সৰ্বানন্দ সোণোৱাল

অসমীয়া ৱিকিপিডিয়াৰ পৰা
Jump to navigation Jump to search
সৰ্বানন্দ সোণোৱাল
Chief Minister of Assam Sarbananda Sonowal.jpg
চতুৰ্দশ অসমৰ মুখ্যমন্ত্ৰী
পদাধিকাৰ
কাৰ্যভাৰ গ্ৰহণ
২৪ মে' ২০১৬ (2016-05-24)
ৰাজ্যপাল জগদীশ মুখী
পদ্মনাভ আচাৰ্য
বানৱাৰীলাল পুৰোহিত
পূৰ্বসূৰী তৰুণ গগৈ
অসম বিধানসভাৰ বিধায়ক
পদাধিকাৰ
কাৰ্যভাৰ গ্ৰহণ
২০১৬
পূৰ্বসূৰী ৰাজীৱ লোচন পেগু
সমষ্টি মাজুলী
কাৰ্যকাল
২০০১ – ২০০৪
পূৰ্বসূৰী জয় চন্দ্ৰ নাগবংশী
উত্তৰসূৰী জীৱনতৰা ঘাটোৱাৰ
সমষ্টি মৰাণ
যুৱ কাৰ্যক্ৰম আৰু খেলৰ কেবিনেট মন্ত্ৰী
কাৰ্যকাল
২৬ মে' ২০১৪ (2014-05-26) – ২৩ মে' ২০১৬ (2016-05-23)[1]
প্ৰধানমন্ত্ৰী নৰেন্দ্ৰ মোদী
পূৰ্বসূৰী জিতেন্দ্ৰ সিং
উত্তৰসূৰী জিতেন্দ্ৰ সিং
কৌশল বিকাশৰ কেন্দ্ৰীয় ৰাজ্য মন্ত্ৰী
কাৰ্যকাল
২৬ মে' ২০১৪ (2014-05-26) – ৯ নৱেম্বৰ ২০১৪ (2014-11-09)
প্ৰধানমন্ত্ৰী নৰেন্দ্ৰ মোদী
পূৰ্বসূৰী কাৰ্যালয় গঠন
উত্তৰসূৰী ৰাজীৱ প্ৰতাপ ৰুডী
লক্ষীমপুৰ লোকসভা সমষ্টিৰ সাংসদ
কাৰ্যকাল
১৬ মে' ২০১৪ (2014-05-16) – ২৩ মে' ২০১৬ (2016-05-23)
পূৰ্বসূৰী ৰাণী নৰহ
উত্তৰসূৰী প্ৰদান বৰুৱা
সমষ্টি লক্ষীমপুৰ
ডিব্ৰুগড় লোকসভা সমষ্টিৰ সাংসদ
কাৰ্যকাল
১৩ মে' ২০০৪ (2004-05-13) – ১৫ মে' ২০০৯ (2009-05-15)
পূৰ্বসূৰী পবন সিং ঘাটোৱাৰ
উত্তৰসূৰী পবন সিং ঘাটোৱাৰ
সমষ্টি ডিব্ৰুগড়
ব্যক্তিগত তথ্য
জন্ম ৩১ অক্টোবৰ, ১৯৬১
ডিব্ৰুগড়, অসম, ভাৰত
ৰাজনৈতিক দল ভাৰতীয় জনতা পাৰ্টী (২০১১-বৰ্তমান)
অসম গণ পৰিষদ (২০০১-২০১১)
শিক্ষানুষ্ঠান ডিব্ৰুগড় বিশ্ববিদ্যালয়, গুৱাহাটী বিশ্ববিদ্যালয়

সৰ্বানন্দ সোণোৱাল এজন ৰাজনিতীবিদ আৰু বৰ্তমান অসমমুখ্যমন্ত্ৰী। তেখেতৰ জন্ম হয় ১৯৬২ চনত অসমৰ ডিব্ৰুগড় জিলাৰ দিনজানত। তেওঁ লক্ষীমপুৰ লোকসভা নিৰ্বাচনী ক্ষেত্ৰৰ পৰা নিৰ্বাচিত ভাৰত গণৰাজ্যৰ যুৱ কাৰ্যক্ৰম আৰু খেল মন্ত্ৰালয়ৰ স্বতন্ত্ৰ কেন্দ্ৰীয় ৰাজ্য মন্ত্ৰী হৈছিল। ইয়াৰ পূৰ্বে তেওঁ ভাৰতীয় জনতা পাৰ্টীৰ অসম প্ৰদেশৰ সভাপতি আছিল। বৰ্তমান তেওঁ মাজুলী বিধান সভা সমষ্টিৰ পৰা অসম বিধান সভালৈ নিৰ্বাচৈত হৈ অসমৰ মুখ্য মন্ত্ৰীৰ পদত অধিষ্ঠিত।

জন্ম[সম্পাদনা কৰক]

ডিব্ৰুগড় জিলাৰ ভিতৰুৱা মুলুক গাৱঁত ১৯৬২ চনৰ ৩১ অক্টোবৰত সৰ্বানন্দ সোণোৱালৰ জন্ম হয়৷ তেখেত আছিল মাক স্বৰ্গীয়া দীনেশ্বৰী সোণোৱাল আৰু পিতাক স্বৰ্গীয় জীৱেশ্বৰ সোণোৱালৰ নুমলীয়া পুত্ৰ৷তেওঁৰ আছিল ছজনকৈ ককায়েক আৰু দুজনী ভনীয়েক৷[2]

শিক্ষা[সম্পাদনা কৰক]

