সত্ৰীয়া নৃত্য

সত্ৰীয়া নৃত্যৰ এটি ভংগীমা

প্ৰাচীন কালৰে পৰাই অসমত নৃত্য-কলাৰ প্ৰচলন হৈ আহিছিল। সত্ৰীয়া নৃত্য ভাৰতৰ সংগীত নাটক একাডেমীয়ে শাস্ত্ৰীয় নৃত্য হিচাপে মৰ্য্যদা প্ৰদান কৰা ৮টা নৃত্য শৈলীৰ অন্যতম । সত্ৰীয়া নৃত্যৰ 'সত্ৰীয়া' শব্দটো 'সত্ৰ' ৰ পৰা আহিছে । মহাপুৰুষ শ্ৰীমন্ত শংকৰদেৱ প্ৰতিষ্ঠিত সত্ৰসমূহৰ যোগেৰে প্ৰায় ১৫ শ শতিকাৰ পৰাই এই নৃত্যধাৰা অসমত প্ৰচলিত হয়।

ইতিহাস

প্ৰায় ১৫ শ শতিকৰ পৰা প্ৰচলিত এই নৃত্যধাৰা, ১৯ শ শতিকাৰ মাজভাগত বৈষ্ণৱ ধৰ্মীয় সত্ৰসমুহৰ পৰা আধুনিক মঞ্চলৈ ওলাই আহে । পৰম্পৰাগতভাৱে সত্ৰসমূহত এই নৃত্য মাথো ভকত(পুৰুষ)সকলৰ মাজতে আৱদ্ধ আছিল । কিন্তু আধুনিক মঞ্চৰ স্বীকৃতি পোৱাৰ লগে লগে এই নৃত্য পুৰুষ মহিলা উভয়ে পৰিৱেশন কৰিবলৈ ধৰে । ২০০০ চনৰ ১৫ নৱেম্বৰত এক সুকীয়া শৈলীৰ এই নৃত্যক সংগীত নাটক একাডেমীয়ে ভাৰতৰ অন্যতম শাস্ত্ৰীয় নৃত্যৰ মৰ্য্যদা প্ৰদান কৰে ।

নৃত্যশৈলী

প্ৰচলিত ধৰ্মীয় আখ্যানসমুহ এক বিশেষ শৈলীৰে এই নৃত্যৰ দ্বাৰা বাখ্যা কৰা হয় ।

সত্ৰীয়া নৃত্য, নৃত্যশিল্পী ডঃ মল্লিকা কন্দলী

সত্ৰীয়া নৃত্য বিভিন্ন ভাগত বিভক্ত।

• সুত্ৰধাৰ
• অপ্সৰা নৃত্য
• বেহাৰ নৃত্য
• ছালি নৃত্য
• দশাৱতাৰ নৃত্য
• ৰাস নৃত্য
• গোসাই প্ৰৱেশ
• গোপী প্ৰৱেশ ইত্যাদি

বৰিষ্ঠ শিল্পী আৰু সংগীত নাটক একাডেমী বঁটা

• মনিৰাম দত্ত মোক্তাৰ ১৯৬৩ চন
• বাপুৰাম বায়ন আতাই, ১৯৭৮ চন
• ৰসেস্বৰ শইকীয়া বায়ন মোক্তাৰ, ১৯৮০
• ইন্দিৰা পি. পি. বৰা, ১৯৯৬
• প্ৰদীপ চলিহা, ১৯৯৮
• পৰমানন্দ বৰবায়ন, ১৯৯৯-২০০০
• ঘনকান্ত বৰা, ২০০১
• যতীন গোস্বামী, ২০০৪
• ঘনকান্ত দত্ত বৰবায়ন, ২০০৭
• মানিক বৰবায়ন, ২০১০
• মিনাক্ষী মেধি

বাহ্যিক সংযোগ

• satriya_dance_of_assam
• Sattriya Dance By Mrs Devika P. Borthakur and Mr.Pulak J. Borthakur,news,feedback,legends,performances,news,events,interviews of sattriya dance of Assam