নাৰ্গিছ
| নাৰ্গিছ | |
|---|---|
| জন্ম | ফাতিমা ৰছিদ ১ জুন, ১৯২৯ কলিকতা, বেংগল প্ৰেচিডেন্সি, ব্ৰিটিছ শাসিত ভাৰত (এতিয়াৰ কলকাতা, পশ্চিম বংগ, ভাৰত) |
| মৃত্যু | ৩ মে', ১৯৮১ (৫১ বছৰ) ব'ম্বে, মহাৰাষ্ট্ৰ, ভাৰত |
| মৃত্যুৰ কাৰণ | অগ্ন্যাশয়ৰ কৰ্কট ৰোগ |
| সমাধিস্থল | বৰাকবৰস্তান, মেৰিন লাইন্ছ, মুম্বাই |
| ৰাষ্ট্ৰীয়তা | ভাৰতীয় |
| অন্য নাম | |
| পেচা | অভিনেত্ৰী |
| সক্ৰিয় হৈ থকা সময় | ১৯৩৫-৩৬ ১৯৪২-১৯৬৮ |
| উল্লেখযোগ্য কৰ্ম | 'বৰছাত' (১৯৪৯) 'আৱাৰা' (১৯৫১) 'শ্ৰী ৪২০' (১৯৫৫) 'মাদাৰ ইণ্ডিয়া' (১৯৫৭) 'ৰাত ঔৰ দিন' (১৯৬৭) |
| দাম্পত্যসঙ্গী | সুনীল দত্ত (বি. ১৯৫৮–৮১) (মৃত্যুলৈকে) |
| সন্তান | সঞ্জয় দত্ত প্ৰিয়া দত্ত নম্ৰতা দত্ত |
| বঁটা, সন্মান, পুৰস্কাৰ আদি | * ফিল্মফেয়াৰ শ্ৰেষ্ঠ অভিনেত্ৰী বঁটা (১৯৫৮)
|
নাৰ্গিছ দত্ত[2] বা চমুকৈ নাৰ্গিছ[3] (পূৰ্বৰ নাম ফাতিমা ৰছিদ; ১ জুন ১৯২৯ – ৩ মে' ১৯৮১),[4] বহুকেইখন ধ্ৰুপদী বলিউড চলচ্চিত্ৰত অভিনয় কৰা এগৰাকী ভাৰতীয় অভিনেত্ৰী আছিল। হিন্দী বোলছবিৰ অন্যতম মহান অভিনেত্ৰী হিচাপে পৰিগণিত নাৰ্গিছে পাঁচবছৰ বয়সতে 'তালাছ-এ-হক' (১৯৩৫) চলচ্চিত্ৰত সৰু চৰিত্ৰ এটাৰে অভিনয়ৰ পাতনি মেলিছিল। ১৯৪২ চনত 'তমন্না' চলচ্চিত্ৰৰে তেখেতে অভিনয়ত ভালকৈ ভৰি ৰাখে।
তিনি দশকজোৰা কৰ্ম জীৱনত নাৰ্গিছে কেইবাখনো বাণিজ্যিকভাৱে সফল আৰু সমালোচকৰ প্ৰশংসিত চলচ্চিত্ৰত অভিনয় কৰিছিল। তেখেত অভিনেতা আনোৱাল হুছেইনৰ ভনীয়েক আছিল। তেখেতৰ সকলোতকৈ বিখ্যাত চৰিত্ৰটো আছিল একাডেমী বঁটাৰ বাবে মনোনীত হোৱা 'মাদাৰ ইণ্ডিয়া' (১৯৫৭) চলচ্চিত্ৰৰ ৰাধাৰ চৰিত্ৰ। ইয়াৰ অববে তেখেতে ফিল্মফেয়াৰ শ্ৰেষ্ঠ অভিনেত্ৰী বঁটাও লাভ কৰিছিল। ১৯৬০-ৰ দশকত তেখেতৰ ভূমিকা সেৰেঙা হ'বলৈ ধৰে। এই সময়ছোৱাত 'ৰাত ঔৰ দিন' (১৯৬৭) চলচ্চিত্ৰৰ বাবে তেখেতে প্ৰথম বছৰৰ শ্ৰেষ্ঠ অভিনেত্ৰীৰ ৰাষ্ট্ৰীয় চলচ্চিত্ৰ বঁটা লাভ কৰে।
