণ্টৰ বোম্বাই টকিজ (১৯৭০) সৈতে বলিউডত কেৰিয়াৰ আৰম্ভ কৰিছিল আৰু তেওঁ শঙ্কৰ-জয়কিষণ অধীনত এটা ইংৰাজী গীত গাইছিল আৰু তাৰপাছত জনপ্ৰিয় 'হৰে ৰামা হৰে কৃষ্ণ' গাইছিল। মূলতঃ তেওঁ 'হৰে ৰামা হৰে কৃষ্ণ'ৰ বাবে আশা ভোঁচলেৰ সৈতে 'দম মাৰো দম' গাব লগা আছিল। অৱশ্যে আন গায়কসকলৰ অভ্যন্তৰীণ ৰাজনীতিৰ ফলস্বৰূপে, তেওঁ সেই সুযোগ হেৰুৱাইছিল কিন্তু এটা ইংৰাজী শাৰী গাই শেষ কৰিছিল।
১৯৬৮ চনত তেওঁ ইংৰাজীত দুটা পপ গানৰ কভাৰ ৰেকৰ্ড কৰে, "জাবালায়া" আৰু কিংষ্টন ট্ৰিঅ'ৰ "নবেক ডলাৰ", এটা ইপি, লাভ ষ্টৰী, আৰু "স্কচ এণ্ড চোডা", আন এটা কিংষ্টন ট্ৰিঅ' গান ভাৰতীয় বজাৰত অতি ভালদৰে বিক্ৰী হৈছিল। এই প্ৰাৰম্ভিক সময়ত তেওঁ লণ্ডনত কিছু সময় অতিবাহিত কৰিছিল। তেওঁ লণ্ডনৰ লাংহামত ভাৰ্নন কোৰাৰ বিবিচি কাৰ্যালয়লৈ সঘনাই দৰ্শনাৰ্থী হিচাপে গৈছিল আৰু বিবিচি ৰেডিঅ' লণ্ডনত লণ্ডন চাউণ্ডচ ইষ্টাৰ্ণত তেওঁৰ সাক্ষাৎকাৰ লোৱা হৈছিল। ঊষায়ে ভাৰতীয় উৎসৱৰ অংশ হিচাপে নাইৰোবি ভ্ৰমণ কৰিছিল। তেওঁ ইমান জনপ্ৰিয়তা অৰ্জন কৰিছিল যে তেওঁক তাত থাকিবলৈ আমন্ত্ৰণ জনোৱা হৈছিল। স্বহিলিত গান গোৱা আৰু প্ৰায়ে জাতীয়তাবাদী গানবোৰে তেওঁক অত্যন্ত জনপ্ৰিয় কৰি ৰাখিছিল আৰু তদাৰক ৰাষ্ট্ৰপতি জোমো কেনিয়াতাই তেওঁক কেনিয়াৰ সন্মানীয় নাগৰিকত্ব প্ৰদান কৰিছিল। তেওঁ ফাধিলি উইলিয়ামছৰ সৈতে বিখ্যাত গান "মালাইকা" গাইছিল যি গীতটোৰ মূল কণ্ঠশিল্পী আছিল। তেওঁ এটা স্থানীয় বেণ্ড ফেলনি পাঁচৰ সৈতে এটা ৰেকৰ্ড "লাইভ ইন নাইৰোবি" প্ৰস্তুত কৰিছিল।
উথুপ সংগীত পৰিচালক আৰ ডি বৰ্মন আৰু বাপ্পী লাহিড়ীৰ বাবে ১৯৭০ আৰু ১৯৮০ৰ দশকত কেইবাটাও গান গাইছিল। তেওঁ কিছুমান আৰ ডি বৰ্মন গানও পুনৰাম্ভ কৰিছিল যিবোৰ আনসকলে গাইছিল যেনে "মেহবুবা মেহবুবা" আৰু "দম মাৰো দম" আৰু তেওঁলোকক এক পৃথক ধৰণে জনপ্ৰিয় কৰিছিল।[12]
উথুপ শিশুৰ গীত "কাৰাডি ৰিং"ৰ দুই-সংস্কৰণ সংগ্ৰহৰ বাবেও গান গাইছিল। সেয়া হৈছে "ভাৰতীয় শিশুৰ বাবে ভাৰতীয় গীত" আৰু কাৰাডি টেলেছ নামৰ শৃংখলায়ে ইয়াৰ স্বত্ব ক্ৰয় কৰিছিল। গীতবোৰে সা-ৰে-গা-মা, আম, ভাৰতীয় নদী, ৰেলৰ অভিজ্ঞতা, ভাৰতীয় উৎসৱ, থলুৱা গছ, ক্ৰিকেট, ভেলপুৰী আৰু সম্ভাৰৰ দৰে