চৰাইদেউ জিলা

অসমীয়া ৱিকিপিডিয়াৰ পৰা
(চৰাইদেউৰ পৰা পুনঃনিৰ্দেশিত)
Jump to navigation Jump to search
ৱিকিপিডিয়া:চমু প্ৰবন্ধ এয়া এক চমু প্ৰবন্ধ আৰু ইয়াক বহলাই লিখা প্ৰয়োজন। সহায়ৰ বাবে ইয়াত ক্লিক কৰক

চৰাইদেউ জিলা
চে-তাম-ডয়
—  অসমৰ জিলা  —
অসমত চৰাইদেউৰ অৱস্থান
দেশ  ভাৰত
ৰাজ্য অসম
প্ৰশাসনিক বিভাগ উজনি অসম
স্থাপিত ১৫ আগষ্ট ২০১৫ (2015-08-15)
সদৰ সোণাৰি
চৰকাৰ
 - লোকসভা সমষ্টি যোৰহাট
সময় অঞ্চল ভা.মা.স. (গ্ৰী.মা.স.+০৫:৩০)

চৰাইদেউ জিলা অসমৰ এখন ন কৈ গঠন কৰা জিলা।‌ ২০১৫ চনৰ ১৫ আগষ্টত তদানীন্তন অসমৰ মূখ্যমন্ত্ৰী তৰুণ গগৈয়ে শিৱসাগৰ জিলাৰ চৰাইদেউ মহকুমাক আন চাৰিখন মহকুমাৰ সৈতে জিলা ৰূপে ঘোষণা কৰে। জিলাখনৰ সদৰ স্থান সোণাৰি

চৰাইদেউ নামৰ উৎপত্তি[সম্পাদনা কৰক]

চৰাইদেউ নামৰ উৎপত্তি তাই ভাষাৰ চে-তাম-ডয় পৰা হৈছে।‌ লিখিত আছে যে স্বৰ্গদেউ চ্যাও-লুং-চ্যুকাফাই পাটকাই পাহাৰ বগাই চৰাইদেউত বাহৰ পাতিছিল।‌ চৰাইদেউ সৌন্দৰ্য্যত মোহগ্ৰস্থহৈ চ্যাও-লুং-চ্যুকাফাই চে-তাম-ডয় নামকৰণ কৰি ৰাজধানী পাতিছিল, যাৰ অৰ্থ আছিল পাহাৰৰ প্ৰাদদেশৰ চহৰ (চে=চহৰ, তাম=প্ৰাদদেশ, ডয়=পাহাৰ)।‌ এই চে-তাম-ডয় পৰৱৰ্তীকালত চৰাইদেউ নামেৰে বিখ্যাত হৈ উঠে।‌

যাতায়ত[সম্পাদনা কৰক]

স্থলপথ[সম্পাদনা কৰক]

ঐতিহাসিক জিলা হোৱা হেতুকে জিলাখনিত বহুতো আহোম ৰজাদিনীয়া পথ আছে।‌ মূখ্য পথৰূপে ধোদৰ আলি পথটি ব্যৱহাৰ কৰা হয়।‌ ই শিৱসাগৰ জিলা, গোলাঘাট জিলা, নাজিৰা, বালিঘাট, শিমলুগুৰি, নামৰূপক সংযোগ কৰিছে।‌ তদুপৰি ধোদৰ আলিয়ে ৩৭ নম্বৰ ৰাষ্ট্ৰীয় ঘাইপথকো সংযোগ কৰিছে।‌ ইতিহাস মতে আহোম স্বৰ্গদেউসকলৰ ৰাজত্বকালত পাইক প্ৰথা বুলি এটা ব্যৱস্থা আছিল। এই পাইকৰ দায়িত্বৰ পৰা হাত সাৰিবলৈ বহুতো লোকে ভকতৰ বেশে সত্ৰসমূহত থানিকা পাতিছিল আৰু বিনা পৰিশ্ৰমে জীৱন-নিৰ্বাহ কৰিছিল। স্বৰ্গদেউ গদাধৰ সিংহই এই ভণ্ড ভকত বা ধোদবোৰক ধৰি আনি এটা আলি সাজিবলৈ লগাই দিছিল। গোলাঘাট জিলাৰ কমাৰবন্ধাৰ পৰা ডিব্ৰুগড় জিলাৰ জয়পুৰলৈ নিৰ্মাণ কৰা এই সুদীৰ্ঘ আলিটোকে বোলা হৈছিল ধোদৰ আলি। আন এটা ঐতিহাসিক আলি নাহৰ আলি সোণাৰি নগৰত ধোদৰ আলিৰ সৈতে সংযুক্ত হৈছে।

