কৃষ্ণাদেৱৰায়া দন্তচিকিৎসা মহাবিদ্যালয় আৰু চিকিৎসালয়

অসমীয়া ৱিকিপিডিয়াৰ পৰা
Jump to navigation Jump to search
কৃষ্ণাদেৱৰায়া দন্তচিকিৎসা মহাবিদ্যালয় আৰু চিকিৎসালয়
Krishnadevaraya College of Dental Sciences and Hospital
ಕೃಷ್ಣದೇವರಾಯ ದಂತ ವಿಜ್ಞಾನ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ

মহাবিদ্যালয়ৰ প্ৰবেশপথত থকা পিতলৰ নামফলক
মূলমন্ত্ৰ মানৱতা, ত্যাগ, অৰ্পণ, সেৱা
ইংৰাজী ভাষাত মূলমন্ত্ৰ Humanity, Sacrifice, Dedication, Service
ধৰ্মীয় ভুক্তি ৰাজীৱ গান্ধী স্বাস্থ্য বিজ্ঞান বিশ্ববিদ্যালয়,কৰ্ণাটকভাৰতীয় দন্ত পৰিষদ , নতুন দিল্লী
অধ্যক্ষ ডাঃ পোন্নানা এ. বি.ডি.এচ. ; এম.ডি.এচ. ( প্ৰস্থ'ডন্টিকছ)
স্নাতক শিক্ষাৰ্থী ৬০ জন প্ৰতি বছৰ
স্নাতকোত্তৰ শিক্ষাৰ্থী ৩৮ জন প্ৰতি বছৰ
স্থান বাংগালোৰ , কৰ্ণাটক, ভাৰত
চৌহদ কৃষ্ণাদেৱৰায়ানগৰ ,

আন্তৰ্জাতিক বিমান বন্দৰ পদ, হোনাচামাৰানাহাল্লী, (ভায়া য়েলাহাংকা) বাংগালোৰ

(১৩৩ একৰ চৌহদ)
স্থানীয় নাম কেচিডিএচ
ৱেবছাইট [1]

কৃষ্ণাদেৱৰায়া দন্তচিকিৎসা মহাবিদ্যালয় আৰু চিকিৎসালয় (ইংৰাজী: Krishnadevaraya College of Dental Sciences and Hospital; কান্নাড়া: ಕೃಷ್ಣದೇವರಾಯ ದಂತ ವಿಜ್ಞಾನ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ) [2] বাংগালোৰত অৱস্থিত দন্ত চিকিৎসাবিজ্ঞানৰ এখন ব্যক্তিগত মহাবিদ্যালয়।‌ এই মহাবিদ্যালয়খনি ৰাজীৱ গান্ধী স্বাস্থ্য বিজ্ঞান বিশ্ববিদ্যালয়[1] আৰু ভাৰতীয় দন্ত পৰিষদ ,নতুন দিল্লীদ্বাৰা স্বীকৃতিপ্ৰাপ্ত।

অৱস্থান[সম্পাদনা কৰক]

কৃষ্ণদেৱৰায়া দন্তচিকিৎসা মহাবিদ্যালয়খন ১৩৩একৰ মাটিকালিত বিস্তৃত হৈ আছে।‌ মহাবিদ্য়ালয়খন ৭নংৰাষ্ট্ৰীয় ঘাইপথৰ পৰা ১ কিঃমিঃ দূৰত্বত আৰু য়েলাহাংকাৰ ভাৰতীয় বায়ু সেনাচাউনী, উত্তৰ বাংগলেোৰৰ ওচৰত অৱস্থিত।‌ মহাবিদ্য়ালৰ পৰা বাংগালোৰ মহানগৰীৰ মূখ্যস্থান তথা ৰেল ষ্টেচনৰ (মেজেষ্টিক) দূৰত্ব ২১ কিঃমিঃ আৰুকেম্পেগৌড়া আন্তৰ্জাতিক বিমানবন্দৰ দূৰত্ব মাত্ৰ ১৪কিঃমিঃ।‌ যদিও মহানগৰীৰ মূখ্যস্থানৰ পৰা মহাবিদ্য়ালয়খন অলপ আঁতৰত, মহাবিদ্য়ালয় খন মহানগৰীৰ বাচসেৱাৰদ্বাৰা সংযুক্ত।‌ মহানগৰীৰ বাচসেৱাৰ নং হৈছে ২৮২, ২৯৮, ২৮৩ক।

