বিহুৰ সাজ-পোচাক আৰু অলংকাৰ

অসমীয়া ৱিকিপিডিয়াৰ পৰা
Jump to navigation Jump to search

বিহুৰ সাজ পোচাকবোৰ পৰিপূৰ্ণ অসমীয়া কৃষ্টি আৰু আত্মনিৰ্ভৰশীলতাৰ পৰিচায়ক ৷ অসমত থলুৱাভাবে উৎপাদন হোৱা ৰেচম বিশেষকৈ মুগা সুতা এক অপৰিহাৰ্য অংগ ৷ বিহুত নাচনীয়ে মুগাৰ সাজ পৰিধান কৰে আৰু ঢ়ুলীয়াসকলে বা পুৰুষসকলে কপাহী চুৰীয়া ( ধুতি ) পৰিধান কৰে ৷ পুৰুষৰ দেহৰ উৰ্ধাংশ হাত কটা চোলা বা কামিজ পিন্ধে ৷

অলংকাৰৰ ক্ষেত্ৰত মহিলা বা নাচনীসকলে ডিঙিত জোনবিৰি, ঢ়োলবিৰি, জাপিপতীয়া অলংকাৰ পিন্ধে ৷ হাতত গাম খাৰু আৰু কাণত কেৰু মণি থুৰীয়া পিন্ধে ৷ আজিকালি মহিলাসকলে মুগাৰ সলনি টচৰ মেখেলা-চাদৰ পিন্ধাও দেখা যায় ৷ কাপোৰযোৰৰ লগতে দীঘল হাতৰ ৰঙা ব্লাউজ পিন্ধে ৷ নাচনীয়ে খোপাত কপৌ ফুল (Foxtail Orchid) আৰু হাতত জেতুকা(Henna)ৰ প্ৰলেপ লগায় ৷ ওঠত বৰহমঠুৰিৰ পাত দি ৰঙীন বোল দিয়ে ৷