ৰেলপথ[সম্পাদনা কৰক]

শিমলুগুৰি জংচন চৰাইদেউ জিলাৰ প্ৰধান ৰেল জংচন।‌ দূৰণিবতীয়া ৰেলসমূহ শিমলুগুৰি জংচনত ৰয়।‌ অন্য ষ্টেচনৰ ভিতৰত সোণাৰিৰ ভজো আৰু নামৰূপ ষ্টেচন উল্লেখযোগ্য।‌ এই ষ্টেচনত মাত্ৰ ব্ৰহ্মপুত্ৰ মেইল, কামৰূপ এক্সপ্ৰেছ, ডিব্ৰুগড়-ৰঙিয়া এক্সপ্ৰেছ আৰু লিডু-গুৱাহাটী ইণ্টাৰচিটি এক্সপ্ৰেছ ৰেলহে ৰয়।[1]

বায়ুপথ[সম্পাদনা কৰক]

ডিব্ৰুগড় জিলাৰ মোহনবাৰী বিমানবন্দৰ আৰু যোৰহাট জিলাৰ ৰৰৈয়া বিমাবন্দৰে চৰাইদেউ জিলাক বায়ুমাৰ্গেৰে সংযোগ কৰিছে।‌ ভাৰতৰ মূখ্য বিমান পৰিবহন সংস্থাসমূহ যেনে জেট এয়াৰৱেজ, জেট কনেক্ট, ইণ্ডিগ', এয়াৰ ইণ্ডিয়াই এই বিমান বন্দৰকেইটালৈ সেৱা আগবঢ়ায়।‌ পৱন হংস নামেৰে চৰকাৰী হেলিকপ্টাৰ সেৱা আছে।‌ চাৰ্টাড বিমানসেৱাও উপলব্ধ।‌ আন্তৰ্জাতিক বিমানবন্দৰ ৰূপে গুৱাহাটী স্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰে সেৱা আগবঢ়াই আহিছে।‌

পৰ্য্যটন[সম্পাদনা কৰক]

চৰাইদেউ জিলাৰ বিখ্যাত চৰাইদেউ মৈদাম

নকৈ জিলাৰূপে ঘোষণাকৰা পূৰ্বে সামগ্ৰিকভাৱে ই ঐতিহাসিক স্মৃতিচিহ্নৰে পৰিপূৰ্ণ শিৱসাগৰ জিলা আছিল।‌ বিভাজনৰ পাছত চৰাইদেউ জিলাত আহোম সম্ৰাজ্যৰ প্ৰসাদ কাৰেংঘৰ, এচিয়াৰ পিৰামিডৰূপে বিখ্যাত চৰাইদেউ মৈদাম, শ-ধোৱা পুখুৰী, টেঙা পুখুৰী, আহোম সৈন্য প্ৰশিক্ষণ কেন্দ্ৰ ইত্যাদিকে কৰি বহুতো পুৰণি গাঁও থাকি যায়।‌

তথ্য উৎস[সম্পাদনা কৰক]

  1. "National Train Enquiry System". https://enquiry.indianrail.gov.in/ntes/index.html। আহৰণ কৰা হৈছে: 7 July 2018.