মাৰীয়াপ্পান থানগাভেলু

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
মাৰীয়াপ্পান থানগাভেলু
ব্যক্তিগত তথ্যাৱলী
সম্পূৰ্ণ নাম মাৰীয়াপ্পান থানগাভেলু
জন্ম ২৮ জুন, ১৯৯৫ (২৬ বছৰ)
পেৰিয়াভাদাগামপট্টি, চালেম জিলা, তামিলনাডু, ভাৰত
ক্ৰীড়া
দেশ  ভাৰত
ক্ৰীড়া এথলেটিকছ
শিতান হাই জাম্প - টি৪২
সফলতা আৰু শীৰ্ষস্থান প্ৰাপ্তিসমূহ
পেৰালিম্পিক ফাইনেল ২০১৬ ৰিঅ': হাই জাম্প টি৪২; স্বৰ্ণ পদক
২০২০ টকিঅ': হাই জাম্প টি৬৩; ৰূপৰ পদক

মাৰীয়াপ্পান থানগাভেলু (ইংৰাজী: Mariyappan Thangavelu; জন্ম: ২৮ জুন ১৯৯৫)[1] এজন ভাৰতীয় পেৰালিম্পিক হাই জাম্প খেলুৱৈ। তেওঁ ভাৰতক প্ৰতিনিধিত্ব কৰি ২০১৬ চনত ব্ৰাজিলৰ ৰিঅ' দি জেনেৰিঅ'ত অনুষ্ঠিত গ্ৰীষ্মকালীন পেৰালিম্পিকত হাই জাম্প টি৪২ ইভেণ্টত স্বৰ্ণ পদক[2] আৰু ২০২০ চনত জাপানৰ টকিঅ'ত অনুষ্ঠিত গ্ৰীষ্মকালীন পেৰালিম্পিকত হাই জাম্প টি৬৩ ইভেণ্টত ৰূপৰ পদক লাভ কৰিছিল।[3]

২০১৭ চনৰ ভাৰত চৰকাৰে তেওঁক ক্ৰীড়াৰ ক্ষেত্ৰত আগবঢ়োৱা অৱদানৰ বাবে পদ্মশ্ৰী বঁটা প্ৰদান কৰে[4] আৰু সেই একে বছৰতে তেওঁক অৰ্জুন বঁটাও প্ৰদান কৰা হয়।[5] ভাৰত চৰকাৰে তেওঁক ২০২০ চনত দেশৰ সৰ্ব্বোচ্চ ক্ৰীড়া সন্মান খেলৰত্নৰে পুৰস্কৃত কৰে।[6]

প্ৰাৰম্ভিক জীৱন[সম্পাদনা কৰক]

তামিলনাডুৰ চালেম জিলাৰ পেৰিয়াভাদাগামপট্টি গাঁৱত মাৰীয়াপ্পানৰ জন্ম হৈছিল। তেওঁৰ পিতৃ তেওঁলোকৰ পৰিয়ালক এৰি গুচি যোৱাত তেওঁৰ মাতৃ সৰুজাযে ইটা কঢ়িয়াই, দিন হাজিৰা কৰি তেওঁলোকক পোহপাল দিয়ে। পিছলৈ তেওঁ শাক পাচলি বিক্ৰী কৰিবলৈ ধৰে আৰু দৈনিক মাত্ৰ ১০০ টকা লাভ কৰিছিল।[2] মাত্ৰ ৫ বছৰ বয়সত মাৰীয়াপ্পানক স্কুললৈ গৈ থকা অৱস্থাত এজন সুৰাপায়ী বাছ ড্ৰাইভাৰে তেওঁৰ ভৰিৰ ওপৰেদি বুজা চলাই নিয়ে। তাৰ বাবে মাৰীয়াপ্পানৰ সোঁ ভৰিৰ আঁঠুৰ তলৰ অংশ চিৰদিনৰ বাবে বিকলহৈ পৰে।[7]এই ঘটনাৰ পাছতো তেওঁ উচ্চতৰ মাধ্যমিক শিক্ষা সম্পূৰ্ণ কৰে।[2]

খেলুৱৈ জীৱন[সম্পাদনা কৰক]

