আলং

অসমীয়া ৱিকিপিডিয়াৰ পৰা
Jump to navigation Jump to search
আলং
—  নগৰ  —
আলং
আলংৰ অৱস্থান
অৰুণাচল প্ৰদেশ আৰু ভাৰত
স্থানাঙ্ক 28°10′N 94°46′E / 28.17°N 94.77°E / 28.17; 94.77
দেশ  ভাৰত
ৰাজ্য অৰুণাচল প্ৰদেশ
জিলা পশ্চিম ছিয়াং
প্ৰতিষ্ঠা ১৯৪৮
জনসংখ্যা 20,680[1] (2011)
চৰকাৰী ভাষা ইংৰাজী
সময় অঞ্চল ভা.মা.স. (গ্ৰী.মা.স.+০৫:৩০)
মাটিকালি

উচ্চতা


619 m (2,031 ft)

জলবায়ু

অধঃক্ষেপন
উষ্ণতা
• গ্ৰীষ্মকালিন
• শীতকালিন

Cfa (Köppen)

     2.5 mm ( in)

     ২৪.৭°ছে (৭৬.৪৬°ফা)
     ১৮.৫°ছে (৬৫.৩°ফা)

আলং বা আল' (Aalo) উত্তৰ-পূব ভাৰতঅৰুণাচল প্ৰদেশ ৰাজ্যৰ এখন সৰু নগৰ৷ এই নগৰ পশ্চিম ছিয়াং জিলাৰ সদৰ ঠাই৷ আলং নগৰখন অসম আৰু অৰুণাচল সীমান্তৰ লিকাবালিৰ পৰা ২২০ কিলোমিটাৰ দূৰত্বত অৱস্থিত৷ নগৰখনৰ অধিকাংশ লোক গালো জনজাতিৰ৷

জনসংখ্যা[সম্পাদনা কৰক]

২০০১ চনৰ লোকপিয়ল অনুসৰি আলঙৰ জনসংখ্যা ১৬,৮৩৪ জন৷[2] ইয়াৰে ৫৬% পুৰুষ আৰু ৪৪% মহিলা৷ আলঙৰ সাক্ষৰতাৰ হাৰ ৬৯%৷ ইয়াৰে ৭৫% পুৰুষ আৰু ৬১% মহিলা৷ আলঙৰ প্ৰতি ১০০০ গৰাকী পুৰুষৰ বিপৰীতে মহিলাৰ সংখ্যা ৯১৬ গৰাকী৷ নগৰখনৰ জনসংখ্যাৰ ১৫% ছবছৰৰ অনুৰ্দ্ধৰ৷

আলঙৰ সংখ্যাগৰিষ্ঠ লোক গালো জনজাতিৰ৷ ইয়াত ব্যৱহৃত মূল ভাষা হৈছে গালো ভাষা (Galo)৷ নগৰখনৰ অধিকাংশ লোক দ'নী প'ল'ৰ অনুগামী আৰু বাকী লোকসকল খ্ৰীষ্টান, তিব্বতীয় বৌদ্ধ, হিন্দু আৰু ইছলাম ধৰ্মাৱলম্বী৷

যাতায়ত[সম্পাদনা কৰক]

অসমৰ উত্তৰ লখিমপুৰ নগৰৰ পৰা ইটানগৰ সংযোগী পথটোৱে আলং নগৰখনকো সংযোগ কৰিছে৷ আলঙৰ পৰা ইটানগৰলৈ নিয়মীয়া বাছ সেৱা আছে৷ অৰুণাচলৰ পাছিঘাটৰ পৰা আলঙলৈ দুৰত্ব ১০৬ কিমি আৰু ময়িং (Moying) লৈ ১৫০ কিমি৷

আলঙৰ নিকটতম বিমানকোঠটো লিকাবালিত অৱস্থিত৷ লিকাবালিৰ পৰা অসমৰ গুৱাহাটী আৰু ডিব্ৰুগড়লৈ বিমানসেৱা আছে৷

আলঙত এতিয়াও ৰেলসেৱা প্ৰৱৰ্ত্তন হোৱা নাই৷ ইয়াৰ নিকটতম ৰেলৱে ষ্টেচনটো চিলাপথাৰত অৱস্থিত৷[3]

প্ৰচাৰ মাধ্যম[সম্পাদনা কৰক]

আলঙত অল ইণ্ডিয়া ৰেডিঅ’ৰ এটা কেন্দ্ৰ আছে যাক আকাশবাণী আলং নামেৰে জনা যায়৷

সংস্কৃতি[সম্পাদনা কৰক]

আলঙত উদযাপন কৰা প্ৰধান উৎসৱটো হ’ল ম’পিন (Mopin)৷ এই উৎসৱ এপ্ৰিল মাহত পালন কৰা হয়৷ তাৰোপৰি জানুৱাৰী মাহত আলঙত য়’মগ’ নদী উৎসৱ (Yomgo River Festival) পালন কৰা হয়৷ এই উৎসৱৰ প্ৰধান উদেশ্য হৈছে আলঙৰ স্থানীয় কলা-সংস্কৃতিৰ প্ৰচাৰ আৰু প্ৰসাৰৰ জড়িয়তে পৰ্য্যটনৰ বিকাশ কৰা৷

তথ্যসূত্ৰ[সম্পাদনা কৰক]