নাৰ্গিছে তেখেতৰ "মাদাৰ ইণ্ডিয়া"ৰ সহ-অভিনেতাৰ সুনীল দত্তক ১৯৫৮ চনত বিয়া কৰায়। সঞ্জয় দত্তকে ধৰি তেওঁলোকৰ তিনিটা সন্তান। পতিৰ সতে মিলি নাৰ্গিছে অজন্তা কলা-সাংস্কৃতিক দল গঠন কৰে। এই দলে কেইবাগৰাকী আগশাৰীৰ অভিনেতা আৰু গায়কক লৈ ঘাইকৈ সীমান্ত অঞ্চলবোৰত মঞ্চ অনুষ্ঠান পাতিছিল। ১৯৭০ দশকৰ আৰম্ভণিতে নাৰ্গিছ স্পাষ্টিক ছ'ছাইটী অৱ ইণ্ডিয়াৰ মুৰব্বী হৈ পৰে। সামাজিক কাম-কাজত সুনাম অৰ্জন কৰি তেখেত ১৯৮০ চনত ৰাজ্যসভালৈ মনোনীত হয়।
১৯৮১ চনত অগ্ন্যাশয়ৰ কৰ্কট ৰোগত ভুগি নাৰ্গিছৰ মৃত্যু হয়। ইয়াৰ তিনি দিনৰ পাছতে পুত্ৰ সঞ্জয় দত্তই 'ৰকী' চলচ্চিত্ৰৰ যোগেদি অভিনয়ৰ পাতনি মেলিছিল। ১৯৮২ চনত তেখেতৰ স্মৃতিত 'নাৰ্গিছ দত্ত সোঁৱৰণী কেন্সাৰ ফাউণ্ডেচন' প্ৰতিষ্ঠা কৰা হয়। প্ৰতি বছৰে চৰকাৰীভাৱে তেখেতৰ নামেৰে "ৰাষ্ট্ৰীয় সংহতিৰ নাৰ্গিছ দত্ত শ্ৰেষ্ঠ চলচ্চিত্ৰ বঁটা" প্ৰদান কৰা হয়।
বঁটা আৰু সন্মান
[সম্পাদনা কৰক]
- ১৯৫৮ – 'মাদাৰ ইণ্ডিয়া'ৰ বাবে ফিল্মফেয়াৰ শ্ৰেষ্ঠ অভিনেত্ৰী বঁটা[5]
- ১৯৫৮ – তেখেত ভাৰত চৰকাৰে প্ৰদান কৰা দেশৰ চতুৰ্থ সৰ্বোচ্চ অসামৰিক সন্মান পদ্মশ্ৰী লভা প্ৰথম চলচ্চিত্ৰ অভিনেত্ৰী ৰূপে পৰিগণিত হয়।[6]
- ১৯৬৮ – 'ৰাত ঔৰ দিন'ৰ বাবে শ্ৰেষ্ঠ অভিনেত্ৰীৰ ৰাষ্ট্ৰীয় চলচ্চিত্ৰ বঁটা[6]
- ১৯৬৯ – 'ৰাত ঔৰ দিন'ৰ বাবে ফিল্মফেয়াৰ শ্ৰেষ্ঠ অভিনেত্ৰী বঁটালৈ মনোনীত[উদ্ধৃতিৰ প্ৰয়োজন]
- ২০০১ – হিৰো হোণ্ডা আৰু ষ্টাৰডাষ্ট চলচ্চিত্ৰ আলোচনীয়ে অমিতাভ বচ্চনৰ সৈতে "শতিকাৰ শ্ৰেষ্ঠ শিল্পী" বঁটা প্ৰদান কৰে।[7]
১৯৯৩ চনত নাৰ্গিছৰ সোঁৱৰণত ভাৰতীয় ডাক সেৱাই এটা এটকীয়া ডাক-টিকট মুকলি কৰে।[8] ২০১৫ চনৰ ১ জুনত ৮৬তম জন্মদিন উপলক্ষে গুগলে এক ডুডল মুকলি কৰিছিল।
ৰাষ্ট্ৰীয় চলচ্চিত্ৰ বঁটাই তেখেতৰ সোঁৱৰণত প্ৰতি বছৰে "ৰাষ্ট্ৰীয় সংহতিৰ নাৰ্গিছ দত্ত শ্ৰেষ্ঠ চলচ্চিত্ৰ বঁটা" প্ৰদান কৰে।[9]
