হিমা দাস

অসমীয়া ৱিকিপিডিয়াৰ পৰা
(সীমা দাসৰ পৰা পুনঃনিৰ্দেশিত)
Jump to navigation Jump to search
হিমা দাস
Hima Das

২০ বছৰ অনুৰ্দ্ধ বিশ্ব চেম্পিয়নশ্বিপ ২০১৮ত হিমা দাস
ব্যক্তিগত তথ্যাৱলী
ৰাষ্ট্ৰীয়তা ভাৰতীয়
জন্ম ৯ জানুৱাৰী, ২০০০
ধিং , নগাঁও জিলা, অসম
বাসগৃহ গুৱাহাটী, অসম
ক্ৰীড়া
ক্ৰীড়া ট্ৰেক আৰু ফিল্ড
মূহূৰ্তসমূহ ৪০০ মিটাৰ
প্ৰশিক্ষক নিপন দাস আৰু নৱজিৎ মালাকাৰ[1]
সফলতা আৰু শীৰ্ষস্থান প্ৰাপ্তিসমূহ
Personal best(s) ৪০০ মিটাৰ: ৫০.৭৯ ছেকেণ্ড (এছিয়ান গেমছ ২০১৮, জাকাৰ্তা)

হিমা দাস (জন্ম ৯ জানুৱাৰী ২০০০) এগৰাকী ভাৰতীয় দৌৰবিদ। তেওঁ বিশ্ব ট্ৰেক আৰু ফিল্ড ইভেণ্টত পদক লাভ কৰা প্ৰথম গৰাকী ভাৰতীয় খেলুৱৈ। তেওঁক ধিং এক্সপ্ৰেছ নামেৰে জনা যায়। তেওঁ ইণ্ডোনেছিয়াৰ ৰাজধানী জাকাৰ্তাত অনুষ্ঠিত এছিয়ান গেমছ ২০১৮ৰ ৪০০ মিটাৰ দৌৰ প্ৰতিযোগিতাত ৰূপৰ পদক অৰ্জন কৰে আৰু ৫০.৭৯ ছেকেণ্ড সময়ৰ ৰাষ্ট্ৰীয় অভিলেখ গঢ়ে।

বৰ্তমান হিমা মহিলাৰ ৪০০ মিটাৰ দৌৰত অনুৰ্ধ শাখাৰ বিশ্ব চেম্পিয়ন আৰু ভাৰতীয় ৰেকৰ্ডৰ অধিকাৰী [2]

প্ৰাৰম্ভিক জীৱন[সম্পাদনা কৰক]

২০০০ চনৰ ৯ জানুৱাৰী তাৰিখে নগাঁও জিলাৰ ধিঙত হিমাৰ জন্ম হয়। তেওঁৰ পিতৃ ৰঞ্জিত দাস আৰু মাতৃ জোনালী দাস। হিমা তেওঁলোকৰ ছয়জন সন্তানৰ ভিতৰত কণিষ্ঠতম।[3] হিমায়ে স্কুলীয়া দিনৰে পৰা ল'ৰাৰ লগত ফুটবল খেলিবলৈ আৰম্ভ কৰিছিল। তাৰপিছত তেওঁৰ প্ৰতিভা খেলুৱৈ তথা প্ৰশিক্ষক নিপন দাসে প্ৰত্যক্ষ কৰি এথলেটিক্সত অংশগ্ৰহণ কৰিবলৈ উদগনি যোগায়। জিলাভিত্তিত খেলত অংশগ্ৰহণ কৰাৰ পিছত তেওঁৰ প্ৰশিক্ষণ আৰম্ভ হয়। তেওঁৰ প্ৰশিক্ষকে উন্নত প্ৰশিক্ষণৰ বাবে হিমাক গুৱাহাটীলৈ যাবলৈ পৰামৰ্শ আগবঢ়ায়। প্ৰথমে তেওঁৰ পৰিয়ালৰলোকে এই বিষয়ে আপত্তি কৰিছিল যদিও পিছলৈ তেওঁ সৰুসজাই ষ্টেডিয়ামত প্ৰশিক্ষণ লবলৈ আৰম্ভ কৰে।[4]

