পুৰন্দৰ সিংহ (১৮১৮– ১৯, ১৮৩৩– ১৮৩৮) অসম ৰ আহোম ৰাজ্য ৰ শেষ ৰজা আছিল। তেওঁক দুবাৰ ৰজা পতা হৈছিল। প্ৰথমবাৰ ১৮১৮ চনত চন্দ্ৰকান্ত সিংহ ক পদচ্যুত কৰাৰ পাছত ৰুচিনাথ বুঢ়াগোঁহাইয়ে তেওঁক ৰজা পাতিছিল।[ 1] প্ৰথম ইংগ'-বৰ্মী যুদ্ধ ৰ পাছত ব্ৰিটিছ ইষ্ট ইণ্ডিয়া কোম্পানী য়ে মানৰ হাতৰ পৰা অসম উদ্ধাৰ কৰে। অচিনাকী ঠাইত শাসন কৰিবলৈ অসুবিধা পাই আৰু বিদেশী প্ৰশাসনৰ প্ৰতি স্থানীয় লোকৰ অসন্তোষ দেখি ব্ৰিটিছ প্ৰশাসনে উজনি অসম অংশ আহোম কোঁৱৰ এজনক গতাই দিবলৈ সিদ্ধান্ত লয়। পুৰন্দৰ সিংহ বাছনিত উঠাত ১৮৩৩ চনৰ এপ্ৰিলত শদিয়া আৰু মটক অঞ্চলৰ বাহিৰে গোটেই উজনি অসম আনুষ্ঠানিকভাৱে তেওঁক গতাই দিয়া হয়। বিনিময়ত পুৰন্দৰ সিংহই বছৰি ৫০,০০০ টকা কৰ দিবলৈ গাত লয়। ১৮৩৩ চনত নিয়মিতভাৱে কৰ নোশোধোৱা পুৰন্দৰ সিংহক অনুপযুক্ত যেন দেখি ব্ৰিটিছে তেওঁৰ ৰাজ্য অধিকাৰ কৰে আৰু ফলত আহোম ৰাজবংশ ৰ ৬০০ বছৰীয়া শাসনৰ অন্ত পৰে।[ 2]
↑ Gait, E. A. (223). A History of Assam, 2nd edition . প্ৰকাশক Calcutta: Thacker, Spink & Co.. পৃষ্ঠা. 223. ↑ Bhuyan Dr. S.K. (1968). Tunkhungia Buranji or A History of Assam (1681-1826), 2nd edition . প্ৰকাশক Guwahati: Department of HISTORICAL AND ANTIQUARIAN STUDIES IN ASSAM. পৃষ্ঠা. 211.
