ৰাষ্ট্ৰসংঘ

অসমীয়া ৱিকিপিডিয়াৰ পৰা
Jump to navigation Jump to search
ৰাষ্ট্ৰসংঘ
ৰাষ্ট্ৰসংঘ-ৰ অৱস্থান
ৰাষ্ট্ৰসংঘৰ সদস্য ৰাষ্ট্ৰসমূহক মানচিত্ৰ খনত সেউজীয়া ৰঙেৰে দেখুওৱা হৈছে[1]
মুখ্য কাৰ্যালয়নিউয়ৰ্ক মহানগৰ (আন্তঃৰাষ্ট্ৰীয় অঞ্চল)
আধিকাৰীক ভাষা
ধৰণ আন্তঃচৰকাৰী সংস্থা
সদস্যপদ ১৯৩ খন সদস্য ৰাষ্ট্ৰ
২ খন পৰ্যবেক্ষক ৰাষ্ট্ৰ
ৰাষ্ট্ৰনেতা (বৃন্দ)
 -  সচিবপ্ৰধান এণ্টনিও গুটেৰেছ
 -  উপ-সচিবপ্ৰধান আমীনা মহম্মদ
 -  সাধাৰণ সভাৰ সভাপতি মাৰিয়া ফাৰ্ণাণ্ডা এচপিন'চা
 -  অৰ্থনৈতিক আৰু সামাজিক পৰিষদৰ সভাপতি মাৰিয়া চাটৰড'ভা
 -  সুৰক্ষা পৰিষদৰ সভাপতি কাকৌ হৌৱাডজা লেঅন এডম
প্ৰতিষ্ঠাকাল
 -  ৰাষ্ট্ৰসংঘৰ চুক্তিপত্ৰ স্বাক্ষৰ হয় 26 জুন 1945; 74 years ago (1945-06-26) 
 -  চুক্তিপত্ৰ কাৰ্যকৰী হয় 24 অক্টোবৰ 1945; 74 years ago (1945-10-24) 
ৱেবচাইট
www.un.org
www.un.int

ৰাষ্ট্ৰসংঘ (ইংৰাজী: United Nations) এক আন্তঃৰাষ্ট্ৰীয় সংগঠন আৰু ইয়াৰ মুল লক্ষ্যসমুহ হ'ল আন্তৰ্জাতিক আইন, সুৰক্ষা, অৰ্থনৈতিক উন্নয়ন, সামাজিক অগ্ৰগতি, মানৱ অধিকাৰ আৰু বিশ্বশান্তিৰ বাবে কাম কৰা। দ্বিতীয় বিশ্বযুদ্ধৰ পাচতে ১৯৪৫ চনত ৰাষ্ট্ৰসংঘ প্ৰতিস্থা কৰা হয়। ই ইয়াৰ পুৰ্বসুৰী জাতিসংঘ (League of Nations)-ৰ স্থান দখল কৰে। ৰাষ্ট্ৰসংঘৰ আঁচনিসমূহ কাৰ্যকৰী কৰিবলৈ ইয়াৰ অধীনত কেইবাটাও সংগঠন আছে।

ৰাষ্ট্ৰসংঘৰ মুঠ সদস্য ৰাষ্ট্ৰ ১৯৩ খন। ইয়াৰ প্ৰধান ৬টা অংশ হৈছে সাধাৰণ সভা, সুৰক্ষা পৰিষদ, অৰ্থনৈতিক আৰু সামাজিক পৰিষদ, সচিবালয়, আন্তৰ্জাতিক ন্যায়ালয় আৰু ট্ৰাষ্টী পৰিষদ (বৰ্তমান নিস্ক্ৰিয়)। ইয়াৰ বাদেও বিশ্ব স্বাস্থ্য সংস্থা (WHO), বিশ্ব খাদ্য কাৰ্যসূচী (WFP), ইউনিচেফ আদিৰ নাম উল্লেখযোগ্য। ৰাষ্ট্ৰসংঘৰ আটাইতকৈ দায়িত্বশীল পদবী হ'ল সচিবপ্ৰধান। পৰ্তুগালৰ এণ্টনিও গুটেৰছ এই পদত ২০১৭ৰ পৰা আছে।

