আৱৰ্তন

অসমীয়া ৱিকিপিডিয়াৰ পৰা
(আবৰ্তনৰ পৰা পুনঃনিৰ্দেশিত)
Jump to navigation Jump to search
আৱৰ্তন
(On The Run)
আৱৰ্তন ডিভিডি ক'ভাৰ.jpg
পৰিচালক ডঃ ভবেন্দ্ৰ নাথ শইকীয়া
প্ৰযোজক ডঃ ভবেন্দ্ৰ নাথ শইকীয়া
চিত্ৰনাট্য ডঃ ভবেন্দ্ৰ নাথ শইকীয়া
অভিনয়ত তপন দাস
মৃদুলা বৰুৱা
সংগীত পৰিচালক নাৰায়ণ বৰুৱা
দেৱেশ্বৰ শৰ্মা
দিলিপ ৰয়[1]
চিত্ৰগ্ৰহণকাৰী কমল নায়ক
সম্পাদনা নিকুঞ্জ ভট্টাচাৰ্য্য
ষ্টুডিঅ’ জ্যোতি চিত্ৰবন
মুক্তি ১৯৯৩
দেশ ভাৰত
ভাষা অসমীয়া

আৱৰ্তন ১৯৯৩ চনত মুক্তিপ্ৰাপ্ত ডঃ ভবেন্দ্ৰ নাথ শইকীয়াৰ ষষ্ঠখন অসমীয়া চলচ্চিত্ৰ[1][2]। ডঃ শইকীয়া এই ছবিখনৰ একেধাৰে পৰিচালক, প্ৰযোজক, চিত্ৰনাট্য আৰু সংলাপ লেখক আছিল। এই ছবিখনৰ এটা বিশেষ বৈশিষ্ট্য এয়ে যে এইগৰাকী পৰিচালকৰ অন্যান্য ছবিৰ দৰে ইয়াৰ কাহিনীভাগ কোনো চুটিগল্প বা উপন্যাসৰ পৰা লোৱা হোৱা নাছিল। প্ৰথমবাৰৰ বাবে তেখেতে ভ্ৰাম্যমাণ থিয়েটাৰ আধাৰিত এটা মৌলিক কাহিনীৰে এই ছবিখন নিৰ্মাণ কৰিছিল। ছবিখনৰ আবহ সঙ্গীততো ভ্ৰাম্যমান থিয়েটাৰৰ সঙ্গীতশৈলী ব্যৱহৃত হৈছিল। ১৬ মিলিমিটাৰত নিৰ্মিত এইখন এখন ৰঙীন ছবি আছিল।

কাহিনী[সম্পাদনা কৰক]

১৯৮২ চনৰ পৰা ডঃ ভবেন্দ্ৰ নাথ শইকীয়া ভ্ৰাম্যমাণ থিয়েটাৰৰ সৈতে জড়িত হৈ আছিল। ভ্ৰাম্যমাণ থিয়েটাৰৰ অভিনেতা-অভিনেত্ৰী, কলা-কুশলীসকলৰ জীৱন তেখেতে বহু ওচৰৰ পৰা প্ৰত্যক্ষ কৰিছিল। এই অভিজ্ঞতাৰে তেখেতে আৱৰ্তনৰ কাহিনী ৰচনা কৰিছিল।

