ৱিকিপিডিয়ানৰ মনৰ কথা  |
 ড৹ ৰবীন জামান
বহুদিনৰে পৰাই ইচ্ছা আছিল ৱিকিপিডিয়াত লিখাৰ। কিন্তু ৱিকিত কেনেকৈ লিখিব পাৰি তাকে বুজিব পৰা নাছিলোঁ। যোৱা ৮ এপ্ৰিল তাৰিখে (লোকডাউনৰ সময়তে) ফেচবুক খুচুৰি থাকোঁতে ৱিকিপিডিয়া সম্পৰ্কে ফেচবুকত কুল শইকীয়া ছাৰৰ এটি পোষ্ট দেখা পালোঁ, য'ত তেখেতে লিখিছিল " ইণ্টাৰনেটৰ যুগত অসমীয়া ভাষাটোক ডিজিটেল মাধ্যমত সমৃদ্ধ কৰিবলৈ ৱিকিপিডিয়াত লিখাটো অতি প্ৰয়োজন৷ ২০০২ চনতে অসমীয়া ৱিকিপিডিয়া মুকলি কৰা হৈছিল, কিন্তু আজিকোপতি ইয়াত লিখা মেলা কৰা লোকৰ সংখ্যা যথেষ্ট কম৷ আন ভাৰতীয় ভাষাসমূহৰ লগত ফেৰ মাৰিবলৈ অসম সাহিত্য সভাই অসমীয়া ৱিকিপিডিয়াৰ প্ৰসাৰ বৃদ্ধিৰ বিষয়টোত যথেষ্ট গুৰুত্ব দিছে৷" ছাৰৰ এই কথাখিনি পঢ়ি ময়ো ৱিকিপিডিয়াত লিখাৰ বাবে আগ্ৰহী হ'লোঁ৷ ৱিকিত কেনেকৈ লিখে বুলি ছাৰৰ পোষ্টটিত কমেণ্ট এটা কৰিলোঁ, লগে লগে ৱিকিপিডিয়াৰ সক্ৰিয় সদস্য নয়নজ্যোতি নাথে প্ৰত্যুত্তৰ দিলে। ভাইটি নয়নৰ সহায়ত ময়ো উৎসাহিত হৈ লিখিবলৈ ল'লোঁ। এই বছৰৰ এপ্ৰিল মাহতে মই মোৰ প্ৰথম প্ৰৱন্ধটি লিখোঁ আৰু প্ৰথম মাহতে 'ৱিকি উদ্যোগীৰ পদক' আৰু 'প্ৰতিভাবান ন-সম্পাদকৰ পদক' দুটা লাভ কৰোঁ। পদক পাই যথেষ্ট উৎসাহিত হৈ কাম কৰিবলৈ লওঁ আৰু পিছৰ মাহত আকৌ 'বিশিষ্ট লেখক পদক' লাভ কৰোঁ। প্ৰথমৰ পিনে মোৰ খুবেই ভুল হৈছিল আৰু মই যথেষ্ট হতাশো হৈছিলোঁ নোৱাৰাৰ বাবে। কিন্তু নয়নজ্যোতি, বাবুল দা, মৃদুলদা, অজয়, ভাস্কৰ, দিব্য, ঈশানহঁতৰ লগতে ৱিকিপিডিয়াৰ অন্যান্য সদস্যৰ সহায়ত ময়ো লিখিব পৰা হ'লোঁ। সকলোৰে প্ৰতি মই চিৰকৃতজ্ঞ। ৱিকিত লিখাৰ বাবে এতিয়াও পাকৈত হোৱা নাই বাবে হীন্যমনতাত ভুগো যদিও অসমীয়া ৱিকিপিডিয়াৰ সদস্যসকলৰ সেৱাৰ মনোভাৱ দেখি মনত সাহস পাওঁ। অসমীয়া ৱিকিপিডিয়াৰ সদস্যসকলে মাজে সময়ে পতা কৰ্মশালাৰ লগতে ইউটিউবত আপলোড কৰা ভিডিঅ’বোৰৰ জৰিয়তে ভালেখিনি কথাও জানিব পাৰি উপকৃত হ'লোঁ। ৱিকিত কিয় লিখোঁ বুলি লগৰবিলাকে কেতিয়াবা কেতিয়াবা প্ৰশ্ন কৰাত মই কওঁ যে "নৱ প্ৰজন্মৰ বাবে লিখোঁ, যাতে বৰ্তমানৰ লগতে ভৱিষ্যতেও কিবা এটা বিষয়ৰ তথ্যসমৃদ্ধ লিখনিৰ অভাৱ তেওঁলোকে নকৰে, সেয়ে লিখোঁ।" অৱশ্যে ৱিকিত লিখিবলৈ গৈ ময়ো ব্যক্তিগতভাৱে লাভান্বিত হৈছোঁ। কাৰণ ৱিকিপিডিয়াত নতুন প্ৰৱন্ধ সৃষ্টি কৰিবলৈ হ'লে যথেষ্ট কিতাপপত্ৰ পঢ়িব লগা হয় বিভিন্ন তথ্যপাতিৰ বাবে। ৱিকিপিডিয়াৰ বাবেই আমাৰ মানকাচৰ কলেজৰ লাইব্ৰেৰীৰ কোন চেল্ফত কি কিতাপ আছে ক’ব পৰা হ'লোঁ। সেয়ে ৱিকিক অন্তৰৰ পৰা ধন্যবাদ জনাইছোঁ বহুতো নজনা কথা জানিব পৰাৰ বাবে। সদৌ শেষত অসমীয়া ৱিকিপিডিয়াৰ জয়যাত্ৰা কামনা কৰি মই মোৰ লিখনি সামৰিছোঁ।
