অৰূপ কুমাৰ দত্ত

অসমীয়া ৱিকিপিডিয়াৰ পৰা
Jump to navigation Jump to search
অৰূপ কুমাৰ দত্ত
জন্ম ১৯৪৬
যোৰহাট, অসম, ভাৰত
ৰাষ্ট্ৰীয়তা ভাৰত
শিক্ষানুষ্ঠান দিল্লী বিশ্ববিদ্যালয়
দা লৰেন্স স্কুল, চনাৱাৰ
পেচা লেখক, সাংবাদিক
বঁটা, সন্মান, পুৰস্কাৰ আদি পদ্মশ্ৰী, ২০১৮


অৰূপ কুমাৰ দত্ত এজন ভাৰতীয় লেখক তথা সাংবাদিক। তেওঁ প্ৰাপ্ত বয়স্ক সকলৰ বাবে ১৬ খন গ্ৰন্থ আৰু কিশোৰ-কিশোৰী সকলৰ বাবে ১৭ খন অভিযান উপন্যাস ৰচনা কৰিছে। ২০১৪ চনত এছচিয়েছন অফ ৰাইটাৰছ আৰু ইলাষ্ট্ৰেটৰছ ফৰ চিল্ডৰেনে তেওঁক জীৱনজোৰা সাধনা বঁটা প্ৰদান কৰে। [1]তেওঁ আন্তৰ্জাতিক শিশু বৰ্ষৰ বাবে প্ৰদান কৰা ১৯৭৯ চনৰ শংকৰ বঁটাৰ বাহিৰেও বহুতো বঁটা-পুৰস্কাৰ আদি লাভ কৰিছে।[2] তেওঁৰ অৱদানৰ বাবে ভাৰত চৰকাৰে তেওঁক ২০১৮ বৰ্ষত পদ্মশ্ৰী বঁটা প্ৰদান কৰে।[3]

ব্যক্তিগত জীৱন[সম্পাদনা কৰক]

১৯৪৬ চনৰ ২ জুলাইত যোৰহাটত অৰূপ কুমাৰ দত্তৰ জন্ম হৈছিল। তেওঁৰ পিতৃ গিৰীশ দত্ত আৰু মাতৃ ইন্দিৰা দত্ত। ৮ বছৰ বয়সত তেওঁক হিমাচল প্ৰদেশৰ দা লৰেন্স স্কুলত নামভৰ্তি কৰোৱা হয়। তাৰ পৰা তেওঁ ১৯৬২ চনত চিনিয়ৰ কেম্ব্ৰিজ পৰীক্ষা উত্তীৰ্ণ হয়। তাৰ পিছত তেওঁ দিল্লী বিশ্ববিদ্যালয়ৰ অন্তৰ্গত ৰামজাছ কলেজত নামভৰ্তি কৰে আৰু ১৯৬৬ চনত তাৰ পৰা ইংৰাজী সাহিত্যত স্নাতক ডিগ্ৰী লাভ কৰে। তাৰ পিছত তেওঁ ১৯৬৯ চনত দিল্লী বিশ্ববিদ্যালয়ৰ পৰা ইংৰাজী সাহিত্যত স্নাতকোত্তৰ ডিগ্ৰী লাভ কৰে।

পঢ়া সামৰি তেওঁ অসমলৈ ঘূৰি আহে আৰু জগন্নাথ বৰুৱা মহাবিদ্যালয়ত ইংৰাজী বিভাগৰ অধ্যাপক হিচাপে কৰ্মজীৱন আৰম্ভ কৰে। অধ্যাপনাৰ সমসাময়িক ভাবে তেওঁ সাংবাদিকতাৰ ক্ষেত্ৰ খনত প্ৰৱেশ কৰে আৰু নিয়মীয়াকৈ বিভিন্ন আলোচনী তথা বাতৰিকাকতত লিখিবলৈ লয়।[4]

সাহিত্য কৰ্ম[সম্পাদনা কৰক]

