প্ৰাগ নিউজ
| প্ৰাগ নিউজ | |
|---|---|
| উদ্বোধন | ৪ মাৰ্চ, ২০০১ |
| গৰাকী | এ এম টেলিভিছন প্ৰাইভেট লিমিটেড |
| শ্ল'গান | প্ৰাগৰ খবৰ প্ৰকৃত খবৰ |
| দেশ | ভাৰত |
| ভাষা | অসমীয়া |
| মুখ্য কাৰ্যালয় | গুৱাহাটী, অসম, ভাৰত |
| ভগ্নী কেন্দ্ৰসমূহ | ৰেঙণি |
| ৱেবছাইট | pragnews.com |
| উপলদ্ধতা | |
| কৃত্ৰিম উপগ্ৰহ | |
| এয়াৰটেল ডিজিটেল টিভি (ভাৰত) | চেনেল নং ৬১৭ |
| ডিছ টিভি (ভাৰত) | চেনেল নং ৭৭৯ |
| টাটা স্কাই (ভাৰত) | চেনেল নং ১৯৭৫ |
| ভিডিঅ'কন ডি টি এইচ (ভাৰত) | চেনেল নং ৮৪৬ |
| কেবল টিভি | |
| এচিচি | চেনেল নং ১ |
প্ৰাগ নিউজ (ইংৰাজী: Prag News) এটা ২৪ ঘণ্টীয়া অসমীয়া নিউজ চেনেল। এইটো অসমৰ ভিতৰত গুৰুত্বপূৰ্ণ স্থানত থকা এখন আঞ্চলিক বাতৰিৰ চেনেল, যি গুৱাহাটীত আধাৰিত আৰু অতি পুৰণি বাতৰিচেনেলসমূহৰ ভিতৰত এটা বুলি গণ্য কৰা হয়।[1][ইয়াতকৈ ভাল উৎসৰ প্ৰয়োজন]
এই চেনেলটোৱে বহু সময়তে ভ্ৰান্ত তথ্য আৰু ভুৱা খবৰ প্ৰচাৰ কৰাৰ বাবে সমালোচিত হৈছে।[2]
এই চেনেলটো ২০০১ চনৰ ৪ মাৰ্চ তাৰিখে কেবল-ভিত্তিক টেলিভিছন চেনেল হিচাপে আৰম্ভ হৈছিল।[3] ই স্থানীয়, ৰাষ্ট্ৰীয় আৰু আন্তঃৰাষ্ট্ৰীয় খবৰ আৰু বিভিন্ন ধৰণৰ অনুষ্ঠান সম্প্ৰচাৰ কৰে।
Newslaundry-এ প্ৰকাশ কৰা এখন প্ৰতিবেদন অনুসৰি, এক বাৰ প্ৰাগ নিউজে হত্যাকাণ্ডৰ অভিযুক্ত বন্দনা কলিতাই আটকাধীন অৱস্থাত গাহৰি মাংস বিচাৰি দাবী জনাইছিল বুলি ভুৱা খবৰ দিছিল। চেনেলটোৱে এই অভিযোগো কৰিছিল যে তেওঁ মৃতদেহ কাটি ফ্ৰীজত ৰাখিছিল।[2]
এই সন্দৰ্ভত এখন সংবাদমেলত গুৱাহাটী আৰক্ষী আয়ুক্ত দিগন্ত বৰাই স্পষ্টকৈ কয় – “আমাৰ অনুসন্ধানত ফ্ৰীজ সম্পৰ্কে কোনো তথ্য পোৱা হোৱা নাই।” সাংবাদিকৰ প্ৰশ্নৰ উত্তৰত তেওঁ হাঁহি মাৰি কয় – “আপোনালোকে ফ্ৰীজৰ বিষয়ে খবৰ দিছিল, কিন্তু আমি কেতিয়াও তেনে কথা উল্লেখ কৰা নাই।”[2]
এই চেনেলটো আন এখন বিতৰ্কৰ মাজতো পৰিছিল, যি ঘটিছিল এগৰাকী গৰ্ভৱতী কৰ্মচাৰীৰ পদত্যাগৰ পৰিপ্ৰেক্ষিতত। সাংবাদিক ৰঞ্জিতা ৰাভাই ২০২০ চনৰ ৫ মে’ তাৰিখে পদত্যাগ কৰে, অভিযোগ কৰা হৈছিল যে গৰ্ভৱতী হোৱাৰ বাবে তেওঁ কৰ্তৃপক্ষৰ ফালৰ পৰা হেঁচা পাইছিল।[4]
