বুলবুল কেন চিং

অসমীয়া ৱিকিপিডিয়াৰ পৰা
Jump to navigation Jump to search
বুলবুল কেন চিং
Bulbul Can Sing
Poster of Bulbul Can Sing.jpg
পৰিচালক ৰীমা দাস
প্ৰযোজক ফ্লাইং ৰিভাৰ ফিল্মছ
লেখক ৰীমা দাস
সংগীত পৰিচালক দতৰা, কবীন্দ্ৰ পাটোৱাৰী
চিত্ৰগ্ৰহণকাৰী ৰীমা দাস
সম্পাদনা ৰীমা দাস
মুক্তি ৭ ছেপ্টেম্বৰ ২০১৮ (2018-09-07) (টৰেণ্ট' আন্তৰাষ্ট্ৰীয় চলচ্চিত্ৰ মহোৎসৱ)
দৈৰ্ঘ্য ৯৫ মিনিট
দেশ ভাৰত
ভাষা অসমীয়া (কামৰূপী উপভাষা)


বুলবুল কেন চিং (বুলবুলে গান গাবলৈ পাৰে) আন্তৰ্জাতিক খ্যাতি সম্পন্ন পৰিচালক ৰীমা দাসৰ তৃতীয় চলচ্চিত্ৰ।[1] এই চলচ্চিত্ৰ খনে তেওঁৰ দ্বিতীয় চলচ্চিত্ৰ ভিলেজ ৰকষ্টাৰ্ছৰ দৰে ২০১৮ চনৰ টৰেণ্ট' আন্তৰাষ্ট্ৰীয় চলচ্চিত্ৰ মহোৎসৱত মুক্তি লাভ কৰিছিল।[2] ছবিখনে কেইবাখনো ৰাষ্ট্ৰীয় আৰু আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হোৱাৰ লওঁতে কেইবাটাও বঁটা লাভ কৰিবলৈ সক্ষম হৈছে। শেহতীয়াকৈ ছবিখন শ্ৰেষ্ঠ তিনি চলচ্চিত্ৰ মহোৎসৱৰ এখন বাৰ্লিন চলচ্চিত্ৰ মহোৎসৱলৈও নিৰ্বাচিত হৈছে। বোলছবিখনত তিনি গৰাকী কৈশোৰৰ লৈংগীক পৰিচয়ৰ লগত মুখামুখি আৰু তাৰ ফলত হোৱা সংঘাতক দেখুৱাবলৈ চেষ্টা কৰা হৈছে।[3]

কাহিনী[সম্পাদনা কৰক]

ছবিখনৰ মূল কাহিনীভাগ বুলবুল আৰু তাইৰ দুজন বন্ধু চুমু আৰু বনিক লৈ আগবাঢ়ে। ১৫ বছৰীয়া বুলবুল তাইৰ লগৰীয়া সকলৰ লগত খেলি, সময় কটাই ভাল পায়। তাইৰ দেউতাকে ভৱিষ্যতে বুলবুলক এগৰাকী গায়িকা হিচাপে প্ৰতিষ্ঠা হোৱাটো বিচাৰে। কিন্তু বুলবুলৰ মাত বহুত মিহি হোৱাৰ বাবে স্কুলৰ গানৰ শিক্ষকে তাইৰ পৰা সন্তুষ্ট নহয়। সেই একেসময়তে বুলবুলৰ শ্ৰেণীৰ লৰা এজনে বুলবুলৰ প্ৰতি কবিতা লিখিবলৈ আৰম্ভ কৰে। তেওঁলোকৰ মাজত প্ৰেমৰ অংকুৰণ হয়। আৰু অৱশেষত বুলবুলে নিজৰ বাবে গাবলৈ আৰম্ভ কৰে।

বুলবুলৰ বন্ধু চুমু অলপ নাৰীসুলভ আচৰণ কৰে। সেয়ে চুমুক লগৰ বোৰে প্ৰায়ে জোকায়। আনহাতে বনিৰো বুলবুলৰ দৰে এজন প্ৰেমিক থাকে। বুলবুল কেন চিং তেওঁলোকৰ কৈশোৰ কালত নিজৰ লিংগীক পৰিচয় আৰু সমাজৰ লগত ঘটা সংঘাতৰ ৰূপায়ন। বাস্তৱমুখী, আশাবাদী নিষ্পাপ প্ৰেমৰ কাহিনী।

চৰিত্ৰ[সম্পাদনা কৰক]

  • বুলবুল : অঞ্জলী দাস
  • বনি : বণিতা ঠাকুৰীয়া
  • সুমন বা চুমু : মনোৰঞ্জন দাস
  • মনবেন্দ্ৰ দাস
  • পাকিজা বেগম

বঁটা আৰু সন্মান[সম্পাদনা কৰক]

চলচ্চিত্ৰ মহোৎসৱ

বা বঁটা

শ্ৰেণী বঁটা প্ৰাপক বা মনোনয়ন পৰিণাম উৎস
জিঅ' মামি চলচ্চিত্ৰ মহোৎসৱ ২০১৮ : গোল্ডেন গেটৱে ইণ্ডিয়া গোল্ড বুলবুল কেন চিং' বিজয়ী [4]
২৯তম চিংগাপুৰ আন্তৰাষ্ট্ৰীয় চলচ্চিত্ৰ মহোৎসৱ : ছিলভাৰ স্ক্ৰীন বঁটা শ্ৰেষ্ঠ এছিয়ান ছবি বুলবুল কেন চিং মনোনীত [5]
শ্ৰেষ্ঠ পৰিবেশক - এছিয়ান ছবি মনোৰঞ্জন দাস বিজয়ী
বাৰ্লিন আন্তঃৰাষ্ট্ৰীয় চলচ্চিত্ৰ মহোৎসৱ ২০১৯ জেনেৰেচন ১৪প্লাছ বুলবুল কেন চিং অমীমাংসিত [6]

তথ্য উৎস[সম্পাদনা কৰক]

বাহ্যিক সংযোগ[সম্পাদনা কৰক]