ৰাষ্ট্ৰসংঘৰ মুখ্য কাৰ্যালয় নিউয়ৰ্ক মহানগৰত আছে। ইয়াৰ বাদেও জেনেভা, নাইৰোবি আৰু ভিয়েনাত ৰাষ্ট্ৰসংঘৰ কাৰ্যালয় আছে। ৰাষ্ট্ৰসংঘই ইয়াৰ সদস্য ৰাষ্ট্ৰসমূহৰ পৰা অৰ্থসাহাৰ্য্য লাভ কৰে। ৬টা ভাষাত ইয়াৰ কাম কাজ সমূহ কৰা হয়– আৰবী, চীনা, ইংৰাজী, ফৰাছী, ৰুছ আৰু স্পেনিছ[3]

স্থাপন[সম্পাদনা কৰক]

ৰাষ্ট্ৰসংঘ গঠনৰ পূৰ্বে দেশসমূহৰ মাজৰ সংঘাত মিলামিচা কৰিবৰ বাবে ৰেডক্ৰচ, হেগ মহাসভা আদি আন্তৰ্জাতিক সংগঠন গঠন কৰা হয়। প্ৰথম বিশ্বযুদ্ধৰ পিচতে পেৰিছত আন্তৰ্জাতিক সম্প্ৰীতিৰ অৰ্থে জাতিসংঘ (League of Nations)-ৰ গঠন হয়। পিছে জাতিসংঘত উপনিৱেশসমূহত বাস কৰা জনগণৰ কোনো প্ৰতিনিধিত্ব নাছিল আৰু আমেৰিকা যুক্তৰাষ্ট্ৰ, ছ'ভিয়েট সংঘ, জাপান, জাৰ্মানীৰ দৰে বৃহৎ শক্তিয়ে যোগদান কৰা নাছিল। জাপানৰ চীন আক্ৰমণ ১৯৩৭, ইটালীৰ ইথিওপিয়া আক্ৰমণ ১৯৩৫ আৰু হিটলাৰৰ দ্বিতীয় বিশ্বযুদ্ধৰ আৰম্ভণি ৰোধ কৰাত জাতিসংঘ ব্যৰ্থ হয়।

দ্বিতীয় বিশ্বযুদ্ধত হিৰোছিমা আৰু নাগাছাকিত পৰমাণু বোমাৰ বিভীষিকাই সকলোকে সচকিত কৰে। সেয়ে ১৯৪৫ চনত আন্তৰ্জাতিক শান্তি-সম্প্ৰীতি আৰু সামাজিক, অৰ্থনৈতিক, মানৱাধিকাৰ আদি সমস্যা সমাধানত সহযোগিতাৰ বাবে ৰাষ্ট্ৰসংঘ গঠন হয়। ১৯৪৫ চনৰ ২৪ এপ্ৰিলত আনুষ্ঠানিকভাৱে সুৰক্ষা পৰিষদৰ পাঁচখন স্থায়ী ৰাষ্ট্ৰ আমেৰিকা যুক্তৰাষ্ট্ৰ, ছ'ভিয়েট সংঘ, যুক্তৰাজ্য, ফ্ৰান্স আৰু চীনৰ লগতে প্ৰায় ৫০ খন ৰাষ্ট্ৰৰ স্বাক্ষৰেৰে ৰাষ্ট্ৰসংঘ প্ৰতিস্থা হয়।

সংগঠন[সম্পাদনা কৰক]

