জম্মু আৰু কাশ্মীৰ
| জম্মু আৰু কাশ্মীৰ | |||
|---|---|---|---|
| — ৰাজ্য — | |||
|
|||
 |
|||
| ভৌগোলিক স্থানাংক: 33°27′N 76°14′E / 33.45°N 76.24°Eস্থানাংক: 33°27′N 76°14′E / 33.45°N 76.24°E | |||
| দেশ |  ভাৰত |
||
| অঞ্চল | উত্তৰ ভাৰত | ||
| স্থাপিত | ২৬ অক্টোবৰ ১৯৪৭, ২৬ অক্টোবৰ ১৯৪৭ | ||
| ৰাজধানী | দুখন | ||
| জিলা | ২২ | ||
| চৰকাৰ[*] | |||
| - পৰিষদ | জম্মু আৰু কাশ্মীৰ চৰকাৰ | ||
| - ৰাজ্যপাল | নৰিন্দৰ নাথ ব’হৰা | ||
| - মুখ্য মন্ত্ৰী | মুফ্টি ম’হম্মদ চয়ীড (পি.ডি.পি.) | ||
| - আইনসভা | ৮৯ + ৩৬ আসন | ||
| - লোকসভা সমষ্টি | ৬ | ||
| মাটিকালি | |||
| - মুঠ | ২,২২,২৩৬ কি.মি.২ (৮৫,৮০৫.৮ বৰ্গ মাইল) |
||
| অঞ্চলৰ স্থানাংক | ৫তম | ||
| উচ্চতা | ৩২৯ মিটাৰ (১,০৭৯.৩৯৬৩২৫৪৫৯৩ ফুট) | ||
| জনসংখ্যা (২০১১) | |||
| - মুঠ | ১,২৫,৪৮,৯২৬ জন | ||
| - স্থান | ১৯তম | ||
| - জনঘনত্ব | ৫৬.৫ প্ৰতি বৰ্গ কি.মি. (১৪৬.২ প্ৰতি বৰ্গ মাইল) |
||
| সময় অঞ্চল | ভামাস (গ্ৰী.মা.স.+০৫:৩০) | ||
| আই এচ অ’ ৩১৬৬ কোড | IN-JK | ||
| মা বি সূ |  ০.৬০১ (মধ্যম) |
||
| মা বি সূ স্থান | ১৭তম (২০০৫) | ||
| সাক্ষৰ | ৬৬.৭০% (২১তম | ||
| আধিকাৰিক ভাষা | ইংৰাজী, উৰ্দু | ||
| ৱেবছাইট | jk.gov.in | ||
জম্মু আৰু কাশ্মীৰ (ইংৰাজী: Jammu and Kashmir)[1] ভাৰতৰ সকলোতকৈ উত্তৰত অৱস্থিত ৰাজ্য। হিমালয় পৰ্বমালাত ৰাজ্যখনৰ অধিকাংশ অৱস্থিত, ৰাজ্যখনৰ চাৰিসীমাত ভাৰতৰ আন দুখন ৰাজ্য হিমাচল প্ৰদেশ আৰু পাঞ্জাব আছে, ৰাজ্যখনৰ উত্তৰ পূৱ দিশত আছে চীন দেশ, লাইন অৱ কণ্ট্ৰলে ৰাজ্যখনক পশ্ছিম দিশত পাকিস্তান অধিকৃত কাশ্মীৰ আৰু উত্তৰ-পশ্ছিম দিশত পাকিস্তানৰ গিলগিট-বল্টিষ্টান প্ৰদেশৰ পৰা পৃথক কৰিছে। ভাৰতীয় সংবিধানৰ দফা ৩৭০ৰ অনুসৰি জম্মু আৰু কাশ্মীৰ এখন শ্বায়ত্ব শাসিত ৰাজ্য, আৰু ইয়াৰ অধীনত ৰাজ্যখনে আন ৰাজ্যৰ তুলনাত কিছুমান বিশেষ ক্ষমতা লাভ কৰে।[2][3]
