আও নগা

অসমীয়া ৱিকিপিডিয়াৰ পৰা
Jump to navigation Jump to search
আও নগা জনজাতি
Aos 2219b.jpg
পৰম্পৰাগত সাজপাৰত এগৰাকী আও মহিলা
উল্লেখযোগ্য জন-অধ্যুষিত অঞ্চলসমূহ
 ভাৰত
নাগালেণ্ড 226,625 [1]
ভাষাসমূহ

আও ভাষা, ইংৰাজী ভাষা

ধৰ্ম

প্ৰটেষ্টান্ট (chiefly Baptist)

সংশ্লিষ্ট নৃতাত্ত্বিক গোষ্ঠী

Other Naga peoples

আও ভাৰতনাগালেণ্ড ৰাজ্যৰ এটা প্ৰধান নগা জনজাতি ৷ এওঁলোক খ্ৰীষ্টান ধৰ্মান্তৰিত হোৱা প্ৰথমটো নগা জনাজতি৷ খ্ৰীষ্টান ধৰ্মৰ লগতে পশ্চিমীয়া শিক্ষাব্যৱস্থাকো আওসকলে পোনপ্ৰথমে গ্ৰহণ কৰি লয়৷ ১৮৭২ চনত এমেৰিকান বেপ্টিষ্ট মিছ্যনেৰী এডৱিন ক্লাৰ্ক (Edwin W. Clark) মলুংকিমং , (Molungkimong) নামৰ এখন আও গাঁৱত ভৰি দিয়াৰ পিছৰে পৰাই খ্ৰীষ্টান ধৰ্ম নাগালেণ্ডত প্ৰবেশ কৰে৷ আওসকলৰ প্ৰধান ভূমি হৈছে পূবে চুলা উপত্যকা (Tsula [Dikhu]) ৰ পৰা পশ্চিমে মোককচাং জিলালৈকে৷ আও নগাসকলে বছৰজুৰি কৃষিৰ লগত জড়িত নানা উৎসৱ পালন কৰে৷

বিস্তাৰ[সম্পাদনা কৰক]

২০১১ চনৰ লোকপিয়ল অনুসৰি নাগালেণ্ডত আওসকলৰ মুঠ জনসংখ্যা ২২৭,০০০ জন৷ নাগালেণ্ডৰ মোককচাং জিলা এই জনজাতিৰ লোকৰ মূল বাসস্থান৷ এই জিলাৰ মুঠ মাটিকালি ১৬১৫ বৰ্গ কিলোমিটাৰ ৷ কিছুসংখ্যাক আও নগা লোক চুবুৰীয়া অসমতো বাস কৰে৷ মোককচাং জিলাৰ মুঠ ছটা পৰ্বতশ্ৰেণীত আও নগাসকলে বাস কৰে৷

Tzurangkong ৰেঞ্জ: এই পৰ্বত শ্ৰেণীটো অসম উপত্যকাৰ কাষৰীয়া আৰু দিচাই (Dissai) আৰু ঝাঞ্জি (Jhanzi) নদীৰ উপত্যকাৰ সমান্তৰালকৈ অৱস্থিত ৷ পাহাৰবোৰ ঘন বাঁহেৰে পৰিপূৰ্ণ৷

Japukong ৰেঞ্জ: এই পৰ্বত শ্ৰেণী জিলাখনৰ উত্তৰ-পূবৰ পৰা দক্ষিণ-পশ্চিম অঞ্চলৈকে আছে৷ এই পৰ্বত শ্ৰেণী Tzurangkong ৰেঞ্জৰ দক্ষিণত অৱস্থিত৷

Changkikong ৰেঞ্জ: এই পৰ্বতশ্ৰেণী Japukong ৰেঞ্জৰ পূবদিশত অৱস্থিত৷

Asetkong ৰেঞ্জ: এই পৰ্বতশ্ৰেণী আটাইতকৈ চমুদৈৰ্ঘ্যৰ যদিও জিলাখনৰ পূবৰ পৰা পশ্চিমলৈ বিস্তাৰ হৈ থকা প্ৰধান পৰ্বত শ্ৰেণী৷ এই পৰ্বতসমূহ মেলাক (Melak) আৰু মেনুং (Menung) নদী দুখনৰ মাজত অৱস্থিত৷ গতিকে ইয়াক নদীদ্বীপ যেন দেখা যায় আৰু সেয়ে ইয়াৰ নাম Asetkong য্ত Aset ৰ অৰ্থ হৈছে দ্বীপ৷

Langpangkong ৰেঞ্জ: এই পৰ্বতশ্ৰেণী জিলাখনৰ আটাইতকৈ উত্তৰে আৰু দিখু (Dikhu) নদীৰ সমান্তৰালকৈ অৱস্থিত৷ এই নদীখনে মোককচাং জিলাৰ টুৱেনচাং আৰু মন জিলাৰ সৈতে প্ৰাকৃতিক সীমা নিৰ্ধাৰণ কৰি দিছে৷

Onpangkong ৰেঞ্জ: এই পৰ্বতশ্ৰেণী জিলাখনৰ আটাইতকৈ দক্ষিণত অৱস্থিত৷ পৰ্বতসমূহে আও সকলৰ বাসস্থানৰ পৰা অন্যান্য জনজাতি যেনে দক্ষিণৰ লোথা আৰু ছেমাসকল আৰু পূবে চাংটামসকলৰ বাসস্থানৰ সীমা নিৰ্ধাৰণ কৰিছে৷ Ongpangkong নামটোৰ অৰ্থ উচ্চতৰ যি এই পৰ্বত অন্য পৰ্বতশ্ৰেণীতকৈ উচ্চতৰ হোৱাটো বুজায়৷

ধৰ্ম[সম্পাদনা কৰক]

১৮৭২ চনত এমেৰিকান খ্ৰীষ্টান মিছনেৰীসকলৰ আগমণে আওসকলৰ খ্ৰীষ্টান ধৰ্মান্তকৰণ আৰম্ভ কৰে৷ গতিকে আওসকল খ্ৰীষ্টান ধৰ্মান্তিৰত হোৱা নাগালেণ্ডৰ প্ৰথমটো জনজাতি৷ বৰ্তমান আওসকলৰ প্ৰায় সকলো লোকেই খ্ৰীষ্টান ধৰ্মাৱলম্বী৷

তথ্যসূত্ৰ[সম্পাদনা কৰক]

  • Mills, J. P. (1926). The Ao Nagas. London: Macmillan and Co.
  • Smith, William C. (2002). The Ao-Naga tribe of Assam. New Delhi: Mittal.
  • Oppitz, Michael, Thomas Kaiser, Alban von Stockhausen & Marion Wettstein. 2008. Naga Identities: Changing Local Cultures in the Northeast of India. Gent: Snoeck Publishers.
  • Kunz, Richard & Vibha Joshi. 2008. Naga – A Forgotten Mountain Region Rediscovered. Basel: Merian.
  • von Stockhausen, Alban. 2014. Imag(in)ing the Nagas: The Pictorial Ethnography of Hans-Eberhard Kauffmann and Christoph von Fürer-Haimendorf. Arnoldsche, Stuttgart
  • Wettstein, Marion. 2014. Naga Textiles: Design, Technique, Meaning and Effect of a Local Craft Tradition in Northeast India. Arnoldsche, Stuttgart

বাহ্যিক সংযোগ[সম্পাদনা কৰক]

সাঁচ:Naga tribes