ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী
IIT Guwahati Logo.svg
মূলমন্ত্ৰ "ज्ञान ही शक्ति है"
ইংৰাজীত মূলমন্ত্ৰ "Knowledge Is Power"
স্থাপিত ১৯৯৪[1]
ধৰণ শিক্ষা আৰু গৱেষণা প্ৰতিষ্ঠান
সঞ্চালক প্ৰফেচাৰ টি জি সীতাৰাম[2]
শৈক্ষিক কৰ্মচাৰী ২৬০[3]
স্নাতক শিক্ষাৰ্থী ২০০০ (অনুমাণিক)
স্নাতকোত্তৰ শিক্ষাৰ্থী ১০০০ (অনুমাণিক)
স্থান গুৱাহাটী, অসম, ভাৰত
26°11′14″N 91°41′30″E / 26.18722°N 91.69167°E / 26.18722; 91.69167স্থানাংক: 26°11′14″N 91°41′30″E / 26.18722°N 91.69167°E / 26.18722; 91.69167
চৌহদ ৭০৩.৯৫ একৰ (২.৮ বৰ্গ কিঃমিঃ)[1]
অন্য নাম আই.আই.টি.জি (IITG)
ৰং ৰঙা (শক্তি),
নীলা (শান্তি),
হালধীয়া (অধ্যৱসায়)
            
ৱেবছাইট www.iitg.ac.in, www.iitg.ernet.in

ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী (ইংৰাজী: Indian Institute of Technology Guwahati, হিন্দী: भारतीय प्रोद्योगिकी संसथान गुवाहाटी, IIT Guwahati, IITG) হৈছে ভাৰতৰ ষষ্ঠখন ভাৰতীয় প্ৰযুক্তিবিদ্যা প্ৰতিষ্ঠান। এই প্ৰযুক্তিবিদ্যাৰ প্ৰতিষ্ঠানখন ভাৰত চৰকাৰে অসমৰ গুৱাহাটীত প্ৰতিষ্ঠা কৰে। ভাৰত চৰকাৰে ভাৰতীয় প্ৰযুক্তিবিদ্যা প্ৰতিষ্ঠান গুৱাহাটীক এখন "ৰাষ্ট্ৰীয় গুৰুত্বপূৰ্ণ প্ৰতিষ্ঠান" (ইংৰাজী: Institute of National Importance) ৰূপে স্বীকৃতি দিছে[4]

ইতিহাস[সম্পাদনা কৰক]

আই.আই.টি. গুৱাহাটীৰ চৌহদ
কোনো এক উচ্চ স্থানৰ পৰা আই.আই.টি. গুৱাহাটীৰ অতিথিশালাৰ দৃশ্য

১৯৮৫ চনত সদৌ অসম ছাত্ৰ সন্থা আৰু ভাৰত চৰকাৰৰ মাজত হোৱা চুক্তি অনুসৰি অসমত শিক্ষাৰ ক্ষেত্ৰত উন্নতি কৰাৰ লক্ষ্যৰে ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী স্থাপন কৰা হয়।

Lecture Hall Complex

১৯৯৪ চনত ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী স্থাপন কৰা হয় যদিও ১৯৯৫ চনৰ পৰাহে শিক্ষাদান আৰম্ভ কৰা হয়[1] ১৯৯৫ চনত ইয়াত বেচেলৰ অফ টেকনল'জীৰ প্ৰথম বাৰ্ষিকৰ ছাত্ৰ-ছাত্ৰীৰ নামভৰ্তি কৰা হয়। আন আন ভাৰতীয় প্ৰযুক্তিবিদ্যা প্ৰতিষ্ঠানসমূহৰ নিচিনাকৈ ইয়াত JEEৰ (Joint Entrance Examination) যোগেদি বি. টেক. পাঠ্যক্ৰমৰ নামভৰ্তি কৰোৱা হয়[5]। ১৯৯৮ চনত প্ৰথম বাৰৰ বাবে GATEৰ (Graduate Aptitude Test in Engineering) যোগেদি এম. টেক. (Master of Technology) পাঠ্যক্ৰমৰ বাবে নামভৰ্তি কৰা হয়।

চৌহদ[সম্পাদনা কৰক]

ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী, ব্ৰহ্মপুত্ৰৰ উত্তৰপাৰে উত্তৰ গুৱাহাটীৰ আমিনগাঁৱত অৱস্থিত। ৭০০ একৰ (২.৮ বৰ্গ কিঃমিঃ) জুৰি ইয়াৰ চৌহদ বিস্তৃত হৈ আছে। গুৱাহাটী মহানগৰৰ পৰা ইয়ালৈ প্ৰায় ২০ কিঃমিঃ। চৌহদৰ একাষে ব্ৰহ্মপুত্ৰ আৰু আনফালৰ পৰা পাহাৰে আগুৰি আছে।[1]