স্বাধীনতাৰ পূৰ্বৰ ব্ৰিটিচ শাসিত জম্মু আৰু কাশ্মীৰ প্ৰিন্সলি প্ৰদেশৰ অধিকাৰকলৈ পাছৰ সময়ত ভাৰত,পাকিস্তান আৰু চীনৰ মাজত বহুবাৰ বিবাদ হৈছে, আৰু এইসমূহৰ সম্পূৰ্ণ সমাধান এইপৰ্যন্ত হোৱা নাই। পাকিস্তানে নিজৰ বুলি দাবী কৰা ভাৰতৰ নিয়ন্ত্ৰনাধীন[4] কাশ্মীৰৰ ভূখণ্ডক "ভাৰত অধিকৃত কাশ্মীৰ" বুলি অভিহিত কৰে। আনহাতেদি ৰাষ্ট্ৰসংঘৰ দৰে আন্তঃৰাষ্ট্ৰীয় সংস্থাই কাশ্মীৰৰ এই অংশক "ভাৰতীয় শাসনাধিস্থ কাশ্মীৰ" বুলি ক’ব খোজে। [5] পাকিস্তানৰ নিয়ন্ত্ৰনাধীন কাশ্মীৰৰ অংশক ভাৰতত ভিতৰত "পাক অধিকৃত কাশ্মীৰ (PoK)", পাকিস্তানত "আজাদ (স্বাধীন) জম্মু আৰু কাশ্মীৰ" আৰু সধাৰণ ভাবে "পাকিস্তান শাসনাধিস্থ কাশ্মীৰ" বুলি জনা যায়।[6][7][8][9][10] চীনৰ নিয়ন্ত্ৰনাধীন কাশ্মীৰৰ অংশক আক্চাই চীন বুলি জনা যায়।
জম্মু আৰু কাশ্মীৰ তিনিটা মূল অংশৰে গঠিত: জম্মু, কাশ্মীৰ উপত্যকা আৰু লাডাখ। গ্ৰীষ্মকালত ৰাজ্যখনৰ ৰাজধানী শ্ৰীনগৰ আৰু শীতকালত ৰাজধানী কাশ্মীৰ। কাশ্মীৰ উপত্যকা ইয়াৰ পৰ্বতমালা আৰু প্ৰাকৃতিক সৌন্দৰ্য আৰু ইয়াত থকা পবিত্ৰ তীৰ্থস্থান সমূহৰ বাবে বিখ্যাত। প্ৰতি বছৰে হাজাৰ হাজাৰ হিন্দু তীৰ্থ যাত্ৰী এই তীৰ্থসমূহ দৰ্শনৰ বাবে কাশ্মীৰলৈ আহে। পৰ্বতৰ নৈসৰ্গিক সৌন্দৰ্য আৰু বৌদ্ধ ধৰ্মীয় সংস্কৃতিৰ বাবে বিখ্যাত লাডাখক "লিটল (সুক্ষ্ম) তিব্বত" বুলিও জনা যায়। জম্মু আৰু কাশ্মীৰ ভাৰতৰ একমাত্ৰ মুছলিম সংখ্যাগৰিষ্ঠ ৰাজ্য।[11]
জলবায়ু আৰু ভূগোল[সম্পাদনা কৰক]
জম্মু আৰু কাশ্মীৰ বহুবোৰ উপত্যকা থকা এখন প্ৰদেশ, ইয়াৰ মূখ্য উপত্যকাসমূহ হৈছে, কাশ্মীৰ উপত্যকা, তাৱী উপত্যকা, চেনাব উপত্যকা, পুঞ্চ উপত্যকা আৰু চিন্দ উপত্যকা। প্ৰধান উপত্যকা কাশ্মীৰ 100 km (62 মাইল) বহল আৰু ইয়াৰ মাটিকালি 15,520.3 বৰ্গ কি.মি. (5.4 বৰ্গ মাইল)। হিমালয় পৰ্বতে কাশ্মীৰ উপত্যকাক লাডাখৰ পৰা পৃথক কৰি ৰাখিছে, আনহাতেদি পিৰ-পানজল পৰ্বতমালাই কাশ্মীৰ উপত্যকাক উত্তৰ ভাৰতৰ বিশাল সমতলভূমিৰ পৰা পৃথক কৰিছে। হিমালয়ৰ মূল পৰ্বতমালা কাশ্মীৰ উপত্যকাৰ উত্তৰ-পূৱ অংশজুৰি বিস্তৃত। ঘন জনবসতিপূৰ্ণ আৰু সুন্দৰ কাশ্মীৰ উপত্যকা সাগৰ পৃষ্ঠৰ পৰা 1,850 মিটাৰs (6 ফুট) উচ্চতাত অৱস্থিত, পিৰ-পানজল পৰ্বতমালাৰ গড় উচ্চতা 5,000 মিটাৰs (16 ফুট)।
