হৰ্ণবিল উৎসৱ
| হৰ্ণবিল উৎসৱ | |
|---|---|
 হৰ্ণবিল উৎসৱত নাগালেণ্ডৰ নাগাসকলে তেওঁলোকৰ পৰম্পৰাগত নৃত্য কৰি থকা মূহুৰ্তত | |
| সম্পূৰ্ণ নাম | হৰ্ণবিল উৎসৱ |
| পালন কৰে | নাগা মানুহ |
| প্ৰকাৰ | সাংস্কৃতিক |
| মহত্ব | নাগা ঐতিহ্য পুনৰজ্জীৱিত তথা ৰক্ষা কৰা আৰু ইয়াৰ চহকী পৰম্পৰা জনপ্ৰিয় কৰা |
| তাৰিখ | ১ - ১০ ডিচেম্বৰ |
| সংঘটন | বাৰ্ষিক |
হৰ্ণবিল (ধনেশ পক্ষী) উৎসৱ উত্তৰ-পূব ভাৰতৰ নাগালেণ্ডত প্ৰতিবছৰে ১-১০ ডিচেম্বৰলৈ উদযাপন কৰা এটি উৎসৱ৷[1] নাগালেণ্ড ৰাজ্যক এই উৎসৱক মহোৎসৱ ('Festival of Festivals') বুলিও আখ্যা দিয়া হয়৷
পটভূমি[সম্পাদনা কৰক]
নাগালেণ্ড ৰাজ্য ভালেসংখ্যক নগা জনজাতিৰ বাসভূমি৷ এই প্ৰতিটো জনজাতিৰে নিজা উৎসৱ আছে৷ যিহেতু ৬০% ৰো অধিক নগা লোক কৃষিৰ ওপৰত নিৰ্ভৰশীল, তেওঁলোকে উদযাপন কৰা প্ৰায়ভাগ উৎসৱেই কৃষিৰ লগত জড়িত৷[2]
নাগালেণ্ডৰ এই বিভিন্ন জনজাতিৰ মাজত ভাৱবিনিময়ৰ বিকাশ আৰু নাগালেণ্ডৰ সাংস্কৃতিক ঐতিহ্যৰ প্ৰচাৰৰ বাবে, নাগালেণ্ড চৰকাৰে ২০০০ চনৰ পৰা ডিচেম্বৰৰ প্ৰথম সপ্তাহটোত হৰ্ণবিল উৎসৱ পালন কৰি আহিছে৷[3]
এই উৎসৱক ভাৰতীয় ধনেশ পক্ষী (Indian hornbill) ৰ নামৰ পৰা হৰ্ণবিল উৎসৱ নামেৰে অভিহিত কৰা হয়৷ ধনেশ পক্ষীৰ স্থান নগা জনজাতিসমূহৰ সংস্কৃতি আৰু লোকসাহিত্যত অতি গুৰুত্বপূৰ্ণ৷
উদযাপন[সম্পাদনা কৰক]
হৰ্ণবিল উৎসৱ নাগালেণ্ডৰ পৰ্য্যটন আৰু কলা আৰু সংস্কৃতি বিভাগে অনুষ্ঠিত কৰে৷ এই উৎসৱত সকলো নগা জনজাতিৰ কলা-সংস্কৃতি একেটা উৎসৱতে উদযাপন কৰাৰ এক প্ৰচেষ্টা৷ এই উৎসৱ সাধাৰণতে প্ৰতিবছৰে ১-১০ ডিচেম্বৰলৈ ক’হিমাত অনুষ্ঠিত হয়৷[3]
উৎসৱটোৰ মূল থলী ক’হিমা চহৰৰ পৰা ১২ কিমি দূৰত্বত অৱস্থিত নগা হেৰিটেজ গাওঁ কিছামা (Kisama)৷ সকলো নগা জনজাতিয়েই এই উৎসৱত অংশগ্ৰহণ কৰে৷[1]
উৎসৱৰ দৰ্শকসকলে নগা খাদ্য, সংগীত-নৃত্য আৰু ৰীতি নীতিকে ধৰি নগা সংস্কৃতিক ওচৰৰ পৰা জনাৰ আৰু অভিজ্ঞতা লোৱাৰ এক সুযোগ লাভ কৰে৷ [4]
উৎসৱৰ বিভিন্ন অংশ[সম্পাদনা কৰক]
এই উৎসৱত জাকজমকাতৰে বিভিন্ন নৃত্য পৰিবেশন, নগা পাৰম্পৰিক খেলধেমালি, নগা খাদ্যৰ পৰিবেশন ইত্যাদি হয়৷ তাৰোপৰি পৰম্পৰাগত নগা কলা যেনে বিভিন্ন চিত্ৰ, কাঠৰ কাৰুকাৰ্য্য ইত্যাদিৰ প্ৰদৰ্শনীও অনুষ্ঠিত হয়৷[5]
এই উৎসৱত পৰম্পৰাগত নগা মৰুংসমূহৰ (Naga Morungs) প্ৰদৰ্শন হয়৷ উৎসৱটোৰ বিশেষ আকৰ্ষণসমূহ হৈছে কলা আৰু কাৰুকাৰ্য্যৰ প্ৰদৰ্শনী, নগা খাদ্যৰ ষ্টলসমূহ, ফুলৰ প্ৰদৰ্শনী, নৃত্য আৰু গীত পৰিবেশন, ফেশ্বন শ্ব’, মিছ নাগালেণ্ড সুন্দৰী প্ৰতিযোগীতা, পৰম্পৰাগত আৰ্চাৰী (traditional archery), নগা মল্লযুঁজ, পৰম্পৰাগত খেলধেমালি আৰু সংগীত অনুষ্ঠানসমূহ৷[1][6][7]