  • ইউনিকৰ্নিচ (১৯৯১)
  • চাহ গৰম, দা টি ষ্টৰী (১৯৯১)
  • নেচাৰ কুইজ বুক (১৯৯১)
  • দা খঙীয়া বৰুৱাছ অফ ঠেঙাল (১৯৯৪)
  • হেমাৰ ব্ল' (১৯৯৬)
  • ইণ্ডিয়ান ৰেলৱেছ, দা ফাইনেল ফ্ৰণ্টিয়াৰ (২০০২)
  • দা ৰভিং মিনিষ্ট্ৰেল (২০০২)
  • জ্যোতি প্ৰসাদ, প্ৰিন্স অফ বিউটি (২০০৩)
  • পথৰুঘাট (২০১০)[5]
১৯৮২ চনত দিল্লীত এক বঁটা প্ৰদান অনুষ্ঠানত অৰূপ কুমাৰ দত্ত

কল্প-সাহিত্য[সম্পাদনা কৰক]

  • কাজিৰঙা ট্ৰেইল (১৯৭৮)
  • ট্ৰাবল এট কলঙিজান (১৯৮২)
  • দা ব্লাইণ্ড ৱিটনেছ (১৯৮৩)
  • এ ষ্টৰী এবাউট টি (১৯৮৫)
  • দা লুৰ অফ ঝাংৰিলা (১৯৮৬)
  • ৰিভেঞ্জ (১৯৮৬)
  • স্মেক (১৯৯০)
  • চেভ দা পুল (১৯৯০)
  • অহ! ডিয়াৰ (১৯৯৭)
  • দা ক্ৰিষ্টেল কেভ (১৯৯৭)
  • ফুটপ্ৰিন্টছ ইন দা চেণ্ড (১৯৯৯)
  • দা কাউণ্টাৰফেইট ট্রেজাৰ (২০০১)
  • এডভেণ্টচাৰ ষ্টৰীছ গোল্ডেন ছেট (২০০৩)
  • দা বয় হু বিকাম কিং (২০০৪)
  • দা অনাগৰিকাছ শ্বানচং (২০০৯)
  • এডভেণ্টচাৰ অম্নীবাছ (২০১৪)

বঁটা আৰু সন্মান[সম্পাদনা কৰক]

  • কাজিৰঙা ট্ৰেইল (১৯৭৮), ট্ৰাবল এট কলঙিজান (১৯৮২), দা ব্লাইণ্ড ৱিটনেছ (১৯৮৩) আৰু স্মেক (১৯৯০) গ্ৰন্থলৈ চিল্ডৰেন বুক ট্ৰাষ্টৰ চিল্ডৰেন বুক পুৰস্কাৰ।
  • ১৯৭৯ চনত আন্তৰ্জাতিক শিশু বৰ্ষ উপলক্ষে প্ৰদান কৰা শংকৰ বঁটা
  • জাৰ্ণালিষ্ট ৱেলফেয়াৰ ফাউণ্ডেচন বঁটা, ১৯৮২
  • ৰিভেঞ্জ কিতাপৰ বাবে ১৯৮৭ চনৰ এনচিইআৰটি বেষ্ট বুক অফ দা ইয়াৰ বঁটা
  • সাংবাদিকতাৰ বাবে শিৱপ্ৰসাদ বৰুৱা ৰাষ্ট্ৰীয় বঁটা, ২০০৪
  • এছচিয়েছন অফ ৰাইটাৰছ আৰু ইলাষ্ট্ৰেটৰছ ফৰ চিল্ডৰেনৰ জীৱনজোৰা সাধনা বঁটা, ২০১৪
  • ভাৰত চৰকাৰৰ দ্বাৰা পদ্মশ্ৰী বঁটা, ২০১৮[6]
  • ডিব্ৰুগড় বিশ্ববিদ্যালয়ৰ সন্মানীয় ডি.লিট ডিগ্ৰী, ২০১৮

তথ্য উৎস[সম্পাদনা কৰক]