শৰ্ৱৰী

শৰ্ৱৰী
২০২৪ চনত শৰ্ৱৰী
জন্ম	শৰ্ৱৰী ৱাঘ ১৪ জুন, ১৯৯৭ (২৭ বছৰ) মুম্বাই, মহাৰাষ্ট্ৰ, ভাৰত
পেচা	অভিনেত্ৰী
সক্ৰিয় হৈ থকা সময়	২০২০–বৰ্তমান
আত্মীয়-স্বজন	মনোহৰ যোশী (ককা)

শৰ্ৱৰী ৱাঘ (ইংৰাজী: Sharvari Wagh; জন্ম: ১৪ জুন ১৯৯৭) শৰ্ৱৰী নামেৰে পৰিচিত, এগৰাকী ভাৰতীয় অভিনেত্ৰী। তেওঁ মূলতঃ হিন্দী চলচ্চিত্ৰত অভিনয় কৰে। ২০১৫ চনত লাভ ৰঞ্জন আৰু সঞ্জয় লীলা ভণশালীৰ সহকাৰী পৰিচালক হিচাপে তেওঁ নিজৰ কৰ্মজীৱনৰ আৰম্ভণি কৰিছিল। তাৰ পিছত তেওঁ কবীৰ খানৰ দ্বাৰা পৰিচালিত যুদ্ধধৰ্মী ধাৰাবাহিক দ্য ফৰ্গটেন আৰ্মি - আজাদি কে লিয়ে (২০২০)ৰ জৰিয়তে অভিনয় জগতত আত্মপ্ৰকাশ কৰিছিল।

য়শ ৰাজ ফিল্মছৰ হাস্যৰসাত্মক ছবি বাণ্টী ঔৰ বাবলী ২ (২০২১)ত অভিনয়েৰে তেওঁ বলিউডত খোজ দিয়ে আৰু উক্ত ছবিখনৰ বাবে তেওঁ শ্ৰেষ্ঠ নৱাগত অভিনেত্ৰীৰ ফিল্মফেয়াৰ বঁটা লাভ কৰে। ব্যৱসায়িকভাৱে সফল কমেডী হৰৰ ছবি মুঞ্জ্যা (২০২৪)ৰ জৰিয়তে তেওঁ বিৰাট সাফল্য অৰ্জন কৰে।

প্ৰাৰম্ভিক জীৱন

তেওঁ ১৯৯৭ চনত এটি মাৰাঠী পৰিয়ালত জন্মগ্ৰহণ কৰিছিল। তেওঁৰ পিতৃ শৈলেশ ৱাঘ, এগৰাকী বিল্ডাৰ আৰু মাতৃ নম্ৰতা ৱাঘ, এগৰাকী স্থপতিবিদ। মুম্বাইৰ দ্য দাদাৰ পাৰ্চী ইউথছ এছেম্বলি হাইস্কুল আৰু ৰূপাৰেল কলেজত তেওঁ অধ্যয়ন কৰিছিল। মহাৰাষ্ট্ৰৰ প্ৰাক্তন মুখ্যমন্ত্ৰী মনোহৰ যোশী আছিল তেওঁৰ ককাক।

কৰ্মজীৱন

শৰ্ৱৰীয়ে প্যাৰ কা পঞ্চনামা ২, বাজীৰাও মস্তানী আৰু চনু কে টিটু কি ছুইটি শীৰ্ষক ছবিকেইখনত সহকাৰী পৰিচালক হিচাপে কাম কৰিছিল। তেওঁ কৈছিল যে তেওঁ ২০১৪ চনৰ পৰা চলচ্চিত্ৰত এটা মুখ্য চৰিত্ৰৰ বাবে অডিচন দি আছিল। ২০২০ চনৰ আমাজন প্ৰাইমৰ ধাৰাবাহিক দ্য ফৰ্গটেন আৰ্মি - আজাদি কে লিয়েত ছানী কৌশলৰ বিপৰীতে অভিনয় কৰি তেওঁ ছবিজগতত আত্মপ্ৰকাশ কৰিছিল।

তেওঁ ২০২১ চনত ৰাণী মুখাৰ্জী, ছৈফ আলী খান আৰু সিদ্ধান্ত চতুৰ্বেদীৰ সৈতে য়শ ৰাজ ফিল্মছৰ হাস্যৰসাত্মক ছবি বাণ্টী ঔৰ বাবলী ২ (২০২১)ত অভিনয়েৰে বলিউডত অভিষেক ঘটায়। ছবিখনত অভিনয়ৰ বাবে তেওঁ শ্ৰেষ্ঠ নৱাগত অভিনেত্ৰীৰ ফিল্মফেয়াৰ বঁটা আৰু বৰ্ষশ্ৰেষ্ঠ নৱাগত তাৰকা অভিনেত্ৰীৰ আইফা বঁটা লাভ কৰে। হিন্দুস্তান টাইমছে উল্লেখ কৰে যে, "শৰ্ৱৰী তেওঁৰ প্ৰথমখন ছবিৰ বাবে যথেষ্ট আত্মবিশ্বাসী আৰু পৰ্দাত তেওঁৰ উপস্থিতি অতি উত্তম।" যদিও বক্স অফিচত ছবিখনৰ প্ৰদৰ্শন ভাল নহ’ল।