অন্য মাধ্যমত
[সম্পাদনা কৰক]২০১৮ চনত মুক্তি লাভ কৰা সঞ্জয় দত্তৰ জীৱনৰ ওপৰত আধাৰিত 'সঞ্জু' চলচ্চিত্ৰত মনীষা কৈৰালাই নাৰ্গিছৰ ভূমিকাত অভিনয় কৰিছিল।[10] ২০১৮ চনৰ আন এখন হিন্দী চলচ্চিত্ৰ 'মাণ্টত ফেৰীনা ৱাজহেৰে তেখেতৰ চৰিত্ৰত অভিনয় কৰিছিল।[11]
অভিনীত চলচ্চিত্ৰসমূহ
[সম্পাদনা কৰক]- 'তালাছ-এ-হক' (১৯৩৫)
- 'মাডাম ফেশ্বন' (১৯৩৬)
- 'তক্দীৰ' (১৯৪৩)
- 'হুমায়ুন' (১৯৪৫)
- 'বিছ্ৱী শ্বাদি' (১৯৪৫)
- 'ৰামায়ণী' (১৯৪৫)
- 'নাৰ্গিছ' (১৯৪৬)
- 'মেহেন্দি' (১৯৪৭)
- 'মেলা' (১৯৪৮)
- 'অন'খা প্যাৰ' (১৯৪৮)
- 'অঞ্জুমন' (১৯৪৮)
- 'আগ' (১৯৪৮)
- 'ৰুমাল' (১৯৪৯)
- 'লাহোৰ' (১৯৪৯)
- 'দাৰোগাজি' (১৯৪৯)
- 'বৰছাত' (১৯৪৯)
- 'অন্দাজ' (১৯৪৯)
- 'প্যাৰ' (১৯৫০)
- 'মীনা বাজাৰ' (১৯৫০)
- 'খেল' (১৯৫০)
- 'জ'গন' (১৯৫০)
- 'জান পেহচান' (১৯৫০)
- 'চ'টি ভাবি' (১৯৫০)
- 'বাবুল' (১৯৫০)
- 'আধি ৰাত' (১৯৫০)
- 'সাগৰ' (১৯৫১)
- 'প্যাৰ কি বাতে' (১৯৫১)
- 'হালচাল' (১৯৫১)
- 'দীদাৰ' (১৯৫১)
- 'আৱাৰা' (১৯৫১)
- 'শ্বিচা' (১৯৫২)
- 'বেৱফা' (১৯৫২)
- 'আচিয়ানা' (১৯৫২)
- 'অনহ'নী' (১৯৫২)
- 'অম্বৰ' (১৯৫২)
- 'শ্বিকস্ত' (১৯৫৩)
- 'পাপী' (১৯৫৩)
- 'ধুন' (১৯৫৩)
- 'আহ' (১৯৫৩)
- 'অংগাৰে' (১৯৫৪)
- 'শ্ৰী ৪২০' (১৯৫৫)
- 'জাগতে ৰহ (১৯৫৬)
- 'চ'ৰি চ'ৰি' (১৯৫৬)
- 'পৰদেশী'
- 'মাদাৰ ইণ্ডিয়া' (১৯৫৭)
- 'লাজৱন্তী' (১৯৫৮)
- 'ঘৰ সংসাৰ' (১৯৫৮)
- 'আদালত' (১৯৫৮)
- 'য়াদে' (১৯৬৪)
- 'আদিত্য' (১৯৬৭)
- 'Tosa oneira stous dromous' ' (১৯৬৮)
অতিৰিক্ত পাঠ্য
[সম্পাদনা কৰক]- 'Mr. and Mrs. Dutt: Memories of our Parents', Namrata Dutt Kumar and Priya Dutt, 2007, Roli Books.[12]
- 'Darlingji: The True Love Story of Nargis and Sunil Dutt', Kishwar Desai. 2007, Harper Collins.