ড০ ৰবীন জামান (talk) 16:59, 30 September 2020 (ইউ.টি.চি.)[উত্তৰ দিয়ক]
|
ভাল প্ৰবন্ধ |
হৰিশ-চন্দ্ৰ ( ইংৰাজী: Harish-Chandra; ১১ অক্টোবৰ, ১৯২৩ – ১৬ অক্টোবৰ, ১৯৮৩) এজন ভাৰতীয় মূলৰ আমেৰিকান গণিতজ্ঞ আৰু পদাৰ্থ বিজ্ঞানী। তেওঁ নিজৰ নামটো হৰিশচন্দ্ৰ বুলিয়েই লিখিছিল যদিও তেওঁৰ প্ৰথমখন বৈজ্ঞানিক গৱেষণা পত্ৰৰ প্ৰকাশৰ সময়ত সম্পাদকে তেওঁৰ নামটোৰ শব্দযুগলৰ মাজত এডাল হাইফেন বহুৱাই দিলে, হৰিশ-চন্দ্ৰ। তেতিয়াৰে পৰা তেওঁ নামটো সেইধৰণে লিখিবলৈ লয়। তেওঁ 'প্ৰতিনিধিত্ব তত্ত্ব' (representation theory), বিশেষকৈ অৰ্ধসৰল লী সংঘ(semisimple Lie group)ৰ সমঞ্জস বিশ্লেষণ (harmonic analysis)ৰ ওপৰত কাম কৰিছে। তেওঁৰ দেউতাক চন্দ্ৰকিশোৰ আছিল জলসিঞ্চন বিভাগৰ এজন অভিযন্তা। মাতৃৰ নাম চন্দ্ৰাননী। বিয়াৰ আগতে মাকৰ নাম আছিল সত্যগতি শেঠ।
প্ৰবন্ধটি ইয়াত বিতংকৈ পঢ়ক
যোৱা মাহৰ ভাল প্ৰবন্ধ ৰুবুল মাউতৰ বিষয়ে ইয়াত বিতংকৈ পঢ়িব পাৰে...
|
ছেপ্টেম্বৰ-২০২০ত সৃষ্টি কৰা প্ৰবন্ধসমূহ |
মুঠ প্ৰবন্ধৰ সংখ্যা = ৫৬
|
|
|
নিৰ্বাচিত চিত্ৰ |
মেঘ আৰু সুৰুজৰ হেঙুলী আভাৰে জিলিকি উঠা পুৱাৰ আকাশৰ এটি ৰূপ, অসমৰ এটি বিদ্যুৎ গ্ৰীড উপ-কেন্দ্ৰত৷
আলোকচিত্ৰশিল্পী: ঈশান জ্যোতি বৰা |
গীতাৰ্থ বৰদলৈ: ২০১১ চনৰ পৰা ৱিকিপিডিয়াৰ সৈতে জড়িত এজন দক্ষ আৰু কৌশলী ৱিকিপিডিয়ান। তেওঁ অসমীয়া ৱিকিপিডিয়াৰ এগৰাকী প্ৰশাসক৷ যোৰহাটৰ ৱিকিমিডিয়ানগৰাকী বৰ্তমান স্বাস্থ্য বিভাগত কৰ্মৰত। অসমীয়া ৱিকিপিডিয়াত তেওঁৰ সম্পাদনাৰ সংখ্যা ৯,৫৭১ আৰু ৱিকিপিডিয়াত সৃষ্টি কৰা পৃষ্ঠাৰ সংখ্যা ৩৪৪। অসমীয়া ৱিকিপিডিয়াৰ লগতে তেওঁ ইংৰাজী ৱিকিপিডিয়া, ৱিকিউৎস আদি কেইবাটাও প্ৰকল্পত বৰ্তমানলৈকে মুঠ ২০,৮৮৯টা সম্পাদনা কৰিছে। অসমীয়া ৱিকিপিডিয়া আৰু কমন্সত বৰ্তমানলৈকে মুঠ ৪৬২ খন চিত্ৰ আপল’ড কৰিছে। অমূল্য অৱদানৰ বাবে অসমীয়া ৱিকিমিডিয়া সমাজে তেওঁক “এই মাহৰ ৱিকিমিডিয়ান”, “অক্লান্ত কৰ্মী পদক”, “ৱিকিউৎস পদক” আদি পদকেৰে কেইবাবাৰো সন্মানিত কৰিছে। আমি তেওঁৰ উত্তৰোত্তৰ উন্নতি কামনা কৰিলোঁ।
|
পদক |
|
|
উল্লেখনীয় কাম |
- অসমীয়া ৱিকিপিডিয়াত লেখাৰ সংখ্যা ৭২৫০ টালৈ বৃদ্ধি পালে।
- অসমীয়া ৱিকিউৎসত উপলব্ধ গ্ৰন্থৰ সংখ্যা ২৭৫ খনলৈ বৃদ্ধি পালে।
- ২৭ ছেপ্টেম্বৰত অসমীয়া ৱিকিপিডিয়া সমাজৰ প্ৰচেষ্টাত দ্বিতীয়খন অনলাইন কৰ্মশালা অনুষ্ঠিত হয়। কৰ্মশালাৰ সবিশেষ ইয়াত পঢ়ক
- ৱিকিউৎসত ছেপ্টেম্বৰ,২০২০ মাহত সম্পূৰ্ণ হোৱা গ্ৰন্থসমূহ হৈছে:
|
পৰিসংখ্যা আৰু অন্যান্য |
পৰিসংখ্যা
অন্যান্য সংযোগ
ঘোষণা
|
|
.svg){kind=icon}
_-_The_Noun_Project.svg){kind=small}