ছাত্ৰ অৱস্থাত মাৰীয়াপ্পানে ভলিবল খেলি ভাল পাইছিল। পিছলৈ তেওঁৰ শাৰীৰিক শিক্ষাৰ শিক্ষকে তেওঁক হাই জাম্প চেষ্টা কৰিবলৈ পৰামৰ্শ দিয়ে। ১৪ বছৰ বয়সত এক প্ৰতিযোগিতাত তেওঁ সক্ষম লোকক পিছ পেলাই দ্বিতীয় স্থান লাভ কৰাৰ পাছত তেওঁৰ বন্ধুবৰ্গ আৰু চালেম জিলাৰ মানুহৰ পৰা বিশেষ উৎসাহ লাভ কৰিছিল। ২০১৩ চনৰ ৰাষ্ট্ৰীয় পেৰাএথলেটিকছ চেম্পিয়নশ্বিপ প্ৰতিযোগিতাত তেওঁৰ বৰ্তমান প্ৰশিক্ষক সত্যনাৰায়ণে তেওঁক লক্ষ্য কৰে আৰু ২০১৫ চনত নিজৰ ছাত্ৰ হিচাপে প্ৰশিক্ষণ দিবলৈ বেংগালুৰু লৈ আহে।[7]

২০১৬ চনৰ মাৰ্চ মাহত টুনিছিয়াত অনুষ্ঠিত আইপিচি গ্ৰেঁ প্ৰিঁৰ হাই জাম্প প্ৰতিযোগিতাত মাৰীয়াপ্পানে ১.৭৮ মিঃ উচ্চতা অতিক্ৰম কৰি ৰিঅ পেৰালিম্পিকলৈ নিৰ্বাচিত হয়।[7] ৰিঅ' পেৰালিম্পিকত তেওঁ পুৰুষৰ হাই জাম্প টি৪২ ত ১.৮৯ মিঃ উচ্চতা অতিক্ৰমী স্বৰ্ণ পদক লাভ কৰে।[8] ২০১৯ চনৰ নৱেম্বৰত তেওঁ ২০১৯ বিশ্ব পেৰা এথলেটিকছ চেম্পিয়নশ্বিপত পুৰুষৰ হাই জাম্প টি-৬৩ ইভেণ্টত ১.৮০ মিটাৰ উচ্চতা অতিক্ৰম কৰি ব্ৰঞ্জৰ পদক অৰ্জন কৰে।[9]

তেওঁ ২০২১ চনত জাপানৰ টকিঅ'ত অনুষ্ঠিত ২০২০ গ্ৰীষ্মকালীন পেৰালিম্পিকৰ হাই জাম্প টি৬৩ শাখাত ১.৮৬ মিটাৰ উচ্চতা অতিক্ৰম কৰি ৰূপৰ পদক লাভ কৰে। একেটা ইভেণ্টতে ভাৰতৰ শৰদ কুমাৰে ১.৮৩ মিটাৰেৰে ব্ৰঞ্জৰ পদক লাভ কৰে।[3]

ব্যক্তিগত জীৱন[সম্পাদনা কৰক]

২০১৫ চনত মাৰীয়াপ্পানে এভিএছ কলেজ অফ আৰ্টছ এণ্ড চাইন্সৰ পৰা বাণিজ্য প্ৰশাসন বিষয়ত স্নাতক ডিগ্ৰী লাভ কৰে। এতিয়া তেওঁ একেখন প্ৰতিষ্ঠানৰ পৰা বাণিজ্য প্ৰশাসন বিষয়ত স্নাতকোত্তৰ ডিগ্ৰী পাঠ্যক্ৰমত পঢ়িবলৈ ইচ্ছা কৰিছে।[8]

তেওঁৰ পৰিয়ালত এগৰাকী বায়েক সুধা আৰু দুজন ভায়েক কুমাৰ আৰু গোপী আছে।[8]

বঁটা আৰু সন্মান[সম্পাদনা কৰক]

২০১৬ গ্ৰীষ্মকালীন পেৰালিম্পিক ক্ৰীড়াত স্বৰ্ণ পদক লাভ কৰাৰ বাবে
  • তামিলনাডু চৰকাৰ তৰফৰ পৰা ২ কোটি টকা[12]
  • ভাৰতৰ ক্ৰীড়া আৰু যুৱকল্যাণ বিভাগৰ পৰা ৭৫ লাখ টকা[12]