বিভাগ সমূহ[সম্পাদনা কৰক]

ব্ৰহ্মপুত্ৰনদীৰ পাৰত Academic Complex
আই আই টি গুৱাহাটীৰ New Academic Complex (NAC)

ভাৰতীয় প্ৰযুক্তিবিদ্যা প্ৰতিষ্ঠান গুৱাহাটীত থকা বিভাগসমূহ হৈছে:

  • জৈৱপ্ৰযুক্তি বিভাগ
  • ৰাসায়নিক অভিযান্ত্ৰিকী বিভাগ
  • ৰসায়ন বিজ্ঞান বিভাগ
  • চিভিল ইঞ্জিনিয়াৰিং বিভাগ
  • নগৰ তথা আঞ্চলিক পৰিকল্পনা (URP) বিভাগ
  • জল সম্পদ অভিযান্ত্ৰিকী বিভাগ
  • কম্পিউটাৰ চায়েঞ্চ এণ্ড ইঞ্জিনিয়াৰিং বিভাগ
  • Department of Design
  • ইলেকট্ৰনিক্স এণ্ড ইলেকট্ৰকেল ইঞ্জিনিয়াৰিং বিভাগ (পূৰ্বতে ইলেকট্ৰনিক্স এণ্ড কমিউনিকেশ্বন বিভাগ বুলি জনা গৈছিল)
  • Humanities আৰু সমাজ বিজ্ঞান বিভাগ
  • পদাৰ্থ বিজ্ঞান বিভাগ
  • গণিত বিভাগ
  • মেকানিকেল ইঞ্জিনিয়াৰিং বিভাগ
  • ইলেকট্ৰকেল এণ্ড ইলেকট্ৰনিক্স ইঞ্জিনিয়াৰিং বিভাগ
  • ইনডাচট্ৰিয়েল এণ্ড প্ৰডাকচন ইঞ্জিনিয়াৰিং বিভাগ

প্ৰতিষ্ঠানটোৰ উপৰোক্ত বিভাগসমূহে বি.টেক, বি.ডিজাইন, এম.ডিজাইন, এম.টেক, পি.এইচ.ডি., এম.এ (Development Studies) আৰু এম.এচচি.ৰ পাঠ্যক্ৰম প্ৰদান কৰে।

স্থান[সম্পাদনা কৰক]

বিশ্ববিদ্যালয় আৰু মহাবিদ্যালয় মূল্যাংকন
সাধাৰণ – আন্তঃৰাষ্ট্ৰীয়
QS (গোলকীয়) (২০২২)[6] 395
QS (এছিয়া) (২০২১)[7] 117
QS (BRICS) (২০১৯)[8] 48
Times (গোলকীয়) (২০২০)[9] 601–800
Times (এছিয়া) (২০২০)[10] 160
Times (উদীয়মান) (২০২০)[11] 152
সাধাৰণ – ভাৰত
NIRF (সামগ্ৰিকভাৱে) (২০২০)[12] 7
অভিযান্ত্ৰিকী – ভাৰত
NIRF (২০২০)[13] 7
দ্য ৱীক (২০১৯)[14] 6
ইণ্ডিয়া টুডে (২০২০)[15] 6

আন্তঃৰাষ্ট্ৰীয় পৰ্য্যায়ত, আই আই টি গুৱাহাটীয়ে ২০১১ বৰ্ষৰ QS World University Rankingsত ৫৫১-৬০০তম স্থান আৰু ২০১২ বৰ্ষৰ QS Asian University Rankingsত ৮৯তম স্থান লাভ কৰিছে ২০১২ বৰ্ষৰ ভাৰতৰ অভিযান্ত্ৰিক মহাবিদ্যালয় সমূহৰ মাজত ইণ্ডিয়া টুডে-য়ে দশম স্থান (ইংৰাজী: India Today), আউটলুক ইণ্ডিয়া (ইংৰাজী: Outlook India)য়ে অষ্টম স্থান আৰু ডাটাকুৱেষ্ট (ইংৰাজী: Dataquest)-য়ে ২০১১ বৰ্ষৰ ৭তম স্থান প্ৰদান কৰিছে। ২০০৯ চনত মিণ্ট চলোৱা এটা সমীক্ষাত চৰকাৰী মহাবিদ্যালয় সমূহৰ ভিতৰত ষষ্ঠ স্থান প্ৰদান কৰিছে

গৱেষণা কেন্দ্ৰ[সম্পাদনা কৰক]

আই আই টি গুৱাহাটীত মুঠ ছটা গৱেষণা কেন্দ্ৰ আছে। সেইকেইটা হৈছে:

  • Centre for Educational Technology
  • Centre for Nanotechnology
  • Centre for Mass Media Communication
  • Central Instruments Facility
  • Centre for Energy
  • Centre for the Environment