খেলুৱৈ জীৱন[সম্পাদনা কৰক]

হিমায়ে ২০১৮ চনত ফিনলেণ্ডৰ টেম্পায়াৰত অনুষ্ঠিত হোৱা আন্তঃৰাষ্ট্ৰীয় এথলেটিক্স সন্থাৰ বিশ্ব চেম্পিয়নশ্বিপ প্ৰতিযোগিতাত সোণৰ পদক অৰ্জন কৰে। এই ইভেণ্টত তেওঁ ৫১.৪৬ ছেকেণ্ড সময় লয়।[5]. তেওঁ ২০১৮ চনৰ অষ্ট্ৰেলিয়াৰ গোল্ডপোষ্টত অনুষ্ঠিত হোৱা কমনৱেলথ গেমছত মহিলাৰ ৪০০ মিটাৰ ৰেছ আৰু ৪×৪০০ মিটাৰ ৰিলে ৰেছ সম্পূৰ্ণ কৰিছিল।[6] ৪০০ মিটাৰ দৌৰ প্ৰতিযোগিতাত তেওঁ ফাইনেল পৰ্যন্ত আগবাঢ়ি ষষ্ঠ স্থান লাভ কৰিছিল।[7] ৪×৪০০ মিটাৰ ৰিলে ৰেছত তেওঁ ভাৰতীয় দলৰ অংশ আছিল আৰু ফাইনেলত তেওঁলোকে সপ্তম স্থান লাভ কৰে।[8] তেওঁ ২০১৮ চনত আন্তঃৰাষ্ট্ৰীয় এথলেটিক্স সন্থাৰ বিশ্ব চেম্পিয়নশ্বিপ প্ৰতিযোগিতাৰ ৪০০ মিটাৰ ৰেছত সোণৰ পদক লাভ কৰি ট্ৰেক আৰু ফিল্ড ইভেণ্টত পদক লাভ কৰা প্ৰথম গৰাকী ভাৰতীয় হিচাপে কৃতিত্ব অৰ্জন কৰে।[9]

২০১৮ চনৰ ইণ্ডোনেছিয়াৰ ৰাজধানী জাকাৰ্তাত অনুষ্ঠিত এছিয়ান গেমছ ২০১৮ ৰ মহিলাৰ ৪০০ মিটাৰ দৌৰ প্ৰতিযোগিতাৰ প্ৰাৰম্ভিক পৰ্যায়ত তেওঁ ৫১.০০ ছেকেণ্ডৰে ৰাষ্ট্ৰীয় অভিলেখ গঢ়ি দ্বিতীয় স্থানত থাকি পৰৱৰ্তী পৰ্যায়লৈ নিৰ্বাচিত হয়।[10] ২০১৮ চনৰ ২৬ আগষ্ট তাৰিখে তেওঁ আকৌ নিজৰ ৰাষ্ট্ৰীয় অভিলেখ ভাঙি ৫০.৭৯ ছেকেণ্ডেৰে চূড়ান্ত প্ৰতিযোগিতাত ৰূপৰ পদক লাভ কৰে।[11]

আন্তৰ্জাতিক প্রতিযোগিতা [12][সম্পাদনা কৰক]