তেওঁৰ পৰৱৰ্তী ছবিখন আছিল ২০২৪ চনত মুক্তিপ্ৰাপ্ত কমেডী হৰৰ ছবি মুঞ্জ্যা। মহাৰাষ্ট্ৰীয় লোককথা মুঞ্জ্যাৰ দ্বাৰা অনুপ্ৰাণিত হৈ নিৰ্মিত ছবিখন মেডক ছুপাৰনেচাৰেল ইউনিভাৰ্ছৰ চতুৰ্থ কিস্তি আছিল। ৰেডিফৰ সুকন্যা বাৰ্মাই মতামত দিছিল, "শৰ্ৱৰীয়ে এগৰাকী দৃঢ়মনা তথা হাঁহিমুখীয়া অভিনেত্ৰী হোৱাৰ পৰিচয় দাঙি ধৰিলে"। বাণিজ্যিকভাৱে ছবিখনে শ্লিপাৰ হিট হয় আৰু তেওঁৰ চৰিত্ৰটি ব্ৰেকআউট ৰ’ল বুলি প্ৰমাণিত হয়। ইয়াৰ পিছত নেটফ্লিক্সত মুক্তি পোৱা ঐতিহাসিক কথাছবি মহাৰাজত নৱাগত অভিনেতা জুনেইদ খানৰ বিপৰীতে তেওঁ অভিনয় কৰিছিল। বছৰৰ তৃতীয়খন ছবি আছিল জন আব্ৰাহামৰ বিপৰীতে অভিনীত একচন ছবি বেদা য'ত তেওঁ এগৰাকী দলিত মহিলাৰ চৰিত্ৰত অভিনয় কৰিছিল। ছবিখনে মিশ্ৰিত পৰ্যালোচনা লাভ কৰে। স্ক্ৰল.ইনৰ নন্দিনী ৰামনাথে উল্লেখ কৰে যে শৰ্ৱৰীয়ে কিমান ভালদৰে "নায়িকা চৰিত্ৰৰ যুঁজাৰু মনোভাৱক নেতৃত্ব দিয়ে"।

ইয়াৰ পিছত শৰ্ৱৰীয়ে আলিয়া ভাটৰ নেতৃত্বত নিৰ্মিত, ৱাইআৰএফ স্পাই ইউনিভাৰ্ছৰ আগন্তুক ছবি, আলফাত অভিনয় কৰিব।

চলচ্চিত্ৰপুঞ্জী

চলচ্চিত্ৰ

টোকা

এতিয়াও মুক্তি লাভ কৰা নাই

বৰ্ষ	শিৰোনাম	ভূমিকা	টোকা	তথ্য.
২০১৫	প্যাৰ কা পঞ্চনামা ২	প্ৰযোজ্য নহয়	সহকাৰী পৰিচালক
	বাজীৰাও মস্তানী	প্ৰযোজ্য নহয়	সহকাৰী পৰিচালক
২০১৮	চনু কে টিটু কি ছুইটি	প্ৰযোজ্য নহয়	সহকাৰী পৰিচালক
২০২১	বাণ্টী ঔৰ বাবলী ২	ছ’নিয়া/বাবলী
২০২৪	মুঞ্জ্যা	বেলা
	মহাৰাজ	বিৰাজ	বিশেষ উপস্থিতি
	বেদা	বেদা
ঘোষণা হ’ব	আলফা	ঘোষণা হ’ব	চিত্ৰগ্ৰহণ

দূৰদৰ্শন

বৰ্ষ	শিৰোনাম	ভূমিকা	তথ্য.
২০২০	দ্য ফৰ্গটেন আৰ্মি - আজাদি কে লিয়ে	মায়া শ্ৰীনিৱাসন

বঁটা আৰু মনোনয়ন

বৰ্ষ	বঁটা	শিতান	কৰ্ম	ফলাফল	তথ‌্য.
২০২২	২২তম আইফা বঁটা	বৰ্ষশ্ৰেষ্ঠ নৱাগত তাৰকা – অভিনেত্ৰী	বাণ্টী ঔৰ বাবলী ২	বিজয়ী
	৬৭তম ফিল্মফেয়াৰ বঁটা	শ্ৰেষ্ঠ নৱাগত অভিনেত্ৰী		বিজয়ী
	পিংকভিলা স্ক্ৰীণ আৰু ষ্টাইল আইকন বঁটা	ষ্টাইলিছ উদীয়মান প্ৰতিভা - অভিনেত্ৰী	প্ৰযোজ্য নহয়	মনোনীত

বাহ্যিক সংযোগ

• শৰ্ৱৰী সম্পৰ্কে ইণ্টাৰনেট মুভি ডাটাবেছত থকা তথ্য।
• শৰ্ৱৰী সম্পৰ্কে বলিউড হাংগামাত থকা তথ্য
• ইনষ্টাগ্ৰামত শৰ্ৱৰী