ছাত্ৰাবাস[সম্পাদনা কৰক]

আই আই টি গুৱাহাটীৰ ছাত্ৰাবাস

আই আই টি গুৱাহাটী হৈছে সম্পূৰ্ণ আৱাসিক চৌহদ। সকলো ছাত্ৰ-ছাত্ৰী চৌহদৰ ভিতৰত থকা ছাত্ৰাবাসত থাকে। উত্তৰ-পূব ভাৰতৰ নদী আৰু ইয়াৰ উপনদী সমূহৰ নাম অনুসৰি ছাত্ৰাবাস সমূহৰ নাম ৰখা হৈছে। ছাত্ৰাবাস সমূহৰ নাম হৈছে: মানাহ, দিহিং, কামেং, কপিলী, বৰাক, সোৱণশিৰি, উমিয়াম, দিবং আৰু ব্ৰহ্মপুত্ৰ। আটাইতকৈ ডাঙৰ ছাত্ৰাবাস হৈছে ব্ৰহ্মপুত্ৰ। ইয়াত একেলগে ১১৪০ জন ছাত্ৰ থকাৰ ব্যৱস্থা আছে। ইয়াৰ উপৰিও বিবাহিত স্নাতকোত্তৰ মহলাৰ ছাত্ৰৰ বাবে এটা ছাত্ৰাবাস আছে।


বাৰ্ষিক উৎসৱসমূহ[সম্পাদনা কৰক]

প্ৰত্যেক বছৰে আই আই টি গুৱাহাটীৰ ছাত্ৰ-ছাত্ৰী আৰু প্ৰশাসনে কেইবাটাও উৎসৱ আৰু প্ৰতিযোগিতাৰ আয়োজন কৰে। ইয়াৰ ভিতৰত উল্লেখযোগ্য দুটা উৎসৱ হৈছে Techniche আৰু Alcheringa

Techniche[সম্পাদনা কৰক]

Techniche হৈছে আই আই টি গুৱাহাটীৰ প্ৰযুক্তিবিদ্যা সম্বন্ধীয় উৎসৱ। প্ৰতি বছৰে তিনিদিন ধৰি এই উৎসৱৰ আয়োজন কৰা হয়। ইয়াত বিভিন্ন বিদ্বান লোক আৰু ভাৰতৰ বিভিন্ন বিদ্যালয় আৰু মহাবিদ্যালয়ৰ ছাত্ৰ-ছাত্ৰীসকলক বাৰ্তালাপ ‌আৰু আলোচনা কৰাৰ সুবিধা দিয়া হয়। পি. চিদাম্বৰম, কিৰণ বেদী, এইচ. চি. বৰ্মা, মাইক ফিনকে, জন চি. মেথাৰৰ দৰে প্ৰসিদ্ধ ব্যক্তিসকলে ইয়াত ভাগ লৈছে।

২০১২ চনৰ ৩০ আগষ্টৰ পৰা ২ ছেপ্তেম্বৰলৈকে Techniche ’১২ আই টি গুৱাহাটীত সুকলমে অনুষ্ঠিত হৈ যায়।

Alcheringa[সম্পাদনা কৰক]

Alcheringa হৈছে আই আই টি গুৱাহাটীৰ বাৰ্ষিক সাংস্কৃতিক উৎসৱ। সাধাৰণতে ফেব্ৰুৱাৰী মাহৰ প্ৰথম সপ্তাহত তিনি দিন-চাৰি ৰাতি ধৰি এই উৎসৱ অনুষ্ঠিত হয়। ২০১১ বৰ্ষত ভাৰতৰ প্ৰায় ১৫০খন মহাবিদ্যালয়ৰ প্ৰায় ৪০,০০০ ছাত্ৰ-ছাত্ৰীয়ে অংশ গ্ৰহণ কৰিছিল[16]

অন্যান্য প্ৰতিযোগিতাসমূহ[সম্পাদনা কৰক]

  • মন্থন (Manthan): মহাবিদ্যালয়ৰ ছাত্ৰাবাস সমূহৰ মাজত প্ৰতিবছৰে অনুষ্ঠিত হোৱা সাংস্কৃতিক প্ৰতিযোগিতা।
  • অলফাজ (ইংৰাজী: Alfaaz): প্ৰতিবছৰে অনুষ্ঠিত হোৱা literary উৎসৱ।
  • কৃতি (Kriti): মহাবিদ্যালয়ৰ ছাত্ৰাবাস সমূহৰ মাজত প্ৰতিবছৰে অনুষ্ঠিত হোৱা প্ৰযুক্তিবিদ্যা সম্বন্ধীয় প্ৰতিযোগিতা।
  • স্পৰ্ধা (Spardha): মহাবিদ্যালয়ৰ ছাত্ৰাবাস সমূহৰ মাজত প্ৰতিবছৰে অনুষ্ঠিত হোৱা খেল-ধেমালি প্ৰতিযোগিতা।
  • কলা প্ৰদৰ্শন প্ৰতিযোগিতা ( Performing Arts Festival, PAF): কলা প্ৰদৰ্শনৰ ওপৰত ভিত্তি কৰি প্ৰতি বছৰে এই প্ৰতিযোগিতাৰ আয়োজন কৰা হয়।
  • AdvayaPG: মহাবিদ্যালয়ৰ স্নাতকোত্তৰ মহলাৰ ছাত্ৰ-ছাত্ৰীসকলৰ মাজত এই প্ৰতিযোগিতাৰ আয়োজন কৰা হয়।

