জুৰী বৰা বৰগোহাঞি
 | এই প্ৰবন্ধটোৰ প্ৰধান অৱদানকাৰীৰ প্ৰবন্ধটোৰ বিষয়বস্তুৰ লগত এক ঘনিষ্ঠ সম্পৰ্ক আছে যেন অনুমান হয়। |
| জুৰী বৰা বৰগোহাঞি | |
|---|---|
 | |
| জন্ম | ২০ ছেপ্তেম্বৰ, ১৯৭৮ মাজুলী, অসম |
| পেচা | ঔপন্যাসিক, কবি, গল্পকাৰ |
| ভাষা | অসমীয়া |
| ৰাষ্ট্ৰীয়তা | ভাৰতীয় |
| নাগৰিকত্ব | ভাৰতীয় |
| শিক্ষা | স্নাতকোত্তৰ |
| সময় | ২০০৪-বৰ্তমানলৈ |
| উল্লেখনীয় কৰ্মৰাজি | নাংফা ডিব্ৰুগড় বিশ্ববিদ্যালয়ৰ নন্দিনী |
| উল্লেখযোগ্য বঁটা | হৰেন্দ্ৰ চন্দ্ৰ বৰকাকতি বঁটা(২০০৯), আধাৰশিলা নতুল প্ৰজন্মৰ সাহিত্যিক বঁটা(২০১১) |
| দাম্পত্যসংগী | লক্ষ্মীনন্দন বৰগোহাঞি |
জুৰী বৰা বৰগোহাঞি (ইংৰাজী: Juri Borah Borgohain; জন্ম:১৯৭৮ - ) অসমীয়া সাহিত্য জগতৰ এগৰাকী ঔপন্যাসিক আৰু প্ৰবন্ধকাৰ[1]। তেখেতৰ জন্ম অসমৰ মাজুলীত হৈছিল। পিতৃৰ নাম মহেন্দ্ৰ বৰা আৰু মাতৃৰ নাম বীণা বৰা। কিছুদিন সংবাদ মাধ্যম আৰু শিক্ষাদানৰ লগত জড়িত হৈ থকাৰ পাছত তেখেতে স্বাধীনভাৱে সাহিত্য ৰচনা কৰি আছে।
শিক্ষা জীৱন
[সম্পাদনা কৰক]জুৰী বৰা বৰগোহাঞিয়ে জন্মস্থান মাজুলীৰ কাণকুৰিকা উচ্চ মাধ্যমিক বিদ্যালয়ত শিক্ষাজীৱন আৰম্ভ কৰি, আউনিআটি উচ্চ মাধ্যমিক বিদ্যালয় আৰু তাৰ পাছত মাজুলী মহাবিদ্যালয়ৰ পৰা স্নাতক হয় আৰু পৰবৰ্তী সময়ত ডিব্ৰুগড় বিশ্ববিদ্যালয়ৰ পৰা ৰাজনীতি বিজ্ঞানৰ প্ৰথম শ্ৰেণীৰ স্নাতকোত্তৰ আৰু এম ফিল ডিগ্ৰী আহৰণ কৰে। ইয়াৰ লগে লগে তেখেতে শ্লেট, নেট পৰীক্ষাতো উত্তীৰ্ণ হয় আৰু ৰাজনীতি বিজ্ঞানৰ গৱেষণাত ব্ৰতী হয়[1]।
কৰ্ম জীৱন
[সম্পাদনা কৰক]১৯৯৮-২০০৫ চনৰ সময়ছোৱাত জুৰী বৰা বৰগোহাঞিয়ে মাজুলীৰ পৰা প্ৰকাশিত পষেকীয়া কাকত মাজুলীত সাংবাদিকতা আৰম্ভ কৰে। পাছলৈ আমাৰ অসম, দৈনিক জনমভূমি আদি কাকতৰ সাংবাদিকতাত জড়িত থাকে। [2]। ২০০৩ চনত শিৱসাগৰ জুনিয়ৰ কলেজত প্ৰবক্তা আৰু ২০০৯ চনত ডিব্ৰুগড় হনুমানবক্স সুৰজমল কানৈ মহাবিদ্যালয়ত অংশকালীন প্ৰবক্তা হিচাপে কাৰ্যনিৰ্বাহ কৰে। বৰ্তমান তেখেতে সম্পূৰ্ণৰূপে সাহিত্য ৰচনাত মনোনিবেশ কৰাৰ লগতে অবৈধ মানৱ সৰবৰাহ, আন্তঃৰাজ্যিক সীমা সমস্যা, ব্ৰহ্মপুত্ৰৰ ওপৰত মাজুলী আৰু যোৰহাট সংযোগী দলং নিৰ্মাণ[উদ্ধৃতিৰ প্ৰয়োজন] আদি গুৰুত্বপূৰ্ণ বিষয় কিছুমানত মাত মাতি আহিছে[3]।
ব্যক্তিগত জীৱন