গীত, নৃত্য, আবৃতি সকলোতে পাৰ্গত জয়ন্তী কিছুমান আবাঞ্চিত পৰিস্থিতিৰ মুখামুখী হৈ ভ্ৰাম্যমান থিয়েটাৰলৈ অভিনয় কৰিবলৈ গৈছিল। একপ্ৰকাৰ বাধ্য হৈয়ে তাই থিয়েটাৰৰ জীৱন বাচি লৈছিল। কাৰণ অভিনয়ৰ বাদে কৰিব পৰা তাইৰ একো নাছিল। প্ৰথম অৱস্থাত তাইৰ ঘৰখনে এইক্ষেত্ৰত বিৰোধ কৰিছিল যদিও এসময়ত সমগ্ৰ ঘৰখন একমাত্ৰ তাইৰ উপাৰ্জনৰ ওপৰতে নিৰ্ভৰশীল হৈ পৰিছিল। সুদীৰ্ঘ ১২ বছৰ তাই ভ্ৰাম্যমান থিয়েটাৰত কটালে। এই সময়চোৱাৰ ভিতৰত তাইৰ ডাঙৰজনী ভনীয়েকৰ বিয়াও হৈ গ'ল। কিন্তু তাইৰ কথা ঘৰখনৰ কোনেও চিন্তা নকৰিলে। ঘটনাক্ৰমে জয়ন্তীয়ে ইঞ্জিনিয়াৰ, এখন সংবেদনশীল হৃদয়ৰ গৰাকী পৰিমল দত্তক লগ পায়। লাহে লাহে দুয়োৰো মাজত হৃদ্যতা বাঢ়ে। পৰিমলে তাইক বিয়াৰ প্ৰস্তাব দিয়ে। কিন্তু তাইৰ বিয়াৰ ক্ষেত্ৰত বিভিন্নজন বাধাৰ প্ৰাচীৰ হৈ থিয় দিয়ে। প্ৰথম বাধা হয় তাইৰ ঘৰখন। কাৰণ তাইৰ বিয়া হৈ গ'লে তাইৰ উপাৰ্জনৰ পৰা ঘৰখন বঞ্চিত হব। থিয়েটাৰৰ নায়ক নিহাৰে বিৰোধিতা কৰে। কাৰণ বিবাহিত এই নায়কজনে তাইৰ শৰীৰটো আৰু উপভোগ কৰিবলৈ নাপাব। আনহাতে থিয়েটাৰৰ মালিকে তাইক এৰিব নিবিচাৰে। তাই তাৰকা অভিনেত্ৰী। তাইৰ ওপৰত থিয়েটাৰৰ ব্যৱসায়িক দিশটো বহু পৰিমাণে নিৰ্ভৰশীল। আনকি মালিকে থিয়েটাৰৰ চৰ্ত ভঙ্গ কৰিলে আদালতলৈ যোৱাৰো ভাবুকি দিয়ে। অৱশেষত থিয়েটাৰৰ কোনো ক্ষতি নোহোৱাকৈ কৌশলেৰে জয়ন্তীয়ে অভিনয় জীৱনৰ পৰা মেলানি মাগে আৰু পৰিমল দত্তৰ সৈতে এখন সুখৰ সংসাৰ গঢ়াৰ বাবে আগবাঢ়ে।

অভিনেতা-অভিনেত্ৰী[সম্পাদনা কৰক]

  • বাবুল খাটনিয়াৰ
  • উৎসৱ কলিতা
  • লক্ষী দাস
  • হেমন্ত চৌধুৰী
  • ৰবেন ৰয়
  • চেতনা দাস
  • মিতালী বৈশ্য
  • জুৰি শৰ্মা
  • শিল্পীশিখা বৰুৱা
  • বিনু কলিতা
  • বিনীতা দাস
লগতে আৱাহন থিয়েটাৰৰ অন্যান্য অভিনেতা-অভিনেত্ৰীসকল।

বঁটা আৰু স্বীকৃতি[সম্পাদনা কৰক]

তথ্যসংগ্ৰহ[সম্পাদনা কৰক]

  1. 1.0 1.1 1.2 "Abartan (On the Run) 1993, Colour". Rupaliparda.com. http://www.rupaliparda.com/english/Abartan.htm। আহৰণ কৰা হৈছে: November 19, 2011. 
  2. "Released Assamese Movies - A". Enajori.com. http://enajori.com/music/released_cinema/A.html। আহৰণ কৰা হৈছে: November 19, 2011. 

বাহ্যিক সংযোগ[সম্পাদনা কৰক]