প্ৰতিযোগিতা খেলৰ স্থান স্থান ইভেণ্ট সময়
২০১৮ কমনৱেলথ গেমচ গ'ল্ড ক'ষ্ট, অষ্ট্ৰেলিয়া ষষ্ঠ ৪০০ মিটাৰ ৫১.৩২ চেকেণ্ড
২০১৮ কমনৱেলথ গেমচ গ'ল্ড ক'ষ্ট, অষ্ট্ৰেলিয়া সপ্তম 8*৪০০ মিটাৰ ৰিলে (দলগত ইভেন্ট) ৩.৩৩.৬১ চেকেণ্ড
২০১৮ আই এ এ এফ ৱর্ল্ড (ইউ-২০) চেম্পিয়নশ্বিপ টেম্পায়াৰ, ফিনলেণ্ড প্রথম ৪০০ মিটাৰ ৫১.‌৪৬ চেকেণ্ড
২০১৮ এচিয়ান গেমচ জাকাৰ্টা-পালেমবাং, ইণ্ডোনেচিয়া দ্বিতীয় ৪০০ মিটাৰ ৫০.‌৭৯ চেকেণ্ড
২০১৮ এচিয়ান গেমচ জাকাৰ্টা-পালেমবাং, ইণ্ডোনেচিয়া প্ৰথম 8*৪০০ মিটাৰ ৰিলে (দলগত ইভেন্ট) ৩.২৮.৭২ চেকেণ্ড
২০১৯ পজনান এথলেটিকচ গ্ৰাঁ প্ৰি[13] কুটনো, পোলেণ্ড প্ৰথম ২০০ মিটাৰ ২৩.৯৭ ছেকেণ্ড
২০১৯ ক্লাডনো মেমৰিয়েল এথলেটিক মীট চেক গণৰাজ্য প্ৰথম ২০০ মিটাৰ ২৩.৪৩ চেকেণ্ড[14]

ব্যক্তিগত শ্ৰেষ্ঠ প্ৰদৰ্শণ(মুকলিত)[15][সম্পাদনা কৰক]

বিভাগ সময় স্থান তাৰিখ
১০০ মিটাৰ দৌৰ ১১.৭৪ চেকেণ্ড পাতিয়ালা(ভাৰত) ২৭/০২/২০১৮
২০০ মিটাৰ দৌৰ ২৩.১০ চেকেণ্ড গুৱাহাটী(ভাৰত) ২৭/০৬/২০১৮
৪০০ মিটাৰ দৌৰ ৫০.৭৯ চেকেণ্ড জাকাৰ্টা(ইণ্ডোনেচিয়া) ২৬/০৮/২০১৮
৪×৪০০ মিটাৰ ৰিলে দৌৰ ৩:২৮.৭২ মিনিট জাকাৰ্টা(ইণ্ডোনেচিয়া) ৩০/০৮/২০১৮

পুৰষ্কাৰ আৰু সন্মান[সম্পাদনা কৰক]

ৰাষ্ট্ৰপতি শ্ৰীযুত ৰাম নাথ কোৱিন্দে হিমা দাসক ২০১৮ চনৰ অৰ্জুন বঁটা প্ৰদান কৰা মুহুৰ্তত


  • ২০১৮ চনৰ ২৫ চেপ্টেম্বৰত ভাৰতৰ ৰাষ্ট্ৰপতিৰ হাতেৰে অৰ্জুন বঁটা [16]
  • ২০১৮ চনৰ ১৪ নৱেম্বৰত ইউনিচেফৰ দ্বাৰা ভাৰতৰ সৰ্বপ্ৰথম যুৱ ৰাষ্ট্ৰদূত (Youth Ambassador) হিচাপে নিযুক্তি [17]
  • অসম চৰকাৰৰ দ্বাৰা অসমৰ ক্ৰীড়া ৰাষ্ট্ৰদূত(Brand Ambassador for sports) হিচাপে নিযুক্তি[18]
  • পোলেণ্ড ত অনুষ্ঠিত পজনান এথলেটিকচ গ্ৰাঁ প্ৰি ত ২০০ মিটাৰ দৌৰত স্বৰ্ণ বিজয়[19]

ভোগেশ্বৰ বৰুৱাৰ পাছত হিমা দাস আন্তৰ্জাতিক পৰ্যায়ত পতক লাভ কৰা অসমৰ একমাত্ৰ এথলিট [20]