[সম্পাদনা কৰক]বিবাহ সূত্ৰে জুৰী বৰা বৰগোহাঞি শিৱসাগৰৰ বোৱাৰী। তেখেতৰ জীৱনসংগী হৈছে লক্ষ্মীনন্দন বৰগোহাঞি। তেওঁলোক পাছলৈ ডিব্ৰুগড়ৰ বাসিন্দা হয়। তেওঁলোকৰ এগৰাকী কন্যাসন্তান আছে।[উদ্ধৃতিৰ প্ৰয়োজন]
সাহিত্যকৃতি
[সম্পাদনা কৰক]২০০৪ চনত প্ৰকাশ হোৱা ডিব্ৰুগড় বিশ্ববিদ্যালয়ৰ নন্দিনী জুৰী বৰা বৰগোহাঞিৰ প্ৰথম উপন্যাস। মহীয়সী নাৰী জয়মতীৰ জীৱনগাঁথাৰে লিখা উপন্যাস নাং-ফাৰ জৰিয়তে তেখেতে অসমৰ সাহিত্য জগতত এক গুৰুত্বপূৰ্ণ স্থান দখল কৰিবলৈ সক্ষম হয়[1]। ইয়াৰ লগতে তেওঁ ঐতিহাসিক ষ্টিলৱেল ৰোড নিৰ্মাণৰ আঁৰৰ কাহিনীৰে উপন্যাস লিড’লাম ৰচনা কৰিছে। এতিয়ালৈকে ১১খন উপন্যাস, ১খন উদ্ভিদ বিষয়ক গ্ৰন্থ, ১খন সম্পাদিত গ্ৰন্থ প্ৰকাশ হোৱা জুৰী বৰা বৰগোহাঞিৰ ২৩খন উপন্যাসিকা,[উদ্ধৃতিৰ প্ৰয়োজন] অৰ্ধ শতাধিক গল্প, ভ্ৰমণ সাহিত্য, প্ৰবন্ধ তথা অন্যান্য লেখা বিভিন্ন কাকত আলোচনীত প্ৰকাশ পাইছে। লগতে দূৰদৰ্শন, অনাতাঁৰ যোগে বিভিন্ন বিষয়ৰ তথ্যচিত্ৰ, প্ৰবন্ধ, কথিকা আদি প্ৰচাৰিত হৈছে[1]। প্ৰথম অসমীয়া ছফ্টৱেৰ অভিধান আৰু বিশ্বকোষতো বৰগোহাঞিয়ে শতাধিক ছবি আৰু লেখা আগবঢ়াইছে। তেওঁ সাহিত্য অকাডেমি, নেশ্যনেল বুক ট্ৰাষ্ট (এন বি টি), বিশ্ববিদ্যালয়, কলেজকে ধৰি ৰাষ্ট্ৰীয় আৰু ৰাজ্যিক বহু অনুষ্ঠান-সন্মিলনলৈ সমল ব্যক্তি, মুখ্য অতিথি, বিশিষ্ট অতিথি, নিৰ্দিষ্ট বক্তা, উন্মোচক হিচাপে আমন্ত্ৰিত হৈছে। সাহিত্যিক গৰাকীৰ উপন্যাসক গৱেষণাৰ মূল বিষয় হিচাপে লৈ গৱেষণা ডিগ্ৰী ল'বলৈ গৱেষকে বিশ্ববিদ্যালয়ত গৱেষণা কৰিছে।[উদ্ধৃতিৰ প্ৰয়োজন] ভাৰতৰ বিভিন্ন প্ৰান্তত আয়োজিত আন্তৰাষ্ট্ৰীয় আৰু ৰাষ্ট্ৰীয় আলোচনা চক্ৰত তেখেতৰ শেহতীয়া উপন্যাস কেইখন বিশ্ববিদ্যালয়-মহাবিদ্যালয়ৰ পণ্ডিত-অধ্যাপক, সমল ব্যক্তি, গৱেষকৰ আলোচনা পত্ৰৰ বিষয় হোৱাৰ লগতে প্ৰসঙ্গ-গ্ৰন্থ হৈ পৰিছে[3]
উপন্যাস
[সম্পাদনা কৰক]- ডিব্ৰুগড় বিশ্ববিদ্যালয়ৰ নন্দিনী(২০০৪, বনলতা)
- আপোনজনৰ ঠিকনা (২০০৭, বনলতা)
- অভিলাষী যাত্ৰা (২০০৮, বনলতা)
- ৰাগ ইমন (২০০৯, চন্দ্ৰ প্ৰকাশ)
- নাং-ফা (২০১০, বনলতা)
- লিড’লাম (২০১২, বনফুল প্ৰকাশন)
- ভোক (২০১৫, বনলতা)
- আংকুশ (২০১৮, বনলতা)
- সিহঁত (২০২০, বনলতা)
- চিঞৰ (২০২২, বনলতা)
- কেম’ফ্লেজ (ছেপ্তেম্বৰ,২০২৩, জ্যোতি প্ৰকাশন)
অন্যান্য গ্ৰন্থ
