নাগামিজ

অসমীয়া ৱিকিপিডিয়াৰ পৰা
নাগামিজ (Nagamese)
Naga Pidgin
কোৱা হয় নাগালেণ্ড-ভাৰত
জাতি নগা লোক
স্থানীয় ভাষিক ৫,০০,০০০  (date missing)
ভাষা পৰিয়াল
Creole
  • অসমীয়া মিশ্ৰ ভাষা
    • নাগামিজ (Nagamese)
ভাষা সংকেত
ISO 639-3 nag

নাগামিজ নাগালেণ্ডত প্ৰচলিত এটা মিশ্ৰ ভাষা (Creole)। অসমীয়া ভাষাক ভিত্তি কৰিয়েই ইয়াৰ সৃষ্টি হৈছে। তাৰ লগতে বাংলা, হিন্দী, বিভিন্ন নগা ভাষা আৰু আন আন ভাষাৰো কিছু সমলো ইয়াত দেখা যায়।[1] পাঁচ লাখতকৈও বেছি নাগালেণ্ডৰ বিভিন্ন ভাষাৰ মানুহে ইয়াক যোগাযোগৰ মাধ্যম হিছাপে ব্যৱহাৰ কৰে।[1] অল্‌ ইণ্ডিয়া ৰেডিঅ' ষ্টেচনৰ লোকসকলে "নাগামিজ" (Naga+Assamese) শব্দটোৰ উদ্ভাৱন কৰে।[2] যদিও নাগালেণ্ড চৰকাৰে ইংৰাজী ভাষাক ৰাজ্যভাষা হিছাপে স্বীকৃতি দিছে, প্ৰশাসনিক কাম-কাজ, বিদ্যালয়, প্ৰচাৰ মাধ্যম আদিত নাগামিজো সমানেই ব্যৱহৃত হয়।

সৃষ্টি আৰু বিকাশ[সম্পাদনা কৰক]

১৯৬৩ চনত পৃথক ৰাজ্য ৰূপে স্বীকৃতি পোৱাৰ পূৰ্বে নাগালেণ্ড অসমৰ এখন জিলা আছিল। আহোমৰ শাসনৰ দিনতো অসম আৰু নাগালেণ্ড অঞ্চলৰ মানুহৰ সংস্পৰ্শ ঘটিছিল। এই সমগ্ৰ অঞ্চলৰ এটা উমৈহতীয়া ভাষাৰ প্ৰয়োজনতে নাগামিজ গঢ় লৈ উঠা বুলি ভবা হয়।[3] কোনো কোনোৰ মতে দ্বিতীয় ভাষা হিছাপে অসমীয়া ভাষা বা বাংলা ভাষাৰ আয়ত্তত খুঁত ৰৈ যোৱাৰ ফলতো নাগামিজৰ উদ্ভৱ হ'ব পাৰে।[3] ১৯৩৬ চনতে নাগামিজ ভালদৰে গঢ় লৈ উঠাৰ প্ৰমাণ পোৱা গৈছে।[3]

নাগামিজৰ ১৮ টা উপভাষা দেখিবলৈ পোৱা যায়।[3] সেইসমূহৰ শব্দবোৰ একেই, কিন্তু ৰূপ-বিন্যাস বেলেগ বেলেগ। সেইসমূহক তিনিটা ভাগত ভগাব পাৰি:

  • দক্ষিণ: আংগামি, কছাৰী, জেমি, লিয়াংমেই, ৰংমেই, ৰেংমা, চেমা, খেজা, চ'ক্ৰি, মাঅ'।
  • উত্তৰ: কন্যাক, চাংটাম, ফ'ম, চাং আৰু খিয়াংগান।
  • মধ্য: আঅ', ল'থা, য়িম্‌চুংগাৰ।

ভাষাতত্ব[সম্পাদনা কৰক]

নাগামিজত দুটা ফলা, দুটা কাল, তিনিটা দৃশ্যগত বৈশিষ্ট আছে, কোনো পুৰুষ নাই। ইয়াৰ বেছিভাগ শব্দৰে অসমীয়া ভাষাৰ লগত মিল আছে, কিন্তু ধ্বন্নিসমূহৰ নগা ভাষাবোৰৰ লগতেহে মিল বেছি। সংস্কৃত তৎসম শব্দৰ সৰলীকৰণ, শব্দৰ অসম্পূৰ্ণ উচ্চাৰণ আদি বৈশিষ্টও ইয়াত দেখিবলৈ পোৱা যায়।[2][3]

তথ্যসূত্ৰ[সম্পাদনা কৰক]

  1. 1.0 1.1 "Naga Pidgin-A language of India". Ethnologue. http://www.ethnologue.com/show_language.asp?code=nag। আহৰণ কৰা হৈছে: February 19, 2012. 
  2. 2.0 2.1 Dr. Bhim Kanta Baruah. "Nagamese:The common language in Nagaland". Dibrugarh University. http://sealang.net/sala/archives/pdf8/boruah1996nagamese.pdf। আহৰণ কৰা হৈছে: February 19, 2012. 
  3. 3.0 3.1 3.2 3.3 3.4 "Review of Dwijen Bhattacharjya's "Nagamese: Pidgin, Creole or Creoloid?". Multilingual Education in South/Southeast Asia. http://ccat.sas.upenn.edu/~haroldfs/messeas/handouts/nagamese/nagamese.htm। আহৰণ কৰা হৈছে: February 20, 2012. 

বহিঃসংযোগ[সম্পাদনা কৰক]