২০১৮ চনৰ চেপ্টেম্বৰ মাহত হিমা দাসে বিশ্বখ্যাত এডিডাচ কোম্পানীৰ সৈতে ব্যৱসায়িক চুক্তি স্বাক্ষৰ কৰে [21]

তথ্য সংগ্ৰহ[সম্পাদনা কৰক]

  1. 2018 CWG bio
  2. https://www.thehindu.com/sport/athletics/hima-das-wins-second-international-gold-inside-a-week/article28317228.ece
  3. http://www.espn.co.uk/athletics/story/_/id/22667482/hima-das-meteoric-rise-assam-village-gold-coast
  4. "Hima Das: From Assam’s rice fields to becoming India’s first world gold medallist on track" (en-US ভাষাত). The Indian Express. 2018-07-13. https://indianexpress.com/article/sports/sport-others/junior-athletics-worlds-from-assams-rice-fields-18-year-old-hima-das-gives-india-its-first-world-gold-on-track-5257409/. 
  5. "Hima Das scripts history wins Under-20 Gold in 400m". The Times of India. https://timesofindia.indiatimes.com/sports/more-sports/athletics/iaaf-under-20-world-athletics-hima-das-scripts-history-wins-gold-in-400m/articleshow/64964292.cms?from=mdr. 
  6. "Hima Das". https://results.gc2018.com/en/athletics/athlete-profile-n6068799-hima-das.htm. 
  7. "Result - Women's 400m Final". https://results.gc2018.com/en/athletics/result-women-s-400m-fnl-000100-.htm. 
  8. "Result - Women's 4 x 400m Relay Final". https://results.gc2018.com/en/athletics/result-women-s-4-x-400m-relay-fnl-000100-.htm. 
  9. "Hima Wins Historic Gold for India". Hotstar. 13 July 2018. http://www.hotstar.com/sports/athletics/hima-wins-historic-gold-for-india/2001615696। আহৰণ কৰা হৈছে: 13 July 2018. 
  10. "Asian Games 2018". 25 August 2018. https://www.time8.in/asian-games-2018-assams-hima-das-breaks-national-record/। আহৰণ কৰা হৈছে: 25 August 2018. 
  11. "Hima Das wins 400m silver in national record time". 26 August 2018. https://economictimes.indiatimes.com/news/sports/hima-das-wins-400m-silver-in-national-record-time/articleshow/65552030.cms। আহৰণ কৰা হৈছে: 26 August 2018. 
  12. Hima Das. IAAF. Retrieved 2018-07-13.
  13. [1].Poznan Athletics Grand Prix: Hima Das wins second international gold in 200m race. Retrieved 2019-07-10.
  14. [2]Indian Sprinter Hima Das Wins 3rd International Gold Within Two Weeks. Retrieved 2019-07-15.
  15. Hima Das. IAAF. Retrieved 2019-07-10.
  16. Tamang, Sylvester (25 September 2018) Virat Kohli, Mirabai Chanu Conferred Khel Ratna; Neeraj Chopra, Hima Das Get Arjuna Award. sports.ndtv.com
  17. https://www.indiatoday.in/education-today/gk-current-affairs/story/hima-das-appointed-as-unicef-india-s-first-youth-ambassador-1389687-2018-11-16
  18. Singh, Bikash (14 July 2018) 'Golden Girl' Hima Das to be made Assam's sports brand ambassador. The Economic Times.
  19. Hima Das wins 200m gold in Poland [3]. Press Trust of India
  20. Loiwal, Manogya (23 July 2018) Hima Das: Tracing star sprinter's journey from Assam's rice fields to global stardom – Sports News. India Today.
  21. "Adidas signs endorsement deal with athlete Hima Das". https://www.businesstoday.in/current/corporate/adidas-signs-endorsement-deal-with-athlete-hima-das/story/282640.html.