উদ্দেশ্য[সম্পাদনা কৰক]

  1. প্ৰতিজন ছাত্ৰ-ছাত্ৰীক দন্তচিকিৎসাবিদ্যাৰ নিপুণ অনুভৱী ব্যক্তি হিচাপে গঢ় দিয়া।‌
  2. প্ৰতিজন ছাত্ৰ-ছাত্ৰীৰ চিন্তাত চিকিৎসাবিজ্ঞানৰ নীতি তথা আদৰ্শ অন্তনিবিষ্ট কৰা।‌
  3. প্ৰতিজন ছাত্ৰ-ছাত্ৰীক সমাজ তথা মানৱ সেৱাৰ প্ৰতি অনুপ্ৰাণিত কৰা।‌

পাঠ্যক্ৰম[সম্পাদনা কৰক]

স্নাতক পাঠ্যক্ৰম:[সম্পাদনা কৰক]

  • বেচ্চেলৰ অৱ ডেন্টল চাৰ্জৰী (বি.ডি.এচ.)

স্নাতকোত্তৰ পাঠ্যক্ৰম:[সম্পাদনা কৰক]

  • মাষ্টাৰ অৱ ডেন্টল চাৰ্জৰী (এম.ডি.এচ.)
  • অৰেল মেডিচিন আৰু ৰেডিঅ'লজী
  • পেড্ৰিয়াট্ৰিক আৰু প্ৰিভেনটিভ ডেন্টিষ্ট্ৰী
  • অৰেল আৰু মেক্সিল'ফেছিয়েল চাৰ্জৰী
  • পেৰিঅ'ডন্ট'লজী
  • অ'ৰ্থডন্টিক্স আৰু ডেন্ট'ফেছিয়েল অ'ৰ্থপেডিক্স
  • কনজাৰভেটিভ ডেন্টিষ্ট্ৰী আৰু এণ্ড'ডন্টিকচ
  • প্ৰস্থ'ডন্টিকচ আৰু ক্ৰাউন এণ্ড ব্ৰীজ
  • অৰেল আৰু মেক্সিল'ফেছিয়েল পেথ'লজী
  • পাব্লিক হেল্থ ডেন্টিষ্ট্ৰী

চাৰ্টিফিকেট পাঠ্যক্ৰম[সম্পাদনা কৰক]

  • ইমপ্লান্ট'লজী

মহাবিদ্যালয়ৰ প্ৰতীকিচিহ্ন[সম্পাদনা কৰক]

মহাবিদ্যালয়ৰ প্ৰতীকটি পূৰ্বীয় আৰু পশ্চিমীয়া স্বাস্থ্য বিজ্ঞানৰ সংমিশ্ৰিত ৰূপ।‌

  • সোঁমাজত থকা সৰ্প বগাই থকা দন্ডই গ্ৰীক আৰু ৰোমানৰ স্বাস্থ্য দেৱতা হাৰ্মিচ আৰু মাৰ্কিওৰীক প্ৰতিনিধিত্ব কৰিছে।‌
  • প্ৰজ্বলিত শিখাই অমৰত্ব তথা সকলো বেদনাৰ পৰা মুক্তি সূচাইছে।

‌*হাতীৰ যুৰীয়া দন্তই দন্তচিকিৎসা বিজ্ঞানৰ পেচাক বুজাইছে।‌

  • খোদিত চাৰিটি শব্দ মানৱতা, ত্যাগ, সেৱা আৰু অৰ্পণে প্ৰতিজন চিকিৎসকে কৰা প্ৰতিজ্ঞাৰ কথা বৰ্ণনা কৰিছে।‌

আন্তঃগাঁঠনি[সম্পাদনা কৰক]