ভাৰতীয় খাদ্য, ধুতি, শাৰী, বিন্দি আৰু চুড়ী আৰু আনকি কিছুমান লোককাহিনীৰ জৰিয়তে ভাৰতীয় লোকাচাৰ প্ৰতিফলিত কৰিছিল। প্ৰতিটো গীত এটা ভাৰতীয় ৰাগৰ ওপৰত আধাৰিত আছিল আৰু তেওঁৰ বৈশিষ্ট্যস্বৰত এটা ফিষ্ট টেম্পোৰে গোৱা ঊষায়ে শিশুৰ বাবে পৰিৱেশ সৃষ্টি কৰিছিল। আশ্চৰ্যজনকভাৱে আনকি প্ৰাপ্তবয়স্কসকলেও এই গীতবোৰত গান গাবলৈ আৰু নৃত্য কৰিবলৈ বাধ্য হৈছিল।
তেওঁ ইছমাইল দৰবাৰৰ সৈতে ডিডি ৰাষ্ট্ৰীয় চেনেলত প্ৰচাৰিত এক গানৰ ৰিয়েলিটি শ্ব' ভাৰত কি শ্বাণ: ছিংষ্টাৰ – চিজন ২ (২০১২) ত বিচাৰক হিচাপে উপস্থিত আছিল। তেওঁ অনুষ্ঠানটোৰ চিজন ৩ৰ বিচাৰক। তেওঁ মাৰাঠী গীতৰ ৰিয়েলিটি শ্ব'ৰ বাবে মুখ্য অতিথি হিচাপেও উপস্থিত হৈছিল। তেওঁ মাৰাঠী গানেৰে দৰ্শকসকলক মনোৰঞ্জন কৰিছিল।
তেওঁ এগৰাকী মঞ্চ প্ৰদৰ্শক আৰু বিশ্বৰ বিভিন্ন ঠাইত প্ৰদৰ্শন কৰিছিল। তেওঁৰ প্ৰাণৱন্ত মঞ্চৰ উপস্থিতিৰ বাবে জনাজাত। তেওঁ লুইচ বেংকৰ সৈতে প্ৰথম এলবাম ৰেকৰ্ড কৰিছিল যাৰ বাবে তেওঁক ৩৫০০ টকা পৰিশোধ কৰা হৈছিল। তেতিয়াৰ পৰা তেওঁ বহুতো এলবাম ৰেকৰ্ড কৰিছে। মাইকেল জেকচনৰ "ডণ্ট ষ্টপ টিল ইউ গেট এনাফ" নামৰ "চুপকে কৌন আয়া" শীৰ্ষক ঊষাৰ হিন্দী সংস্কৰণ টম মিডিলটন – দি ট্ৰিপ (২০০৪) এলবামত থকা গীত যথেষ্ট জনপ্ৰিয় হৈছিল।
অভিনয়
[সম্পাদনা কৰক]ঊষা উথুপ এগৰাকী অভিনেত্ৰী হিচাপেও জনাজাত। ২০০৬ চনত তেওঁ মালয়ালম ছবি 'পথন ভাভা'ত কুৰিচুভেট্টিল মাৰিয়াম্মা হিচাপে অভিনয় কৰিছিল। তেওঁ 'বোম্বে টু গোৱা' ছবিখনত এক কেমিঅ' চৰিত্ৰত অভিনয় কৰিছিল। ২০০৭ চনত তেওঁক অঞ্জুন দত্তৰ দ্বাৰা পৰিচালিত 'বো বেৰাকচ ফৰেভাৰ'ত দেখা গৈছিল। পুনৰ ২০০৭ চনত তেওঁক হেট্ৰিক মিউজিক ভিডিঅ'ত দেখা গৈছিল।
তেওঁ ইণ্ডিয়ান আইডল ১ আৰু ২ত দেখা গৈছিল। তেওঁ ২০০৭ আৰু ২০০৮ চনৰ সহ-বিচাৰক হিচাপে আইডিয়া ষ্টাৰ চিংগাৰ চিজন ফাইভ (২০১০) উপস্থিত আছিল।
২০১০ চনৰ তামিল ছবি 'মনমদন অম্বো'ত তেওঁৰ গৌণ চৰিত্ৰ হিচাপে অভিনয় কৰিছিল। তেওঁ বিশাল ভৰদ্বাজৰ '৭ খুন মাফ'ত অভিনয় কৰিছিল। ২০১২ চনত তেওঁ এখন কন্নড় ছবি 'পৰি'ত অভিনয় কৰিছিল।
২০১৯ চনত তেওঁ তথ্যচিত্ৰ 'ইফ নট ফৰ ইউ'ত দেখা যায়। ওয়াৰ বাবে তেওঁ কিংবদন্তী গায়ক-সংগীতশিল্পী বব ডিলনৰ "ব্লোইন ইন দা উইণ্ড"ৰ এটা কভাৰ ৰেকৰ্ড কৰিছিল। তেওঁ ২০১৯ চনৰ ১৬ মে' তাৰিখে কপিল শৰ্মা শ্ব'ত উপস্থিত হৈছিল।
