বিশ্বনাথ

অসমীয়া ৱিকিপিডিয়াৰ পৰা
বিশ্বনাথ
বিশ্বনাথ
—  মহকুমা  —
বিশ্বনাথ
বিশ্বনাথৰ অৱস্থান
অসম
স্থানাঙ্ক 26°45′N 94°13′E / 26.75°N 94.22°E / 26.75; 94.22
দেশ  ভাৰত
অঞ্চল উজনি অসম
ৰাজ্য অসম
জিলা শোণিতপুৰ জিলা
মহকুমাধিপতি
জনসংখ্যা 16,830 (2001)
সময়াঞ্চল ভাৰতীয় মান সময় (গ্ৰী.মা.স. +০৫:৩০)

বিশ্বনাথ (ইংৰাজী: Biswanath) [বিশ্বনাথ]] জিলাৰ সদৰ ৷ ই তেজপুৰৰ পৰা প্ৰায় ৭৫ কি:মি: আৰু গুৱাহাটীৰ পৰা প্ৰায় ২৫৫ কি:মি: নিলগত অৱস্থিত। বিশ্বনাথ মন্দিৰ বা গুপ্তকাশী আৰু বিশ্বনাথ ঘাট পৰ্য্যটকৰ বাবে অতি আকৰ্ষণীয় ঠাই। বিশ্বনাথ মহকুমাৰ অন্তৰ্গত মোনাবাৰী চাহ বাগান এছিয়াৰ ভিতৰতে আটাইতকৈ ডাঙৰ চাহবাগান[1]

ভৌগোলিক অৱস্থিতি আৰু জনগাঁথনি[সম্পাদনা কৰক]

বিশ্বনাথ মহকুমাৰ স্থানাংক হৈছে 26°40′N 93°10′E / 26.67°N 93.17°E / 26.67; 93.17[2] আৰু গড় উচ্চতা Lua error in Module:Convert at line 695: attempt to index local 'utable' (a nil value).। বিশ্বনাথ মহকুমাৰ পূবে বৰগাং নৈ, পশ্চিমে ঘিলাধাৰী নৈ, উত্তৰে অৰুণাচল প্ৰদেশ আৰু দক্ষিণে ব্ৰহ্মপুত্ৰ নদী অৱস্থিত।

২০০১ চনৰ লোকপিয়লৰ তথ্য মতে নগৰ সমিতি অঞ্চলৰ জনসংখ্যা আছিল ১৬,৮২৫ জন যাৰ ভিতৰত পুৰুষ ৫৩ % আৰু মহিলা ৪৭ %[3]। স্বাক্ষৰতাৰ হাৰ ৮০ %[উদ্ধৃতিৰ প্ৰয়োজন], পুৰুষ আৰু মহিলাৰ ক্ষেত্ৰত ই ৮৫ % আৰু ৭৫ %। ৬ বছৰৰ তলৰ জনসংখ্যা হ'ল ৯ %।

ইতিহাস[সম্পাদনা কৰক]

উত্তৰ পুব ভাৰতৰ প্ৰাচীন তীৰ্থক্ষেত্ৰ বিখ্যাত শিৱ মন্দিৰ বিশ্বনাথৰপৰাই এই অঞ্চলৰ নাম বিশ্বনাথ হয়[4]}। বৰ্তমান যি অঞ্চলক বিশ্বনাথ বোলা হয়, সেই অঞ্চলৰ পুৰণি নাম আছিল 'সলা'। তাৰপাছত জনাজাত হ'ল নদুৱাৰ নামেৰে। বৰ্তমান নদুৱাৰ অঞ্চলৰ পূব অংশই বিশ্বনাথ অঞ্চল। প্ৰশাসনিক মহকুমা হ'ল বিশ্বনাথ। পুৰাণ আৰু তন্ত্ৰত উল্লেখিত বিশ্বনাথ নামে বিশ্বনাথ তীৰ্থক্ষেত্ৰ বা বিশ্বনাথ ধামকহে বুজাইছিল। বিশ্বনাথ শব্দৰ অৰ্থ বিশ্বৰ গৰাকী। বিশ্বৰ গৰাকীৰ অধিষ্ঠান ক্ষেত্ৰ এই বিশ্বনাথ। বিশ্বনাথক গুপ্তকাশী বুলিও কোৱা হয়। কিম্বদন্তি মতে, কুমুদ আৰু কৌস্তভ নামৰ দুজন মুনিৰ শাপত বিশ্বনাথখন গুপ্ত কাশী হ'ল। গুপ্তকাশীৰ অৰ্থ এই যে ই কাশী বুলি জনাজাত নহয়।

সাহিত্য-সংস্কৃতি[সম্পাদনা কৰক]