মহাবিদ্যালয়খন এখনি দন্তচিকিৎসালয়ৰে সমৃদ্ধ তিনিমহলীয়া অট্টালিকা।‌ মহাবিদ্যালয়ত চাৰিটা দৃশ্য-শ্ৰৱন মাধ্যমযুক্ত শিক্ষাগৃহ আছে,যত ৬০জন স্নাতক ছাত্ৰ অনায়াসে শিক্ষাগ্ৰহণ কৰিব পাৰে।‌এটি আটকধুনীয়াকৈ সজ্জিত প্ৰেক্ষাগৃহ মহাবিদ্যালয়ৰ মূখ্যগৃহৰ লগতে অৱস্থিত।‌ প্ৰত্যেক বিভাগৰ সুকীয়াকৈ স্নাতক আৰু স্নাতকোত্তৰ বাবে ক্লিনিকেল চেকচন আছে য'ত অভিজ্ঞ চিকিৎসকৰ অধীনত ছাত্ৰসকলে প্ৰশিক্ষণ লয়।‌‌ স্নাতকোত্তৰ ছাত্ৰৰবাবে প্ৰত্যক বিভাগত চেমিনাৰ গৃহ আছে।‌ দুটা আহল-বহল প্ৰাক-ক্লিনিকেল লেব বেচমেন্টত আছে আৰু ইয়াত নতুনকৈ ভৰ্ত্তি হোৱা ছাত্ৰক প্ৰস্থ'ডন্টিকচ আৰু কনজাৰভেটিভ ডেন্টিষ্ট্ৰীৰ প্ৰাক-ক্লিনিকেল জ্ঞান দিয়া হয়।‌

সা-সুবিধা[সম্পাদনা কৰক]

চিকিৎসালয়[সম্পাদনা কৰক]

অত্যাধুনিক সাঁ-সঁজুলিযুক্ত দন্ত চিকিৎসালয় খন মহাবিদ্যালয়ৰ লগতে লাগি আছে।‌ অঞ্চলটোৰ একমাত্ৰ চিকিৎসালয় হোৱাৰ সূত্ৰে ৰোগীৰ আগমন প্ৰশিক্ষণৰ বাবে যথেষ্ট।‌ মহাবিদ্যালয়খন য়েলাহাংকাৰ ১০০ খন বিচনাযুক্ত চৰকাৰী চিকিৎসালয়ৰ লগত সংযুক্ত।‌ ইয়াত স্নাতক ছাত্ৰ-ছাত্ৰীসকলক মেডিচিন আৰু শল্যচিকিৎসাৰ ব্যৱহাৰিক জ্ঞান দিয়া হয় আৰু অৰেল আৰু মেক্সিল'ফেছিয়েলৰ চাৰ্জৰী স্নাতকোত্তৰ ছাত্ৰ-ছাত্ৰীৰ বাবে অস্ত্ৰোপচাৰ গৃহ আছে।‌ মহাবিদ্যালয়খনৰ কিডৱাই কৰ্কট ৰোগ প্ৰতিস্থান, ৰাষ্ট্ৰীয় মানসিক স্বাস্থ্য আৰু স্নায়ু বিজ্ঞান প্ৰতিষ্ঠান, (NIMHANS) আৰু মল্লিগে চিকিৎসালয়ৰ লগত চুক্তিবদ্ধ।‌ তদুপৰি মহাবিদ্য়ালয়ৰ নিজাবৱীয়াকৈ এটা মাইনৰ অস্ত্ৰোপচাৰগৃহ আৰু এটা মেজৰ অস্ত্ৰোপচাৰগৃহ আছে।‌

সাধাৰণ সুবিধা[সম্পাদনা কৰক]

মহাবিদ্যালয়ৰ চৌহদতে চাৰ এম. ভিচভেশ্ৱৰায়া ইনষ্টিটিউট অৱ টেকন'লজী (Sir M. Visvesvaraya Institute of Technology) [3]নামৰ এখন আভিযান্ত্ৰিক প্ৰতিষ্ঠান আছে।‌ তদুপৰি এটা বেংক (ক'টাক মহিন্দ্ৰা বেংক), এটা এটিএম, এখন কেন্টিন, এখন কেফেটেৰিয়া, এখন কিতাপৰ দোকান, দুখন ষ্টেচনৰী দোকান আছে।‌

যাতায়ত[সম্পাদনা কৰক]

মহাবিদ্যালয়খন মূখ্য ৰাস্তাৰ পৰা খোজকঢ়া দূৰত্বত অৱস্থিত তথাপিও অ'টোৰ সুবিধা আছে।‌ মহানগৰীৰ বাচসেৱা (BMTC) নং ২৮৩ক চৌহদৰ মাজেদি যায়।‌ কলেজ বাচৰ সুবিধা আছে।‌ হাউচ চাৰ্জন (House surgeon or Internee) সকলক এই বাচসেৱা বিনামূলীয়াকৈ দিয়া হয়।‌