[সম্পাদনা কৰক]- বনশাক আৰু ইয়াৰ ব্যৱহাৰ ( ২০১০, বনলতা)
- এক সন্ধান যাত্ৰা (২০১২. শব্দ প্ৰকাশ)
সম্পাদিত গ্ৰন্থ
[সম্পাদনা কৰক]- সয়ম্বৰ ঘৰফলীয়া এক সন্ধান যাত্ৰা ( ২০১২, শব্দ প্ৰকাশ)
আলোচনীৰ যোগে প্ৰকাশিত উপন্যাসিকা
[সম্পাদনা কৰক]- নিৰুদিষ্ট প্ৰেমিকজনৰ সন্ধানত (শাৰদীয় দৈনিক জনমভূমি, ২০০৮)
- বাঁহী বজোৱা ল’ৰাটো (শাৰদীয় দৈনিক জনমভূমি, ২০১০)
- অকাৰণে, নিস্পাপ চকুহালত (ইত্যাদি, জনসাধাৰণ, ৯ জানুৱাৰী, ২০১১)
- এটা নষ্ট ল’ৰাৰ মালিতা (সাপ্তাহিক জনমভূমি, ৰঙালী বিহু বিশেষ সংখ্যা, ১৩ এপ্ৰিল ২০১১)
- চিনাকি গাঁৱৰ অচিনাকি পদূলি (জনসাধাৰণ, বসন্ত উপাচাৰ, এপ্ৰিল ২০১১)
- পিতা (শাৰদীয় দৈনিক জনমভূমি, ২০১১)
- বৃত্তৰ বাহিৰত (অসম বাণী, বিহু আলোচনী, ২০১২)
- সপোনবোৰ (বিহু আলোচনী, দৈনিক জনমভূমি, ২০১২)
- এনাজৰী (শাৰদীয় আলোচনী, দৈনিক জনমভূমি, ২০১২)
- গাঁজ মেলা সপোন (শাৰদীয় আলোচনী, জনসাধাৰণ, ২০১২)
- দাগ (ভোগালী, মাঘ বিহু বিশেষ সংখ্যা আলোচনী, দৈনিক জনমভূমি, ২০১৩)
- যাত্ৰা (ৰঙালী বিহু বিশেষ সংখ্যা,অসমীয়া নাৰীযুগ, মাৰ্চ-এপ্ৰিল ২০১৩)
- শাশ্বতিক (শাৰদীয় আলোচনী, দৈনিক জনমভূমি, ২০১৩)
- আধৰুৱা সপোন এটা (শৰদীয় সম্ভাৰ, জনসাধাৰণ, ২০১৩)
- তুমি অথবা তুমিহীনতা (বিহু আলোচনী, অসম বাণী, ২০১৪)
- শাশ্বতিকঃ এটা অসমাপ্ত কাহিনী (শাৰদীয় দৈনিক অসম, ২০১৪)
- শাশ্বতিকঃ এক অপ্ৰকাশিত সত্য (ভোগালী, মাঘ বিহু বিশেষ সংখ্যা আলোচনী, দৈনিক জনমভূমি, ২০১৫)
- গ্লেমাৰ (বিহু আলোচনী, অসম বাণী, ২০১৫)
- চিনাকি-অচিনাকি (মাহেকীয়া অনুভূতি, বসন্ত বিশেষ সংখ্যা, ২০১৫)
- স্বৰ্গৰ সাধুকথা (শাৰদীয় আলোচনী, দৈনিক জনমভূমি, ২০১৫)
আলোচনীত প্ৰকাশিত ধাৰাবাহিক
[সম্পাদনা কৰক]- আমাৰ শাক চিনাকি (উদ্ভিদ বিষয়ক সচিত্ৰ ধাৰাবাহিক, সাতসৰী, জুলাই ২০১০ ৰ পৰা জুলাই ২০১৪ লৈকে)
- জলজ (ধাৰাবাহিক উপন্যাস, বসুন্ধৰা, দৈনিক জনমভূমি, ১৭ মাৰ্চ ২০১৩ ৰ পৰা ২২ ডিচেম্বৰ ২০১৩ লৈকে)
- আমাৰ মাছ চিনাকি (মাছ বিষয়ক সচিত্ৰ ধাৰাবাহিক, সাতসৰী, ছেপ্তেম্বৰ ২০১৪ ৰ পৰা বৰ্তমানলৈকে)
দূৰদৰ্শন যোগে প্ৰচাৰিত তথ্যচিত্ৰ/আলেখ্য
[সম্পাদনা কৰক]- মাঘ আমাৰ ভোগালী
- বিহু থাকে মানে বিহুকে বিনাবা
বঁটা/সন্মান
[সম্পাদনা কৰক]- ২০০৯ চনৰ ‘হৰেন্দ্ৰ চন্দ্ৰ বৰকাকতী উপন্যাস বঁটা' ( ৰাগ... ইমনৰ পাণ্ডুলিপিৰ বাবে)[4]