সাগৰ পৃষ্ঠৰ পৰা উচ্চতাৰ বিবিধতাৰ বাবে জম্মু আৰু কাশ্মীৰৰ জৈৱ-ভূগোল বৈচিত্ৰতাৰে পৰিপূৰ্ণ। উত্তৰ-পশ্ছিমীয় কাঁইটীয়া বনভূমি, হিমালয়ান উপ-ক্ৰান্তীয় পাইন বন কম উচ্চতাৰ দক্ষিণ-পশ্ছিম অঞ্চলৰ দূৰ প্ৰান্তত দেখিবলৈ পোৱা যায়। পশ্ছিম হিমালয়ান বহলপাতৰ বনৰ এক বিশাল বনাঞ্চল কাশ্মীৰ উপত্যকাৰ উত্তৰ-পশ্ছিম অঞ্চলৰ পৰা দক্ষিণ-পূৱ অঞ্চললৈকে দেখিবলৈ পোৱা যায়। সমতল ভূমিৰ পৰা পৰ্বতৰ দিশত গ’লে, পশ্ছিম হিমালয়ান চাব-এল্পাইন ক’নিফাৰ বন দেখিবলৈ পোৱা যায়, বৃক্ষৰ বনাঞ্চলৰ উচ্চ অঞ্চলত উত্তৰ-পশ্ছিম হিমালয়ান এলপাইন গুল্ম আৰু তৃণভূমি দেখিবলৈ পোৱা যায়, উত্তৰ পূৱৰ অধিকাংশ কাৰাকোৰাম-পশ্ছিম তিব্বতীয় মালভূমীয় এলপাইন বন দেখিবলৈ পোৱা যায়। একেবাৰে উচ্চ অঞ্চলত সাধাৰণতে কোনোধৰনৰ বনাঞ্চল দেখিবলৈপোৱা নায়ায়, এই অঞ্চলসমূহ শিলা আৰু বৰফেৰে ঢাক খাই থাকে।
| মণ্ডল | মাটিকালি (বৰ্গ কি.মি.) | শতকৰা মাটিকালি |
|---|---|---|
| কাশ্মীৰ | ১৫,৯৪৮ | ১৫.৭৩% |
| জম্মু | ২৬,২৯৩ | ২৫.৯৩% |
| লাডাখ | ৫৯,১৪৬ | ৫৮.৩৩% |
| ভাৰত-শাসনাধিস্থ জম্মু আৰু কাশ্মীৰ | ১,০১,৩৮৭ | ১০০% |
হিমালয়ৰ পৰা কাশ্মীৰ উপত্যকাৰ মাজেৰে বৈ অহা ঝেলাম একমাত্ৰ ডাঙৰ নদী। সিন্ধু, তাৱী, ৰৱী আৰু চেনাব ৰাজ্যখনৰ মাজেৰে বৈ যোৱা প্ৰধান নদী। ৰাজ্যখনত কেইবাটাও হিমবাহ দেখিবলৈ পোৱা যায়। সাগৰপৃষ্ঠৰ পৰা ৫,৭৫৩ মিটাৰ (১৮,৮৭৫ ফুট) গড় উচ্চতাৰ ৭৬ কি.মি. (৪৭ মাইল) দৈৰ্ঘৰ চিয়াচীন হিমবাহ হিমালয়ৰ সকলোককৈ অধিক দৈৰ্ঘৰ হিমবাহ।