বীণাপাণি নাট্য সমাজ

বিশ্বনাথ চাৰিআলি এখন সাংস্কৃতিকভাৱে আগবঢ়া ঠাই। ইয়াত দুটা ছবিঘৰ আৰু এটা ৰাজহুৱা প্ৰেক্ষাগৃহ আছে।বৰ্তমান এটা ছবিঘৰ বন্ধ হৈছে। "বীণাপাণি নাট্য মন্দিৰ"এ বহুকাল ধৰি সাংস্কৃতিক ক্ষেত্ৰত উদ্যোগ লৈ আহিছে। "মুৰ্চ্ছনা" বিশ্বনাথ চাৰিআলিৰ আন এটি উল্লেখযোগ্য সামাজিক-সাংস্কৃতিক অনুষ্ঠান। এই অনুষ্ঠানৰ জন্ম হৈছিল ২০ জুন, ১৯৯৭ চনত। অনুষ্ঠানটিৰ প্ৰধান লক্ষ্য আৰু উদ্দেশ্য হৈছে কন কন শিশু সকলৰ সবল মানসিকতা গঢ়ি তোলাৰ লগতে উঠি অহা যুৱক যুৱতী সকলক বিভিন্ন সাহিত্য-সংস্কৃতিৰ জ্ঞাণ দি সৰ্বাঙ্গীন উন্নতি সাধন কৰা।

নগৰখনৰ কেইজনমান উল্লেখযোগ্য ব্যক্তি হ'ল- শশী ফুকন ( অসমীয়া আলোচনী বিস্ময়ৰ সম্পাদক), মাইনী মহন্ত (অসমীয়া আলোচনী "নন্দিনী"ৰ সম্পাদক), প্ৰমোদ বৰুৱা, ব্ৰজেন কলিতা, ৰিমঝিম বৰা, দ্বিজেন মহন্ত (চলচ্চিত্ৰৰ লগত জড়িত), ক্ষীৰধৰ বৰুৱা (বিজ্ঞানী আৰু লেখক), সুমন্ত বৰুৱা আদি।


উল্লেখযোগ্য ঠাই[সম্পাদনা কৰক]

  1. বিশ্বনাথ চাৰিআলি:- বিশ্বনাথ মহকুমাৰ সদৰ।
  2. বিশ্বনাথ ক্ষেত্ৰ :- অৱস্থিতি: বিশ্বনাথ চাৰিআলি

শৈক্ষিক প্ৰতিষ্ঠান[সম্পাদনা কৰক]

  1. জিলা শিক্ষা আৰু প্ৰশিক্ষণ কেন্দ্ৰ:-১৯৫৫ চনত প্ৰতিস্থা কৰা বুনিয়াদী প্ৰশিক্ষণ কেন্দ্ৰটোৰ ঠাইত চৰকাৰে জিলা শিক্ষা আৰু প্ৰশিক্ষণ কেন্দ্ৰ(DIET) প্ৰতিস্থা কৰে।ইয়াৰ প্ৰথম অধক্ষ্য আছিল ড: লোহিত গোস্বামী।
  2. বিশ্বনাথ মহাবিদ্যালয়;-১৯৬০ চনত প্ৰথম কলা শাখাৰে এই মহাবিদ্যালয় আৰম্ভ কৰা হয়।১৯৭০ চনত বিজ্ঞান শাখা খোলা হয়।মহাবিদ্যালয়ৰ প্ৰথম অধক্ষ্য আছিল কমল নাৰায়ন দাস।
  3. বিশ্বনাথ বাণিজ্য মহাবিদ্যালয়।:- ১৯৮৮ চনত এই মহাবিদ্যালয় স্থাপন হয়।এই মহাবিদ্যালয়ৰ প্ৰতিস্থাপক অধক্ষ্য আছিল তীৰ্থেশ্বৰ শৰ্ম্মা।
  4. কৃষি মহাবিদ্যালয়:-১৯৮৮ চনত বিশ্বনাথ চাৰিআলিত এই কৃষি মহাবিদ্যালয় স্থাপন হয়।
  5. বিশ্বনাথ কলেজ অৱ এডুকেশ্বন:-১৯৯২ চনত স্থাপন হয়।

বিশ্বনাথ উন্নয়ন খণ্ড, সাকোমঠা উন্নয়ন খণ্ড আৰু বিশ্বনাথ চাৰিআলি নগৰত থকা প্ৰাথমিক বিদ্যালয়ৰ সংখ্যা ১০৩ খন।