- ২০১০ চনত উত্তৰ পূব ভাৰতৰ পৰা প্ৰকাশিত ১০খন গ্ৰন্থৰ এখন হিচাপে নাং-ফালৈ "গ্ৰন্থ বান্ধৱৰ" বিশেষ স্বীকৃতি[5]
- ২০১১ চনত আধাৰশিলালৈ নতুন প্ৰজন্মৰ লেখিকা হিচাপে নিৰ্বাচিত[6]
- স্বেচ্ছাসেৱী সংস্থা 'জীৱন ইনিচিয়েটিভ'ৰ ২০১২ চনৰ 'বছৰৰ বিশেষ ১০' গৱেষক, গায়ক, কৃষক, সংবাদ গোষ্ঠী, সমবায়, চিনেমা, গ্ৰন্থৰ তালিকাত অন্তৰ্ভুক্ত একমাত্ৰ গ্ৰন্থ লিড'লাম। [7]
- ২০১২ চনত উত্তৰ পূব ভাৰতৰ পৰা প্ৰকাশিত ১০খন গ্ৰন্থৰ এখন হিচাপে লিড'লামলৈ "গ্ৰন্থ বান্ধৱৰ" বিশেষ স্বীকৃতি[8]
- ২০১৩ 'যুৱ প্ৰেৰণা বঁটা'(দৈৱকী হাজৰিকা স্মৃতি ন্যাস)[9]
- ২০১৭ চনত 'ৰাষ্ট্ৰীয় আকাশবাণী বাৰ্ষিক বঁটা' (ষ্টিলৱেল ৰ'ড° দ্য মেমৰী অৱ এ ফৰগ'টেন ৱাৰ শীৰ্ষক আলেখ্যৰ বাবে)[উদ্ধৃতিৰ প্ৰয়োজন]
- ২০১৮ চনত 'অসম সাহিত্য সভাৰ সভাপতিৰ বিশেষ সাহিত্য সন্মান' (ভোক উপন্যাসৰ বাবে)[উদ্ধৃতিৰ প্ৰয়োজন]
- ২০২০ চনত 'লেখিকা সমাৰোহ সাহিত্য বঁটা'[উদ্ধৃতিৰ প্ৰয়োজন]
- ২০২১ চনত 'অনন্যা নাৰী অনন্য গ্ৰন্থ বঁটা' (সিহঁত উপন্যাসৰ বাবে)[উদ্ধৃতিৰ প্ৰয়োজন]
- ২০২৩ চনত 'নামফাকে সাহিত্য সন্মান' [উদ্ধৃতিৰ প্ৰয়োজন]
তথ্য সংগ্ৰহ
[সম্পাদনা কৰক]- ↑ 1.0 1.1 1.2 1.3 " প্ৰতিশ্ৰুতিসম্পন্না লেখিকা জুৰী বৰা বৰগোহাঞি", কুশল হালৈ, দেওবৰীয়া চ'ৰা দৈনিক অসম, ৮ এপ্ৰিল ২০১২
- ↑ নন্দিনী, আগষ্ট ২০১৫
- ↑ 3.0 3.1 "JURI BORAH BORGOHAIN at Simplesite". Archived from the original on 2018-10-13. https://web.archive.org/web/20181013040023/http://juriborahborgohain.simplesite.com/। আহৰণ কৰা হৈছে: November20, 2018.
- ↑ "Harendra Chandra Borkakaty Award given away"- By Staff Reporter, The Sentinel, 9th December, 2010,
- ↑ "গ্ৰন্থ পৰিচিতি ২০১০-১১" www.ruchiraarts.in
- ↑ "LITERARY FORUM ADHARSHILA STARTED". Northeast Today. July 26, 2011. http://www.northeasttoday.in/our-states/assam/literary-forum-adharshila-started/। আহৰণ কৰা হৈছে: November 20, 2012.
- ↑ "জীৱন" Edition 36, 2013, jeevaninitiative, a voluntary association
- ↑ "গ্ৰন্থ পৰিচিতি ২০১২-১৩" www.ruchiraarts.in
- ↑ ঔপন্যাসিক জুৰী বৰা বৰগোহাঞিলৈ যুৱ প্ৰেৰণা বঁটা "অসমীয়া খবৰ" 1st October, 2013,Page No. 8