বিপাশা বসু
| বিপাশা বসু | |
|---|---|
 বসু, ২০২০ | |
| জন্ম | ৭ জানুৱাৰী, ১৯৭৯ (৪৫ বছৰ)[1] নতুন দিল্লী, ভাৰত |
| পেচা | অভিনেত্ৰী, মডেল |
| সক্ৰিয় হৈ থকা সময় | ১৯৯৬-বৰ্তমানলৈ |
| দাম্পত্যসঙ্গী | কৰন সিং গ্ৰোভাৰ (বি. ২০১৬)[2] |
| সন্তান | ১ |
| বঁটা, সন্মান, পুৰস্কাৰ আদি | সম্পূৰ্ণ তালিকা |
বিপাশা বসু সিং গ্ৰোভাৰ (ইংৰাজী: Bipasha Basu Singh Grover; জন্ম: ৭ জানুৱাৰী ১৯৭৯)[3] এগৰাকী ভাৰতীয় অভিনেত্ৰী আৰু প্ৰাক্তন মডেল। মূলতঃ হিন্দী ছবিৰ কামৰ বাবে পৰিচিত বিপাশাই তামিল, তেলেগু, বঙালী আৰু ইংৰাজী ছবিতো অভিনয় কৰিছে। বসুৱে এটা ফিল্মফেয়াৰ বঁটাকে ধৰি অসংখ্য বঁটা আৰু স্বীকৃতি লাভ কৰিছে। তেওঁক বিশেষকৈ থ্ৰিলাৰ আৰু হৰৰ ছবিত অভিনয়ৰ বাবে জনা যায়। কেইবাটাও আইটেম নম্বৰৰ বাবে তেওঁক প্ৰায়ে প্ৰচাৰ মাধ্যমত যৌনতাৰ প্ৰতীক আৰু উত্তেজনাৰ ৰাণী হিচাপে উল্লেখ কৰা হয়।
দিল্লীত জন্মগ্ৰহণ কৰি কলকাতাত ডাঙৰ-দীঘল হোৱা বসুৱে ফেশ্বন মডেল হিচাপে সফল কেৰিয়াৰ গঢ়িবলৈ সক্ষম হয়। তাৰ পিছত তেওঁ চলচ্চিত্ৰত অভিনয়ৰ প্ৰস্তাৱ লাভ কৰিবলৈ আৰম্ভ কৰে। থ্ৰিলাৰ ছবি আজনবীৰ (২০০১) জৰিয়তে তেওঁ চলচ্চিত্ৰত আত্মপ্ৰকাশ কৰে। এই ছবিখনত অভিনয়ৰ বাবে তেওঁ শ্ৰেষ্ঠ নবাগতাৰ ফিল্মফেয়াৰ বঁটা লাভ কৰে। বসুৰ প্ৰথম মুখ্য চৰিত্ৰ আছিল থ্ৰিলাৰ ছবি ৰাজত (২০০২), যাৰ বাবে তেওঁ শ্ৰেষ্ঠ অভিনেত্ৰীৰ ফিল্মফেয়াৰ বঁটাৰ মনোনয়ন পাইছিল। যৌনগন্ধী থ্ৰিলাৰ জিছম (২০০৩), ভাল উপাৰ্জন কৰা ছবি ন' এণ্ট্ৰি (২০০৫) আৰু ধূম ২-ত (২০০৬) বিপাশাই মুখ্য চৰিত্ৰত অভিনয় কৰে।
বিপাশাৰ আন ব্যৱসায়িকভাৱে সফল ছবিসমূহৰ ভিতৰত আছে ড্ৰামা ছবি কৰ্প’ৰেট (২০০৬); কমেডী ছবি ফিৰ হেৰাফেৰী (২০০৬) আৰু অল দ্য বেষ্ট: ফান বিগিনছ্ (২০০৯); একচন থ্ৰিলাৰ ৰেচ (২০০৮); ৰোমান্টিক কমেডী বচনা এ হাছিনো (২০০৮) আদি। ২০১০ৰ দশকত তেওঁ মূলতঃ থ্ৰিলাৰ ছবি- ৰাজ থ্ৰীডি (২০১২),আত্মা (২০১৩), ক্ৰিয়েচাৰ থ্ৰীডি (২০১৪) আৰু এল’নত (২০১৫) অভিনয় কৰিছিল। ইয়াৰ পিছত বিৰতি; বিৰতিৰ সময়চোৱাৰ তেওঁৰ একমাত্ৰ অভিনয় আছিল ৱেব ছিৰিজ ডেঞ্জাৰাছ (২০২০)।
ছবিত অভিনয় কৰাৰ উপৰিও ফিটনেছ অনুৰাগী বসুৱে কেইবাটাও ফিটনেছ ভিডিঅ’ত অভিনয় কৰিছে। ২০১৫ চনত হৰৰ ধাৰাবাহিক ডৰ সবকো লগাতা হ্যায়ৰ তেওঁ হোষ্ট আছিল। জন আব্ৰাহামৰ সৈতে হাই-প্ৰফাইল সম্পৰ্কৰ পিছত ২০১৬ চনত বসুৱে অভিনেতা কৰণ সিং গ্ৰোভাৰক বিয়া কৰায়।[3] দম্পত্তিহালৰ এটা সন্তান আছে।
প্ৰাৰম্ভিক জীৱন আৰু মডেলিং
[সম্পাদনা কৰক]১৯৭৯ চনৰ ৭ জানুৱাৰীত দিল্লীৰ এটা বঙালী পৰিয়ালত বিপাশা বসুৰ জন্ম হয়। তেওঁৰ দেউতাক হীৰক বসু এজন চিভিল ইঞ্জিনিয়াৰ আৰু মাক মমতা এগৰাকী গৃহিণী। তেওঁক বায়েক বিদিশা আৰু ভনীয়েক বিজয়েতা।
দিল্লীত বিপাশাই আঠ বছৰ বয়সলৈকে নেহৰু প্লেচৰ পাম্পোছ এনক্লেভত বাস কৰিছিল আৰু এপিজয় হাইস্কুলত অধ্যয়ন কৰিছিল।[4] তাৰ পিছত তেওঁৰ পৰিয়াল কলকাতালৈ স্থানান্তৰিত হয় আৰু বিধাননগৰত অৱস্থিত গংগাবক্স কানোৰিয়া বিদ্যমন্দিৰত অধ্যয়ন কৰে।[5] স্কুলত তেওঁক ছোৱালী দলপতি হিচাপে নিযুক্তি দিয়া হৈছিল আৰু তেওঁৰ নিৰ্দেশ দিব পৰা ব্যক্তিত্বৰ বাবে তেওঁক মৰমেৰে ‘লেডী গুণ্ডা’ আখ্যা দিয়া হৈছিল।[6]