উচ্চ আৰু উচ্চতৰ মাধ্যমিক বিদ্যালয় সমুহ :-

  1. চাৰিআলি উচ্চতৰ মাধ্যমিক আৰু বহুমুখী বিদ্যালয় :-১৯৪১ চনত স্থাপন হোৱা এই বিদ্যালয়ে ২০০৫ চনত হীৰক জয়ন্তী বৰ্ষ পালন কৰিছে।প্ৰতিস্থাপক প্ৰধান শিক্ষক ৰমেশ শৰ্ম্মা।
  2. চাৰিআলি বালিকা উচ্চতৰ মাধ্যমিক বিদ্যালয়:- এই বিদ্যালয় ১৯৫৬ চনত স্থাপন হয়।প্ৰতিস্থাপক প্ৰধান শিক্ষয়িত্ৰী বীণা আগৰৱালা।১৯৯১ চনত এই বিদ্যালয় উচ্চতৰ মাধ্যমিকলৈ উন্নীত হয়।
  3. চাৰিআলি একাডেমী:- ১৯৬০ চনত স্থাপন হোৱা এই বিদ্যালয়ৰ প্ৰতিস্থাপক প্ৰধান শিক্ষক তুলসী ফুকন।
  4. খৰাশিমলু উচ্চইংৰাজী বিদ্যালয়:- স্থাপিত ১৯৬০ চন।প্ৰথম প্ৰধান শিক্ষক আছিল বিদ্যাধৰ বৰা।
  5. বিশ্বনাথ হাইস্কুল:- ১৯৬১ চনত স্থাপন হোৱা এই বিদ্যালয়ৰ প্ৰতিস্থাপক প্ৰধান শিক্ষক শিৱ বৰঠাকুৰ।
  6. দলংগুৰি উচ্চতৰ মাধ্যমিক বিদ্যালয়:- ১৯৬২চনত স্থাপন হোৱা এই বিদ্যালয় ১৯৮৩-৮৪ চনত উচ্চতৰ মাধ্যমিক স্তৰলৈ উন্নীত হয়।প্ৰতিস্থাপক প্ৰধান শিক্ষক হিৰণ্য বৰা।
  7. বাপুজী উচ্চ ইংৰাজী বিদ্যালয়:-১৯৬৫ চনত স্থাপন হোৱা এই বিদ্যালয়ৰ প্ৰতিস্থাপক প্ৰধান শিক্ষক যোগেন বৰা।
  8. পাভৈ উচ্চ ইংৰাজী বিদ্যালয়:-স্থাপিত:১৯৭০ চন।প্ৰতিস্থাপক প্ৰধান শিক্ষক: হেম চন্দ্ৰ মহন্ত।
  9. মোনাবাৰী উচ্চ মাধ্যমিক বিদ্যালয়:-১৯৭৮ চনত মোনাবাৰী চাহ বাগিছাত এই বিদ্যালয়খনি মোনাবাৰী বাগানৰ মেনেজাৰ আৰ.এ.ইষ্টমেন্টৰ চেষ্টাত স্থাপন হয়।প্ৰতিস্থাপক প্ৰধান শিক্ষক চন্দ্ৰলাল শৰ্ম্মা।
  10. চাৰিআলি আদৰ্শ বিদ্যাপীঠ :- ১৯৮২ চনত স্থাপন হোৱা এই বিদ্যালয়ৰ প্ৰতিস্থাপক প্ৰধান শিক্ষক নগেন চন্দ্ৰ বৰা।
  11. জিনজিয়া মহাবীৰ উচ্চমাধ্যমিক বিদ্যালয়  :- প্ৰতিস্থাপক প্ৰধান শিক্ষক থানেশ্বৰ হাজৰিকা।
  12. জৱাহৰ নৱোদয় বিদ্যালয়:-১৯৯৪ চনত এই বিদ্যালয় স্থাপন হয়।বিদ্যালয়খন চি.বি.এচ.চি ৰ অধিন।
  13. শংকৰ দেৱ শিশু/বিদ্যা নিকেতন
  14. লিটিল ষ্টাৰ স্কুল
  15. ইষ্ট ইণ্ডিয়া স্কুল

তথ্যসূত্ৰ[সম্পাদনা কৰক]

  1. "Bishwanath Chariali, Sonitpur". অসম. Indianetzone. http://www.indianetzone.com/6/bishwanath_chariali.htm। আহৰণ কৰা হৈছে: ২০১১-১১-২৮. 
  2. [1]Biswanath, India page
  3. "Alphabetical list of towns and their population". অসম. ভাৰত চৰকাৰ. http://censusindia.gov.in/towns/asm_towns.pdf। আহৰণ কৰা হৈছে: ২০১১-১১-২৮. 
  4. বিশ্বনাথৰ ইতিহাস,তৰুণ দাস।