- 'The Life and Times of Nargis', T. J. S. George. 1994, Harper Collins.
তথ্যসূত্ৰ
[সম্পাদনা কৰক]- ↑ "Why Nargis said 'Meena, Maut Mubarak Ho! '". Times of India. 2018-12-02. https://m.timesofindia.com/home/sunday-times/why-nargis-said-meena-maut-mubarak-ho/articleshow/66898473.cms। আহৰণ কৰা হৈছে: 2018-12-02.
- ↑ 2.0 2.1 "Bollywood actor Nargis Dutt remembered in today's Google Doodle". The Indian Express. 1 June 2015. http://indianexpress.com/article/trending/google-doodle-remembers-nargis-dutt/.
- ↑ "Nargis". Mint. 4 May 2013. https://www.livemint.com/Leisure/VxGxrl4DUCCYWK6MtEjw1O/Nargis.html.
- ↑ "Archived copy". Archived from the original on 1 May 2009. https://web.archive.org/web/20090501143356/http://rajyasabha.nic.in/publ/pandp/book2.htm। আহৰণ কৰা হৈছে: 19 May 2009.
- ↑ "Filmfare Awards Winners From 1953 to 2018" (en ভাষাত). Filmfare Awards. https://www.filmfare.com/awards/filmfare-awards/winners। আহৰণ কৰা হৈছে: 30 May 2018.
- ↑ 6.0 6.1 "Archived copy". Archived from the original on 10 February 2007. https://web.archive.org/web/20070210101745/http://nrcw.nic.in/shared/sublinkimages/142.htm। আহৰণ কৰা হৈছে: 17 January 2007.
- ↑ "The Tribune, Chandigarh, India – Nation". tribuneindia.com. http://www.tribuneindia.com/2000/20000109/nation.htm#2। আহৰণ কৰা হৈছে: 2 June 2015.
- ↑ "Nargis Dutt" (en-gb ভাষাত). Thakkar Numismatic & Art FoundationIndian Philately. http://www.indianphilatelics.com/stamps/commemorative-stamps/1992-1995/item/10708-nargis-dutt-click-for-stamp-information.html। আহৰণ কৰা হৈছে: 30 May 2018.
- ↑ "An award in a different genre". Hindu.com. 7 January 2005. পৃষ্ঠা: 2. Archived from the original on 1 October 2007. https://web.archive.org/web/20071001062709/http://www.hindu.com/2005/07/01/stories/2005070106120200.htm। আহৰণ কৰা হৈছে: 30 July 2017.
- ↑ "Sanjay Dutt biopic: Manisha Koirala looks like a perfect replica of Nargis Dutt – Most talked about biopics you just cannot miss – The Times of India". The Times of India. https://timesofindia.indiatimes.com/entertainment/hindi/bollywood/photo-features/most-talked-about-biopics-you-just-cannot-miss/Sanjay-Dutt-biopic-Manisha-Koirala-looks-like-a-perfect-replica-of-Nargis-Dutt/photostory/62377660.cms.
- ↑ "Feryna Wazheir to play Nargis in 'Manto’ - Times of India". The Times of India. https://timesofindia.indiatimes.commovies/india/feryna-wazheir-to-play-nargis-in-manto/articleshow/57855568.cms। আহৰণ কৰা হৈছে: 2018-12-14.[সংযোগবিহীন উৎস]
- ↑ "Archive News – The Hindu". The Hindu. http://www.hindu.com/lr/2007/10/07/stories/2007100750160200.htm। আহৰণ কৰা হৈছে: 30 July 2017.
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত নাৰ্গিছ সম্পৰ্কীয় মিডিয়া ফাইল আছে। |
- নাৰ্গিছ সম্পৰ্কে ইণ্টাৰনেট মুভি ডাটাবেছত থকা তথ্য।
- NDTV India Story on "Sunil Dutt, Nargis: a romance that rose from ashes"
- Nargis Dutt Memorial Foundation
| ||||||||||||||