সৎনামী

অসমীয়া ৱিকিপিডিয়াৰ পৰা
(🏳 সৎনামীৰ পৰা পুনঃনিৰ্দেশিত)
Jump to navigation Jump to search

সৎনাম ধৰ্মৰ অনুগামী সকলক সৎনামী বুলি কোৱা হয়। বুৰঞ্জীবিদ শংকৰলাল টণ্ডনৰ মতে সৎৰ অৰ্থ-আত্মা (চেতনা), এই নামৰ অৰ্থ চেতনাৰ গুণ, ঈ-ৰ অৰ্থ শৰীৰ বা সৎ নামক ধাৰণ কৰা আধাৰ। তাৎপৰ্য এইয়ে যে সেই মনুষ‍্য,যি নিজৰ কৰ্ম বা স্বভাৱত চেতনাৰ গুণক হৃদয়ত সমাৱেশ বা প্ৰৱেশ কৰা সকলক _সৎনামী বুলি কোৱা হয়|[1] গুৰু ঘাসীদাস বাবাই "সৎনাম ধৰ্ম" প্ৰচাৰ কৰিছিল। ১৭৫৬ চনৰ ১৮ ডিচেম্বৰ তাৰিখে ছত্তীছগঢ়ৰ গিৰৌদপুৰত তেখেতৰ জন্ম হৈছিল। তেখেতৰ আগতে ১৫৪৩ খ্ৰীষ্টাব্দত বীৰভানে সৎনামী জাতিক নেতৃত্ব দিছিল। তেওঁৰ নেতৃত্বতে ১৬৭২ চনত সৎনামী সকলে পঞ্জাৱৰ নাৰনলত ঔৰংজেৱৰ লগত যুদ্ধ কৰিছিল।[2]

ভাৰতছত্তীছগঢ়, পঞ্জাব, হাৰিয়ানা, দিল্লী, উড়িষ‍্যা, অসম আদি ৰাজ‍্যত সৎনামী লোক বসবাস কৰে। সৎনামীসকল হৈছে অসমৰ এটা উল্লেখযোগ‍্য জাতি।[3][উদ্ধৃতিৰ প্ৰয়োজন] তেওঁলোক প্ৰধানকৈ কৃষিজীৱী। কিছু সংখ‍্যক লোকে ব‍্যৱসায়-বাণিজ্য, চাকৰি আদিত নিয়োজিত হৈ আছে। তেওঁলোকে এজনে আনজনক দেখাৰ লগে লগে জয় সৎনাম|সৎনাম|চাহেব সৎনাম_বুলি অভিবাদন জনায়। সৎনামী সকল সৎ, অহিংসা নীতিৰ অধিকাৰী| সৎনাম ধৰ্মাৱলম্বী লোকসকলক সৎনামী বুলি কোৱা হয়|

ইতিহাস[সম্পাদনা কৰক]

গুৰু ঘাসীদাস বাবাৰ দ্বিতীয় পুত্ৰ গুৰু বালকদাসক ব্ৰিটিছ চৰকাৰে তেওঁৰ একতা আৰু সমৰসতাৰ আন্দোলনত প্ৰভাৱিত হৈ ১৮২৮ চনত ৰজা উপাধি প্ৰদান কৰিছিল আৰু এটা হাতী উপহাৰ স্বৰূপে দিয়াৰ লগতে অংগৰক্ষক ৰখাৰ অনুমতিও দিছিল|তদুপৰি মোগল সম্ৰাট ঔৰংজেৱৰ লগত_সৎনামী সকলৰ ১৬৭২ চনত পঞ্জাৱৰ_নাৰনলত হোৱা যুদ্ধ‌ও এক উল্লেখনীয়। অসমত ১৯১৩ চনত জন্মগ্ৰহণ কৰা মিনীমাতাৰ অৱদানো লেখত ল'বলগীয়া। তেখেত অসমৰ পৰা বিবাহ সূত্ৰে ছত্তীছগঢ়লৈ যায় আৰু গুৰুমাতাৰ পদত অধিষ্ঠিত হৈ গিৰৌদপুৰৰ ৰাজপাট শোভাবৰ্ধন কৰিছিল। তাৰোপৰি তেওঁ ছত্তীছগঢ়ৰ পৰা একেৰাহে ১৯৫২-১৯৭২ চনলৈকে ৰাজ‍্যসভাৰ সাংসদ নিৰ্বাচিত হৈছিল। বৰ্তমান ছত্তীছগঢ় চৰকাৰে তেখেতৰ স্মৃতিত অসমত "মিনীমাতা ভৱন" নিৰ্মাণৰ কাৰণে পুঁজি আৱণ্টন কৰিছে। গিৰৌদপুৰত ২৪৩ ফুট উচ্চতাৰে নিৰ্মান হোৱা <জৈতখাম> সৎনামী সকলৰ বাবে অতিকৈ গৌৰৱৰ বিষয়| ভাৰতৰ স্বাধীনতা সংগ্ৰামত কলিয়াবৰৰ {{স্বৰ্গীয় গুহা মহন্ত(সৎনামী)আৰু <স্বৰ্গীয় সুধাৰাম সৎনামী|ৰ লগতে অসমৰ কেইবাগৰাকী ব‍্যক্তিৰ অৱদানো উল্লেখনীয়|[4]

অসম আগমন[সম্পাদনা কৰক]