ইয়াৰ উপৰিও, ভাৰতৰ বিভিন্ন আই আই টি সমূহৰ মাজত প্ৰতি বছৰে শীত কালত খেল-ধেমালি Inter-IIT Sports Meetৰ আয়োজন কৰা হয়। প্ৰতি বছৰে এই প্ৰতিযোগিতা বিভিন্ন আই আই টিত অনুষ্ঠিত হয়। ২০০৬ চনত, প্ৰথম বাৰৰ বাবে আই আই টি গুৱাহাটীত ৪২তম আই আই টি খেল-ধেমালি প্ৰতিযোগিতাৰ অনুষ্ঠিত হৈছিল।

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 "About - Indian Institute of Technology Guwahati". IIT Guwahati. 2011-01-05. http://www.iitg.ernet.in/aboutus। আহৰণ কৰা হৈছে: 2011-01-05. 
  2. "The IITG Administration". IIT Guwahati. http://www.iitg.ac.in/home/pagesin/7। আহৰণ কৰা হৈছে: 2019-08-06. 
  3. "Director's message, IIT Guwahati". IIT Guwahati. http://www.iitg.ernet.in/placement/mes-dir.html। আহৰণ কৰা হৈছে: 2010-06-15. 
  4. "Institutes of National Importance". The Institute for Studies in Industrial Development (ISID). http://isidev.nic.in/weblink/ini.html। আহৰণ কৰা হৈছে: 2009-01-20. 
  5. "JEE 2009". IIT Guwahati. http://jee.iitg.ernet.in/। আহৰণ কৰা হৈছে: 2009-01-20. 
  6. "QS World University Rankings 2022". QS Quacquarelli Symonds Limited. 2021. https://www.topuniversities.com/university-rankings/world-university-rankings/2022। আহৰণ কৰা হৈছে: 9 June 2021. 
  7. "QS Asia University Rankings 2021". QS Quacquarelli Symonds Limited. 2020. https://www.topuniversities.com/university-rankings/asian-university-rankings/2021. 
  8. "QS BRICS University Rankings 2019". QS Quacquarelli Symonds Limited. 2018. https://www.topuniversities.com/university-rankings/brics-rankings/2019. 
  9. "Top 1000 World University Rankings 2020". Times Higher Education. 2019. https://www.timeshighereducation.com/world-university-rankings/2020/world-ranking. 
  10. "Times Higher Education Asia University Rankings (2020)". Times Higher Education. 2020. https://www.timeshighereducation.com/world-university-rankings/2020/regional-ranking। আহৰণ কৰা হৈছে: 4 June 2020. 
  11. "Times Higher Education Emerging Economies University Rankings (2020)". Times Higher Education. 2020. https://www.timeshighereducation.com/world-university-rankings/2020/emerging-economies-university-rankings। আহৰণ কৰা হৈছে: 13 March 2020. 
  12. "National Institutional Ranking Framework 2020 (Overall)". National Institutional Ranking Framework. Ministry of Education. 2020-06-11. https://www.nirfindia.org/2020/OverallRanking.html. 
  13. "National Institutional Ranking Framework 2020 (Engineering)". National Institutional Ranking Framework. Ministry of Education. 2020-06-11. https://www.nirfindia.org/2020/EngineeringRanking.html. 
  14. Pushkarna, Vijaya (8 June 2019). "Best colleges: THE WEEK-Hansa Research Survey 2019". The Week. https://www.theweek.in/theweek/cover/2019/06/07/best-colleges-the-week-hansa-research-survey-2019.html. 
  15. "Best ENGINEERING Colleges 2020: List of Top ENGINEERING Colleges 2020 in India". indiatoday.in. https://www.indiatoday.in/bestcolleges/2020/ranks/1824927। আহৰণ কৰা হৈছে: 2020-07-13. 
  16. "Alcheringa 2011:The Dream Gets Closer". The Meghalaya Guardian,Page 3. 17 January 2011. http://mg.glpublications.in/epapermain.aspx?queryed=9&eddate=01%2f17%2f2011. 

বাহ্যিক সংযোগ[সম্পাদনা কৰক]