বিহু নৃত্য

অসমীয়া ৱিকিপিডিয়াৰ পৰা

ভাৰতবৰ্ষৰ উত্তৰ-পূৱ দিশৰ অসম ৰাজ্যৰ প্ৰধান উৎসৱ বিহুৰ সৈতে সাঙুৰ খাই থকা নৃত্যই বিহু নৃত্য হিচাবে পৰিচিত। পৰম্পৰাগতভাৱে খাটী অসমীয়া ৰঙীন মুগাৰ সাজ পিন্ধি হাত-ভৰিৰ সুকীয়া মুদ্ৰাৰে এই নৃত্য কৰা হয়।

পেঁপাবাদকৰ সৈতে এগৰাকী নাচনী


ইতিহাস[সম্পাদনা কৰক]

অসমীয়া জাতিৰ সৈতে ওতঃপ্ৰোতঃ ভাৱে জড়িত হৈ থকা এই নৃত্যৰ উৎসৰ বিষয়ে সঠিক উমান পোৱা নগ'লেও, প্ৰায় ১৬ শ (খ্ৰীষ্ঠাব্দ) শতিকাত আহোম স্বৰ্গদেউ ৰূদ্ৰসিংহৰ দিনৰে পৰা এই নৃত্যৰ প্ৰচলন আছে বুলি তথ্য পোৱা যায়। প্ৰায় ১৬৯৪ চনৰে পৰা স্বৰ্গদেউ ৰূদ্ৰসিংহৰ পৃষ্ঠপোষকতাত ৰঙালী বিহু উপলক্ষে ৰংঘৰৰ মজিয়াত এই নৃত্য প্ৰদৰ্শিত কৰা হৈছিল।[1]

বিহু নাচনীৰ চিত্ৰ

নৃত্য, বাদ্য[সম্পাদনা কৰক]

বিহু নৃত্য
Bihubihu.jpg

বিহু পুৰুষ-মহিলা উভয়ে মিলিত হৈ কৰা এক সামুহিক লোকনৃত্য। পাৰম্পৰিক বিহুগীত আৰু বিভিন্ন লোকবাদ্যৰ সমাহাৰ হোৱা এই নৃত্য প্ৰদৰ্শনত ঢুলীয়াঢোলৰ চেৱত মুগাৰ মেখেলা চাদৰ পিন্ধি টাকুৰি ঘুৰাদি ঘুৰি ঘুৰি নচা নাচনীসকলকে প্ৰধান আকৰ্ষণৰ কেন্দ্ৰ বুলিব পাৰি। নাচনীসকলৰ নৃত্যমুদ্ৰাও পুৰুষ নৃত্যশিলপী সকলতকৈ বেছি।

বিহুত ব্যৱহৃত কেইটিমান লোকবাদ্য হ'ল:

  • ঢোল- বিহুৰ মূল অবনদ্ধ বাদ্য
  • ম'হৰ শিঙৰ পেপাঁ বা শিঙা- মহৰ শিং আৰু বাঁহেৰে তৈয়াৰী সুষিৰ বাদ্য
  • গগনা - পাতল এচটি বাঁহেৰে তৈয়াৰী এবিধ হাৰ্প Jewish Harp জাতীয় ঘনবাদ্য
  • বাঁহী - সুষিৰ বাদ্য
  • বাহঁৰ টকা - বাঁহেৰ তৈয়াৰী ঘণবাদ্য
  • সুতুলি - মাটিৰে তৈয়াৰী সুষিৰ বাদ্য
  • বীণ -এডাল তন্ত্ৰীযুক্ত ভায়লিনViolin ৰ দৰে এবিধ তত বাদ্য
  • তাল - কাঁহ, ৰূপ আদি মি‍শ্ৰিত ধাতুৰে তৈয়াৰী ঘনবাদ্য
  • ধুতং বা জেং টকা - বাঁহ-বেতেৰে তৈয়াৰী ঘনবাদ্য ইত্যাদি

প্ৰকাৰ[সম্পাদনা কৰক]

মিচিং বিহু

বৃহত্তৰ অসমৰ জনগোষ্ঠীৰ বিবিধতা অনুযায়ী বিহু নৃত্য বিভিন্ন প্ৰকাৰৰ বুলি কব পাৰি, যেনে দেউৰী বিহু, মৰান বিহু, মিচিং বিহু আদি ।[2] নৃত্যমুদ্ৰাৰ কিছু বৈষম্যক বাদ দি, সাধাৰণতে প্ৰচলিত প্ৰথা অনুযায়ী বসন্তৰ আগমনত ৰঙালী বিহুৰ সময়ত কৰা এই বিভিন্ন প্ৰকাৰৰ বিহু নৃত্য সমুহৰ একেটি উদ্দেশ্য; উলহ মালহেৰে নৱবৰ্ষক আগমন জনোৱা।

দেউৰী বিহু

আহোমৰ দিনৰে পৰা অবিবাহিত যুৱতীসকলৰ মাজত প্ৰচলিত বিহুক জেং বিহু বুলি জনা যায়। উজনি অসমৰ কিছুমান ঠাইত এতিয়াও এই বিহু প্ৰচলিত। এই প্ৰথা মতে অবিবাহিত যুৱতী সকলে বসন্ত ঋতুত/ৰঙালী বিহুত জাক-পাতি গছৰতলত ধৰিত্ৰীৰ উৰ্বৰতা কামনা কৰি আবেলি সময়্ত নৃত্য গীতৰ অনুষ্ঠান কৰে। এই কথাই প্ৰমাণ কৰে এই গোষ্ঠীৰ মহিলা সকলৰ, সেই সময়ত মহিলা হিচাবে স্বাধীনতা কিমান আছিল, যি সময়ত হিন্দু মহিলাৰ ঘৰৰ বাহিৰত নৃত্য গীত কৰাত কঠোৰ বাধা নিষেধ আছিল। এই মহিলা সকলে নৃত্য গীতৰ সময়ত বিভিন্ন বাদ্যযন্ত্ৰ যেনে 'টকা', 'গগণা', 'সুতুলি' আদিও ব্যৱহাৰ কৰে।

লগতে চাওঁক[সম্পাদনা কৰক]

তথ্য সংগ্ৰহ[সম্পাদনা কৰক]

  1. Scholar throws light on Bihu's origin [1][
  2. [2]

বাহ্যিক সংযোগ[সম্পাদনা কৰক]