১৯৯৬ চনত কলকাতাৰ এখন হোটেলত মডেল মেহৰ জেচিয়া ৰামপালে বিপাশাক দেখা পায় আৰু তেওঁ মডেলিং কৰিবলৈ পৰামৰ্শ দিয়ে।[7] সেই বছৰতে তেওঁ ফৰ্ডৰ দ্বাৰা আয়োজিত গডৰেজ চিন্থল ছুপাৰমডেল প্ৰতিযোগিতাত অংশগ্ৰহণ কৰি জয়ী হয় আৰু মিয়ামীত অনুষ্ঠিত হোৱা ‘ফৰ্ড মডেলছ ছুপাৰমডেল অফ দ্য ৱৰ্ল্ড প্ৰতিযোগিতা’ত ভাৰতক প্ৰতিনিধিত্ব কৰে।[8][9] পিছলৈ তেওঁ তেতিয়াৰ প্ৰেমিক ডিনো ম’ৰিয়াৰ সৈতে কেলিডাৰ বিজ্ঞাপনত অভিনয় কৰিছিল; বিজ্ঞাপনটো যথেষ্ঠ পৰিমাণে যৌন উত্তেজক আছিল বুলি তেতিয়া বিতৰ্কও হৈছিল আৰু কিছুমান লোকে তেওঁৰ ঘৰৰ বাহিৰত প্ৰতিবাদ কৰিছিল।[8] কেইবাখনো আলোচনীৰ বেটুপাত শুৱনি কৰা বিপাশাই কৈশোৰৰ শেষলৈ চলচ্চিত্ৰত প্ৰবেশ নকৰালৈকে ফেশ্বন মডেলিঙ অব্যাহত ৰাখিছিল।[9]
তথ্যউৎস
[সম্পাদনা কৰক]- ↑ Times News Network (TNN) (6 January 2012). "Bipashu Basu to marry by end of 2012?". The Times of India. http://timesofindia.indiatimes.com/entertainment/bollywood/news-interviews/Bipashu-Basu-to-marry-by-end-of-2012/movie-review/11376599.cms.
- ↑ "First Pics: Bipasha Basu and Karan Singh Grovers Mehendi". NDTV. http://movies.ndtv.com/bollywood/first-pics-bipasha-basu-and-karan-singh-grovers-mehendi-1400743.
- ↑ "Bipasha Basu is now Bipasha Basu Singh Grover!". 13 June 2016. http://www.dnaindia.com/entertainment/report-bipasha-basu-is-now-bipasha-basu-singh-grover-2222955। আহৰণ কৰা হৈছে: 14 December 2016.
- ↑ "Bipasha Basu, a lady gunda". The Times of India. 22 October 2011. Archived from the original on 7 January 2014. https://web.archive.org/web/20140107114416/http://articles.timesofindia.indiatimes.com/2011-10-22/news-interviews/30306105_1_appu-ghar-delhi-girl-bipasha-basu.
- ↑ Tiwary, Priti. "'I was Bipasha's lab partner'". Rediff. http://www.rediff.com/movies/2007/aug/14reader.htm। আহৰণ কৰা হৈছে: 25 August 2016.
- ↑ "Bips, the Lady Goonda!". The Times of India. Archived from the original on 2014-01-07. https://web.archive.org/web/20140107114134/http://articles.timesofindia.indiatimes.com/2009-08-30/tv/28159291_1_bips-farah-khan-boys.
- ↑ "Desperately seeking Bipasha". Rediff.com. 17 May 2002. http://www.rediff.com/entertai/2002/may/17bip.htm। আহৰণ কৰা হৈছে: 29 December 2007.
- ↑ Verma, Sukanya (23 September 1999). "Once you enter films, your private life becomes a joke". Rediff.com. http://www.rediff.com/entertai/1999/sep/23bipa.htm। আহৰণ কৰা হৈছে: 29 December 2007.
- ↑ "Bipasha Basu – Fashion Model – Profile with photos, biography and more on FMD". Fashionmodeldirectory.com. http://www.fashionmodeldirectory.com/models/Bipasha_Basu। আহৰণ কৰা হৈছে: 7 March 2012.
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত Bipasha Basu সম্পৰ্কীয় মিডিয়া ফাইল আছে। |
- Bipasha Basu on IMDb
- ইনষ্টাগ্ৰামত বিপাশা বসু
- বিপাশা বসু সম্পৰ্কে বলিউড হাংগামাত থকা তথ্য
| ||||||||||||||