প্ৰদেশখনত ভিন্ন ধৰনৰ জলবায়ু দেখিবলৈপোৱা যায়, দক্ষিণৰ ফালে জম্মুৰ উপকন্ঠ অঞ্চলত সাধাৰনতে পৰম্পৰাগত মৌচুমী জলবায়ু দেখা যায়। জানুৱাৰী-মাৰ্চ মাহত প্ৰায় ৪০ৰ পৰা ৫০ মি.মি. (১.৬ৰ পৰা ২ ইঞ্চি) বৰষুণ হোৱা দেখা যায়। গ্ৰীষ্মকালত জম্মু নগৰত উষ্ণতা যথেষ্ঠবেছি হয়, ই সৰ্বাধিক ৪০ °ছে (১০৪ °ফা) পৰ্যন্ত স্পৰ্শ কৰে। জুলাই-আগষ্ট মাহত ৬৫০মি.মি.(২৫.৫ ইঞ্চি) পৰ্যন্ত বৰষুণ হয়। চেপ্তেম্বৰ মাহত বৰষুণৰ পৰিমান হ্ৰাস পায়, আৰু অক্টোবৰলৈকে জলবায়ু বৃস্তিহীন,গৰম আৰু শুকান হৈ পৰে এইসময়ত উষ্ণতা প্ৰায় ২৯ °ছে (৮৪ °ফা)ৰ আশে পাশে থাকে ।
পিৰ -পানজল অঞ্চলত দক্ষিণ এচীয় মৌচুমীৰ প্ৰভাৱ কম, দক্ষিণ-পশ্ছিম দিশৰ পৰা অহা ডাৱৰৰ বাবে ইয়াত বসন্ত কালত বৰষুণ হয়। আৰৱ সাগৰৰ ওচৰত হোৱাৰ বাবে এই ডাৱৰৰ বাবে ৬৩৫ মিলিমিটাৰ (২৫ ইঞ্চি) পৰ্যন্ত বৰষুণ হয়, মাৰ্চৰ পৰা মে’ মাহৰ ভিতৰত প্ৰতিমাহে সৰ্বাধিক ৮৫ মিলিমিটাৰ (৩.৩ ইঞ্চি) বৰষুণ হয়। মূখ্য হিমালয়ান অঞ্চলত দক্ষিণ-পশ্ছিমৰ আৰৱ সাগৰৰ পৰা অহা এই বতাহৰ প্ৰভাৱো একেবাৰেই কম, সেয়ে লাডাখ আৰু ঝংস্কাৰ অঞ্চল খুবেই শুকান আৰু চেঁচা। ইয়াত বাৰ্ষিক বৃষ্টিপাত মাত্ৰ ১০০ মি.মি. (৪ ইঞ্চি), জলবায়ুৰ আদ্ৰতাও এই অঞ্চলত একেবাৰে কম, সাগৰ পৃষ্ঠৰ পৰা ৩,০০০ মিটাৰ (৯,৭৫০ ফুট) উচ্চতাৰ এই অঞ্চলসমূহত জানুৱাৰী মাহত গড় তাপমাত্ৰা −২০°ছে (−৪°ফা), সৰ্বনিম্ন তাপমাত্ৰা −৪০°ছে (−১০৪°ফা)লৈকে নামে। সকলোবোৰ নদীৰ পানী এই সময়ত গোট মাৰি যায়, গ্ৰীষ্ম কালত লাডাখ আৰু ঝংস্কাৰৰ তাপমাত্ৰা প্ৰায় ২০°ছে (৬৮°ফা)ৰ আশে পাশে থাকে, অৱশ্যে কম আদ্ৰতা আৰু পাতল বতাহৰ বাবে ৰাতিবোৰৰ তাপমাত্ৰা যথেষ্ঠকম হয়।
চ’ ম’ৰিৰি হ্ৰদ
ভৌগলিক ছবি, কাশ্মীৰ উপত্যকা
লাডাখ
নাগীন হ্ৰদ
কাৰগিল জিলাত নৌকা বিহাৰ
গুলমাৰ্গ
পাহাৰ আৰু ৰোহতং পাচ
Natural চুমখেল লুংপা নদী
ডাল হ্ৰদৰ চাৰ চিনাৰ দ্বীপ
ঝিলাম নদী
লাডাখৰ ওচৰৰ কাৰাকোৰাম-পশ্ছিম তিব্বতীয় মালভূমি, ভাৰত
শ্ৰীনগৰ-যাত্ৰা-পবিত্ৰ হিন্দু গুহা
.jpg)
তথ্যসূত্ৰ[সম্পাদনা কৰক]
- ↑ Jones, Daniel (2003), Peter Roach, James Hartmann and Jane Setter, ed., English Pronouncing Dictionary, প্ৰকাশক Cambridge: Cambridge University Press, ISBN 3-12-539683-2