সৰ্বানন্দ সোণোৱালে মুলুক গাওঁ প্ৰাথমিক বিদ্যালয়ৰ পৰা প্ৰাথমিক শিক্ষা সাং কৰি বিন্ধাকাটা মধ্য ইংৰাজী বিদ্যালয়ত ষষ্ঠ শ্ৰেণীলৈ অধ্যয়ন কৰে৷ইয়াৰ পিছত তেওঁ ডিব্ৰুগড় ডনবস্কো স্কুলৰ পৰা স্কুলীয়া শিক্ষা সমাপ্ত কৰে৷ডিব্ৰুগড় হনুমানবক্স সূৰজমল কানৈ মহাবিদ্যালয়ৰ পৰা কলা শাখাত স্নাতক পৰীক্ষাত উত্তীৰ্ণ হৈ ডিব্ৰুগড় বিশ্ববিদ্যালয়ৰ পৰা ইংৰাজী বিষয়ত স্নাতকোত্তৰ ডিগ্ৰী লাভ কৰে৷ইয়াৰ লগতে গুৱাহাটী বিশ্ববিদ্যালয়ত আইন শিক্ষা সমাপ্ত কৰাৰ উপৰিও সাংবাদিকতা আৰু মাছ কমিউনিকেচনত ডিগ্ৰী লাভ কৰে৷[3]

ছাত্ৰনেতা[সম্পাদনা কৰক]

মহাবিদ্যালয়ত পঢ়ি থকা দিনৰ পৰাই সৰ্বানন্দ সোণোৱালে সদৌ অসম ছাত্ৰ সন্থাৰ লগত জড়িত আছিল৷আৰু ১৯৯২চনৰ পৰা ১৯৯৯চনলৈ সন্থাটোৰ সভাপতিৰ দায়িত্ব বহন কৰে৷লগতে ১৯৯৪চনৰ পৰা ২০০৪ চনলৈ উত্তৰ পূব ছাত্ৰ সন্থাৰ চেয়াৰমেনৰ পদত অধিষ্ঠিত থাকে৷[4]

ৰাজনৈতিক জীৱন[সম্পাদনা কৰক]

সৰ্বানন্দ সোণোৱালে ১৯৯৯ চনত অসম গণ পৰিষদত যোগদান কৰে আৰু আঞ্চলিকতাবাদক শক্তিশালী কৰিবলৈ চেষ্টা আগবঢ়ায়৷ তেখেতে লোকসভা নিৰ্বাচনত লখিমপুৰ সমষ্টিত কংগ্ৰেছৰ ৰাণী নৰহৰ বিৰুদ্ধে নিৰ্বাচনত অৱৰ্তীৰ্ণ হয় যদিও পৰাজয়ৰ সন্মুখীন হয়৷ ইয়াৰ পিছত তেওঁ ২০০১ চনত বিধানসভা নিৰ্বাচনত মৰাণ সমষ্টিত কংগ্ৰেছৰ পৱনসিং ঘাটোৱাৰক পৰাজিত কৰে৷

সৰ্বানন্দ সোণোৱালে বিতৰ্কিত আই এম ডি টি আইনৰ বিৰুদ্ধে আদালতত যুঁজ চলায় আৰু আইনখন বাতিল কৰিবলৈ সক্ষম হয়৷ যাৰফলত তেওঁক জাতীয় নায়ক আখ্যা দিয়া হয়৷

তেখেতে ২০০৪ চনৰ পৰা ২০০৯ চনলৈ ডিব্ৰুগড় সমষ্টিৰ সাংসদ হিচাপে কাৰ্যনিবাহ কৰে৷ ২০১১ চনৰ ৮ ফেব্ৰুৱাৰীত তেওঁ ভাৰতীয় জনতা পাৰ্টিত যোগদান কৰে আৰু ২০১২ চনত ৰাজ্যিক ভাৰতীয় জনতা পাৰ্টিৰ সভাপতিৰ পদত অধিষ্ঠিত হয়৷ ২০১৪ চনৰ লোকসভা নিৰ্বাচনত লখিমপুৰ সমষ্টিৰ পৰা নিৰ্বাচন খেলি ভাৰতীয় জনতা পাৰ্টিৰ সাংসদ হিচাপে নিৰ্বাচিত হয়৷ একে বছৰতে তেখেতে কেন্দ্ৰীয় ক্ৰীড়া আৰু যুৱ মন্ত্ৰীৰ দায়িত্ব কান্ধ পাতি লয়৷

২০১৬ চনৰ বিধানসভা নিৰ্বাচনত মাজুলী বিধানসভা সমষ্টিৰ পৰা নিৰ্বাচনত অৱৰ্তীৰ্ণ হৈ প্ৰতিদ্বন্দী ৰাজীৱ লোচন পেগুক ১৮৯২৩টা ভোটৰ ব্যৱধানত পৰাস্ত কৰে৷ এই বিজয়ৰ দ্বাৰা তেওঁ অসমৰ মুখ্যমন্ত্ৰীৰ পদভাৰ গ্ৰহণ কৰে৷[5]

তথ্য সংগ্ৰহ[সম্পাদনা কৰক]

  1. PTI (22 May 2016). "Sarbananda Sonowal resigns as Union Minister". http://www.financialexpress.com/article/india-news/sarbananda-sonowal-resigns-as-union-minister/262771/। আহৰণ কৰা হৈছে: 24 May 2016. 
  2. Assam Tribune,24May,2016,page no-8
  3. Assam Tribune,24May,2016,page no-8
  4. Assam Tribune,24May,2016,page no-8
  5. Assam Tribune, 24 May, 2016, page no-8

বাহ্যিক সংযোগ[সম্পাদনা কৰক]