ৰাষ্ট্ৰসংঘৰ প্ৰধান ৬টা অংশ হৈছে: সাধাৰণ সভা (UN General Assembly), সুৰক্ষা পৰিষদ (UN Security Council), অৰ্থনৈতিক আৰু সামাজিক পৰিষদ (UN Economic and Social Council), সচিবালয় (UN Secretariat), আন্তৰ্জাতিক ন্যায়ালয় (International Court of Justice) আৰু ট্ৰাষ্টী পৰিষদ (UN Trusteeship Council, বৰ্তমান নিস্ক্ৰিয়)।

সচিবপ্ৰধান[সম্পাদনা কৰক]

ৰাষ্ট্ৰসংঘৰ মূল পদবী হ'ল সচিবপ্ৰধান। বৰ্তমান ৰাষ্ট্ৰসংঘৰ সচিবপ্ৰধান হৈছে পৰ্তুগালৰ এণ্টনিও গুটেৰছ। বৰ্তমানলৈ ৰাষ্ট্ৰসংঘৰ সচিবপ্ৰধানৰ পদবীত অধিষ্ঠিত লোকসকল হৈছে:[4]

নং নাম দেশ কাৰ্যভাৰ গ্ৰহণ কাৰ্যভাৰ সমাপ্ত
ট্ৰিগৱা লী  নৰৱে ২ ফেব্ৰুৱাৰী ১৯৪৬ (1946-02-02) ১০ নৱেম্বৰ ১৯৬২ (1962-11-10)
ডগ হেমাৰহোল্ড  ছুইডেন ১০ এপ্ৰিল ১৯৫৩ (1953-04-10) ১৮ ছেপ্টেম্বৰ ১৯৬১ (1961-09-18)
ইউ থান্ট  বাৰ্মা ৩০ নৱেম্বৰ ১৯৬১ (1961-11-30) ৩১ ডিচেম্বৰ ১৯৭১ (1971-12-31)
কাৰ্ট ৱাল্ডহেইম  অষ্ট্ৰিয়া ১ জানুৱাৰী ১৯৭২ (1972-01-01) ৩১ ডিচেম্বৰ ১৯৮১ (1981-12-31)
হাভিয়েৰ পেৰেজ দে কুইয়াৰ  পেৰু ১ জানুৱাৰী ১৯৮২ (1982-01-01) ৩১ ডিচেম্বৰ ১৯৯১ (1991-12-31)
বুত্ৰোচ বুত্ৰোচ-ঘালি  ইজিপ্ত ১ জানুৱাৰী ১৯৯২ (1992-01-01) ৩১ ডিচেম্বৰ ১৯৯৬ (1996-12-31)
কফি আন্নান  ঘানা ১ জানুৱাৰী ১৯৯৭ (1997-01-01) ৩১ ডিচেম্বৰ ২০০৬ (2006-12-31)
বান কি মুন  দক্ষিণ কোৰিয়া ১ জানুৱাৰী ২০০৭ (2007-01-01) ৩১ ডিচেম্বৰ ২০১৬ (2016-12-31)
এণ্টনিও গুটেৰেছ  পৰ্তুগাল ১ জানুৱাৰী ২০১৭ (2017-01-01) বৰ্তমানলৈ

বিশেষ সংস্থাসমূহ[সম্পাদনা কৰক]

ৰাষ্ট্ৰসংঘৰ আন বিশেষ সংস্থাসমূহ হৈছে:

নং চমু নাম নাম মুখ্য কাৰ্যালয় স্থাপন
FAO খাদ্য আৰু কৃষি সংস্থা ইটালী ৰোম, ইটালী ১৯৪৫
IAEA আন্তঃৰাষ্ট্ৰীয় পাৰমাণৱিক শক্তি সংস্থা অষ্ট্ৰিয়া ভিয়েনা, অষ্ট্ৰিয়া ১৯৫৭
ICAO আন্তঃৰাষ্ট্ৰীয় অসামৰিক বিমান সংস্থা কানাডা মন্টৰিয়েল, কানাডা ১৯৪৭
IFAD আন্তঃৰাষ্ট্ৰীয় কৃষি উন্নয়ণ নিধি ইটালী ৰোম, ইটালী ১৯৭৭
ILO আন্তঃৰাষ্ট্ৰীয় শ্ৰমিক সংস্থা ছুইজাৰলেণ্ড জেনেভা, ছুইজাৰলেণ্ড ১৯৪৬ (১৯১৯)
IMO আন্তঃৰাষ্ট্ৰীয় সাগৰীয় সংস্থা সংযুক্ত যুক্তৰাজ্য লণ্ডন, যুক্তৰাজ্য ১৯৪৮
IMF আন্তঃৰাষ্ট্ৰীয় মুদ্ৰা নিধি আমেৰিকা যুক্তৰাষ্ট্ৰ ৱাশ্বিংটন ডি.চি., আমেৰিকা যুক্তৰাষ্ট্ৰ ১৯৪৫ (১৯৪৪)
ITU আন্তঃৰাষ্ট্ৰীয় দূৰসংযোগ সংগঠন ছুইজাৰলেণ্ড জেনেভা, ছুইজাৰলেণ্ড ১৯৪৭ (১৮৬৫)
UNESCO ৰাষ্ট্ৰসংঘ শিক্ষা, বিজ্ঞান আৰু সংস্কৃতি সংস্থা ফ্ৰান্স পেৰিছ, ফ্ৰান্স ১৯৪৬
১০ UNIDO ৰাষ্ট্ৰসংঘ ঔদ্যোগিক উন্নয়ণ সংস্থা অষ্ট্ৰিয়া ভিয়েনা, অষ্ট্ৰিয়া ১৯৬৭
১১ UNWTO বিশ্ব পৰ্যটন সংস্থা স্পেইন মাদ্ৰিদ, স্পেইন ১৯৭৪
১২ UPU বিশ্ব ডাক সংগঠন ছুইজাৰলেণ্ড বাৰ্ণ, ছুইজাৰলেণ্ড ১৯৪৭ (১৮৭৪)
১৩ WBG বিশ্ব বেংক গোট আমেৰিকা যুক্তৰাষ্ট্ৰ ৱাশ্বিংটন ডি.চি., আমেৰিকা যুক্তৰাষ্ট্ৰ ১৯৪৫ (১৯৪৪)
১৪ WFP বিশ্ব খাদ্য কাৰ্যসূচী ইটালী ৰোম, ইটালী ১৯৬৩
১৫ WHO বিশ্ব স্বাস্থ্য সংস্থা ছুইজাৰলেণ্ড জেনেভা, ছুইজাৰলেণ্ড ১৯৪৮
১৬ WIPO বিশ্ব বৌদ্ধিক সম্পত্তি সংস্থা ছুইজাৰলেণ্ড জেনেভা, ছুইজাৰলেণ্ড ১৯৭৪
১৭ WMO বিশ্ব জলবায়ু সংস্থা ছুইজাৰলেণ্ড জেনেভা, ছুইজাৰলেণ্ড ১৯৫০ (১৮৭৩)

তথ্য সংগ্ৰহ[সম্পাদনা কৰক]

  1. "The World Today" (PDF). https://www.un.org/Depts/Cartographic/map/profile/world00.pdf। আহৰণ কৰা হৈছে: 18 June 2009. "The designations employed and the presentation of material on this map do not imply the expression of any opinion whatsoever on the part of the Secretariat of the United Nations concerning the legal status of any country" 
  2. Official Languages, www.un.org. Retrieved 22 May 2015.
  3. "General Assembly of the United Nations – Rules of Procedure". UN Department for General Assembly. http://www.un.org/en/ga/about/ropga/lang.shtml। আহৰণ কৰা হৈছে: 15 December 2010. 
  4. "Former Secretaries-General". United Nations. https://www.un.org/sg/formersgs.shtml। আহৰণ কৰা হৈছে: 6 November 2013. 

বাহ্যিক সংযোগ[সম্পাদনা কৰক]

প্ৰতিষ্ঠনিক ৱেবছাইটসমূহ