- ↑ http://timesofindia.indiatimes.com/india/What-is-Article-370-Three-key-points/articleshow/35678708.cms
- ↑ "In Depth-the future of Kashmir". BBC News. http://news.bbc.co.uk/2/shared/spl/hi/south_asia/03/kashmir_future/html/default.stm। আহৰণ কৰা হৈছে: 16 April 2013.
- ↑ "Kashmir – Pakistan Mission to UN". Pakun.org. http://www.pakun.org/kashmir/history.php। আহৰণ কৰা হৈছে: 16 April 2013.
- ↑ "OHCHR calls for restraint in Indian-administered Kashmir". United Nations. 27 August 2008. http://www.unhchr.ch/huricane/huricane.nsf/view01/1058F3E39F77ACE5C12574B2004E5CE3?opendocument। আহৰণ কৰা হৈছে: 19 July 2011.
- ↑ "No militant returned from Pakistan occupied Kashmir officially". Ibnlive.in.com. http://ibnlive.in.com/news/no-militant-returned-from-pakistan-occupied-kashmir-officially/378181-3-245.html। আহৰণ কৰা হৈছে: 16 April 2013.
- ↑ "Pakistan's Manipulation of the status of Gilgit- Baltistan | New Europe". Neurope.eu. 24 March 2013. http://www.neurope.eu/blog/pakistan-s-manipulation-status-gilgit-baltistan। আহৰণ কৰা হৈছে: 16 April 2013.
- ↑ "China makes its presence felt in Pak occupied Kashmir". Sunday-guardian.com. http://www.sunday-guardian.com/analysis/china-makes-its-presence-felt-in-pak-occupied-kashmir। আহৰণ কৰা হৈছে: 16 April 2013.
- ↑ "Pakistan-Occupied Kashmir on the Periphery | Institute for Defence Studies and Analyses". Idsa.in. http://www.idsa.in/strategicanalysis/37_1/Pakistan-OccupiedKashmironthePeriphery। আহৰণ কৰা হৈছে: 16 April 2013.
- ↑ Pakistan-Occupied Kashmir on the Periphery. Priyanka Singh. Strategic Analysis. Vol. 37, Iss. 1, 2013
- ↑ India's Agony Over Religion, page 245 Gerald James Larson - 1995
| ||||||||