বঁটা আৰু সন্মান
[সম্পাদনা কৰক]সংগীতৰ ক্ষেত্ৰখনলৈ আগবঢ়োৱা অৱদানৰ বাবে তেওঁ বহুতো বঁটা আৰু সন্মান লাভ কৰিছে। তেওঁ লাভ কৰা উল্লেখযোগ্য বঁটা আৰু মনোনয়ন সমূহ হ'ল:
অসামৰিক সন্মান
[সম্পাদনা কৰক]- পদ্মশ্ৰী - ২০১১ – ভাৰত চৰকাৰে প্ৰদান কৰা চতুৰ্থ সৰ্বোচ্চ অসামৰিক বঁটা[13]
- পদ্মভূষণ - 2024 – Third Highest Civilian Award presented by Government of India
- মানদণ্ডৰ সংগীতৰ বাবে ৰাষ্ট্ৰীয় সংহতিৰ ৰাজীৱ গান্ধী পুৰস্কাৰ
- আন্তৰ্জাতিক শান্তিৰ বাবে মহিলা শিৰোমানী পুৰস্কাৰ
চলচ্চিত্ৰ বঁটা আৰু মনোনয়ন
[সম্পাদনা কৰক]| বৰ্ষ | বঁটা | শিতান | গীত | ছবি | ফলাফল | উৎস |
|---|---|---|---|---|---|---|
| ১৯৭৯ | ফিল্মফেয়াৰ বঁটা | শ্ৰেষ্ঠ মহিলা নেপথ্য কণ্ঠশিল্পী | "ওৱান টু ছা ছা ছা" | 'শালিমাৰ' | মনোনীত | [14] |
| ১৯৮১ | "হৰি ঔম হৰি" | 'প্যাৰা দুচমন' | মনোনীত | |||
| ১৯৮২ | "ৰাম্বা হ" | 'অৰমান' | মনোনীত | |||
| ২০১১ | "ডাৰ্লিং" | '৭ খুন মাফ' | বিজয়ী | |||
| ২০১২ | আইআইএফএ বঁটা | শ্ৰেষ্ঠ মহিলা নেপথ্য কণ্ঠশিল্পী | "ডাৰ্লিং" | '৭ খুন মাফ' | মনোনীত | |
| ২০১২ | স্ক্ৰীন এৱাৰ্ড | শ্ৰেষ্ঠ মহিলা নেপথ্য কণ্ঠশিল্পী | মনোনীত | |||
| ২০১২ | মিৰ্ছি মিউজিক বঁটা | বৰ্ষশ্ৰেষ্ঠ মহিলা কণ্ঠশিল্পী | মনোনীত | [15] | ||
| ২০১৭ | জীৱনজোৰা সাধনা বঁটা | বিজয়ী | ||||
| ২০০৬ | এছিয়ানেট চলচ্চিত্ৰ বঁটা | শ্ৰেষ্ঠ চৰিত্ৰ অভিনেত্ৰী | 'পথন ভাভা' | মনোনীত | ||
| ১৯৯৯ | কলাকাৰ বঁটা | শ্ৰেষ্ঠ শ্ৰাব্য এলবাম (বঙালী) | "ডাৰ্লিং" | বিজয়ী | ||
| ২০০২ | 'চাই শিল্পীৰ সম্মান' | বিজয়ী | ||||
| ২০০৪ | ছবিৰ শ্ৰেষ্ঠ নেপথ্য কণ্ঠশিল্পী | "কভী পা লয়া তো কভী খো দিয়া" | 'জোগাৰ্ছ পাৰ্ক' | বিজয়ী | ||
| ২০১৩ | "ৰাম্বা মে চাম্বা" | 'চিৰিন ফাৰহাদ কি তো নিকল পৰি' | বিজয়ী |
তথ্য উৎস
[সম্পাদনা কৰক]- ↑ Bose, Devaki (November 15, 2008). "Original diva of Indi-pop". The Tribune (Chandigarh). http://www.tribuneindia.com/2008/20081115/saturday/main2.htm.
