ড° ভূৱনেশ্বৰ বৰুৱা কৰ্কট প্ৰতিষ্ঠান

অসমীয়া ৱিকিপিডিয়াৰ পৰা
Jump to navigation Jump to search
ড॰ ভুৱনেশ্বৰ বৰুৱা কৰ্কট প্ৰতিষ্ঠান
.-
ভৌগলিক
অৱস্থান গুৱাহাটী, উত্তৰ-পূব ভাৰত, অসম, ভাৰত
সংস্থান
চিকিৎসালয়ৰ প্ৰকাৰ কৰ্কট ৰোগ
সেৱাসমূহ
বিচনা ২০০ খন
ইতিহাস
প্ৰতিষ্ঠা ড॰ বি বৰুৱা কেঞ্চাৰ চোচাইটি ন্যাস
সংযোগসমূহ
ৱেবছাইট [1]
তালিকা

ড॰ ভুৱনেশ্বৰ বৰুৱা কৰ্কট প্ৰতিষ্ঠান (ইংৰাজী: Dr. Bhubaneswar Borooah Cancer Institute), চমুকৈ BBCI অসমৰ মুখ্য নগৰ গুৱাহাটীৰ গোপীনাথ বৰদলৈ নগৰ অঞ্চলত অৱস্থিত এটা স্বায়ত্ত্ব-শাসিত কৰ্কট ৰোগৰ চিকিত্সা প্ৰতিষ্ঠান আৰু গৱেষণা কেন্দ্ৰ। এগৰাকী মহান চিকিত্সক আৰু স্বাধীনতা সংগ্ৰামী ড॰ ভুৱনেশ্বৰ বৰুৱাৰ নামেৰ নামাঙ্কিত আৰু এটা স্বেচ্ছাসেৱী সংস্থা 'ড॰ বি বৰুৱা কেঞ্চাৰ চোচাইটি ন্যাস'ৰ দ্বাৰা প্ৰতিষ্ঠিত এই চিকিত্সা প্ৰতিষ্ঠানটো ১৯৭৩ চনৰ ১৮ নৱেম্বৰৰ দিনা আনুষ্ঠানিকভাবে উদ্বোধন কৰা হৈছিল। পিছে প্ৰতিষ্ঠানটোৰ চিকিত্সা-সম্পৰ্কীয় কাম-কাজ ১৯৭৪ চনৰ পৰাহে আৰম্ভ হৈছিল।[1] ড॰ এ চি কাকতি বৰ্তমান ইয়াৰ সঞ্চালক।[2]

ইতিহাস[সম্পাদনা কৰক]

১৯৫৮ চনত এখন ৰাজহুৱা সভাত গুৱাহাটীত এগৰাকী মহান চিকিত্সক আৰু স্বাধীনতা সংগ্ৰামী ড॰ ভুৱনেশ্বৰ বৰুৱাৰ (৪ চেপ্তেম্বৰ ১৮৯৩- ২৫ চেপ্তেম্বৰ ১৯৫৬) সোঁৱৰণত এখন কৰ্কট ৰোগৰ চিকিত্সালয় স্থাপন কৰাৰ প্ৰস্থাৱ লোৱা হয়। প্ৰতিষ্ঠানটো নিৰ্মাণ আৰু পৰিচালনা কৰিবলৈ 'ড॰ বি বৰুৱা কেঞ্চাৰ চোচাইটি' নামেৰে এটা ন্যাস গঠন কৰা হয়। ন্যাসৰ প্ৰতিষ্ঠাপক সচিব আছিল ড॰ ভুৱনেশ্বৰ বৰুৱাৰ সুযোগ্য ভাতৃ ড॰ কণক চন্দ্ৰ বৰুৱা। ১৯৭৩ চনৰ ১৮ নৱেম্বৰৰ দিনা গুৱাহাটীৰ গোপীনাথ বৰদলৈ নগৰত স্থাপন কৰা ড॰ ভুৱনেশ্বৰ বৰুৱা কৰ্কট চিকিত্সা প্ৰতিষ্ঠানৰ আনুষ্ঠানিকভাবে উদ্বোধন কৰা হয় যদিও চিকিত্সা-সম্পৰ্কীয় কাম-কাজ ১৯৭৪ চনৰ পৰাহে আৰম্ভ হয়। বিভিন্ন সময়ত অসমৰ মুখ্যমন্ত্ৰীৰ আসনত বহা তিনিগৰাকীকৈ ব্যক্তি- বিষ্ণুৰাম মেধি, মহেন্দ্ৰ মোহন চৌধুৰী আৰু বিমলা প্ৰসাদ চলিহাকে ধৰি দেবেন্দ্ৰনাথ শৰ্মা, ড॰ ঘনশ্যাম দাস, ড॰ বীৰেন্দ্ৰ নাথ চৌধুৰী আদি বহু ব্যক্তিয়ে কৰ্কট প্ৰতিষ্ঠানটোৰ উন্নয়নৰ বাবে কাম কৰি গৈছে। -[3]

ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ে ১৯৮০ চনত প্ৰতিষ্ঠানটোক আঞ্চলিক কৰ্কট কেন্দ্ৰ ৰূপে অনুমোদন জনায়। ১৯৮৬ চনৰ ৬ আগষ্টত 'ড॰ বি বৰুৱা কেঞ্চাৰ চোচাইটি' ন্যাসে প্ৰতিষ্ঠানটোৰ স্বায়ত্ত্ব-শাসন অক্ষুণ্ণ ৰাখিবলৈ ইয়াক অসম চৰকাৰলৈ হস্তান্তৰ কৰে। প্ৰতিষ্ঠানটোক বিত্তীয় পৰিপোষণ কৰিবলৈ অসম চৰকাৰ, উত্তৰ-পূব পৰিষদ আৰু ভাৰত চৰকাৰৰ পাৰমাণৱিক শক্তি বিভাগৰ মাজত চাৰিখনকৈ ত্ৰিপক্ষীয় চুক্তি সম্পাদন কৰা হৈছে। এই চুক্তিকেইখনৰ কাৰ্যকাল এনেধৰণৰ-[4][5][6]

১ম চুক্তি- ১৯৮৯ চনৰ নৱেম্বৰৰ পৰা
২য় চুক্তি- ১ এপ্ৰিল ১৯৯৮ৰ পৰা ৩১ মাৰ্চ ২০০৪লৈ
৩য় চুক্তি- ১ এপ্ৰিল ২০০৪ৰ পৰা ৩১ মাৰ্চ ২০১২লৈ
৪ৰ্থ চুক্তি- ১ এপ্ৰিল ২০১২ৰ পৰা ৩১ মাৰ্চ ২০১৭লৈ

পৰিগাঁথনি[সম্পাদনা কৰক]

তথ্যসূত্ৰ[সম্পাদনা কৰক]

  1. http://www.bbcionline.org/aboutus.htm ড॰বি বৰুৱা কৰ্কট প্ৰতিষ্ঠান
  2. http://www.bbcionline.org/staff.htm ড॰ বি বৰুৱা কৰ্কট প্ৰতিষ্ঠানৰ বিষয়া-কৰ্মচাৰী
  3. http://www.bbcionline.org/aboutus.htm ড॰বি বৰুৱা কৰ্কট প্ৰতিষ্ঠান
  4. http://www.bbcionline.org/aboutus.htm ড॰বি বৰুৱা কৰ্কট প্ৰতিষ্ঠান
  5. http://www.assamtribune.com/scripts/detailsnew.asp?id=apr2012/city06 বি বৰুৱা কৰ্কট প্ৰতিষ্ঠানৰ উন্নয়নৰ বাবে গ্ৰহণ কৰা প্ৰকল্প
  6. http://necouncil.nic.in/index3.asp?sslid=117&subsublinkid=193 উত্তৰ-পূব পৰিষদ

বহি:সংযোগ[সম্পাদনা কৰক]