ডিমাপুৰ জিলা

অসমীয়া ৱিকিপিডিয়াৰ পৰা
Jump to navigation Jump to search
ডিমাপুৰ জিলা
—  নাগালেণ্ডৰ জিলা  —
নাগালেণ্ডত ডিমাপুৰৰ অৱস্থান
দেশ  ভাৰত
ৰাজ্য নাগালেণ্ড
চৰকাৰ
 - লোকসভা সমষ্টি নাগালেণ্ড
জনসংখ্যা (২০১১)
 - মুঠ ৩,৭৯,৭৬৯ জন
সময় অঞ্চল ভা.মা.স. (গ্ৰী.মা.স.+০৫:৩০)
স্থানাঙ্ক 25°48′N 93°47′E / 25.8°N 93.783°E / 25.8; 93.783স্থানাংক: 25°48′N 93°47′E / 25.8°N 93.783°E / 25.8; 93.783
ৱেবছাইট আনুষ্ঠানিক ৱেবছাইট

ডিমাপুৰ (Pron:/ˌdɪməˈpʊə/) নাগালেণ্ডৰ এখন জিলা৷ ইয়াৰ সদৰ ঠাই হৈছে ডিমাপুৰ চহৰ৷ ২০১১ চনৰ লোকপিয়ল অনুসৰি এই জিলা নাগালেণ্ডৰ এঘাৰখন জিলাৰ ভিতৰত আটাইতকৈ জনবহুল জিলা৷[1]

জনসংখ্যা[সম্পাদনা কৰক]

২০১১ চনৰ লোকপিয়ল অনুসৰি ডিমাপুৰ জিলাৰ জনসংখ্যা ৩৭৯,৭৬৯ জন[1], তুলনামূলকভাৱে মালদ্বীপ দেশৰ সমান৷[2] গতিকে ভাৰতৰ ৬৪০ খন জিলাৰ ভিতৰত জনসংখ্যাৰ ফালৰ পৰা ডিমাপুৰৰ স্থান ৫৬৩তম৷[1] ২০০১-২০১১ চনত ডিমাপুৰৰ জনসংখ্যা বৃদ্ধিৰ হাৰ আছইল শূন্য৷[1] ডিমাপুৰ জিলাৰ প্ৰতি ১০০০ গৰাকী পুৰুষৰ ভিতৰত মহিলাৰ সংখ্যা হৈছে ৯১৬ গৰাকী [1] আৰু সাক্ষৰতাৰ হাৰ হৈছে ৮৫.৪৪%[1]

এই জিলাৰ জনসংখ্যা ভিন্ন জাতি আৰু ধৰ্মৰ লোকেৰ সমষ্টি৷ ইয়াৰে সংখ্যাগৰিষ্ঠ লোকসকল হৈছে নগা জনজাতিৰ লোক৷[উদ্ধৃতিৰ প্ৰয়োজন]

জৈৱবৈচিত্ৰ্য[সম্পাদনা কৰক]

১৯৮৬ চনত ডিমাপুৰৰ একাংশ ৰঙাপাহাৰ বন্যপ্ৰাণী অভয়াৰণ্য হিচাপে ঘোষণা কৰা হয়৷ এই অভয়াৰণ্যৰ মাটিকালি হৈছে ৪.৭ বৰ্গ কিলোমিটাৰ৷[3]

শিক্ষা[সম্পাদনা কৰক]

ডিমাপুৰ জিলাখনত ভালেসংখ্যক শিক্ষা প্ৰতিষ্ঠান আছে৷ ইয়াৰ সৰহভাগ বিদ্যালয়তে শিক্ষাৰ মাধ্যম ইংৰাজী আৰু বিদ্যালয়সমূহ নাগালেণ্ড ব’ৰ্ড অব স্কুল এড্যুকেশ্যনৰ অধীনত পৰিচালিত হয়৷ নাগালেণ্ডৰ প্ৰধান বিদ্যালয়সমূৰ ভিতৰত পাটকাই বিদ্যালয় (Patkai School), হ’লি ক্ৰ’ছ বিদ্যালয় (Holy Cross School), চেইন্ট প’ল উচ্চতৰ মাধ্যমিক বিদ্যালয় (St Paul Hr Sec School), কাৰমেল উচ্চতৰ মাধ্যমিক বিদ্যালয় (Carmel Hr. Sec. School (Chekiye)), এছ ডি জৈন উচ্চতৰ মাধ্যমিক বিদ্যালয় (SDJain Higher Secondary School), প্ৰণব বিদ্যপীঠ (Pranab Vidyapith), ডিমাপুৰ ৰে’লৱে উচ্চ মাধ্যমিক বিদ্যালয় (Dimapur Railway High School), চেইন্ট জোছেফ উচ্চতৰ মাধ্যমিক বিদ্যালয় (St. Joseph's Hr Sec School) ইত্যাদি প্ৰধান৷

ৰাষ্ট্ৰীয় প্ৰযুক্তিবিদ্যা প্ৰতিষ্ঠান, নাগালেণ্ড (National Institute of Technology Nagaland) ডিমাপুৰৰ চুমুকেডিমাত শেহতীয়াকৈ আৰম্ভ হৈছে৷ তাৰ উপৰিও ডিমাপুৰ জিলাত মুঠতে ১৮ খন প্ৰতিষ্ঠিত মহাবিদ্যালয় আছে৷ ইয়াৰ ভিতৰত উল্লেখযোগ্য মহাবিদ্যলয় সমূহ হৈছে, পাটকাই খ্ৰিষ্টিয়ান কলেজ (Patkai Christian College), ডিমাপুৰ চৰকাৰী মহাবিদ্যলয় (Dimapur Government College), এছ. ডি. জৈন মহাবিদ্যালয় (S.D. Jain College), প্ৰণবানন্দ মহিলা মহাবিদ্যলয় (Pranabananda Women’s College) আদি৷

ক্ৰীড়া[সম্পাদনা কৰক]

ডিমাপুৰৰ এক উল্লেখযোগ্য ফুটবল ক্লাব হৈছে ডিমাপুৰ ইউনাইটেড (Dimapur United)৷ এই ক্লাবটোৱে নাগালেণ্ড প্ৰিমিয়াৰ লীগত নিয়মীয়াকৈ অংশগ্ৰহণ কৰে৷

সংস্কৃতি[সম্পাদনা কৰক]

ডিমাপুৰৰ ডিজেফে (Diezephe) গাঁৱত কাৰুশিল্পৰ সংগ্ৰহালয় (Diezephe Craft Museum) অৱস্থিত৷[4]

তথ্যসূত্ৰ[সম্পাদনা কৰক]

  1. 1.0 1.1 1.2 1.3 1.4 1.5 "District Census 2011". Census2011.co.in. 2011. http://www.census2011.co.in/district.php। আহৰণ কৰা হৈছে: 2011-09-30. 
  2. US Directorate of Intelligence. "Country Comparison:Population". https://www.cia.gov/library/publications/the-world-factbook/rankorder/2119rank.html। আহৰণ কৰা হৈছে: 2011-10-01. "Maldives 394,999 July 2011 est." 
  3. Indian Ministry of Forests and Environment. "Protected areas: Nagaland". Archived from the original on 23 August 2011. https://web.archive.org/web/20110823163836/http://oldwww.wii.gov.in/envis/envis_pa_network/index.htm। আহৰণ কৰা হৈছে: 25 September 2011. 
  4. 101 pilgrimages. Outlook India Publishing. 2006. পৃষ্ঠা. 311. ISBN 9788189449032. 

বাহ্যিক সংযোগ[সম্পাদনা কৰক]