অৰ্থনৈতিক বিকাশ[সম্পাদনা কৰক]
এই উৎসৱে নাগালেণ্ড ৰাজ্যৰ পৰ্য্যটনৰ বিকাশত এক গুৰুত্বপূৰ্ণ ভূমিকা পালন কৰি আহিছে৷ এই উৎসৱে পৰ্য্যটকসকলক নগা কৃষ্টি আৰু সংস্কৃতিৰ বিষয়ে জনাৰ আৰু অভিজ্ঞতা লোৱাৰ সুবিধা দি আহিছে৷[8][9]
তথ্যসূত্ৰ[সম্পাদনা কৰক]
- ↑ 1.0 1.1 1.2 Jaini, Kshaunish (6 January 2017). "Nagaland – Hiking and Hornbill Festival in India". Alien Adventure. https://blog.alienadv.com/nagaland-hiking-and-hornbill-festival-in-india/amp/index.html.
- ↑ Hornbill Festival - Where the Action is..., EF News International. 16 November 2011.
- ↑ 3.0 3.1 Hornbill Festival of Nagaland, India-north-east.com
- ↑ "Hornbill Festival 2016 - December". Festivals of India. প্ৰকাশক New Delhi: Pan India Internet. http://www.festivalsofindia.in/hornbill/.
- ↑ Nagaland's Hornbill Festival Goes International. Outlook India.com. 1 December 2009.
- ↑ "' A window to the northeast'". The Hindu. 1 November 2016. http://www.thehindu.com/features/metroplus/A-window-to-the-North-East/article14626697.ece। আহৰণ কৰা হৈছে: 2017-03-21.
- ↑ "Hornbill Festival 2015 - Hornbill Rock Contest". www.hornbillfestival.com. http://www.hornbillfestival.com/index.php/events/hornbill-rock-contest। আহৰণ কৰা হৈছে: 2015-12-12.
- ↑ "' A window to the northeast'". The Hindu. 1 November 2016. http://www.thehindu.com/features/metroplus/A-window-to-the-North-East/article14626697.ece। আহৰণ কৰা হৈছে: 2017-03-21.
- ↑ "'Ignore the potholes, enjoy the ride'". The Hindu. 22 January 2016. http://www.thehindu.com/features/metroplus/Ignore-the-potholes-enjoy-the-ride/article14021341.ece। আহৰণ কৰা হৈছে: 2017-01-17.
বাহ্যিক সংযোগ[সম্পাদনা কৰক]
ৱিকিমিডিয়া কমন্সত হৰ্ণবিল উৎসৱ সম্পৰ্কীয় মিডিয়া ফাইল।- Hornbill Festival
- আধিকাৰিক ৱেবছাইট
- YouTube clip
- Tourists to Nagaland require a permit to visit the state.[1]
- ↑ "Inner Line Permit | Ministry of Development of North Eastern Region, North East India". mdoner.gov.in. http://mdoner.gov.in/content/inner-line-permit। আহৰণ কৰা হৈছে: 2015-12-12.
| ||||||||||||||||||||