তথ্য উৎস[সম্পাদনা কৰক]

  1. C., Aprameya (10 September 2016). "Rio Paralympics: Who is history-maker Mariyappan Thangavelu?". OneIndia.com. http://www.oneindia.com/sports/rio-paralympics-who-is-history-maker-mariyappan-thangavelu-2205708.html। আহৰণ কৰা হৈছে: 10 September 2016. 
  2. 2.0 2.1 2.2 Stalin, J. Sam Daniel (10 September 2016). "Paralympian Mariyappan Thangavelu's Golden Leap From Poverty". NDTV Sports. http://sports.ndtv.com/othersports/news/262708-paralympian-mariyappan-thangavelu-s-golden-leap-from-poverty। আহৰণ কৰা হৈছে: 10 September 2016. 
  3. 3.0 3.1 Sportstar, Team. "Tokyo Paralympics: Thangavelu Mariyappan wins silver, Sharad Kumar takes bronze in men's high jump" (en ভাষাত). https://sportstar.thehindu.com/olympics/tokyo-paralympics/tokyo-paralympics-thangavelu-mariyappan-wins-silver-sharad-kumar-takes-bronze-in-mens-high-jump/article36201260.ece. 
  4. "PadmaAwards-2017". http://padmaawards.gov.in/PDFS/PadmaAwards-2017_25012017.pdf. 
  5. "National Sports Awards: Centre unveils list, cricket sensation Harmanpreet Kaur to receive Arjuna Award". Financial Express. 22 August 2017. http://www.financialexpress.com/sports/national-sports-awards-centre-unveils-list-cricket-sensation-harmanpreet-kaur-to-receive-arjuna-award/819083/. 
  6. 6.0 6.1 "National Sports Awards 2020 announced – Rohit Sharma, Mariyappan T., Manik Batra, Ms Vinesh and Ms Rani bag the Khel Ratna" (Press release). Press Information Bureau, India. 21 August 2020. Archived from the original on 22 August 2020. https://web.archive.org/web/20200822113113/https://pib.gov.in/PressReleasePage.aspx?PRID=1647633। আহৰণ কৰা হৈছে: 21 August 2020. 
  7. 7.0 7.1 7.2 Chidananda, Shreedutta (20 May 2016). "It’s not beyond me, even gold is possible: Mariyappan". The Hindu. http://www.thehindu.com/sport/other-sports/its-not-beyond-me-even-gold-is-possible-mariyappan/article8622655.ece। আহৰণ কৰা হৈছে: 10 September 2016. 
  8. 8.0 8.1 8.2 "Indians bag gold, bronze in men's high jump in aralympics". The Hindu. 10 September 2016. http://www.thehindu.com/sport/mariyappan-thangavelu-wins-gold-in-mens-high-jump-at-rio-paralympics/article9093612.ece। আহৰণ কৰা হৈছে: 10 September 2016. 
  9. "Dubai 2019 - Schedule & Results" (en ভাষাত). https://www.paralympic.org/dubai-2019/schedule/info-live-results/atdu19/eng/zz/engzz_athletics-event-overview-men-s-high-jump-t63.htm. 
  10. "Ministry of Home Affairs: Padma Awards 2017". http://mha.nic.in/sites/upload_files/mha/files/PadmaAwards-2017_25012017.pdf. [সংযোগবিহীন উৎস]
  11. Periwal, Sunaina Rachel (30 August 2017). "Arjuna Award winner and Paralympic gold medalist Mariyappan Thangavelu desperate for stable job to sustain family". Sportskeeda. http://www.freepressjournal.in/latest-news/bhopal-1000-athletes-to-get-annual-scholarship-of-rs5-lakh-each-for-eight-years-rathore/1182458. 
  12. 12.0 12.1 "Rio Paralympics: Jayalalithaa announces Rs 2 crore award for gold medallist Mariyappan Thangavelu". The Indian Express. 10 September 2016. http://indianexpress.com/article/sports/sport-others/paralympics-gold-medallist-mariyappan-thangavelu-jayalalithaa-cash-award-2-crore-3023852/। আহৰণ কৰা হৈছে: 10 September 2016.