ৰাভাৰ দাবী অনুসৰি, তেওঁ জানুৱাৰী মাহৰ শেষত ডেস্কৰ ডিউটি কৰিবলৈ লৈছিল, যি কাৰ্যত তেওঁৰ কৰ্তৃপক্ষ সন্তুষ্ট নাছিল, কাৰণ তেওঁলোকে “দক্ষ আৰু তৎপৰ লোক”ক প্ৰাথমিকতা দিছিল। ১৯ মে’ তাৰিখে তেওঁৰ সামাজিক মাধ্যম যোগে দিয়া পোষ্টত অভিযোগ কৰে যে তেওঁৰ তেতিয়া গৰ্ভধাৰণৰ ৫ মাহ হৈছিল আৰু চেনেলটোৱে তেওঁক বিনা বেতন মাতৃত্বকালীন ছুটীৰ অনুৰোধ অগ্ৰাহ্য কৰি পদত্যাগ কৰিবলৈ বাধ্য কৰাইছিল। এই পোষ্টে সংবাদ জগতত প্ৰতিক্ৰিয়া সৃষ্টি কৰে, অসমৰ সাংবাদিকসকলে আৰু ভাৰতীয় সাংবাদিক সংস্থাই (IJU) এই ঘটনাক নিন্দা জনাই গভীৰ উদ্বেগ প্ৰকাশ কৰে।[4]
মুখ্য ব্যক্তি
[সম্পাদনা কৰক]- ড° সঞ্জীৱ নাৰায়ণ – অধ্যক্ষ/ব্যৱস্থাপনা নিৰ্দেশক
- ড° অক্ষতা নাৰায়ণ – সভাপতি
- প্ৰশান্ত ৰাজগুৰু – মুখ্য সম্পাদক
- চন্দ্ৰ শেখৰ শৰ্মা – সাধাৰণ ব্যৱস্থাপক
- দেৱজিত ভূঞা – সহযোগী সম্পাদক
- দিলীপ গোপে – প্ৰযুক্তি প্ৰধান
- সঞ্জিত দাস – আই.টি. প্ৰধান
- ৰুবুল গগৈ – মুখ্য সংবাদদাতা
- জনজ্যোতি দত্ত বৰুৱা – জ্যেষ্ঠ ৰাজনৈতিক সংবাদদাতা
- সমৰজ্যোতি শৰ্মা – সাংবাদিক (অপৰাধ প্ৰতিবেদক)
উল্লেখযোগ্য অনুষ্ঠান
[সম্পাদনা কৰক]- মেজমেল
- যোগাত্মক দৃষ্টিৰে
- সাক্ষাৎ
- সবিশেষ
- প্ৰতিপক্ষ
- আমাৰ ভূপেন দা
- বিশ্বৰ আজব খবৰ
- সুৰ তাল লই
- ভিজন প্ৰাগ
তথ্য সংগ্ৰহ
[সম্পাদনা কৰক]- ↑ "Satellite News Channel launched in Northeast India". indiantelevision.com. 28 December 2010. http://www.indiantelevision.com/television/tv-channels/regional/assam-s-prag-news-aims-for-better-distribution-content-tie-up-140730। আহৰণ কৰা হৈছে: 12 October 2015.
- ↑ 2.0 2.1 2.2 Deep, Pratyush. "In Assam, a double murder triggers fake media angles, from bodies in fridge to chicken in custody". newslaundry.com. https://www.newslaundry.com/2023/02/24/in-assam-a-double-murder-triggers-fake-media-angles-from-bodies-in-fridge-to-chicken-in-custody। আহৰণ কৰা হৈছে: 5 September 2023.
- ↑ "Prag now a satellite channel". assamtribune.com. 14 September 2010. https://assamtribune.com/prag-now-a-satellite-channel। আহৰণ কৰা হৈছে: 3 February 2023.
- ↑ 4.0 4.1 Sharma, Ayan (2020-05-26). "'Made to feel unwanted': Pregnant employee says Assamese TV channel forced her to quit" (en ভাষাত). Newslaundry. https://www.newslaundry.com/2020/05/26/made-to-feel-unwanted-pregnant-employee-says-assamese-tv-channel-forced-her-to-quit। আহৰণ কৰা হৈছে: 2024-09-18.
বাহ্যিক সংযোগ
[সম্পাদনা কৰক]
| ||||||||||||||