যেতিয়া আৰ্যসকল সিন্ধু নদীৰ পাৰত_ অনাৰ্যৰ লগত যুদ্ধ কৰিছিল তেতিয়াই ভূমধ্য সাগৰ পাৰ হৈ অসমত সৎনামী সকল প্ৰৱেশ কৰিছিল বুলি জনা যায়| কিছু লোক মোগলৰ লগত আৰু কিছু লোক ইংৰাজৰ লগত আহে| অসমৰ চাহ বাগানত কাম কৰাৰ উদ্দেশ্য আৰকাটিয়া আৰু গিৰমিটীয়া প্ৰথাৰে_ মধ‍্যপ্ৰদেশ,বিহাৰ, উড়িষ‍্যা, উত্তৰপ্ৰদেশ আদি ঠাইৰ পৰা বহুতো লোক বনুৱা হিচাপে আহে| তেওঁলোকৰ লগত সৎনামী সকলেও অসমলৈ আহে আৰু নিগাজিকৈ বসবাস কৰিবলৈ লয়| বৰ্তমান অসমৰ শিৱসাগৰ, ডিব্ৰুগড়, যোৰহাট, নগাঁও, শোণিতপুৰ, বিশ্বনাথ, কাৰ্বি আংলং, হোজাই আদি বিভিন্ন জিলাত বৃহৎ সংখ্যক সৎনামী লোক বাস কৰি আছে|

ধৰ্ম[সম্পাদনা কৰক]

সৎনামীসকলে <সৎনাম ধৰ্ম> পালন কৰে| পৃথিৱীৰ অন্যান্য জনগোষ্ঠীৰ দৰেই সৎনামী সকলৰো স্বকীয় বৈশিষ্ট্য, ভাষা, কৃষ্টি, সংস্কৃতি, নৃত্য, গীত, সামাজিক ৰীতি-নীতি,পিন্ধন-উৰণ,আ-অলংকাৰ আদি আছে| তেওঁলোকে {{একেশ্বৰবাদত বিশ্বাস কৰে আৰু সত‍্যক মানি চলে| <সৎনাম ধৰ্মত কোনো মূৰ্তি পূজা নাই| তেওঁলোকৰ ধৰ্মৰ প্ৰতীক হৈছে জৈতখাম (জয়স্তম্ভ)| জৈতখামত_ বগা ৰঙৰ পতাকা থাকে| ২১ হাত দীঘল আৰু ৩ টা হুকযুক্ত এই জৈতখামত ৫ হাত দীঘল বাঁহ বা ৰোল মাৰিত পতাকাখন লগোৱা থাকে|

সাজপাৰ[সম্পাদনা কৰক]

সৎনামীসকলে বগা বস্ত্ৰ পৰিধান কৰে। পুৰুষসকলে মূৰত পাগুৰি মাৰে। মহিলা সকলে জাতীয় আ-অলংকাৰ যেনে- বালা, বহুটা, নাঙমৰি, চিকি, সূতা, পায়েল আদি পৰিধান কৰে।

ভাষা[সম্পাদনা কৰক]

সৎনামীসকলে মূলতঃ ছত্তীছগঢ়ী ভাষা (প্ৰাচীন হিন্দী) কয়। ৰাজ‍্যভেদে জন্মগত প্ৰভাৱত পৰি স্থানীয় ভাষাৰ সংমিশ্ৰণ ঘটাও দেখা যায়।

সংস্কৃতি[সম্পাদনা কৰক]

সৎনামীসকলে পন্থী,কৰমা,চোৱা,দদৰীয়া আদি গীত আৰু নৃত্য প্ৰদৰ্শন কৰে। যিকোনো সামাজিক কাম কৰাৰ আগতে পন্থী গীত ও আৰতি-মংগল কৰে। প্ৰতি বছৰে গুৰুজনাৰ পৱিত্ৰ জন্মদিনটো(১৮ ডিচেম্বৰ) সৎনামী সকলে <গুৰু জয়ন্তী> উৎসৱ হিচাপে পালন কৰে। আৰ্য সনাতন ধৰ্মৰ প্ৰভাৱত পৰি তেওঁলোকে দিপাৱলীৰ পিছদিনা_ গোবৰধন পূজা পাতে আৰু ফাকুৱা উৎসৱ পালন কৰে।

তথ্যসূত্ৰ[সম্পাদনা কৰক]

1.<জাগৃতি>-সদৌ অসম সৎনামী সমাজ কল‍্যাণ পৰিষদৰ ৩২তম বাৰ্ষিক অধিৱেশন উপলক্ষে প্ৰকাশিত স্মৃতিগ্ৰন্থ[পৃষ্ঠা:১৮-২৫,৪৯,৫০]২০০৯, সম্পাদক-দুৰ্গাপ্ৰসাদ দাহাৰীয়া
2.ভাৰত বুৰঞ্জী|[আহৰণ কৰা হৈছে]
3.<মনপুৰ মৌচন্দা>: অসম সাহিত্য সভাৰ ৭৩তম অধিৱেশন উপলক্ষে প্ৰকাশিত স্মৃতিগ্ৰন্থ ২০১৫,পৃ:১১১[সম্পাদক:ভূপেন শৰ্মা]লেখক-গৌতম বৰা
4.ভাৰতৰ স্বাধীনতা সংগ্ৰামত কলিয়াবৰৰ ভূমিকা-নৰেন্দ্ৰনাথ বৰা,পৃ:৪৯
5.শ্ৰীদাদুৰাম সৎনামী,সভাপতি-সদৌ অসম সৎনামী সাহিত্য প্ৰকাশন সমিতি।
6.1826 চনত ছতীশগড়ত অনুষ্ঠিত "সৎনামী মহাসভা"ৰ প্ৰতিবেদন।