কামেশ্বৰ ব্ৰহ্ম

কামেশ্বৰ ব্ৰহ্ম
জন্ম	১ ছেপ্টেম্বৰ, ১৯৪০ (৮৪ বছৰ) ভুমুকা গাঁও, কোকৰাঝাৰ জিলা, অসম
পেচা	সাহিত্যিক শিক্ষাবিদ
জনা যায়	বড়ো সাহিত্য
পিতৃ-মাতৃ	তৰামণি ব্ৰহ্ম (পিতৃ) সনথি ব্ৰহ্ম (মাতৃ)
আত্মীয়-স্বজন	বিনেশ্বৰ ব্ৰহ্ম (ভাতৃ)
বঁটা, সন্মান, পুৰস্কাৰ আদি	পদ্মশ্ৰী, ২০১৬

ড॰ কামেশ্বৰ ব্ৰহ্ম (জন্ম: ১ ছেপ্টেম্বৰ ১৯৪০) এগৰাকী ভাৰতীয় সাহিত্যিক তথা শিক্ষাবিদ। তেওঁ ২০০৮ চনৰ পৰা ২০১৭ চনলৈ বড়ো সাহিত্য সভাৰ সভাপতি আছিল। তেওঁ অসমৰ গোঁসাইগাঁও মহাবিদ্যালয়ৰ প্ৰাপ্তন অধ্যক্ষ আছিল। ১৯৪০ চনৰ ১ ছেপ্টেম্বৰ তাৰিখে অসমৰ কোকৰাঝাৰ জিলাৰ ভুমুকা গাঁৱত তেওঁৰ জন্ম হৈছিল। তেওঁ নিজৰ লিখনি আৰু কাম-কাজৰ জৰিয়তে বড়ো ভাষাৰ উন্নয়নৰ বাবে অৰিহণা আগবঢ়াইছিল। তেওঁ অসম সাহিত্য সভাৰ লগতো জড়িত আছিল। তেওঁ বড়োলেণ্ড ক্ষেত্ৰীয় পৰিষদৰ বিভিন্ন সামাজিক কাম-কাজৰ লগত জড়িত হৈ আছে। ২০১৬ চনত ভাৰত চৰকাৰে সাহিত্য আৰু শিক্ষা জগতত তেওঁৰ অৱদানৰ স্বীকৃতি স্বৰূপে ভাৰতৰ চতুৰ্থ সৰ্বোচ্চ অসামৰিক সন্মান পদ্মশ্ৰী প্ৰদান কৰে। পদ্মশ্ৰী লাভ কৰা তেওঁ দ্বিতীয় গৰাকী বড়ো ব্যক্তি। বিখ্যাত বড়ো সাহিত্যিক তথা বড়ো সাহিত্য সভাৰ প্ৰাপ্তন সভাপতি বিনেশ্বৰ ব্ৰহ্ম তেওঁৰ কনিষ্ঠ ভাতৃ।

লগতে চাওক

• বিনেশ্বৰ ব্ৰহ্ম
• বড়ো সাহিত্য সভা