- ↑ "I'm thrilled beyond comprehension: Usha Uthup". The Times of India. 26 January 2011. http://timesofindia.indiatimes.com/entertainment/music/news-and-interviews/Im-thrilled-beyond-comprehension-Usha-Uthup/articleshow/7366271.cms.
- ↑ "Usha Uthup". Last.fm. http://www.last.fm/music/Usha+Uthup.
- ↑ "It's Great To Be Me: Usha Uthup". India Today. August 8, 2012. https://www.indiatoday.in/good-housekeeping/story/its-great-to-be-me-usha-uthup-112757-2012-08-08। আহৰণ কৰা হৈছে: 8 August 2012.
- ↑ "Profile: My bad girl voice". Tehelka খণ্ড 8 (8). 26 February 2011. Archived from the original on 7 September 2011. https://web.archive.org/web/20110907135526/http://www.tehelka.com/story_main48.asp?filename=hub260211My_Bad.asp। আহৰণ কৰা হৈছে: 5 March 2021.
- ↑ "Midnight's Children". Hindustan Times. 14 August 2012. Archived from the original on 19 August 2012. https://web.archive.org/web/20120819062623/http://www.hindustantimes.com/India-news/NewDelhi/Midnight-s-Children/Article1-913683.aspx.
- ↑ Kumar, Anuj (4 December 2003). "Tea, croissants and Usha Uthup". The Hindu. Archived from the original on 2 January 2004. https://web.archive.org/web/20040102000422/http://www.hinduonnet.com/thehindu/mp/2003/12/04/stories/2003120400640400.htm.
- ↑ 8.0 8.1 Dcosta, Melissa; Solani, Dhvani (11 August 2010). "It's a full circle for Usha Uthup". Mid Day. https://www.mid-day.com/articles/its-a-full-circle-for-usha-uthup/91208.
- ↑ Rajendra, Ranjani (2019-05-30). "There's magic about Madras: Usha Uthup" (en-IN ভাষাত). The Hindu. ISSN 0971-751X. https://www.thehindu.com/entertainment/music/in-conversation-with-usha-uthup-as-she-completes-50-years-as-a-singer/article27325397.ece.
- ↑ Suganth, M. (2 February 2011). "Padma Shri is icing on cake for Usha Uthup". The Times of India. Archived from the original on 2011-09-17. https://web.archive.org/web/20110917151544/http://articles.timesofindia.indiatimes.com/2011-02-02/news-and-interviews/28368378_1_usha-uthup-padma-shri-manmadhan-ambu.
- ↑ Frank, Naveen (18 February 2006). "'I am completely a people's person...' – Usha Uthup". Daijiworld. http://www.daijiworld.com/chan/exclusive_arch.asp?ex_id=233। আহৰণ কৰা হৈছে: 28 April 2011.
- ↑ Nadadhur, Srivathsan (2015-09-14). "Usha Uthup wears dignity in her tone" (en-IN ভাষাত). The Hindu. ISSN 0971-751X. https://www.thehindu.com/features/metroplus/usha-uthup-wears-dignity-in-her-tone/article7651752.ece.
- ↑ "Usha Uthup, Girish Kasaravalli to get Padma Shri". TopNews.in. 25 January 2011. Archived from the original on 9 November 2021. https://web.archive.org/web/20211109041410/http://www.topnews.in/light/usha-uthup-girish-kasaravalli-get-padma-shri-231934। আহৰণ কৰা হৈছে: 13 March 2012.
- ↑ "Filmfare Awards". Dhirad. 2006. Archived from the original on 2009-06-12. https://web.archive.org/web/20090612065210/http://deep750.googlepages.com/FilmfareAwards.pdf। আহৰণ কৰা হৈছে: 2021-03-05.
- ↑ "Nominations - Mirchi Music Award Hindi 2011". Radio Mirchi. 30 January 2013. http://www.radiomirchi.com/mma2011/hindi/nominees.php। আহৰণ কৰা হৈছে: 24 May 2018.
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত ঊষা উথুপ সম্পৰ্কীয় মিডিয়া ফাইল আছে। |
- আধিকাৰিক ৱেবছাইট
- "Before Darrrling, Usha Uthup sang these hit songs!". Rediff.com Movies. http://www.rediff.com/movies/slide-show/slide-show-1-hit-songs-of-usha-uthup/20110217.htm.
| ||||||||||||||