দেবীকা ৰাণী

অসমীয়া ৱিকিপিডিয়াৰ পৰা
দেবীকা ৰাণী
জন্ম Devika Rani Chaudhuri
মাৰ্চ ৩০, ১৯০৮
মৃত্যু মাৰ্চ ৯, ১৯৯৪ (৮৫ বছৰ)
অন্য নাম The Dragon Lady
সক্ৰিয় হৈ থকা সময় 1925 - 1943
দাম্পত্যসঙ্গী হিমাংশু ৰায় (1929 - 1940)
স্বেতোস্লাৱ ৰোৰিক (1945 - 1993)
স্বাক্ষৰ
চিত্ৰ:Devika Rani autograph.jpg

দেবীকা ৰাণী (বাংলা: দেবিকা ৰাণী; ইংৰাজী: Devika Rani) (৩০ মাৰ্চ, ১৯০৮ – ৯ মাৰ্চ, ১৯৯৪) ভাৰতীয় চলচ্চিত্ৰৰ প্ৰথমগৰাকী অভিনেত্ৰী আৰু প্ৰথম দাদা চাহেব ফাল্কে বঁটা বিজয়িনী। তেখেতৰ আগলৈকে ভাৰতীয় চলচ্চিত্ৰত নাৰী চৰিত্ৰত পুৰুষে অভিনয় কৰিছিল। ১৯২৯ চনত মুক্তিপ্ৰাপ্ত ‘প্ৰপঞ্চ পাস’ নামৰ ছবিখনৰ জড়িয়তে অভিনয় জীৱনৰ পাতনি মেলিছিল। ছবিখনত তেখেতে কষ্টিউম ডিজাইনাৰ আৰু জুনিয়ৰ আৰ্টিষ্ট হিচাপে কাম কৰিছিল। ১৯৩৩ চনত মুক্তিপ্ৰাপ্ত ‘কৰ্মা’ নামৰ ছবিখনত তেখেতে প্ৰথম বাৰৰ বাবে নায়িকা হিচাপে অভিনয় কৰে। তেখেতৰ অভিনয়ৰ দক্ষতা আৰু ব্যক্তিত্বই তেতিয়াৰ ভালেসংখ্যক বিশিষ্ট ব্যক্তিৰ দৃষ্টি আকৰ্ষন কৰিছিল। জৱাহৰলাল নেহেৰু আৰু সৰোজিনী নাইডুয়ে তেখেতক প্ৰসংশা কৰিছিল।[1]

পৰিয়াল[সম্পাদনা কৰক]

তেখেতৰ পিতৃ এছ. এম. চৌধৰী বিশ্বকবি ৰবীন্দ্ৰনাথ ঠাকুৰৰ সম্পৰ্কীয় আছিল। এছ. এম. চৌধৰী ইংৰাজ সৈন্য বাহিনীৰ চিকিৎসক আছিল আৰু পিছলৈ মাদ্ৰাজৰ চাৰ্জন জেনেৰেলো হৈছিল।

শিক্ষা আৰু কৰ্মজীৱন[সম্পাদনা কৰক]

দেবীকাৰাণীয়ে ৯ বছৰ বয়সত ইংলেণ্ডত আৱাসিক বিদ্যালয়ত থাকি পঢ়িছিল। পিছলৈ লণ্ডনৰ ৰয়েল একাডেমী অব ডামেট্ৰিক আৰ্টছ আৰু ৰয়েল একাডেমী অব মিউজিক ইনষ্টিটিউটত অধ্যয়ন কৰিছিল। শিক্ষা সমাপ্ত কৰি ১৯২৮ চনত লণ্ডনৰ এটি টেক্সটাইল ডিজাইনিং ষ্টুডিঅ’ত চাকৰিত সোমায়। তালৈ ছবি এখনৰ কামত যাওঁতে চলচ্চিত্ৰ নিৰ্মাতা হিমাংশু ৰায়ে তেখেতে লগ পায়। হিমাংশু ৰায়ে ১৯২৯ ‘প্ৰপঞ্চ পাস’ নিৰ্মাণ কৰে।

Achhut Kanya চলচিত্ৰত অশোক কুমাৰৰ সৈতে অভিনীত এক মূহুৰ্ত

বিবাহিত জীৱন[সম্পাদনা কৰক]

‘প্ৰপঞ্চ পাস’ নিৰ্মাণৰ পাছতেই হিমাংশু ৰায়ৰ লগত তেখেতৰ বিবাহ হয়। ১৯৩৩ চনত তেওঁলোক ভাৰতলৈ ঘুৰি আহি ‘কৰ্মা’ নিৰ্মাণ কৰে। দেবীকাৰাণীৰ সফলতাৰ আঁৰৰ মানুহজন আছিল হিমাংশু ৰায়।[1] ১৯৪০ চনত হিমাংশু ৰায়ৰ মৃত্যু হয়। ১৯৪৫ চনত দেবীকাৰণীয়ে ৰুচ চিত্ৰশিল্পী স্বেতোস্লাৱ ৰোৰিকৰ সৈতে বিবাহপাশত আবদ্ধ হয়।

অভিনীত কেইখনমান ছবি[সম্পাদনা কৰক]

বৰ্ষ চলচিত্ৰ চৰিত্ৰ টোকা
১৯৪৩ হমাৰী বাত
১৯৪১ অঞ্জান ইণ্ডিৰা
১৯৩৭ সাবিত্ৰী সাবিত্ৰী
১৯৩৭ ইজ্জত
১৯৩৬ অচ্যুত কন্যা কস্তুৰী
১৯৩৬ জন্মভুমি
১৯৩৬ জীৱন নয়া লতা


তথ্য সংগ্ৰহ[সম্পাদনা কৰক]

  1. 1.0 1.1 দেবীকাৰাণী, হেমলতা ৰাভা দাসৰ প্ৰবন্ধ, অসমীয়া খবৰ, ১৭ ফেব্ৰুৱাৰী, ২০০২

বহ্যিক সংযোগ[সম্পাদনা কৰক]