থকা-মেলা[সম্পাদনা কৰক]

চৌহদতে ছাত্ৰ-ছাত্ৰীসকলৰ বাবে সুকীয়াকৈ ছাত্ৰাবাস/ছাত্ৰীবাসৰ সুবিধা আছে লগতে অধক্ষ্যাৰ আবাসগৃহ, এটা অতিথিগৃহ আৰু শিক্ষকসকলৰ বাবে আৱাসিক অঞ্চল আছে।‌

খেল-ধেমালি[সম্পাদনা কৰক]

মহাবিদ্যালয়ৰ চৌহদত এখনফুটবল মৈদান, এখন ক্ৰিকেট মৈদান, এখন বাক্সেটবল ক'ৰ্ট, এখনল'ন টেনিছ ক'ৰ্ট, তিনিখন বাহিৰা ক'ৰ্ট যতভলীবল,থ্ৰ'বল, টেনিকইট খেলা হয়।‌ লগতে এটি ইন্দ'ৰ ষ্টেডিয়াম আৰু টেব'ল টেনিছ হল এটা আছে।‌

ব্যয়ামগাৰ[সম্পাদনা কৰক]

চৌহদতে এজন শাৰীৰিক প্ৰশিক্ষকসহিত এটা ব্যয়ামগাৰ আছে।‌

সু-সাধন গৃহ[সম্পাদনা কৰক]

ছাত্ৰ আৰু ছাত্ৰীৰ বাবে সুকীয়াকৈ সু-সাধনগৃহ আছে।‌

পুথিভঁৰাল[সম্পাদনা কৰক]

শিক্ষক-শিক্ষয়ত্ৰী[সম্পাদনা কৰক]

ছাত্ৰ-ছাত্ৰী[সম্পাদনা কৰক]

মহাবিদ্যালয় খনত প্ৰবেশ কৰিলে এখন ক্ষুদ্ৰ ভাৰতবৰ্ষ দেখা যায়।‌ জম্মু-কাশ্মীৰৰ পৰাকণ্যাকুমাৰী, গুজৰাটৰ পৰাঅৰুণাচল প্ৰদেশলৈকে ছাত্ৰ-ছাত্ৰী আছে।‌ইৰাণ,ইৰাক,শ্ৰীলংকা,বাংলাদেশ,চৌদি আৰৱ, সংযুক্ত আৰৱ এমিৰেটচৰ পৰা পঢ়িবলৈ অহা বিদেশী ছাত্ৰৰ সংখ্যাও উল্লেখযোগ্য।‌

অধক্ষ্যসমূহৰ তালিকা[সম্পাদনা কৰক]

উৎসৱ-পাৱন[সম্পাদনা কৰক]

মহাবিদ্যালয়ে ২০১১ চনৰপৰা কৃশ্বডেন্ট (KrishDent) নামেৰে বাৰ্ষিক অনুষ্ঠান অনুস্থিত কৰি আহিছে।‌ এই অনুষ্ঠানটিত বাৰ্ষিক খেল-ধেমালি আৰু সাংস্কৃতিক প্ৰতিযোগিতাৰ আয়োজন কৰা হয়।‌ কৃশ্বডেন্ট কাপ (KrishDent Cup) নামেৰে এখন আন্তমহাবিদ্যালয় প্ৰতিযোগিতা আয়োজন কৰা হয়।‌ এই প্ৰতিযোগিতাখন ৺ডাঃ ভৰত পাৰ্থসাৰথিৰ সন্মানাৰ্থে পতা হয়।‌ ৺ডাঃ ভৰত মহাবিদ্যালয়ৰ এজন প্ৰবক্তা আছিল আৰু ২০১২ চনত অতি কমবয়সতে পথ দূৰ্ঘটনাত পৰলোক প্ৰাপ্তি ঘটে।‌ ছাত্ৰসকলে প্ৰতি ছমাহৰ অন্তৰালত টি২০ আধাৰত কৃষ্ণাদেৱৰায়া ক্ৰিকেট লীগ (KCL) অনুস্থিত কৰে যত কেৱল মহাবিদ্যালয়ৰ ছাত্ৰসকলে যোগদান কৰে।‌

তথ্য সংগ্ৰহ[সম্পাদনা কৰক]

বাহ্যিক সংযোগ[সম্পাদনা কৰক]